२ कोरेन्ठि 8
8
डान पिॽमॆ खानावाँ
1बुबुनानुसाचि, माकेडोनियाबिहा मान्डालिचि निवाँहाङ्ऎ पिॽमिम्पा नाम्नावाँमि बारेबि काङ्कॆ आन्ना इबिक्चिम्। 2खोचि ढ्या डुखाबि सिॽमार सङ्क हाङ् माङ्स माआमिहा याॽमि लॆटामि हाङ्स एट्टान चेन्चाआमि मसॆ खोचिऎ ढ्या निवाँ मुमानुङ् होइढा याॽमिचि खाङुचि। 3मान्ठाभनॆ कॆ लेकुङ्, खोचिऎ टाङ्पॆ हेःरढारि टेः हॆॽनॆ, टर आक्कबाङ्स डिरिक् निवाँ चेन्चासे पिट्टुचि। 4खोचिऎ स यारुसालेम्पि निवाँयुङ् लॆखुबा याॽमिचि मुबाक्मॆ योम्पक्बि टिचिमॆ कामानुङ् काङ्का नुर लोसामि।#रोमि १५:२६ 5काङ्कॆ निवाँबि मानमामिम्पा खानावाँ खोचिऎ लॆटुचि। याॽल खोचिऎ टाङ्पा पारभुबि पिइटुचि हाङ् निवाँहाङ्मि निवाँर लिर कामानुङ् काङ्कामि हुक्पि टाआमि। 6मसॆ टिटासऎ याॽलऎबाङ् आन्नामि लुम्पि आन्नॆ पिॽमा मिन्मिम्पा याङ् खोम्मॆ योम्पक् लॆःॽमिमिम्पासॆ खोसॆॽन आक्क योम्पक् लुक्पिटुर कामानुङ् खो नुःर लोसुङ्का। 7हाङ् मान्टहाङ् आन्ना निवाँयुङ्पि, निवाँहाङ्मि खानावाँबि, निवाँ टक्चामाबि, माङ् चाइ नुऎ लॆ म लॆःॽमाबि हाङ् होइढा याॽमिचि काङ्कॆ लोमिम्पा रक्न नाम्नाम् पिसिॽमाबि चुकानि। मरहाङ्न आक्खाहा योम्पक् यिक्से होइढाचि मुबाक्से योम्पक् फेसाम्नॆ कामानुङ् काङ्का मिनुकिङ्का।
8काङॆ ग खानावाँ आन्नॆ लॆःॽमान लॆकानि कामानुङ् ग लोमिम्पा हॆॽनॆ। टर निवाँयुङ् लॆखुबा होइढा याॽमिचिऎ याॽमिचि खाङ्मिम्पा खानावाँ नुङ् आन्नॆ नाम्नाम् पिसिॽमॆ खानावाँ ऎॽवाकॆ निवाँ हङ्सिऎ कामानुङ् वाप्माम् लागि रेम। 9मान्ठाभनॆ कानिम् पारभु येसु खिरिस्टमि नाम्नावाँ ग आन्नॆ लेकाम्निन। खो चासुम्टाङ्पा लॆटा, टर खो आन्नामि लागि माङ्स माऎ लिमार आन्ना चाइ चासुम्टाङ्पा लिसानॆ कामानुङ् माङ्स माऎ याॽमि लिबिटानि।
10हाङ् निम्निङ् आन्नॆ लॆःॽमा परक्मिम्पा योम्पक् यॆराम्नॆ कामानुङ् कॆ लोकानि म येराम्नि भनॆ काम्नुऎ लि। आन्ना योम्पक् यिक्मॆ टेः हॆॽनॆ, टर आक्क लॆःॽमा लॆ लोमॆ खानावाँबि सङ्क होइढाचिबाङ् याॽल लिसानि। 11ह आन्नॆ निम्निङ् ठाबाक्डाम्निहा म योम्पक यॆराम्नॆ। आक्रल आन्नॆ पिॽमॆ ढ्या निवाँ मुमिम्पा लॆटाम्नि मसॆ ह चाइ म निवाँ रक्न हेःर पिट्टाम्नॆ। 12आन्नाबि पिॽमॆ ढ्या निवाँ चुबिकानि हाङ्ग आन्नानुङ् माङ् चु, मबाङ्न पिॽमिम्पा निवाँहाङ्ऎ नेन्चाकु। खोसॆ आक्क पिॽमिम्पा ठका नेन्चाकु। आन्नानुङ् माऎ ठका निवाँहाङ्ऎ यगुनि।
13काङ्कॆ मिॽमिम्पा खानावाँ आन्ना टे खिन्मान आहेमॆ भारि खिन्मिॽमानुङ् होइडा याॽमिचि सोब्ल मुमॆ हॆॽनॆ, टर चोब्नऎ एक्कन भारि खिन्मॆ रेम। 14गरॽल आन्नानुङ् खॆःॽल चु हाङ् आचुखुबाचि आन्नॆ पिॽमा हेकाम्नि। हाङ् डॆङ्पि आन्ना माआनिर खोचिऎ खोचिमि चुःहाबाङ् खाङ्कानि। गरहाङ् एक्कसॆ होइक डुखाबि सिॽमार खाङ्पॆ चुमार एक्कन भारि खिन्मिम्पा लि। 15निवाँनेन् साब्चिराबि गरहाङ् साब्डा “डिरिक खोम्खुबानुङ् डिरिक् लिनि, हाङ् मिःक्म खोम्खुबा नुङ् सङ्क मिःक्म लिनि।”#पारास्ठान १६:१८
टिटास कोरेन्ठिबि
16निवाँहाङ् ओहाक् लिर, मान्ठाभनॆ आन्नामि बारेबि निवँहाङ्ऎ टिटसमि निवाँ काङामि रक्मान मुपिटु। 17मान्ठाभनॆ काङ्कॆ खो लोमिम्पासॆ हॆॽनॆ, टर खोम् निवाँ हङ्सिॽयुबाङ्न स टामा मिन्मिम्पासॆ खो आन्नाबि टामॆ पाइ 18हाङ् नुऎ खानावाँ खेम्मिॽमॆ योम्पक्बि निङ् चुचाखुबा हाङ् चोब्न मान्डालिऎ ङेःप्मिम्पा एक्क नुसा सङ्क काङ्कॆ खोनुङ्न पाङ्हाङ्डुङ्का। 19हाङ् गरक्टॆ हॆॽनॆ, निवाँहाङ्मि निङ्लावामि लागि याॽमिचिऎ पिॽमिम्पा भेटि खोम्मानुङ् यारुसालेमपि लाखॆॽमा हाङ् होइढा याॽमिचि काङ्कॆ पारभुबि पाइबाक्मा मिनुकुङ्का लोमॆ खाङ्मिॽमाम् लागि मान्डालिऎन खो काङ्कानुङ् लाम्ढुसि सॆःक्मिम्पा रेम।
20हाङ् आन्नॆ निवाँ ढ्या मुमानुङ् पिॽमिम्पा आक्खा ठःकाबि आसॆस आब्डिक टिमॆ योम्पक आलिर कामानुङ् काङ्कॆ यारुसालेमबिहा निवाँयुङ् लॆखुबाचि चोब्न पिकुङ्चि। 21मान्ठाभनॆ काङ्कॆ निवाँहाङ्मि ङारिङ्पि टेः हॆॽनॆ, टर याॽमिचिम् ङारिङ्पि स नुऎ योम्पक् मुमामि लागि निवाँ मुडुङ्का।#हिटोपाडेस ३:४ 22मसॆ काङ्कॆ आन्नाबि इघा हिप्पाङ्नुङ् होइक स नुसा पाङ्हाङ्मे पाइकुङ्का। खो चाइ काङ्कॆ ऎॽवा खेपा ठागुम्का हाङ् खोम् हङ्सिॽयुबाङ्न योम्पक् मुमॆ निवाँ वाबुङ्का। आन्ना सक्पि खोसॆ एट्टान निवाँ युङ्डु हाङ् आन्ना चाइबान मुबाक्मा मिडानि। 23हाङ् टिटास चाइ काङामि लाङ्काम हाङ् काङानुङ् सोरि आन्ना खाङ्खुबा यो। हाङ् खोनुङ् टामे पाइमिहा होइडा नुसाचि चाइ मान्डालिऎ पाङ्हाङ्पा याॽमिचि हाङ् खिरिस्टमि निङ्लावा रेम। 24मसॆ आन्नॆ होइढाचि नाम्नाम् पिसिकाम्चिनि लोमॆ खोचि खाङ्मिटाम्नॆ हाङ् काङ्कॆ मान्ठा आन्नाबि नाबुक् ठेरुकुम्कॆ लोमॆ मान्डालिऎ लेसुर।
ទើបបានជ្រើសរើសហើយ៖
२ कोरेन्ठि 8: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
२ कोरेन्ठि 8
8
डान पिॽमॆ खानावाँ
1बुबुनानुसाचि, माकेडोनियाबिहा मान्डालिचि निवाँहाङ्ऎ पिॽमिम्पा नाम्नावाँमि बारेबि काङ्कॆ आन्ना इबिक्चिम्। 2खोचि ढ्या डुखाबि सिॽमार सङ्क हाङ् माङ्स माआमिहा याॽमि लॆटामि हाङ्स एट्टान चेन्चाआमि मसॆ खोचिऎ ढ्या निवाँ मुमानुङ् होइढा याॽमिचि खाङुचि। 3मान्ठाभनॆ कॆ लेकुङ्, खोचिऎ टाङ्पॆ हेःरढारि टेः हॆॽनॆ, टर आक्कबाङ्स डिरिक् निवाँ चेन्चासे पिट्टुचि। 4खोचिऎ स यारुसालेम्पि निवाँयुङ् लॆखुबा याॽमिचि मुबाक्मॆ योम्पक्बि टिचिमॆ कामानुङ् काङ्का नुर लोसामि।#रोमि १५:२६ 5काङ्कॆ निवाँबि मानमामिम्पा खानावाँ खोचिऎ लॆटुचि। याॽल खोचिऎ टाङ्पा पारभुबि पिइटुचि हाङ् निवाँहाङ्मि निवाँर लिर कामानुङ् काङ्कामि हुक्पि टाआमि। 6मसॆ टिटासऎ याॽलऎबाङ् आन्नामि लुम्पि आन्नॆ पिॽमा मिन्मिम्पा याङ् खोम्मॆ योम्पक् लॆःॽमिमिम्पासॆ खोसॆॽन आक्क योम्पक् लुक्पिटुर कामानुङ् खो नुःर लोसुङ्का। 7हाङ् मान्टहाङ् आन्ना निवाँयुङ्पि, निवाँहाङ्मि खानावाँबि, निवाँ टक्चामाबि, माङ् चाइ नुऎ लॆ म लॆःॽमाबि हाङ् होइढा याॽमिचि काङ्कॆ लोमिम्पा रक्न नाम्नाम् पिसिॽमाबि चुकानि। मरहाङ्न आक्खाहा योम्पक् यिक्से होइढाचि मुबाक्से योम्पक् फेसाम्नॆ कामानुङ् काङ्का मिनुकिङ्का।
8काङॆ ग खानावाँ आन्नॆ लॆःॽमान लॆकानि कामानुङ् ग लोमिम्पा हॆॽनॆ। टर निवाँयुङ् लॆखुबा होइढा याॽमिचिऎ याॽमिचि खाङ्मिम्पा खानावाँ नुङ् आन्नॆ नाम्नाम् पिसिॽमॆ खानावाँ ऎॽवाकॆ निवाँ हङ्सिऎ कामानुङ् वाप्माम् लागि रेम। 9मान्ठाभनॆ कानिम् पारभु येसु खिरिस्टमि नाम्नावाँ ग आन्नॆ लेकाम्निन। खो चासुम्टाङ्पा लॆटा, टर खो आन्नामि लागि माङ्स माऎ लिमार आन्ना चाइ चासुम्टाङ्पा लिसानॆ कामानुङ् माङ्स माऎ याॽमि लिबिटानि।
10हाङ् निम्निङ् आन्नॆ लॆःॽमा परक्मिम्पा योम्पक् यॆराम्नॆ कामानुङ् कॆ लोकानि म येराम्नि भनॆ काम्नुऎ लि। आन्ना योम्पक् यिक्मॆ टेः हॆॽनॆ, टर आक्क लॆःॽमा लॆ लोमॆ खानावाँबि सङ्क होइढाचिबाङ् याॽल लिसानि। 11ह आन्नॆ निम्निङ् ठाबाक्डाम्निहा म योम्पक यॆराम्नॆ। आक्रल आन्नॆ पिॽमॆ ढ्या निवाँ मुमिम्पा लॆटाम्नि मसॆ ह चाइ म निवाँ रक्न हेःर पिट्टाम्नॆ। 12आन्नाबि पिॽमॆ ढ्या निवाँ चुबिकानि हाङ्ग आन्नानुङ् माङ् चु, मबाङ्न पिॽमिम्पा निवाँहाङ्ऎ नेन्चाकु। खोसॆ आक्क पिॽमिम्पा ठका नेन्चाकु। आन्नानुङ् माऎ ठका निवाँहाङ्ऎ यगुनि।
13काङ्कॆ मिॽमिम्पा खानावाँ आन्ना टे खिन्मान आहेमॆ भारि खिन्मिॽमानुङ् होइडा याॽमिचि सोब्ल मुमॆ हॆॽनॆ, टर चोब्नऎ एक्कन भारि खिन्मॆ रेम। 14गरॽल आन्नानुङ् खॆःॽल चु हाङ् आचुखुबाचि आन्नॆ पिॽमा हेकाम्नि। हाङ् डॆङ्पि आन्ना माआनिर खोचिऎ खोचिमि चुःहाबाङ् खाङ्कानि। गरहाङ् एक्कसॆ होइक डुखाबि सिॽमार खाङ्पॆ चुमार एक्कन भारि खिन्मिम्पा लि। 15निवाँनेन् साब्चिराबि गरहाङ् साब्डा “डिरिक खोम्खुबानुङ् डिरिक् लिनि, हाङ् मिःक्म खोम्खुबा नुङ् सङ्क मिःक्म लिनि।”#पारास्ठान १६:१८
टिटास कोरेन्ठिबि
16निवाँहाङ् ओहाक् लिर, मान्ठाभनॆ आन्नामि बारेबि निवँहाङ्ऎ टिटसमि निवाँ काङामि रक्मान मुपिटु। 17मान्ठाभनॆ काङ्कॆ खो लोमिम्पासॆ हॆॽनॆ, टर खोम् निवाँ हङ्सिॽयुबाङ्न स टामा मिन्मिम्पासॆ खो आन्नाबि टामॆ पाइ 18हाङ् नुऎ खानावाँ खेम्मिॽमॆ योम्पक्बि निङ् चुचाखुबा हाङ् चोब्न मान्डालिऎ ङेःप्मिम्पा एक्क नुसा सङ्क काङ्कॆ खोनुङ्न पाङ्हाङ्डुङ्का। 19हाङ् गरक्टॆ हॆॽनॆ, निवाँहाङ्मि निङ्लावामि लागि याॽमिचिऎ पिॽमिम्पा भेटि खोम्मानुङ् यारुसालेमपि लाखॆॽमा हाङ् होइढा याॽमिचि काङ्कॆ पारभुबि पाइबाक्मा मिनुकुङ्का लोमॆ खाङ्मिॽमाम् लागि मान्डालिऎन खो काङ्कानुङ् लाम्ढुसि सॆःक्मिम्पा रेम।
20हाङ् आन्नॆ निवाँ ढ्या मुमानुङ् पिॽमिम्पा आक्खा ठःकाबि आसॆस आब्डिक टिमॆ योम्पक आलिर कामानुङ् काङ्कॆ यारुसालेमबिहा निवाँयुङ् लॆखुबाचि चोब्न पिकुङ्चि। 21मान्ठाभनॆ काङ्कॆ निवाँहाङ्मि ङारिङ्पि टेः हॆॽनॆ, टर याॽमिचिम् ङारिङ्पि स नुऎ योम्पक् मुमामि लागि निवाँ मुडुङ्का।#हिटोपाडेस ३:४ 22मसॆ काङ्कॆ आन्नाबि इघा हिप्पाङ्नुङ् होइक स नुसा पाङ्हाङ्मे पाइकुङ्का। खो चाइ काङ्कॆ ऎॽवा खेपा ठागुम्का हाङ् खोम् हङ्सिॽयुबाङ्न योम्पक् मुमॆ निवाँ वाबुङ्का। आन्ना सक्पि खोसॆ एट्टान निवाँ युङ्डु हाङ् आन्ना चाइबान मुबाक्मा मिडानि। 23हाङ् टिटास चाइ काङामि लाङ्काम हाङ् काङानुङ् सोरि आन्ना खाङ्खुबा यो। हाङ् खोनुङ् टामे पाइमिहा होइडा नुसाचि चाइ मान्डालिऎ पाङ्हाङ्पा याॽमिचि हाङ् खिरिस्टमि निङ्लावा रेम। 24मसॆ आन्नॆ होइढाचि नाम्नाम् पिसिकाम्चिनि लोमॆ खोचि खाङ्मिटाम्नॆ हाङ् काङ्कॆ मान्ठा आन्नाबि नाबुक् ठेरुकुम्कॆ लोमॆ मान्डालिऎ लेसुर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society