एफिसि 1
1
1काङा पावलऎ ग साब्चिरा एफिसस लोमॆ हाटाबि पेन्खुबा येसु खिरिस्टबि निवाँयुङ् लॆखुबा याॽमिचिमि लागि साप्हाङ्मे पाइकुङ्चि। काङा निवाँहाङ्मि निवाँ रक्न सॆःक्ढुङ्पा लिःडिङॆ यो। 2कानिम् निवाँहाङ् आपा हाङ् पारभु येसु खिरिस्टमि नाम्नावाँ नुङ टङ्चामॆ खानावाँ आन्नानुङ् लिःर।
लावामि आसिका
3कानिम् पारभु येसु खिरिस्टमि आपा निवाँहाङ्मि निङ्लावा लिःर, मान्ठाभनॆ खोसॆ खिरिस्टबाङ् कानि पारुबाङ् लावाबिहा चोब्न खानावाँबि आसिका पिःडि। 4मान्ठाभनॆ खोम् ङारिङ्पि सॆङ्सॆङॆ हाङ् आब्डिक् मॆड्डिङमा लिसिर कामानुङ् खोसॆ बाखाटेम् मुमाबाङ्स याॽलन खिरिस्टबि कानि सॆःगि। 5खोसॆ कानि नाम्नाम् पिस्सिॽमिम्पासॆ खोम् निवाँ रक्न खिरिस्टबाङ् कानि खोम् टाङ्पामि पासाचि मुसिम्पा लॆटि। 6मसॆ खोसॆ खोमि आक्रक्मा ढ्या नाम्नावाँ खोमि नाम्नाम् पिसिॽमिम्पा पासाबाङ् कानि मरक्न पिॽमिम्पासॆ निवाँहाङ्मि निङ्लावा लिःर।
7खिरिस्टऎ खोम् सालुङ्बाङ् हारि अङ्मिसे सिखॆम्पासॆ कानिम् हिङ्वा यङ्निपिडि हाङ् कानि हिङ्वाबाङ् फाःग्डि। चाइबान निवाँहाङ्मि नाम्नावाँ एट्टान ढ्या लॆः। 8आक्क नाम्नावाँन खोसॆ कानि खेःॽल पिट्टि। 9हाङ् निवाँहाङ्मि मिनमिॽलाहिनॆ निवाँ हाङ् चेन्टुबाँ खोसॆ कानि खिरिस्टऎ यिक्मिम्पा योम्पक्बाङ् खोमि चुम्मिम्पा खानावाँ खाङ्मिटि। 10हाङ् खोसॆ मिन्मिम्पा खानावाँ चाइ माङ्भनॆ, खोम् नुऎ लःबि पारु नुङ् बाखाटेम् हाङ् आक्कुबि चुःक्मिहा चोब्न ठःका खिरिस्टमि ढुप्पाट्टबि टॆःॽमॆ यो। 11मान्ठाभनॆ चोब्न खानावाँ निवाँहाङ्मि निवाँ हाङ् खोसॆ मिन्मिम्पा रक्न लिःॽडा। निवाँहाङ्ऎ कानि याॽलन सॆःक्मा मिट्टिहाङ् खोम् निवाँ रक्न सॆःगि। 12कानि याॽलऎ बाङ्न खिरिस्टबि निवाँयुङ् लॆखुबाचि निवाँहाङ्ऎ खोम् निङ्लावामि लागि सॆःगि।
13हाङ् आन्नॆ सङ्क फाक्खुबा चाइबानऎ नुऎ खानावाँ खेमाम्निहाङ खिरिस्टबि निवाँयुङ लॆटाम्नि। हाङ् खोसॆ ठुॽमिम्पा चुप्लाङ् रक्न सॆङ्सॆङॆ लावामि लायुङ् टिःपिडानिहाङ निवाँहाङ्ऎ आन्ना खोम् याॽमिचि मुःडानि। 14कानि याॽलन इन्मिम्पा रक्न निवाँहाङ्ऎ कानि सक्पि सॆङ्सॆङॆ लावा युङु। ग योम्पक्बाङ् खोसॆ सॆःक्मिम्पा याॽमिचि चाइबान खोसॆ हिङ्पःमिडुचि लोमॆ खाङ्मिॽमा मिनु। कानिऎ खोमि निङ् ठेरुचिर हाङ् निङ्लावा लॆटुचिर कामानुङ् खोसॆ ग योम्पक् यिगु।
15मसॆॽन पारभु येसुबि चुऎ आन्नामि निवाँयुङ हाङ् चोब्न निवाँहाङ्मि याॽमिचिमिम् लागि चुऎ आन्नामि नाम्नाम् पिसिॽमॆ खानावाँ खेम्मिम्पासॆ, 16निवाँहाङ् काङॆ ओहाक् पिकुङ। हाङ् आन्ना काङॆ पारठानाबि मिॽलाढाङ्कानि। 17हाङ् कानिम् पारभु येसु खिरिस्टमि निङ्लावा नुङ्मा निवाँहाङ् आपाऎ आन्ना निवाँहाङ्मि निवाँबि सॆङ्सॆङॆ लावाबाङ् पुमिकानि। हाङ् लावाऎ आन्ना निवाँहाङ् खाङ्मिकानि हाङ् आन्नॆ खो लेकाम्नि। 18हाङ् खोम् खानावाँ वाप्माम् लागि आन्नामि निवाँबिऎ मिक् ओबक्ल कामानुङ् पारठाना लॆःॽङा। मसॆ आन्नॆ खोसॆ ऎॽवा ढ्या आसमि लागि सेरानिहा लोमॆ वाबुकाम्नि हाङ् मान्ठाभनॆ खोम् सॆःक्मिम्पा याॽमिचि लिःमिम्पासॆ, निवाँहाङ्ऎ ढ्या निङ्लावा टक्चाकु।
19हाङ् खिरिस्टबि निवाँयुङ लॆखुबाचिमि लागि खोमि एट्टान ढ्या योम्पक मुमॆ चॆक्मावा चु। म खानावाँ कानिऎ मिसुमिॽलाहिनि लोमॆ लेसाम्नॆ कामानुङ् पारठाना लॆःॽङा। 20आक्क चॆक्मावान खोसॆ येसु सिखॆम्पाबाङ् हिङ्पॽमिॽमार हाङ् पारूबि खोम् चुप्ठिङ् पाःटा पेन्मिॽमार याङु। 21हाङ् खिरिस्ट चाइ चोब्न चॆक्मावा हाङ् ढुप्पाट्ट बाङ्स सङ्पिटु चुः। खोसॆ चोब्न चॆक्मावा नुङ् टुङ्घङ्पाचि सक्पि हाङ्डाम् लॆकु। होइढा निङ्बाङ् खोम् निङ् एट्टान ढ्या लॆ। खो हये लःबि टेःॽन हॆॽनॆ, डॆङ्पि टाऎ लःबि सङ्क चोब्बाङ् सङ्पिऎ लिः। 22हाङ् निवाँहाङ्ऎ चोब्ठका खिरिस्टमि हुक्पि युङ्पिटु। खोसॆ खिरिस्ट मान्डालिमि नुऎमि लागि चोब्बाङ् सङ्पिटु युङु। 23हाङ् मान्डालि चाइ खिरिस्टमि सालुङ यो। हाङ् चोब्न खानावाँ लाटॆखुबा खिरिस्टमि योम्पक् मान्डालिऎ यिगुकु।
ទើបបានជ្រើសរើសហើយ៖
एफिसि 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
एफिसि 1
1
1काङा पावलऎ ग साब्चिरा एफिसस लोमॆ हाटाबि पेन्खुबा येसु खिरिस्टबि निवाँयुङ् लॆखुबा याॽमिचिमि लागि साप्हाङ्मे पाइकुङ्चि। काङा निवाँहाङ्मि निवाँ रक्न सॆःक्ढुङ्पा लिःडिङॆ यो। 2कानिम् निवाँहाङ् आपा हाङ् पारभु येसु खिरिस्टमि नाम्नावाँ नुङ टङ्चामॆ खानावाँ आन्नानुङ् लिःर।
लावामि आसिका
3कानिम् पारभु येसु खिरिस्टमि आपा निवाँहाङ्मि निङ्लावा लिःर, मान्ठाभनॆ खोसॆ खिरिस्टबाङ् कानि पारुबाङ् लावाबिहा चोब्न खानावाँबि आसिका पिःडि। 4मान्ठाभनॆ खोम् ङारिङ्पि सॆङ्सॆङॆ हाङ् आब्डिक् मॆड्डिङमा लिसिर कामानुङ् खोसॆ बाखाटेम् मुमाबाङ्स याॽलन खिरिस्टबि कानि सॆःगि। 5खोसॆ कानि नाम्नाम् पिस्सिॽमिम्पासॆ खोम् निवाँ रक्न खिरिस्टबाङ् कानि खोम् टाङ्पामि पासाचि मुसिम्पा लॆटि। 6मसॆ खोसॆ खोमि आक्रक्मा ढ्या नाम्नावाँ खोमि नाम्नाम् पिसिॽमिम्पा पासाबाङ् कानि मरक्न पिॽमिम्पासॆ निवाँहाङ्मि निङ्लावा लिःर।
7खिरिस्टऎ खोम् सालुङ्बाङ् हारि अङ्मिसे सिखॆम्पासॆ कानिम् हिङ्वा यङ्निपिडि हाङ् कानि हिङ्वाबाङ् फाःग्डि। चाइबान निवाँहाङ्मि नाम्नावाँ एट्टान ढ्या लॆः। 8आक्क नाम्नावाँन खोसॆ कानि खेःॽल पिट्टि। 9हाङ् निवाँहाङ्मि मिनमिॽलाहिनॆ निवाँ हाङ् चेन्टुबाँ खोसॆ कानि खिरिस्टऎ यिक्मिम्पा योम्पक्बाङ् खोमि चुम्मिम्पा खानावाँ खाङ्मिटि। 10हाङ् खोसॆ मिन्मिम्पा खानावाँ चाइ माङ्भनॆ, खोम् नुऎ लःबि पारु नुङ् बाखाटेम् हाङ् आक्कुबि चुःक्मिहा चोब्न ठःका खिरिस्टमि ढुप्पाट्टबि टॆःॽमॆ यो। 11मान्ठाभनॆ चोब्न खानावाँ निवाँहाङ्मि निवाँ हाङ् खोसॆ मिन्मिम्पा रक्न लिःॽडा। निवाँहाङ्ऎ कानि याॽलन सॆःक्मा मिट्टिहाङ् खोम् निवाँ रक्न सॆःगि। 12कानि याॽलऎ बाङ्न खिरिस्टबि निवाँयुङ् लॆखुबाचि निवाँहाङ्ऎ खोम् निङ्लावामि लागि सॆःगि।
13हाङ् आन्नॆ सङ्क फाक्खुबा चाइबानऎ नुऎ खानावाँ खेमाम्निहाङ खिरिस्टबि निवाँयुङ लॆटाम्नि। हाङ् खोसॆ ठुॽमिम्पा चुप्लाङ् रक्न सॆङ्सॆङॆ लावामि लायुङ् टिःपिडानिहाङ निवाँहाङ्ऎ आन्ना खोम् याॽमिचि मुःडानि। 14कानि याॽलन इन्मिम्पा रक्न निवाँहाङ्ऎ कानि सक्पि सॆङ्सॆङॆ लावा युङु। ग योम्पक्बाङ् खोसॆ सॆःक्मिम्पा याॽमिचि चाइबान खोसॆ हिङ्पःमिडुचि लोमॆ खाङ्मिॽमा मिनु। कानिऎ खोमि निङ् ठेरुचिर हाङ् निङ्लावा लॆटुचिर कामानुङ् खोसॆ ग योम्पक् यिगु।
15मसॆॽन पारभु येसुबि चुऎ आन्नामि निवाँयुङ हाङ् चोब्न निवाँहाङ्मि याॽमिचिमिम् लागि चुऎ आन्नामि नाम्नाम् पिसिॽमॆ खानावाँ खेम्मिम्पासॆ, 16निवाँहाङ् काङॆ ओहाक् पिकुङ। हाङ् आन्ना काङॆ पारठानाबि मिॽलाढाङ्कानि। 17हाङ् कानिम् पारभु येसु खिरिस्टमि निङ्लावा नुङ्मा निवाँहाङ् आपाऎ आन्ना निवाँहाङ्मि निवाँबि सॆङ्सॆङॆ लावाबाङ् पुमिकानि। हाङ् लावाऎ आन्ना निवाँहाङ् खाङ्मिकानि हाङ् आन्नॆ खो लेकाम्नि। 18हाङ् खोम् खानावाँ वाप्माम् लागि आन्नामि निवाँबिऎ मिक् ओबक्ल कामानुङ् पारठाना लॆःॽङा। मसॆ आन्नॆ खोसॆ ऎॽवा ढ्या आसमि लागि सेरानिहा लोमॆ वाबुकाम्नि हाङ् मान्ठाभनॆ खोम् सॆःक्मिम्पा याॽमिचि लिःमिम्पासॆ, निवाँहाङ्ऎ ढ्या निङ्लावा टक्चाकु।
19हाङ् खिरिस्टबि निवाँयुङ लॆखुबाचिमि लागि खोमि एट्टान ढ्या योम्पक मुमॆ चॆक्मावा चु। म खानावाँ कानिऎ मिसुमिॽलाहिनि लोमॆ लेसाम्नॆ कामानुङ् पारठाना लॆःॽङा। 20आक्क चॆक्मावान खोसॆ येसु सिखॆम्पाबाङ् हिङ्पॽमिॽमार हाङ् पारूबि खोम् चुप्ठिङ् पाःटा पेन्मिॽमार याङु। 21हाङ् खिरिस्ट चाइ चोब्न चॆक्मावा हाङ् ढुप्पाट्ट बाङ्स सङ्पिटु चुः। खोसॆ चोब्न चॆक्मावा नुङ् टुङ्घङ्पाचि सक्पि हाङ्डाम् लॆकु। होइढा निङ्बाङ् खोम् निङ् एट्टान ढ्या लॆ। खो हये लःबि टेःॽन हॆॽनॆ, डॆङ्पि टाऎ लःबि सङ्क चोब्बाङ् सङ्पिऎ लिः। 22हाङ् निवाँहाङ्ऎ चोब्ठका खिरिस्टमि हुक्पि युङ्पिटु। खोसॆ खिरिस्ट मान्डालिमि नुऎमि लागि चोब्बाङ् सङ्पिटु युङु। 23हाङ् मान्डालि चाइ खिरिस्टमि सालुङ यो। हाङ् चोब्न खानावाँ लाटॆखुबा खिरिस्टमि योम्पक् मान्डालिऎ यिगुकु।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society