२ कोरेन्ठि 7
7
पावलमि हाङ्हाङ्
1मसॆ काङॆ नाम्नाम् पिसिमिम्पा लाङ्काम्चि, निवाँहाङ्ऎ इघा चुप्लाङ् कानि पिॽमिम्पासॆ कानिम् सालुङ् नुङ् लावा काइसॆ मुखुबा माङ्स योम्पक् आयिगिये। हाङ् निवाँहाङ्मि एट्टान किसिमाबि पेन्से सॆङ्सॆङॆ लिसे खारिये। 2आन्नॆ काङ्का आम्नि निवाँबि एट्टान नाम्नाम् पिसिचिमॆ। काङ्कॆ आसास काइर मालॆटिटुङ्चिगा। आसास काइसॆ लाम् माखाङ्मिटिट्टुङ्चिगा। काङ्कॆ आसाबाङ्स काङ्कामि लागि माङ्स मालाचाटिटुङ्चिगा। 3आन्ना आब्डिक टिमामि लागि काङॆ गर लोमिम्पा ग हॆॽनॆ, टर काङॆ याॽलन आन्ना एट्टान नाम्नाम् पिसिकानि हाङ् काङ्का आन्नानुङ् हिङ्चामा नुङ् सिखॆॽमा स हेकुङ्का कामानुङ् लोमिम्पा लॆटानि। 4आन्नाबि काङॆ ढ्या निवाँयुङ् लॆडुङ। हाङ् आन्नाबिॽन काङॆ काम् नाबुक् ठेरुकुङ। काङा आन्नानुङ् एट्टान चेन्चाडिङ् हाङ् काङ्कामि चोब्न डुखाबि सङ्क आन्नाबाङ् का एट्टान चेन्चाडिङ। 5मान्ठाभनॆ काङ्का माकॆडोनियाबि टामार सङ्क सुखा मानाटकिङ्का। आक्कुबि नानाओलिहा खोप्चिनावाँ काङ्का सक्पि खोप्टाआ। बाहिरा खिमाटुमाबि हाङ् निवाँ हङ्सि चाइ किसिइङ्का।#२ कोरेन्ठि २:१३ 6टर निवाँबि डुखा मिन्मिम्पाचि निवाँहाङ्ऎन उम्चि निवाँबि हाङ्हाङ् मिन्मिकुचि हाङ् ह टिटास काङ्काबि टाआहाङ् निवाँहाङ्ऎ काङ्का हाङ्हाङ् मिन्मिटिङ्का। 7टिटास टामिम्पासॆ टेः हॆॽनॆ, टर आन्नॆ खो पिॽमिम्पा हाङ्हाङ्बाङ् कॆस हाङ्हाङ् टक्चाउङ। आन्नॆ काङा चुप्मा मिनानि हेम कामानुङ् खोसॆ काङ्का खेम्मिटिङ्का। आन्नॆ यिक्मिम्पा योम्पक्बि आन्ना चाइखॆडानि हाङ् काम् लागि यामुःॽडानि लोमॆ खानावाँऎ काङा एट्टान चेन्चाइङ्।
8काङॆ साब्हाङ्मिम्पा साब्चिराऎ आन्नामि निवाँ ग टुःक्डान, मरहाङ्स ग खानावाँबि काङा डुखा मिङ्ङानि। टर याॽलि चाइ काङा डुखा मिनिङ् मान्ठाभनॆ कॆ लेकुङ्, आक्कसॆ आन्ना एच्छक्म निवाँ टुक्मिटानि। 9आन्ना डुखाबि सिॽमिम्पासॆ ग हॆॽनॆ, टर ह आक्कसॆ आन्नामि निवाँ ऎम्पक्मिॽमिम्पासॆ काङा चेन्चाइङ्। निवाँहाङ् मिॽलासे हाङ् निवाँ टुगानि। मसॆ काङ्काबाङ् आन्ना माङ्स काइसॆ आङ्मा मासि। 10मान्ठाभनॆ निवाँहाङ् मिॽलासे टाङ्पामि काइसॆ योम्पक्मि लागि निवाँ टुगुकि हङ्ग, आक्कसॆ कानि हिङ्वाबाङ् ऎम्पक्मिकि हाङ् हिङ्चामॆ लाम्फुबि टॆकि। टर बाखाटेम्पिऎ निवाँ टुक्मॆ खानावाँऎ चाइ सिखॆॽमॆबि टॆकि। 11मान्ठाभनॆ निवाँहाङ्मि निवाँ आनुसारॆ टुक्मिम्पा निवाँऎ मान्टहाङ् योम्पक् यिगुवॆ लोमॆ खाङाम्नॆ। आक्कसॆ आन्ना चाइबानऎ योम्पक्पि टॆटानि, आन्ना आब्डिक् मॆड्डिङ्मा याॽमिचि कामानुङ् खाङ्मिॽमाम् लागि हॆङानि, आन्ना सोम् खेरानि, निवाँहाङ् नुङ् किसिआनि, काङा चुप्मॆ ढ्या निवाँ मुसाम्नि, नुऎ योम्पक् मुमॆ निवाँ हाङ् न्यायॆ लिर मिनानि। चोब्न खानावाँबि आन्ना आब्डिक् मॆड्डिङ्मा याॽमिचि लोमॆ आन्नॆ खाङ्मिडाम्नि। 12मसॆ काङॆ आक्क साब्चिरा काइर लॆखुबा हाङ् काइर लॆःॽमा टुम्चाखुबा आसास साप्मिम्पा हॆॽनॆ। टर निवाँहाङ्मि ङारिङ्पि आन्नॆ काङ्का सक्पि ऎॽवाकॆ निवाँ युङुकाम्नॆ कामानुङ् खाङ्मिॽमाम् लागि साप्मिम्पा रेम। 13मसॆ काङ्का हाङ्हाङ् मिन्डिङ्का। काङ्कॆ टक्चामिम्पा हाङ्हाङ् सक्पि स आन्ना चोब्नबाङ् टिटस एट्टान चेन्चामिम्पासॆ काङ्का सङ्क आन्नाबाङ् चेन्चाडिङ्का। 14काङॆ आन्नामि बारेबि टिटासनुङ् नाबुक् ठेस्से इमिम्पा लॆटुङ् हाङ् आन्नॆ काङा ङेसिमाबि मासिॽमिटिङ्नि। हाङ् काङ्कॆ आन्नानुङ् हानाम्स चाइबानऎ खानावाँ टे इसुङ्का। हाङ् काङ्कॆ आन्नामि बारेबि नाबुक् ठेस्से इमिम्पा खानावाँ स चाइबानऎ यो लोमॆ टिटसऎ खाङ्मुसा। 15हाङ् आन्ना चोप्पासॆ टिटसमि खानावाँ मान्टहाङ् खेम्मा मिनानिहा हाङ् मान्टहाङ् आन्नॆ खो नुऎ लॆसॆ खोम् किसिमाबि पेनानिहा लोमॆ खानावाँऎ खोसॆ आन्ना याॽलऎ बाङ्स एट्टान नाम्नाम् पिसिकानि। 16हाङ् काङा आन्नाबाङ् चेन्चाडिङ् मान्ठाभनॆ आन्नाबि काङॆ निवाँ माफॆॽले म निवाँयुङ् लॆहिकानि।
ទើបបានជ្រើសរើសហើយ៖
२ कोरेन्ठि 7: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
२ कोरेन्ठि 7
7
पावलमि हाङ्हाङ्
1मसॆ काङॆ नाम्नाम् पिसिमिम्पा लाङ्काम्चि, निवाँहाङ्ऎ इघा चुप्लाङ् कानि पिॽमिम्पासॆ कानिम् सालुङ् नुङ् लावा काइसॆ मुखुबा माङ्स योम्पक् आयिगिये। हाङ् निवाँहाङ्मि एट्टान किसिमाबि पेन्से सॆङ्सॆङॆ लिसे खारिये। 2आन्नॆ काङ्का आम्नि निवाँबि एट्टान नाम्नाम् पिसिचिमॆ। काङ्कॆ आसास काइर मालॆटिटुङ्चिगा। आसास काइसॆ लाम् माखाङ्मिटिट्टुङ्चिगा। काङ्कॆ आसाबाङ्स काङ्कामि लागि माङ्स मालाचाटिटुङ्चिगा। 3आन्ना आब्डिक टिमामि लागि काङॆ गर लोमिम्पा ग हॆॽनॆ, टर काङॆ याॽलन आन्ना एट्टान नाम्नाम् पिसिकानि हाङ् काङ्का आन्नानुङ् हिङ्चामा नुङ् सिखॆॽमा स हेकुङ्का कामानुङ् लोमिम्पा लॆटानि। 4आन्नाबि काङॆ ढ्या निवाँयुङ् लॆडुङ। हाङ् आन्नाबिॽन काङॆ काम् नाबुक् ठेरुकुङ। काङा आन्नानुङ् एट्टान चेन्चाडिङ् हाङ् काङ्कामि चोब्न डुखाबि सङ्क आन्नाबाङ् का एट्टान चेन्चाडिङ। 5मान्ठाभनॆ काङ्का माकॆडोनियाबि टामार सङ्क सुखा मानाटकिङ्का। आक्कुबि नानाओलिहा खोप्चिनावाँ काङ्का सक्पि खोप्टाआ। बाहिरा खिमाटुमाबि हाङ् निवाँ हङ्सि चाइ किसिइङ्का।#२ कोरेन्ठि २:१३ 6टर निवाँबि डुखा मिन्मिम्पाचि निवाँहाङ्ऎन उम्चि निवाँबि हाङ्हाङ् मिन्मिकुचि हाङ् ह टिटास काङ्काबि टाआहाङ् निवाँहाङ्ऎ काङ्का हाङ्हाङ् मिन्मिटिङ्का। 7टिटास टामिम्पासॆ टेः हॆॽनॆ, टर आन्नॆ खो पिॽमिम्पा हाङ्हाङ्बाङ् कॆस हाङ्हाङ् टक्चाउङ। आन्नॆ काङा चुप्मा मिनानि हेम कामानुङ् खोसॆ काङ्का खेम्मिटिङ्का। आन्नॆ यिक्मिम्पा योम्पक्बि आन्ना चाइखॆडानि हाङ् काम् लागि यामुःॽडानि लोमॆ खानावाँऎ काङा एट्टान चेन्चाइङ्।
8काङॆ साब्हाङ्मिम्पा साब्चिराऎ आन्नामि निवाँ ग टुःक्डान, मरहाङ्स ग खानावाँबि काङा डुखा मिङ्ङानि। टर याॽलि चाइ काङा डुखा मिनिङ् मान्ठाभनॆ कॆ लेकुङ्, आक्कसॆ आन्ना एच्छक्म निवाँ टुक्मिटानि। 9आन्ना डुखाबि सिॽमिम्पासॆ ग हॆॽनॆ, टर ह आक्कसॆ आन्नामि निवाँ ऎम्पक्मिॽमिम्पासॆ काङा चेन्चाइङ्। निवाँहाङ् मिॽलासे हाङ् निवाँ टुगानि। मसॆ काङ्काबाङ् आन्ना माङ्स काइसॆ आङ्मा मासि। 10मान्ठाभनॆ निवाँहाङ् मिॽलासे टाङ्पामि काइसॆ योम्पक्मि लागि निवाँ टुगुकि हङ्ग, आक्कसॆ कानि हिङ्वाबाङ् ऎम्पक्मिकि हाङ् हिङ्चामॆ लाम्फुबि टॆकि। टर बाखाटेम्पिऎ निवाँ टुक्मॆ खानावाँऎ चाइ सिखॆॽमॆबि टॆकि। 11मान्ठाभनॆ निवाँहाङ्मि निवाँ आनुसारॆ टुक्मिम्पा निवाँऎ मान्टहाङ् योम्पक् यिगुवॆ लोमॆ खाङाम्नॆ। आक्कसॆ आन्ना चाइबानऎ योम्पक्पि टॆटानि, आन्ना आब्डिक् मॆड्डिङ्मा याॽमिचि कामानुङ् खाङ्मिॽमाम् लागि हॆङानि, आन्ना सोम् खेरानि, निवाँहाङ् नुङ् किसिआनि, काङा चुप्मॆ ढ्या निवाँ मुसाम्नि, नुऎ योम्पक् मुमॆ निवाँ हाङ् न्यायॆ लिर मिनानि। चोब्न खानावाँबि आन्ना आब्डिक् मॆड्डिङ्मा याॽमिचि लोमॆ आन्नॆ खाङ्मिडाम्नि। 12मसॆ काङॆ आक्क साब्चिरा काइर लॆखुबा हाङ् काइर लॆःॽमा टुम्चाखुबा आसास साप्मिम्पा हॆॽनॆ। टर निवाँहाङ्मि ङारिङ्पि आन्नॆ काङ्का सक्पि ऎॽवाकॆ निवाँ युङुकाम्नॆ कामानुङ् खाङ्मिॽमाम् लागि साप्मिम्पा रेम। 13मसॆ काङ्का हाङ्हाङ् मिन्डिङ्का। काङ्कॆ टक्चामिम्पा हाङ्हाङ् सक्पि स आन्ना चोब्नबाङ् टिटस एट्टान चेन्चामिम्पासॆ काङ्का सङ्क आन्नाबाङ् चेन्चाडिङ्का। 14काङॆ आन्नामि बारेबि टिटासनुङ् नाबुक् ठेस्से इमिम्पा लॆटुङ् हाङ् आन्नॆ काङा ङेसिमाबि मासिॽमिटिङ्नि। हाङ् काङ्कॆ आन्नानुङ् हानाम्स चाइबानऎ खानावाँ टे इसुङ्का। हाङ् काङ्कॆ आन्नामि बारेबि नाबुक् ठेस्से इमिम्पा खानावाँ स चाइबानऎ यो लोमॆ टिटसऎ खाङ्मुसा। 15हाङ् आन्ना चोप्पासॆ टिटसमि खानावाँ मान्टहाङ् खेम्मा मिनानिहा हाङ् मान्टहाङ् आन्नॆ खो नुऎ लॆसॆ खोम् किसिमाबि पेनानिहा लोमॆ खानावाँऎ खोसॆ आन्ना याॽलऎ बाङ्स एट्टान नाम्नाम् पिसिकानि। 16हाङ् काङा आन्नाबाङ् चेन्चाडिङ् मान्ठाभनॆ आन्नाबि काङॆ निवाँ माफॆॽले म निवाँयुङ् लॆहिकानि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society