एफिसि मिःक्म खानावाँ
मिःक्म खानावाँ
ग साब्चिरा पावलऎ एफिसास हाटाबिहा खिरिस्टबि निवाँयुङ् लॆखुबा याॽमिचि साब्मिम्पा लॆटुचि। ग साब्चिराबि खोसॆ निवाँहाङ्मि निवाँ रक्न पारु नुङ् बाखाटेम्बिहा चोब्न खानावाँ खिरिस्टमि ढुप्पाट्ट हङ्सि लिः कामानुङ् इःकु। हाङ् खोसॆ निवाँयुङ् लॆखुबा याॽमिचि निवाँहाङ्मि निवाँ रक्न टङ्चासे पेनानॆ कामानुङ् लोडुचि। हाङ् पावलऎ ग साब्चिराबि खिरिस्टमि निङ्पि बाखाटेम्पिहा चोब्न याॽमिचि एक्कन लिःमॆ खानावाँ इःकु।
ग साब्चिराबि याॽल गरक्मा खानावाँ साब्डा निवाँहाङ् आपाऎ टाङ्पामि याॽमिचि सॆःगुचि हाङ् आक्खाचि खोम् पासा येसु खिरिस्टबाङ् उम्चि हिङ्वा सःक्पिटुचि हाङ् निवाँहाङ्मि ढ्या चुप्लाङ् सॆङ्सॆङॆ लावाबाङ् चाइबानऎ यो कामानुङ् खाङ्मिटुचि। हाङ् लुम्पिहा खानावाँऎ गरहाङ् हिङ्चामा लॆः कामानुङ् इःकु। खिरिस्टबि निवाँयुङ् लॆखुबा याॽमिचिऎ एक्क निवाँ मुःमानुङ् टङ्चासे हिङ्खामाबि येसु खिरिस्ट खाङ्मिॽमा लॆः।
निवाँहाङ्मि याॽमिचि टङ्चामॆ खानावाँ खाङ्मिॽमाम् लागि ग साब्चिराबि गरहा यिङ्मानुङ् इमिम्पा खानावाँ चुः मान्डालि चाइ सालुङ् रक्मान, निङ्टवाँ चाइ खिरिस्ट यो। मान्डालि एक्क खिम रक्मान यो, गमि एट्टान योम्पक् पिक्खुबा लुङ्कॽवा चाइ खिरिस्ट रेम। हाङ् मान्डालि चाइ एक्क खिम्टाङ्मा रक्मा रेम। हाङ् खोम् खिम्टाङ्पा चाइ खिरिस्ट न रेम। ग साब्चिराबि होइढा सङ्क ऎट्टान काम्नुहा खानावाँ साब्डा निवाँहाङ्ऎ खिरिस्ट कानिमि लागि सङ्टिॽमाम् लागि पिॽमिम्पा खानावाँ, यङ्मिॽमॆ खानावाँ, नाम्नावाँ, सॆङ्सॆङॆ लिःमॆ खानावाँ हाङ् खिरिस्टमि नाम्नाम् पिसिॽमॆ खानावाँ।
गुबि चुहा खानावाँ
मिःक्म खानावाँ १:१-२
खिरिस्ट हाङ् मान्डालि १:३-३:२१
खिरिस्टबि चुऎ उम्चङ् हिङ्खामा ४:१-६:२०
लुक्पिॽमिम्पा खानावाँ ६:२१-२४
ទើបបានជ្រើសរើសហើយ៖
एफिसि मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society