गालाटि 1
1
1ग साब्चिरा काङा सॆक्ढुङ्पा पावलऎ साब्मिम्पा यो। काङा चाइ याॽमिचिबाङ् आठावा याॽमिचिऎ लोमिम्पासॆ सॆःक्ढुङ्पा लिमिम्पा हॆॽङानॆ, टर येसु खिरिस्ट हाङ् खो सिखॆम्पाबाङ् हिङ्पॽमिक्खुबा निवाँहाङ् आपाबाङ् लिःडिङॆ यो। 2ग साब्चिरा चाइ काङा पावल हाङ् काङानुङ् गुबि चुखुबा चोब्न बुबुनानुसाचिबाङ् गालाटिबिहा मान्डालिचि साब्मॆ पाइकुङ्चि।
3निवाँहाङ् कानिम् आपा हाङ् पारभु येसु खिरिस्टऎ आन्ना नाम्नावाँ नुङ् सान्टि पिट्टानिर। 4कानि ग हिङ्वा नुङ्मा बाखाटेम्बाङ् हिङ्पमिॽमाम् लागि येसुऎ निवाँहाङ् कानिम् आपामि निवाँ रक्न खोम् हिङ्खामा सङ्टिबिॽइटु। 5हानाम्स निवाँहाङ्मि निङ्लावा लिःढाङ्र। आमेन।
हुन्नहा खानावाँ चिन्खुबाचि आटिङाम्चिनॆ
6निवाँहाङ्ऎ आन्ना खिरिस्टमि नाम्नावाँबि हिङ्चासि सेःरानि, टर काङा आन्नानुङ् फोःफोः आक्खॆःडिङ् मान्ठाभनॆ आन्नॆ ग ऎक्छक्पि आन्नामि निवाँ होइकन मुःॽडाम्नि हाङ् हुन्नऎ खानावाँ टिङ्पःडाम्नि। 7चाइबान लोमार होइक नुऎ खानावाँ माआ। काङॆ ग खानावाँ लोकानि मान्ठाभनॆ ऎॽवा याॽमिचिऎ आन्ना फोःप्ढाङ्मॆ पाइकानि हाङ् खिरिस्टमि नुऎ खानावाँ टेराङ्गे टेराङ्गे इःमे पाइकुचि। 8टर काङ्कॆॽन आठावा पारुबिऎ निवाँखाटॆखुबाऎन सङ्क काङ्कॆ आन्ना खेम्मिॽमिम्पा नुऎ खानावाँबाङ् होइकन खानावाँ खेम्मिःटा हाङ्ग, निवाँहाङ्ऎ खोचि नाःसॆलॆटुचिर। 9हाङ् काङ्कॆ आन्ना याॽलिन लोडानि हाङ् होइखेपा सङ्क कॆ लोकानि, आसॆ चाइ आन्नॆ याॽलिन निवाँयुङ् लॆःॽमिम्पाबाङ् होइकन खानावाँ खेम्मि, निवाँहाङ्मि चाप्हिमा आक्क सक्पि सिॽल।
10काङा गरहाङ् यामुःॽङा मान्ठाभनॆ काङॆ याॽमिचि चेन्चामिॽमा यक्मिम्पा हॆॽनॆ। निवाँहाङ् चेन्चामिॽमा मिःकुङ। हस काङॆ याॽमिचि चेन्चामिॽमा मिःकुङ्चि हाङ्ग काङा खिरिस्टमि योम्पक् मुखुबा याॽमि आलिखुबा लॆटिङ।
पावलमि खानावाँ खिरिस्टबाङ्ऎ
11बुबुनानुसाचि, आन्नॆ ग खानावाँ वाबाम्नॆ कामानुङ् मिनुॽङा, काङॆ खेम्मिॽमिम्पा नुऎ खानावाँ चाइ याॽमिमि निवाँबाङ् टामिम्पा हॆॽनॆ। 12मान्ठाभनॆ ग खानावाँ चाइ काङॆ याॽमिबाङ् टक्चामिम्पा हॆॽनॆ हाङ् याॽमिचिऎ काङा चिन्मिम्पा स हॆॽनॆ। टर ग खानावाँ चाइ काङॆ येसु खिरिस्टऎन खाङ्मिःडिङॆ खानावाँ यो।
13काङा याहुडि निवाँनेन् लाम्फुबि लाम्ढुयुक्सिङ्र काङामि हिङ्खामा मान्टक्मा लॆःटॆ हाङ् निवाँहाङ्बि निवाँयुङ् लॆखुबा खिरिस्टमि याॽमिचि एट्टान डुखा पिट्टुङ्चि लोमॆ आन्नॆ लेकाम्निन। खोचि लुक्पिॽमामि लागि काङा हेःर पाइटिङ। 14काङॆ काङामि पाप्पा टुबाचिऎ मुःकॆॽमिम्पा खानावाँ नुःर निवाँ टिःसे मुःकॆटुङ। हाङ् आक्खा योम्पक् यिक्माबि काङॆ काङामि चोब्न याहुडि लाङ्काम्चि हेचाइटुङ्चि।
15टर काङा जान्म लिमाबाङ् याॽलन निवाँहाङ्ऎ खोम् नाम्नावाँबाङ् खोम् योम्पक् मुमाम् लागि काङा फागिङ् हाङ् सॆःगिङ। 16हाङ् काङाबाङ् येसुमि नुऎ खानावाँ हॆॽनिबारॆक्चिम् लुम्पि खेम्मिॽमाम् लागि खोसॆ खोम् पासा काङा खाङ्मिटिङ। आक्र लिःसा हाङ् मरक्लन खानावाँ वाप्सि काङा आसाबिस मान्खॆःॽङा। 17हाङ् काङाबाङ् याॽलन सॆःक्ढुङ्पा लिखुबाचि चुब्सि यारूसालेम मान्खॆॽङा। टर मरक्लन काङा आराब हाङटेम् खारिङ् हाङ् डॆङ्पि डामास्कास यिॽमॆ हाटाबि ऎम्पकिङ।
18हाङ् सुम्चि निङ् डॆङ्पि टेःॽन पाट्रुस चुब्सि काङा यारुसालेम खारिङ् हाङ् खोनुङ् एपङ्ङा डिना पेनिङ। 19टर आक्कुबि काङॆ पारभु येसुमि नुसा याकुबबाङ् होइक सॆःक्ढुङ्पा आसास मान्चुब्ङाचि। 20काङॆ साब्डुङॆ इघा खानावाँ चाइ चाइबानऎ लोमॆ निवाँहाङ्ऎ लेःकु। काङा आन्नानुङ् बङ्चाङानि।
21आक्क डॆङ्पि काङा सिरिया नुङ् किलाकियाबिहा ठालबि खारिङ। 22आक्रॽलढारि याहुडियाबिहा खिरिस्टबि निवाँयुङ् लॆखुबा बुबुनानुसाचिऎ काङा माखाङ्मिम्पा लॆटिङ्मि। 23खोचिऎ “याॽल कानि डुखा पिक्खुबा याॽमिऎ खोसॆ सिच्चामिम्पा निवाँयुङ्न गरक्ल याॽमिचि खेम्मिॽमॆ पाइकुचि हेःम” कामानुङ् याॽमिचिऎ इमिम्पा खानावाँ टेः खेम्मिम्पा लॆटुचि। 24मसॆ काङा होइकन याॽमि लिबःग्डिङॆसॆ निवाँहाङ्मि निङ् ठेरूचि।
ទើបបានជ្រើសរើសហើយ៖
गालाटि 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
गालाटि 1
1
1ग साब्चिरा काङा सॆक्ढुङ्पा पावलऎ साब्मिम्पा यो। काङा चाइ याॽमिचिबाङ् आठावा याॽमिचिऎ लोमिम्पासॆ सॆःक्ढुङ्पा लिमिम्पा हॆॽङानॆ, टर येसु खिरिस्ट हाङ् खो सिखॆम्पाबाङ् हिङ्पॽमिक्खुबा निवाँहाङ् आपाबाङ् लिःडिङॆ यो। 2ग साब्चिरा चाइ काङा पावल हाङ् काङानुङ् गुबि चुखुबा चोब्न बुबुनानुसाचिबाङ् गालाटिबिहा मान्डालिचि साब्मॆ पाइकुङ्चि।
3निवाँहाङ् कानिम् आपा हाङ् पारभु येसु खिरिस्टऎ आन्ना नाम्नावाँ नुङ् सान्टि पिट्टानिर। 4कानि ग हिङ्वा नुङ्मा बाखाटेम्बाङ् हिङ्पमिॽमाम् लागि येसुऎ निवाँहाङ् कानिम् आपामि निवाँ रक्न खोम् हिङ्खामा सङ्टिबिॽइटु। 5हानाम्स निवाँहाङ्मि निङ्लावा लिःढाङ्र। आमेन।
हुन्नहा खानावाँ चिन्खुबाचि आटिङाम्चिनॆ
6निवाँहाङ्ऎ आन्ना खिरिस्टमि नाम्नावाँबि हिङ्चासि सेःरानि, टर काङा आन्नानुङ् फोःफोः आक्खॆःडिङ् मान्ठाभनॆ आन्नॆ ग ऎक्छक्पि आन्नामि निवाँ होइकन मुःॽडाम्नि हाङ् हुन्नऎ खानावाँ टिङ्पःडाम्नि। 7चाइबान लोमार होइक नुऎ खानावाँ माआ। काङॆ ग खानावाँ लोकानि मान्ठाभनॆ ऎॽवा याॽमिचिऎ आन्ना फोःप्ढाङ्मॆ पाइकानि हाङ् खिरिस्टमि नुऎ खानावाँ टेराङ्गे टेराङ्गे इःमे पाइकुचि। 8टर काङ्कॆॽन आठावा पारुबिऎ निवाँखाटॆखुबाऎन सङ्क काङ्कॆ आन्ना खेम्मिॽमिम्पा नुऎ खानावाँबाङ् होइकन खानावाँ खेम्मिःटा हाङ्ग, निवाँहाङ्ऎ खोचि नाःसॆलॆटुचिर। 9हाङ् काङ्कॆ आन्ना याॽलिन लोडानि हाङ् होइखेपा सङ्क कॆ लोकानि, आसॆ चाइ आन्नॆ याॽलिन निवाँयुङ् लॆःॽमिम्पाबाङ् होइकन खानावाँ खेम्मि, निवाँहाङ्मि चाप्हिमा आक्क सक्पि सिॽल।
10काङा गरहाङ् यामुःॽङा मान्ठाभनॆ काङॆ याॽमिचि चेन्चामिॽमा यक्मिम्पा हॆॽनॆ। निवाँहाङ् चेन्चामिॽमा मिःकुङ। हस काङॆ याॽमिचि चेन्चामिॽमा मिःकुङ्चि हाङ्ग काङा खिरिस्टमि योम्पक् मुखुबा याॽमि आलिखुबा लॆटिङ।
पावलमि खानावाँ खिरिस्टबाङ्ऎ
11बुबुनानुसाचि, आन्नॆ ग खानावाँ वाबाम्नॆ कामानुङ् मिनुॽङा, काङॆ खेम्मिॽमिम्पा नुऎ खानावाँ चाइ याॽमिमि निवाँबाङ् टामिम्पा हॆॽनॆ। 12मान्ठाभनॆ ग खानावाँ चाइ काङॆ याॽमिबाङ् टक्चामिम्पा हॆॽनॆ हाङ् याॽमिचिऎ काङा चिन्मिम्पा स हॆॽनॆ। टर ग खानावाँ चाइ काङॆ येसु खिरिस्टऎन खाङ्मिःडिङॆ खानावाँ यो।
13काङा याहुडि निवाँनेन् लाम्फुबि लाम्ढुयुक्सिङ्र काङामि हिङ्खामा मान्टक्मा लॆःटॆ हाङ् निवाँहाङ्बि निवाँयुङ् लॆखुबा खिरिस्टमि याॽमिचि एट्टान डुखा पिट्टुङ्चि लोमॆ आन्नॆ लेकाम्निन। खोचि लुक्पिॽमामि लागि काङा हेःर पाइटिङ। 14काङॆ काङामि पाप्पा टुबाचिऎ मुःकॆॽमिम्पा खानावाँ नुःर निवाँ टिःसे मुःकॆटुङ। हाङ् आक्खा योम्पक् यिक्माबि काङॆ काङामि चोब्न याहुडि लाङ्काम्चि हेचाइटुङ्चि।
15टर काङा जान्म लिमाबाङ् याॽलन निवाँहाङ्ऎ खोम् नाम्नावाँबाङ् खोम् योम्पक् मुमाम् लागि काङा फागिङ् हाङ् सॆःगिङ। 16हाङ् काङाबाङ् येसुमि नुऎ खानावाँ हॆॽनिबारॆक्चिम् लुम्पि खेम्मिॽमाम् लागि खोसॆ खोम् पासा काङा खाङ्मिटिङ। आक्र लिःसा हाङ् मरक्लन खानावाँ वाप्सि काङा आसाबिस मान्खॆःॽङा। 17हाङ् काङाबाङ् याॽलन सॆःक्ढुङ्पा लिखुबाचि चुब्सि यारूसालेम मान्खॆॽङा। टर मरक्लन काङा आराब हाङटेम् खारिङ् हाङ् डॆङ्पि डामास्कास यिॽमॆ हाटाबि ऎम्पकिङ।
18हाङ् सुम्चि निङ् डॆङ्पि टेःॽन पाट्रुस चुब्सि काङा यारुसालेम खारिङ् हाङ् खोनुङ् एपङ्ङा डिना पेनिङ। 19टर आक्कुबि काङॆ पारभु येसुमि नुसा याकुबबाङ् होइक सॆःक्ढुङ्पा आसास मान्चुब्ङाचि। 20काङॆ साब्डुङॆ इघा खानावाँ चाइ चाइबानऎ लोमॆ निवाँहाङ्ऎ लेःकु। काङा आन्नानुङ् बङ्चाङानि।
21आक्क डॆङ्पि काङा सिरिया नुङ् किलाकियाबिहा ठालबि खारिङ। 22आक्रॽलढारि याहुडियाबिहा खिरिस्टबि निवाँयुङ् लॆखुबा बुबुनानुसाचिऎ काङा माखाङ्मिम्पा लॆटिङ्मि। 23खोचिऎ “याॽल कानि डुखा पिक्खुबा याॽमिऎ खोसॆ सिच्चामिम्पा निवाँयुङ्न गरक्ल याॽमिचि खेम्मिॽमॆ पाइकुचि हेःम” कामानुङ् याॽमिचिऎ इमिम्पा खानावाँ टेः खेम्मिम्पा लॆटुचि। 24मसॆ काङा होइकन याॽमि लिबःग्डिङॆसॆ निवाँहाङ्मि निङ् ठेरूचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society