Mateus 24
24
Jesus ma hungire omanyoneno wondjuwo ya Muhona
(Mk 13:1-2; Lk 21:5-6)
1Jesus wa pitire nu ngunda ama zu po pondjuwo ya Muhona ovahongewa ve arire tji ve ya ku ye nave mu raisire inga omatungiro wayo. 2Nungwari eye wa zira a tja: “Ii, eṋe mamu munu oviṋa avihe mbi. Tjiri, me mu raere, imba kamaape sewa ewe nangarire rimwe kombanda yekwao; aehe maye teyewa.”
Omaumba nomatatumisiro
(Mk 13:3-13; Lk 21:7-19)
3Jesus tja karere pehi kOndundu yOmiṋinga ovahongewa ve arire tji ve ya ku ye aveyerike nave pura ave tja: “Tu raera kutja oviṋa avihe mbi mavi tjitwa ruṋe nokutja otjiraisiro tjomeero woye notjomaandero wouye mbwi ma rire tjiṋe?”
4Jesus a ziri a tja: “Ṱakamiseye nawa nu ape ningi omundu ngu me mu wovisa. 5Ovengi mbu mave ritjindi aayo mave hungire mena randje mave ya ave tja: ‘Owami ngu mbi ri Omutwirisiwa!’ Nowo mave pukisa ovandu ovengi. 6Eṋe mamu zuu ombosiro yovita popezu nozombuze zovita kokure tjinene, nu amu kurungisiwa ko. Oviṋa mbi mavi tjitwa, nungwari ovyo kavi nakuheya kutja inga omaandero ye ya. 7Otjiwaṋa tjimwe matji sekamene otjiwaṋa otjikwao, nouhona umwe au rwisa ouhona oukwao. Nu koṋa akuhe maku kara ondjara nomanyinganyingiro wehi. 8Oviṋa avihe mbi vya sana nombutiro yozongama zokupanduka.
9 #
Mt 10:22
“Oruveze ndo tji rweya, eṋe mamu kamburwa amu yandjwa kokutatumisiwa namu ṱu. Ovandu avehe mave mu tondo motjimbe tjandje. 10Momayuva ngo ovengi mave isa ongamburiro yawo; owo mave hororasana movineya nave tandasana. 11Okuzambo ovaprofete ovengi woposyo mave penduka nave wovisa ovandu ovengi. 12Nouvi tjinga amau takavara nai, orusuvero rwovengi otjinga amaru yaruka ombunda. 13#Mt 10:22Nungwari ingwi ngu ma panḓere po nga komaandero, ma yamwa. 14Nu indji Ombuze Ombwa yOuhona mai zuvarisiwa mouye auhe i rire omahongononeno koviwaṋa avihe; nomaandero otji maye ya.
Eyayu romanyoneno
(Mk 13:14-23; Lk 21:20-24)
15 #
Dan 9:27; 11:31; 12:11 “Eṋe ma munu ‘Eyayu rOmanyoneno’ ara kurama poṋa popayapuke otja omuprofete Daniel tja hungirire. Auhe ngu ma rese omambo nga nga zuve nawa! 16Imba mbe ri mOjudea ngave taurire kozondundu. 17#Lk 17:31Nu ngu ri komututu wondjuwo ye ngaa heruka okukatoora oviṋa vye mondjuwo. 18Ingwi ngu ri mehi romakunino ngaa yaruka okukatoora ozombanda ze. 19Owee kovakazendu ovingundi na ku imba mbe nyamisisa momayuva ngo! 20Kumbeye ku Ndjambi kutja tji mamu taura a ha rire mokupepera poo mesabata. 21#Dan 12:1; Omav 7:14Orondu momayuva ngo mamu kara ozombamisiro ozonene tjinene nḓe hi na indu za karere po okuza kombutiro youye nga ku ndinondi. Nu kamaape kakara otjiṋa tji tja sana ngo rukwao. 22Nu Ndjambi andakuzu ka susuparisire omayuva ngo, andakuzu katjape ninga omunamuinyo ngu ma hupisiwa. Nungwari omayuva ngo Ndjambi me ye susuparisire ovatoororwa ve.
23“Tji pena omundu ngu ma tja nai ku eṋe: ‘Tareye, Omutwirisiwa eye ngwi!’ poo ‘Tareye eye ngwina!’ eṋe amu kambura ko. 24Orondu tjinga amamu penduka ovatwirisiwa voposyo novaprofete voposyo. Owo mave tjiti ovihimise noviraisiro ovinene okupukisa na vyo nangarire imba ovatoororwa va Ndjambi, andakuzu mape sorwa. 25Ritjevereye nawa! Ami mbe mu raerere po oviṋa avihe mbi, omayuva ngo ngunda aye hiye ya.
26 #
Lk 17:23, 24 “Novandu tji mave tja ku eṋe: ‘Tareye, eye wa i mokuti onguza,’ amu ha i ko koṋa ngo poo tji mave tja: ‘Tareye, eye ngo wa ṱara mbo,’ eṋe amu ha kambura ko. 27Orondu Omuna wOmundu meya otja orutjeno rwombura ndu maru tjene mevaverwa arihe okuza komuhuka nga kongurova.
28 #
Lk 17:37
“Nu apehe pu pe nomutundu wotjinamuinyo opu pe woronganena ozonguvi.
Omeero wOmuna wOmundu
(Mk 13:24-27; Lk 21:25-28)
29 #
Jes 13:10; Joel 2:10, 31; 3:15; Omav 6:12
Jes 13:10; Esek 32:7; Joel 2:10; 3:15
Jes 34:4; Omav 6:13 “Tjimanga kombunda yombamisiro yomayuva ngo, eyuva mari zorere nomueze kau tji nakuyera; ozonyose maze u keyuru, nomasa woviutwa mbi ri mevaverwa ma ye kurakurisiwa. 30#Dan 7:13; Sak 12:10-14; Omav 1:7Oruveze ndo otjiraisiro tjOmuna wOmundu otji matji munika mevaverwa; nomihoko avihe mavi uru tji mave munu Omuna wOmundu ama yende movikamba vyeyuru nomasa omanene nouvara. 31Ohiva onene mai pose, neye ma hindi ovaengeri ve komikuma poune wavyo vyehi, nowo ave kawonga otjiwaṋa tje otjitoororwa okuza kotjikoro tjimwe tjouye nga kotjikwao.
Omahongero womukuyumbwa
(Mk 13:28-31; Lk 21:29-33)
32“Nu rihongereye komukuyumbwa. Otutavi twawo tji twa rire otutarazu atu eta omaso, otji mamu tjiwa kutja okurooro ku ri popezu. 33Momuhingo tjingewo mbwi eṋe tji mamu munu oviṋa avihe mbi, mamu tjiwa kutja omayuva ngo ye ya, ye ri popezu. 34Tjiri, me mu raere, oviṋa avihe mbi mavi tjitwa, ovandu mbe nomuinyo nai ngunda ave hiya koka avehe. 35Eyuru nehi mavi yanda, nungwari inga omambo wandje kamaaye yanda ko.
Kape na ngu ma tjiwa eyuva noiri
(Mk 13:32-37; Lk 17:26-30, 34-35)
36“Nungwari kape nomundu ngu ma tjiwa eyuva ndo na indji oiri, nangarire ovaengeri meyuru, nangarire ingwi Omuna posi ya Tate omuini porwe. 37#Gen 6:5-8Omeero wOmuna wOmundu maye sana na imbi mbya tjitirwe momayuva wa Noa. 38Omayuva nga wo komurungu womupupo ovandu aave ri nokunwa, novarumendu novakazendu aave kupasana nga keyuva ndi Noa nda hitire motjitendeze. 39#Gen 7:6-24Nungwari owo kave tjizire imbi mbyaa vi tjitwa nga omupupo tji weya nau ve twara avehe. Otjinga amape kara nao indu Omuna wOmundu tje ya. 40Momayuva ngo mamu kara ovandu vevari mehi romakunino: Umwe ma toorwa, nomukwao a isiwa. 41Ovakazendu vevari mave kweya pamwe ovikokotwa kombako imwe; umwe ma toorwa, nomukwao a isiwa.
42“Otji mamu sokukara katumba tjinga amu hi nokutjiwa kutja oMuhona weṋu meya eyuva riṋe. 43#Lk 12:39, 40Andakuzu omuini wondjuwo aa tjiwa kutja erunga mari ya ruṋe ouṱuku, eye, tjiri, atja kara katumba na ha tarere erunga amari teya ondjuwo ye. 44Eṋe wina opu mamu sokurirongera, Omuna wOmundu tjinga a meya moiri ndji mu hinakumuundja.
Omukarere omuṱakame nomuhaṱakama
(Lk 12:41-48)
45“Omukarere omuṱakame nomunazondunge hapo ouṋe? Eye ngwi omuhona we ngwe mu zika kombanda yovakarere ovakwao kutja e ve pe ovikurya moruveze ndwa tuwa po. 46Omuṋingandu omukarere ngo, ingwi omuhona we tje ya ngu me mu vaza ama tjiti nao. 47Tjiri, me mu raere, omuhona ma ziki omukarere ngo kutja a rire omuṱakamise wouini we auhe. 48Nungwari tje ri omukarere omuhaṱakama, eye me rihungirire momutima we kutja omuhona we ke nokukotoka tjimanga. 49Notji ma utu okutona ovakarere ovakwao, a ri na nu puna imba mbe ṱomeva wamururu. 50Nungwari omuhona womukarere ngwi ma kotoka meyuva eye nde hi nokumuundja, na moiri eye ndje hi nokutjiwa. 51Eye me mu pe omberero nu e mu twa poruveze rumwe na imba ovanatjavivi. Ingo oku maku kakara omaririro nomakweyero womayo.
ទើបបានជ្រើសរើសហើយ៖
Mateus 24: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Mateus 24
24
Jesus ma hungire omanyoneno wondjuwo ya Muhona
(Mk 13:1-2; Lk 21:5-6)
1Jesus wa pitire nu ngunda ama zu po pondjuwo ya Muhona ovahongewa ve arire tji ve ya ku ye nave mu raisire inga omatungiro wayo. 2Nungwari eye wa zira a tja: “Ii, eṋe mamu munu oviṋa avihe mbi. Tjiri, me mu raere, imba kamaape sewa ewe nangarire rimwe kombanda yekwao; aehe maye teyewa.”
Omaumba nomatatumisiro
(Mk 13:3-13; Lk 21:7-19)
3Jesus tja karere pehi kOndundu yOmiṋinga ovahongewa ve arire tji ve ya ku ye aveyerike nave pura ave tja: “Tu raera kutja oviṋa avihe mbi mavi tjitwa ruṋe nokutja otjiraisiro tjomeero woye notjomaandero wouye mbwi ma rire tjiṋe?”
4Jesus a ziri a tja: “Ṱakamiseye nawa nu ape ningi omundu ngu me mu wovisa. 5Ovengi mbu mave ritjindi aayo mave hungire mena randje mave ya ave tja: ‘Owami ngu mbi ri Omutwirisiwa!’ Nowo mave pukisa ovandu ovengi. 6Eṋe mamu zuu ombosiro yovita popezu nozombuze zovita kokure tjinene, nu amu kurungisiwa ko. Oviṋa mbi mavi tjitwa, nungwari ovyo kavi nakuheya kutja inga omaandero ye ya. 7Otjiwaṋa tjimwe matji sekamene otjiwaṋa otjikwao, nouhona umwe au rwisa ouhona oukwao. Nu koṋa akuhe maku kara ondjara nomanyinganyingiro wehi. 8Oviṋa avihe mbi vya sana nombutiro yozongama zokupanduka.
9 #
Mt 10:22
“Oruveze ndo tji rweya, eṋe mamu kamburwa amu yandjwa kokutatumisiwa namu ṱu. Ovandu avehe mave mu tondo motjimbe tjandje. 10Momayuva ngo ovengi mave isa ongamburiro yawo; owo mave hororasana movineya nave tandasana. 11Okuzambo ovaprofete ovengi woposyo mave penduka nave wovisa ovandu ovengi. 12Nouvi tjinga amau takavara nai, orusuvero rwovengi otjinga amaru yaruka ombunda. 13#Mt 10:22Nungwari ingwi ngu ma panḓere po nga komaandero, ma yamwa. 14Nu indji Ombuze Ombwa yOuhona mai zuvarisiwa mouye auhe i rire omahongononeno koviwaṋa avihe; nomaandero otji maye ya.
Eyayu romanyoneno
(Mk 13:14-23; Lk 21:20-24)
15 #
Dan 9:27; 11:31; 12:11 “Eṋe ma munu ‘Eyayu rOmanyoneno’ ara kurama poṋa popayapuke otja omuprofete Daniel tja hungirire. Auhe ngu ma rese omambo nga nga zuve nawa! 16Imba mbe ri mOjudea ngave taurire kozondundu. 17#Lk 17:31Nu ngu ri komututu wondjuwo ye ngaa heruka okukatoora oviṋa vye mondjuwo. 18Ingwi ngu ri mehi romakunino ngaa yaruka okukatoora ozombanda ze. 19Owee kovakazendu ovingundi na ku imba mbe nyamisisa momayuva ngo! 20Kumbeye ku Ndjambi kutja tji mamu taura a ha rire mokupepera poo mesabata. 21#Dan 12:1; Omav 7:14Orondu momayuva ngo mamu kara ozombamisiro ozonene tjinene nḓe hi na indu za karere po okuza kombutiro youye nga ku ndinondi. Nu kamaape kakara otjiṋa tji tja sana ngo rukwao. 22Nu Ndjambi andakuzu ka susuparisire omayuva ngo, andakuzu katjape ninga omunamuinyo ngu ma hupisiwa. Nungwari omayuva ngo Ndjambi me ye susuparisire ovatoororwa ve.
23“Tji pena omundu ngu ma tja nai ku eṋe: ‘Tareye, Omutwirisiwa eye ngwi!’ poo ‘Tareye eye ngwina!’ eṋe amu kambura ko. 24Orondu tjinga amamu penduka ovatwirisiwa voposyo novaprofete voposyo. Owo mave tjiti ovihimise noviraisiro ovinene okupukisa na vyo nangarire imba ovatoororwa va Ndjambi, andakuzu mape sorwa. 25Ritjevereye nawa! Ami mbe mu raerere po oviṋa avihe mbi, omayuva ngo ngunda aye hiye ya.
26 #
Lk 17:23, 24 “Novandu tji mave tja ku eṋe: ‘Tareye, eye wa i mokuti onguza,’ amu ha i ko koṋa ngo poo tji mave tja: ‘Tareye, eye ngo wa ṱara mbo,’ eṋe amu ha kambura ko. 27Orondu Omuna wOmundu meya otja orutjeno rwombura ndu maru tjene mevaverwa arihe okuza komuhuka nga kongurova.
28 #
Lk 17:37
“Nu apehe pu pe nomutundu wotjinamuinyo opu pe woronganena ozonguvi.
Omeero wOmuna wOmundu
(Mk 13:24-27; Lk 21:25-28)
29 #
Jes 13:10; Joel 2:10, 31; 3:15; Omav 6:12
Jes 13:10; Esek 32:7; Joel 2:10; 3:15
Jes 34:4; Omav 6:13 “Tjimanga kombunda yombamisiro yomayuva ngo, eyuva mari zorere nomueze kau tji nakuyera; ozonyose maze u keyuru, nomasa woviutwa mbi ri mevaverwa ma ye kurakurisiwa. 30#Dan 7:13; Sak 12:10-14; Omav 1:7Oruveze ndo otjiraisiro tjOmuna wOmundu otji matji munika mevaverwa; nomihoko avihe mavi uru tji mave munu Omuna wOmundu ama yende movikamba vyeyuru nomasa omanene nouvara. 31Ohiva onene mai pose, neye ma hindi ovaengeri ve komikuma poune wavyo vyehi, nowo ave kawonga otjiwaṋa tje otjitoororwa okuza kotjikoro tjimwe tjouye nga kotjikwao.
Omahongero womukuyumbwa
(Mk 13:28-31; Lk 21:29-33)
32“Nu rihongereye komukuyumbwa. Otutavi twawo tji twa rire otutarazu atu eta omaso, otji mamu tjiwa kutja okurooro ku ri popezu. 33Momuhingo tjingewo mbwi eṋe tji mamu munu oviṋa avihe mbi, mamu tjiwa kutja omayuva ngo ye ya, ye ri popezu. 34Tjiri, me mu raere, oviṋa avihe mbi mavi tjitwa, ovandu mbe nomuinyo nai ngunda ave hiya koka avehe. 35Eyuru nehi mavi yanda, nungwari inga omambo wandje kamaaye yanda ko.
Kape na ngu ma tjiwa eyuva noiri
(Mk 13:32-37; Lk 17:26-30, 34-35)
36“Nungwari kape nomundu ngu ma tjiwa eyuva ndo na indji oiri, nangarire ovaengeri meyuru, nangarire ingwi Omuna posi ya Tate omuini porwe. 37#Gen 6:5-8Omeero wOmuna wOmundu maye sana na imbi mbya tjitirwe momayuva wa Noa. 38Omayuva nga wo komurungu womupupo ovandu aave ri nokunwa, novarumendu novakazendu aave kupasana nga keyuva ndi Noa nda hitire motjitendeze. 39#Gen 7:6-24Nungwari owo kave tjizire imbi mbyaa vi tjitwa nga omupupo tji weya nau ve twara avehe. Otjinga amape kara nao indu Omuna wOmundu tje ya. 40Momayuva ngo mamu kara ovandu vevari mehi romakunino: Umwe ma toorwa, nomukwao a isiwa. 41Ovakazendu vevari mave kweya pamwe ovikokotwa kombako imwe; umwe ma toorwa, nomukwao a isiwa.
42“Otji mamu sokukara katumba tjinga amu hi nokutjiwa kutja oMuhona weṋu meya eyuva riṋe. 43#Lk 12:39, 40Andakuzu omuini wondjuwo aa tjiwa kutja erunga mari ya ruṋe ouṱuku, eye, tjiri, atja kara katumba na ha tarere erunga amari teya ondjuwo ye. 44Eṋe wina opu mamu sokurirongera, Omuna wOmundu tjinga a meya moiri ndji mu hinakumuundja.
Omukarere omuṱakame nomuhaṱakama
(Lk 12:41-48)
45“Omukarere omuṱakame nomunazondunge hapo ouṋe? Eye ngwi omuhona we ngwe mu zika kombanda yovakarere ovakwao kutja e ve pe ovikurya moruveze ndwa tuwa po. 46Omuṋingandu omukarere ngo, ingwi omuhona we tje ya ngu me mu vaza ama tjiti nao. 47Tjiri, me mu raere, omuhona ma ziki omukarere ngo kutja a rire omuṱakamise wouini we auhe. 48Nungwari tje ri omukarere omuhaṱakama, eye me rihungirire momutima we kutja omuhona we ke nokukotoka tjimanga. 49Notji ma utu okutona ovakarere ovakwao, a ri na nu puna imba mbe ṱomeva wamururu. 50Nungwari omuhona womukarere ngwi ma kotoka meyuva eye nde hi nokumuundja, na moiri eye ndje hi nokutjiwa. 51Eye me mu pe omberero nu e mu twa poruveze rumwe na imba ovanatjavivi. Ingo oku maku kakara omaririro nomakweyero womayo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.