Markus Ondjiukisiro
Ondjiukisiro
Evangeri ra Markus oro evangeri esupi mOmavangeri aehe nu ra serekarera ousupi ohunga notjiungura tja Jesus, onḓiro, nombendukiro ye. Oro ra haṋika motupa tuvari: Orupa orutenga (Mark 1:1—8:30, 2:7; 4:41; 6:3; 6:14-16; 8:27-28). Orupa ndwi rutara tjinene kepuriro ndi “Jesus eye owaṋi?” Ouvara we u munika momahongero we (1:22, 27), okuisira ovandu ourunde (2:5-12), okuisana ovandu kutja ve mu kongorere (1:17-20; 2:14), nokuvehinda kutja vekazuvarise (6:7). Eye wa ri nouvara okuraera ovandu kutja ovikurya avihe ovikohoke (7:19), okutena ozonongo zomambo, Ovafarisei, nOvasaduke (7:1-13). Eye oMuhona wesabata (2:27-28). Jesus wa ri nouvara kombanda yozombepo ozohakohoke (1:25-27; 3:11; 5:1-13), na kombanda yoviutwa avihe (4:39; 6:35-44; 6:47-50; 8:5-10), na kombanda yomitjise avihe (1:33-34; 1:41-42; 3:5; 6:54-56; 7:33-35; 8:25), nu nangarire kombanda yonḓiro (5:41-42). Epu ehongonekwa rorupa orutenga otja komahongononeno wa Petrus; Jesus “Onguri Kristus!” (Mk 8:29).
Orupa orutjavari (Mk 8:31—16:8) maru tungire kepu ehongonekwa okuza korupa orutenga. Oro maru hungire tjinene nomasa Jesus kutja “Onguri Kristus!” (Mk 8:29), nu ondando ye oya tjike, nu okurira omuhongewa we ma ku hee tjike (9:9). Nu Jesus opu ma hungirire oukahu kutja eye keere okukarerwa nungwari weera okukarera nokuyandja omuinyo we urire onguturiro yovengi (Mk 10:45). Jesus Ombara ndji nouvara auhe, nungwari eye wina omukarere. Punao imba mbe mu kongorera mave sokukarera wina (9:35; 10:42-45). Morupa ndwi Markus wina ma raisa omayuva omasenina womuinyo wa Jesus komurungu wonḓiro na kombendukiro ye (Mark 11).
Omakutiro womambo
Ombutiro: Johanes Omupapitise (1:1-13)
Otjiungura tja Jesus mOgalilea (1:14—9:50)
Okuza kOgalilea okuyenda kOjerusalem (10:1-52)
Otjivike otjisenina popezu na mOjerusalem (11:1—15:47)
Ombendukiro ya Jesus (16:1-8)
Omerimunikisiro nomarondero wa Jesus (14—16)
ទើបបានជ្រើសរើសហើយ៖
Markus Ondjiukisiro: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.