Mateus 23
23
Jesus ma rongo ovandu okuritjevera kozonongo zomambo nOvafarisei
(Mk 12:38-39; Lk 11:43, 46; 20:45-46)
1Jesus wa hungirire kotjimbumba tjovandu na kovahongewa ve a tja: 2“Ozonongo zomambo nOvafarisei ve nouvara okuhandjaura Omatwako wa Moses. 3Otji mwa sokutjita nokuṱakamisa avihe mbi mave mu raere; nungwari amu horere ko kovikaro vyawo, owo tjinga ave ha yenenisa imbi mbi ve mu raera. 4Owo ve twako omitwaro omizeu komatambo wovandu nu mbi ha sora okutjindwa, nowo oveni kave vanga okuṱuna ko nangarire nomunwe uriri okuvevatera. 5#Mt 6:1 Deu 6:8 Num 15:38Navihe mbi ve tjita ve vi tjitira okumunika kovandu. Owo ve parangisa otukwamo ku ku nomazeva womatjangwa kovipara na komaoko wawo, nozosinga kovikoro vyozombanda zawo ve ze neneparisa. 6Owo va suvera otuveze twondengero pomikandi novihavero vyovatengwandu mozosinagoge. 7Nu va suvera okuminikwa nondengero potuveze twomarandisiro nokuisanewa muhonge i ovandu. 8Eṋe amu riyandjere okuisanewa muhonge tjinga amu nOmuhonge umwe uriri, namu ri ovangu nomarumbi. 9Nu ape ningi omundu ngu mamu isana kutja ‘tate’ kombanda yehi, tjinga amuna Tate umwe porwe meyuru. 10Wina amu isanewa ko muhonge tjinga amu nOmuhonge umwe porwe ngu ri Omutwirisiwa. 11#Mt 20:26, 27; Mk 9:35; 10:43, 44; Lk 22:26Nomunenene mokati keṋu nga rire omukarere weṋu. 12#Lk 14:11; 18:14Auhe ngu me ritongamisa omuini ma susuparisiwa, nu ngu me risusuparisa omuini ma tongamisiwa.
Jesus ma pangura ounatjavivi wawo
(Mk 12:40; Lk 11:39-42, 44, 52; 20:47)
13“Owee ku eṋe, zonongo zomambo nOvafarisei, eṋe ovanatjavivi! Eṋe mu pata omuvero wouhona womayuru momurungu wovandu, nu eṋe oveni mwe ripatera pendje, nu mu tjaera imba mbu mave vanga okuhita!#23:13: Omatjangwa omakwao ya weza po ezeva ndi: 14 Owee ku eṋe, ozonongo zomambo nOvafarisel! Eṋe vanatjavivi! Eṋe mu punda ovahepundu amamu ve wovisa nozongumbiro ozonde! Nu motjimbe tjotjiṋa hi omberero yeṋu mai rire onḓeu tjinene.
15“Owee ku eṋe, zonongo zomambo nOvafarisei, eṋe ovanatjavivi! Eṋe mu tapakaṋa okuvare nehi arihe okukapaha omuritanaure umwe, neye tje ritanaura, arire tji mwe mu zunḓire ko kutja a yende kotjovasengwa potuvari okukapita eṋe oveni!
16“Owee ku eṋe, vahongore ovapoṱu! Eṋe mu honga ovandu amu tja: ‘Omundu tja yana kondjuwo ya Muhona, okutja opouriri, ke nakuhepa okuyenenisa otjiṋa otja koruyano rwe, nungwari tja yana kotjingoldo tjondjuwo ya Muhona, okutja eye u sokuyenenisa oruyano rwe.’ 17Mayova nu vapoṱu weṋe! Tji tji ri otjinanḓengu tjinene, otjiṋe? Otjo hi otjingoldo poo oyo ndji ondjuwo ya Muhona, ndji yapura otjingoldo? 18Wina mu honga ovandu amu tja: ‘Omundu tja yana kotjipunguhiro, okutja opouriri otja koruyano rwe, nungwari tja yana kotjiyandjewa tji tji ri kotjipunguhiro, okutja eye u sokuyenenisa oruyano rwe!’ 19Owee ku eṋe ovapoṱu! Otjinanḓengu tjinene, otjiṋe? Otjo hi otjiyandjewa poo otjo hi otjipunguhiro tji tji yapura otjiyandjewa? 20Nomundu tji ma yana kotjipunguhiro, okutja nao ma yana ku tjo na koviyandjewa avihe mbi ri ku tjo. 21Nu tji ma yana kondjuwo ya Muhona, okutja nao ma yana ku yo na ku Ndjambi ngwa tura mu yo; 22#Jes 66:1; Mt 5:34nu tji ma yana keyuru, okutja nao ma yana kotjihavero tjouhona wa Ndjambi na ku ingwi ngu haama ku tjo.
23 #
Lev 27:30
“Owee ku eṋe, zonongo zomambo nOvafarisei, eṋe ovanatjavivi! Eṋe mu yandja ku Ndjambi ihi otjitjamurongo tjominte noaneis nokoljander, nungwari kamu ṱakamisa imbi oviṋa ovinanḓengu vyOmatwako otja ousemba notjari nongamburiro. Imbi ombi mamu sokuyenenisa, nu mbina ovikwao avi hi nokuisiwa wina. 24Vahongore ovapoṱu! Eṋe mu nyenḓa onḓe momanuwa weṋu namu ṋiṋa ongamero.
25“Owee ku eṋe, zonongo zomambo nOvafarisei, eṋe ovanatjavivi! Eṋe mu kohorora otjinwino notjiyaha tjeṋu pendje, ngunda imwi moukoto amwe ura nozondjito zeṋu zoutwe novyombonḓi vyeṋu. 26Mufarisei omupoṱu ove! Koha imbi mbi ri moukoto wotjinwino rutenga, nu pendje yatjo wina mape rire opakohoke.
27 #
Oviu 23:3
“Owee ku eṋe, zonongo zomambo nOvafarisei, eṋe ovanatjavivi! Eṋe mwa sana nomaendo nga huwa ouvapa, nu nge munika nawa kombanda, nungwari tjandje moukoto owo ye ura nomaṱupa noturova tu twa wora. 28Momuhingo tjingewo wina eṋe kombanda mu munika aayo oweṋe ovasemba komurungu wovandu, nungwari tjandje moukoto eṋe mwe ura notjavivi nourunde.
Jesus ma tjivisa omberero yawo
(Lk 11:47-51)
29“Owee ku eṋe, zonongo zomambo nOvafarisei, eṋe ovanatjavivi! Eṋe mu tungira ovaprofete omaendo omawa omamanisa, nu mu hareka omaendo wovaṱakame. 30Mu tja: ‘Andakuzu omu twa ri moruveze rwootate mukururume, katjatu tjita imbi owo mbyaa ve tjiti tji yave zepa ovaprofete.’ 31Momuhingo mbwi otjinga amu rihongonona oveni kutja oweṋe ozondekurona zaimba mbaa ve zepa ovaprofete! 32Neṋe kayendeye komurungu mu yenenise imbi ooiho mukururume mbi va uta! 33#Mt 3:7; 12:34; Lk 3:7Oweṋe zonyoka, rukwato rwomasu! Kamaamu sora okutaurira omberero yotjovasengwa! 34Tjiri opu me mu raerere kutja me mu hindire ovaprofete novarumendu ozonongo, nozonongo zomambo. Eṋe mamu zepa tjiva vawo amu ve papere kotjikoroise, tjiva amu ve tonene mozosinagoge namu ve ramba okuza motjirongo nga kotjirongo. 35#Gen 4:8 2Eku 24:20, 21Komuhingo mbwi omberero yokuzepa ovandu avehe ovehinandjo otji mai ya kombanda yeṋu, okuza komazepero womuhinandjo Abel nga ku inga wa Sakaria, omuzandu wa Berekja. Sakaria ongu mwa zepera pokati kondjuwo ya Muhona notjipunguhiro. 36Tjiri, me mu raere, omberero yokutjita omazepero aehe nga mai ya kombanda yotjiwaṋa hi tjanambano!
Jesus wa suvera otjihuro Jerusalem
(Lk 13:34-35)
37“Jerusalem, Jerusalem! Ove wa zepa ovaprofete nu wa zepa nomawe imba ovahindwa Ndjambi mba hindire kove. Itungapi tji mba vanga okuwonga ovature voye avehe tjimuna onḓera onḓenḓu tjinga ai wongera ouzerona wayo kehi yovivava vyayo, nungwari eṋe kamu vangere ko! 38#Jer 22:5Nu purateneye, otjihuro tjeṋu matji sewa tjo. 39#Psa 118:26Tjiri, me mu raere, kamaamu ndji munu rukwao nga meyuva ndi eṋe mu mamu ravaere amu tja: ‘Nga serwe ondaya ingwi ngu meya mena ra Muhona.’ ”
ទើបបានជ្រើសរើសហើយ៖
Mateus 23: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Mateus 23
23
Jesus ma rongo ovandu okuritjevera kozonongo zomambo nOvafarisei
(Mk 12:38-39; Lk 11:43, 46; 20:45-46)
1Jesus wa hungirire kotjimbumba tjovandu na kovahongewa ve a tja: 2“Ozonongo zomambo nOvafarisei ve nouvara okuhandjaura Omatwako wa Moses. 3Otji mwa sokutjita nokuṱakamisa avihe mbi mave mu raere; nungwari amu horere ko kovikaro vyawo, owo tjinga ave ha yenenisa imbi mbi ve mu raera. 4Owo ve twako omitwaro omizeu komatambo wovandu nu mbi ha sora okutjindwa, nowo oveni kave vanga okuṱuna ko nangarire nomunwe uriri okuvevatera. 5#Mt 6:1 Deu 6:8 Num 15:38Navihe mbi ve tjita ve vi tjitira okumunika kovandu. Owo ve parangisa otukwamo ku ku nomazeva womatjangwa kovipara na komaoko wawo, nozosinga kovikoro vyozombanda zawo ve ze neneparisa. 6Owo va suvera otuveze twondengero pomikandi novihavero vyovatengwandu mozosinagoge. 7Nu va suvera okuminikwa nondengero potuveze twomarandisiro nokuisanewa muhonge i ovandu. 8Eṋe amu riyandjere okuisanewa muhonge tjinga amu nOmuhonge umwe uriri, namu ri ovangu nomarumbi. 9Nu ape ningi omundu ngu mamu isana kutja ‘tate’ kombanda yehi, tjinga amuna Tate umwe porwe meyuru. 10Wina amu isanewa ko muhonge tjinga amu nOmuhonge umwe porwe ngu ri Omutwirisiwa. 11#Mt 20:26, 27; Mk 9:35; 10:43, 44; Lk 22:26Nomunenene mokati keṋu nga rire omukarere weṋu. 12#Lk 14:11; 18:14Auhe ngu me ritongamisa omuini ma susuparisiwa, nu ngu me risusuparisa omuini ma tongamisiwa.
Jesus ma pangura ounatjavivi wawo
(Mk 12:40; Lk 11:39-42, 44, 52; 20:47)
13“Owee ku eṋe, zonongo zomambo nOvafarisei, eṋe ovanatjavivi! Eṋe mu pata omuvero wouhona womayuru momurungu wovandu, nu eṋe oveni mwe ripatera pendje, nu mu tjaera imba mbu mave vanga okuhita!#23:13: Omatjangwa omakwao ya weza po ezeva ndi: 14 Owee ku eṋe, ozonongo zomambo nOvafarisel! Eṋe vanatjavivi! Eṋe mu punda ovahepundu amamu ve wovisa nozongumbiro ozonde! Nu motjimbe tjotjiṋa hi omberero yeṋu mai rire onḓeu tjinene.
15“Owee ku eṋe, zonongo zomambo nOvafarisei, eṋe ovanatjavivi! Eṋe mu tapakaṋa okuvare nehi arihe okukapaha omuritanaure umwe, neye tje ritanaura, arire tji mwe mu zunḓire ko kutja a yende kotjovasengwa potuvari okukapita eṋe oveni!
16“Owee ku eṋe, vahongore ovapoṱu! Eṋe mu honga ovandu amu tja: ‘Omundu tja yana kondjuwo ya Muhona, okutja opouriri, ke nakuhepa okuyenenisa otjiṋa otja koruyano rwe, nungwari tja yana kotjingoldo tjondjuwo ya Muhona, okutja eye u sokuyenenisa oruyano rwe.’ 17Mayova nu vapoṱu weṋe! Tji tji ri otjinanḓengu tjinene, otjiṋe? Otjo hi otjingoldo poo oyo ndji ondjuwo ya Muhona, ndji yapura otjingoldo? 18Wina mu honga ovandu amu tja: ‘Omundu tja yana kotjipunguhiro, okutja opouriri otja koruyano rwe, nungwari tja yana kotjiyandjewa tji tji ri kotjipunguhiro, okutja eye u sokuyenenisa oruyano rwe!’ 19Owee ku eṋe ovapoṱu! Otjinanḓengu tjinene, otjiṋe? Otjo hi otjiyandjewa poo otjo hi otjipunguhiro tji tji yapura otjiyandjewa? 20Nomundu tji ma yana kotjipunguhiro, okutja nao ma yana ku tjo na koviyandjewa avihe mbi ri ku tjo. 21Nu tji ma yana kondjuwo ya Muhona, okutja nao ma yana ku yo na ku Ndjambi ngwa tura mu yo; 22#Jes 66:1; Mt 5:34nu tji ma yana keyuru, okutja nao ma yana kotjihavero tjouhona wa Ndjambi na ku ingwi ngu haama ku tjo.
23 #
Lev 27:30
“Owee ku eṋe, zonongo zomambo nOvafarisei, eṋe ovanatjavivi! Eṋe mu yandja ku Ndjambi ihi otjitjamurongo tjominte noaneis nokoljander, nungwari kamu ṱakamisa imbi oviṋa ovinanḓengu vyOmatwako otja ousemba notjari nongamburiro. Imbi ombi mamu sokuyenenisa, nu mbina ovikwao avi hi nokuisiwa wina. 24Vahongore ovapoṱu! Eṋe mu nyenḓa onḓe momanuwa weṋu namu ṋiṋa ongamero.
25“Owee ku eṋe, zonongo zomambo nOvafarisei, eṋe ovanatjavivi! Eṋe mu kohorora otjinwino notjiyaha tjeṋu pendje, ngunda imwi moukoto amwe ura nozondjito zeṋu zoutwe novyombonḓi vyeṋu. 26Mufarisei omupoṱu ove! Koha imbi mbi ri moukoto wotjinwino rutenga, nu pendje yatjo wina mape rire opakohoke.
27 #
Oviu 23:3
“Owee ku eṋe, zonongo zomambo nOvafarisei, eṋe ovanatjavivi! Eṋe mwa sana nomaendo nga huwa ouvapa, nu nge munika nawa kombanda, nungwari tjandje moukoto owo ye ura nomaṱupa noturova tu twa wora. 28Momuhingo tjingewo wina eṋe kombanda mu munika aayo oweṋe ovasemba komurungu wovandu, nungwari tjandje moukoto eṋe mwe ura notjavivi nourunde.
Jesus ma tjivisa omberero yawo
(Lk 11:47-51)
29“Owee ku eṋe, zonongo zomambo nOvafarisei, eṋe ovanatjavivi! Eṋe mu tungira ovaprofete omaendo omawa omamanisa, nu mu hareka omaendo wovaṱakame. 30Mu tja: ‘Andakuzu omu twa ri moruveze rwootate mukururume, katjatu tjita imbi owo mbyaa ve tjiti tji yave zepa ovaprofete.’ 31Momuhingo mbwi otjinga amu rihongonona oveni kutja oweṋe ozondekurona zaimba mbaa ve zepa ovaprofete! 32Neṋe kayendeye komurungu mu yenenise imbi ooiho mukururume mbi va uta! 33#Mt 3:7; 12:34; Lk 3:7Oweṋe zonyoka, rukwato rwomasu! Kamaamu sora okutaurira omberero yotjovasengwa! 34Tjiri opu me mu raerere kutja me mu hindire ovaprofete novarumendu ozonongo, nozonongo zomambo. Eṋe mamu zepa tjiva vawo amu ve papere kotjikoroise, tjiva amu ve tonene mozosinagoge namu ve ramba okuza motjirongo nga kotjirongo. 35#Gen 4:8 2Eku 24:20, 21Komuhingo mbwi omberero yokuzepa ovandu avehe ovehinandjo otji mai ya kombanda yeṋu, okuza komazepero womuhinandjo Abel nga ku inga wa Sakaria, omuzandu wa Berekja. Sakaria ongu mwa zepera pokati kondjuwo ya Muhona notjipunguhiro. 36Tjiri, me mu raere, omberero yokutjita omazepero aehe nga mai ya kombanda yotjiwaṋa hi tjanambano!
Jesus wa suvera otjihuro Jerusalem
(Lk 13:34-35)
37“Jerusalem, Jerusalem! Ove wa zepa ovaprofete nu wa zepa nomawe imba ovahindwa Ndjambi mba hindire kove. Itungapi tji mba vanga okuwonga ovature voye avehe tjimuna onḓera onḓenḓu tjinga ai wongera ouzerona wayo kehi yovivava vyayo, nungwari eṋe kamu vangere ko! 38#Jer 22:5Nu purateneye, otjihuro tjeṋu matji sewa tjo. 39#Psa 118:26Tjiri, me mu raere, kamaamu ndji munu rukwao nga meyuva ndi eṋe mu mamu ravaere amu tja: ‘Nga serwe ondaya ingwi ngu meya mena ra Muhona.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.