एफिसि 2
2
सिखॆॽमॆबाङ् हिङ्खामाबि खॆॽमॆ
1लोमिम्पा माखेन्मिम्पासॆ हाङ् आन्नामि हिङ्वाऎ आन्ना सिखॆॽमिम्पा लॆटानि। 2आक्रल आन्ना बाखाटेम्पिऎ याॽमिचिर पाइयुक्सानि। हाङ् नाम्फलिॽवाबिहा चॆक्मावामि ढुप्पाट्ट हङ्सिॽयु चुआनि। निवाँहाङ्ऎ लोमिम्पा आखेम्खुबा आक्खा याॽमिचि रेम, निवाँहाङ्ऎ खोम् हुक्पि युङ्डुचि। 3चोब्न काङ्का सङ्क याॽलि आक्खाचि रक्मान लॆॽयुङ्सिङ्का हाङ् सालुङ्ऎ ङागुकुवॆ खानावाँ टिङ्युक्सुङ्का हाङ् आक्कम्न लाम्फु लाम्ढुयुक्सिङ्का। कानिमि लाम्फु रक्न ग होइढा याॽमिचि रक्न कानिऎ सङ्क निवाँहाङ्बाङ् डान्डा टक्चामा लॆटिहा।
4टर निवाँहाङ्ऎ कानि एट्टान नाम्नाम् पिसिटि हाङ् ढ्या नाम्नावाँ खाङ्मिटि। 5हाङ् लोमिम्पा माखेन्मिम्पासॆ कानि लावाबि सिखारि हाङ्स, खोसॆ कानि खिरिस्ट नुङ्न सोरि हिङ्पःमिःॽडि। हाङ् आन्ना हिङ्चा मिॽमिम्पा स निवाँहाङ्मि नाम्नावाँऎन यो। 6हाङ् कानि खिरिस्ट नुङ् लिमिम्पासॆ, निवाँहाङ्ऎ कानि सङ्क हिङ्पॽमिट्टि। हाङ् खोनुङ्न पारुबि पेन्मिटि। 7आक्खा चोब्न योम्पक् खोसॆ कानि सक्पि खोम् ङेनःङेप्हिनॆ नाम्नावाँ खाङ्मिॽमाम् लागि लॆःॽमिम्पा लॆटु। खिरिस्टबाङ् निवाँहाङ्ऎ कानि आक्क नाम्नावाँ पिॽमिम्पासॆ आक्क नाम्नावाँ कानिनुङ् हानाम्स लिःढाङ। 8मान्ठाभनॆ आन्ना निवाँहाङ्मि नाम्नावाँऎ आन्नामि निवाँयुङ्बाङ् हिङ्चाडानिहा याॽमिचि यो। आन्ना टाङ्पा पाइमिम्पासॆ हिङ्चामिम्पा हॆॽनॆ, टर गग आन्नामि लागि निवाँहाङ्मि बारडानान रेम। 9गग आन्नामि योम्पक्ऎ हॆॽनॆ, मसॆ आन्नॆ काङानङाये मिन्मॆ माङ्स खानावाँन माआ। 10मान्ठाभनॆ कानिमि हिङ्खामाबाङ् खोम काम्नुःहा योम्पक् मुमा कामानुङ् निवाँहाङ्ऎ कानि खिरिस्ट येसुबि सिरिस्टि लॆटि। कानिऎ आक्खा काम्नुःहा योम्पक् यिगुचिर कामानुङ खोसॆ याॽलन मुःबकि।
11मसॆ याॽल आन्ना मान्टक्मा याॽमि लॆटानिहा लोमॆ आन्ना हॆॽनिबारॆक्चिऎ मिॽलापाम्नॆ। टाङ्पामि सालुङ्पि याॽमिमि हुक्बाङ् खाट्ना लॆखुबाचिऎ आन्ना खाट्ना मॆट्डिङ्मा याॽमिचि कामानुङ् लोयुङ्सानि। 12आक्रल आन्ना खिरिस्ट आलेखुबा याॽमिचि लॆटानि। निवाँहाङ्ऎ सॆःक्मिम्पा इस्राएलि जाटिचिनुङ् माङ्स योम्पक् माऎ होइक हाङ्टेम्बिऎ याॽमि लॆटानि। हाङ् निवाँहाङ्ऎ हिक्मिम्पा चुप्लाङ् नुङ् आन्नामि माङ्स खानावाँ माचु। हाङ् आन्ना बाखाटेम्पि माङ्स आस मॆड्डिङ्मा निवाँहाङ्बि माआनिहा याॽमिचि लॆटानि। 13टर खिरिस्ट येसुबाङ मॆॽयङ् चुखुबा आन्ना ह चाइ खिरिस्टऎ खोम् हारि अङ्मिसे निवाँहाङ्मि नेन्टाङ् लाःटॆडानि। 14मान्ठाभनॆ कानिबि सान्टि लाटॆखुबा खोन यो। खोसॆ खोम् हारि कुरुसाबि अङ्मिसे याहुडिचि हाङ् हॆॽनिबारेक्चि एक्कन मुःडुचि। हाङ् कानिऎ एक्कसॆ होइक ऎखाङ्टिहिमॆ मुखुबा कानिमि लुम्पि चुऎ चिचिङ् लाबहाङ्डु। 15खोसॆ इस्राएलि नुङ् हॆॽनिबारॆक्चि एक्कन उम्चङ् जाटिचि मुमाम् लागि खोम् सालुङ्पि यायेॽमा हाङ् आक्क रक्न पाइमा लॆहा खानावाँ लाराङ्सु। 16हाङ् याहुडि नुङ् हॆॽनिबारेक्चिम् लुम्पि चुऎ चिचिङ् लाबक्माम् लागि हाङ् खोचि एक्कन जाटि मुसे निवाँहाङ्बि टॆःॽमाम् लागि खो कुरुसाबि सिखारा। 17खो टाआहाङ निवाँहाङ्मि कॆक्पि चुःक्मिहा इस्राएलिचि हाङ् मॆअङ् चुःक्मिहा हॆॽनिबारॆक्चिमि लुम्पि टङ्चामा लॆऎ नुऎ खानावाँ खेम्मिटुचिमि। 18मान्ठाभनॆ खोबाङ्न कानि याहुडि नुङ् हॆॽनिबारेक्चिऎ एक्कन सॆङ्सॆङॆ लावा टक्चासे आपाबि खॆट्टडि।
19मसॆ ह आन्ना हॆॽनिबारॆक्चि होइक हाङ्टेम्बिहा मालेमिम्पा याॽमिचि हॆॽनॆ, टर ह आन्ना निवाँहाङ्मि याॽमिचि नुङ् एक्कन लिःडानि हाङ् निवाँहाङ्मि खिम्पिहा याॽमिचि लिःडानि। 20सॆःक्ढुङ्पाचि हाङ् निवाँहाङ्मि खानावाँ लोखुबाचिऎ टोमिम्पा आक्क ठालबि हेब्मिम्पा खिम् आन्ना सङ्क यो। हाङ् खिरिस्ट येसु चाइ आक्क खिम्मि चोब्बाङ् योम्पक् पिक्खुबा लुङ्कॽवा यो। 21हाङ् खोसॆ कानि नुःर खोनुङ्न चःक्डि हाङ् कानि पारभुमि लागि सॆङ्सॆङॆ निवाँहाङ्मि खिम् लिःसे खॆॽमे पाइकि। 22हाङ् आन्ना सङ्क होइढा याॽमिचि नुङ् आक्क खिम् रक्न पुःमे पाइकानि। आक्कुबि निवाँहाङ्मि लावा पेनुक्।
ទើបបានជ្រើសរើសហើយ៖
एफिसि 2: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
एफिसि 2
2
सिखॆॽमॆबाङ् हिङ्खामाबि खॆॽमॆ
1लोमिम्पा माखेन्मिम्पासॆ हाङ् आन्नामि हिङ्वाऎ आन्ना सिखॆॽमिम्पा लॆटानि। 2आक्रल आन्ना बाखाटेम्पिऎ याॽमिचिर पाइयुक्सानि। हाङ् नाम्फलिॽवाबिहा चॆक्मावामि ढुप्पाट्ट हङ्सिॽयु चुआनि। निवाँहाङ्ऎ लोमिम्पा आखेम्खुबा आक्खा याॽमिचि रेम, निवाँहाङ्ऎ खोम् हुक्पि युङ्डुचि। 3चोब्न काङ्का सङ्क याॽलि आक्खाचि रक्मान लॆॽयुङ्सिङ्का हाङ् सालुङ्ऎ ङागुकुवॆ खानावाँ टिङ्युक्सुङ्का हाङ् आक्कम्न लाम्फु लाम्ढुयुक्सिङ्का। कानिमि लाम्फु रक्न ग होइढा याॽमिचि रक्न कानिऎ सङ्क निवाँहाङ्बाङ् डान्डा टक्चामा लॆटिहा।
4टर निवाँहाङ्ऎ कानि एट्टान नाम्नाम् पिसिटि हाङ् ढ्या नाम्नावाँ खाङ्मिटि। 5हाङ् लोमिम्पा माखेन्मिम्पासॆ कानि लावाबि सिखारि हाङ्स, खोसॆ कानि खिरिस्ट नुङ्न सोरि हिङ्पःमिःॽडि। हाङ् आन्ना हिङ्चा मिॽमिम्पा स निवाँहाङ्मि नाम्नावाँऎन यो। 6हाङ् कानि खिरिस्ट नुङ् लिमिम्पासॆ, निवाँहाङ्ऎ कानि सङ्क हिङ्पॽमिट्टि। हाङ् खोनुङ्न पारुबि पेन्मिटि। 7आक्खा चोब्न योम्पक् खोसॆ कानि सक्पि खोम् ङेनःङेप्हिनॆ नाम्नावाँ खाङ्मिॽमाम् लागि लॆःॽमिम्पा लॆटु। खिरिस्टबाङ् निवाँहाङ्ऎ कानि आक्क नाम्नावाँ पिॽमिम्पासॆ आक्क नाम्नावाँ कानिनुङ् हानाम्स लिःढाङ। 8मान्ठाभनॆ आन्ना निवाँहाङ्मि नाम्नावाँऎ आन्नामि निवाँयुङ्बाङ् हिङ्चाडानिहा याॽमिचि यो। आन्ना टाङ्पा पाइमिम्पासॆ हिङ्चामिम्पा हॆॽनॆ, टर गग आन्नामि लागि निवाँहाङ्मि बारडानान रेम। 9गग आन्नामि योम्पक्ऎ हॆॽनॆ, मसॆ आन्नॆ काङानङाये मिन्मॆ माङ्स खानावाँन माआ। 10मान्ठाभनॆ कानिमि हिङ्खामाबाङ् खोम काम्नुःहा योम्पक् मुमा कामानुङ् निवाँहाङ्ऎ कानि खिरिस्ट येसुबि सिरिस्टि लॆटि। कानिऎ आक्खा काम्नुःहा योम्पक् यिगुचिर कामानुङ खोसॆ याॽलन मुःबकि।
11मसॆ याॽल आन्ना मान्टक्मा याॽमि लॆटानिहा लोमॆ आन्ना हॆॽनिबारॆक्चिऎ मिॽलापाम्नॆ। टाङ्पामि सालुङ्पि याॽमिमि हुक्बाङ् खाट्ना लॆखुबाचिऎ आन्ना खाट्ना मॆट्डिङ्मा याॽमिचि कामानुङ् लोयुङ्सानि। 12आक्रल आन्ना खिरिस्ट आलेखुबा याॽमिचि लॆटानि। निवाँहाङ्ऎ सॆःक्मिम्पा इस्राएलि जाटिचिनुङ् माङ्स योम्पक् माऎ होइक हाङ्टेम्बिऎ याॽमि लॆटानि। हाङ् निवाँहाङ्ऎ हिक्मिम्पा चुप्लाङ् नुङ् आन्नामि माङ्स खानावाँ माचु। हाङ् आन्ना बाखाटेम्पि माङ्स आस मॆड्डिङ्मा निवाँहाङ्बि माआनिहा याॽमिचि लॆटानि। 13टर खिरिस्ट येसुबाङ मॆॽयङ् चुखुबा आन्ना ह चाइ खिरिस्टऎ खोम् हारि अङ्मिसे निवाँहाङ्मि नेन्टाङ् लाःटॆडानि। 14मान्ठाभनॆ कानिबि सान्टि लाटॆखुबा खोन यो। खोसॆ खोम् हारि कुरुसाबि अङ्मिसे याहुडिचि हाङ् हॆॽनिबारेक्चि एक्कन मुःडुचि। हाङ् कानिऎ एक्कसॆ होइक ऎखाङ्टिहिमॆ मुखुबा कानिमि लुम्पि चुऎ चिचिङ् लाबहाङ्डु। 15खोसॆ इस्राएलि नुङ् हॆॽनिबारॆक्चि एक्कन उम्चङ् जाटिचि मुमाम् लागि खोम् सालुङ्पि यायेॽमा हाङ् आक्क रक्न पाइमा लॆहा खानावाँ लाराङ्सु। 16हाङ् याहुडि नुङ् हॆॽनिबारेक्चिम् लुम्पि चुऎ चिचिङ् लाबक्माम् लागि हाङ् खोचि एक्कन जाटि मुसे निवाँहाङ्बि टॆःॽमाम् लागि खो कुरुसाबि सिखारा। 17खो टाआहाङ निवाँहाङ्मि कॆक्पि चुःक्मिहा इस्राएलिचि हाङ् मॆअङ् चुःक्मिहा हॆॽनिबारॆक्चिमि लुम्पि टङ्चामा लॆऎ नुऎ खानावाँ खेम्मिटुचिमि। 18मान्ठाभनॆ खोबाङ्न कानि याहुडि नुङ् हॆॽनिबारेक्चिऎ एक्कन सॆङ्सॆङॆ लावा टक्चासे आपाबि खॆट्टडि।
19मसॆ ह आन्ना हॆॽनिबारॆक्चि होइक हाङ्टेम्बिहा मालेमिम्पा याॽमिचि हॆॽनॆ, टर ह आन्ना निवाँहाङ्मि याॽमिचि नुङ् एक्कन लिःडानि हाङ् निवाँहाङ्मि खिम्पिहा याॽमिचि लिःडानि। 20सॆःक्ढुङ्पाचि हाङ् निवाँहाङ्मि खानावाँ लोखुबाचिऎ टोमिम्पा आक्क ठालबि हेब्मिम्पा खिम् आन्ना सङ्क यो। हाङ् खिरिस्ट येसु चाइ आक्क खिम्मि चोब्बाङ् योम्पक् पिक्खुबा लुङ्कॽवा यो। 21हाङ् खोसॆ कानि नुःर खोनुङ्न चःक्डि हाङ् कानि पारभुमि लागि सॆङ्सॆङॆ निवाँहाङ्मि खिम् लिःसे खॆॽमे पाइकि। 22हाङ् आन्ना सङ्क होइढा याॽमिचि नुङ् आक्क खिम् रक्न पुःमे पाइकानि। आक्कुबि निवाँहाङ्मि लावा पेनुक्।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society