Misɔ́n mí Ɓáōmɓɛ 25
25
Póol ɔ́sū ví gɔ́mna licɛ́ŋ Féstus
1Alɔ́ áŋháa ámbúh misɔ́ mɛ́ɛ́ á épah-ékombo yé líkanʼyɛ jɛ́ɛ́, gɔ́mna licɛ́ŋ Féstus ɔ ɓógó á Sezaléa li ɓét á Yélūsalɛm. 2Ɓakanʼyɛ ɓatíi-nsúlé la ɓacɛ́ŋ bí lílōm lí Élōg-Yúda bú sɔ́ nyɛ li ɛ́n á lí sɔ́mánɛ lí Póol. Bú sɔ́hye 3nyɛ ŋgandag nɛ́ a tímānɛ Póol á Yélūsalɛm. Kasig bí ŋgí somo nyɛ́ lí ám á nzen nɛ́ bí ól nyɛ́. 4Ndí, Féstus ɔ pélē nɛ́, Póol a lɛ́ ja á m̀ɓog á Sezaléa, la nɛ́, tɔ yá ɓɛ́ láá nyɛ́-mɛ̄n Féstus ag timan wóŋ puh eceg. 5Ɔ lága ki nɛ́: «Á póla yaná, mbii-ɓōt ɛ́ byáŋ elɔŋ la ma á lí suh á Sezaléa, kíyáɓɛ́nɛ ɓá ɛ́n nɛ nyɔ́ŋ mut a ɓɔ̄ŋ jam líh tɛ́ɛ́ ɓé, bí sɔ́mkáganɛ nyɛ́!»
6Féstus āh tɔɔ ɓé á yóg yaɓá li loo lí alɔ́ mwaam tɔ jóom. Ɛnɛ́ a tímān á Sezaléa, ɔlɔ́ ví ŋgí oŋ víŋ, ɔ tɔ́ɔ̄ á ndáá-bikááhɛ́nɛ́, la nyɛ́ ɔ kānʼyɛ́ nɛ bí sɔ́la Póol. 7Ɛnɛ́ Póol a sɔ́ɔ́, ɓɔɔ́n bí Élōg-Yúda, ɓá bí sɔ́léé á Yélūsalɛm bú díí nyɛ la ɓɔ́ bú ɓéeyɛ́ nyɛ́ ŋgandag mam yí ŋguu, ndí bí ŋgí la ɓé yɔ li étɛ. 8Póol á li suŋ lí m̀mú wɛ́ɛ́, ɔ lága nɛ: «Māh ɓɔŋ ɓé ma jam liɓé tɔ já, jé lí ŋga tɛ́ŋgánɛ mbéndá nyí Elōg-Yúda, tɔ ndáá-ēcɛ́ŋ-Ɔlolómɛ̄, tɔ káísa ecɛ́ŋ.» 9Kasig Féstus a ŋgí somo li nyɛɛle lí ɓɔ́ɔ̄n bí Élōg-Yúda, ɔ bíhī Póol nɛ́: «Ɓaá, ɔg yéɓe nɛ́ bí ɓét la wa á Yélūsalɛm á lí ɓɔŋ nɛ́ ŋkál wɔ́ɔ á lóo ɔ́sū vama é?» 10Ndí Póol ɔ tímānɛ̄ nyɛ nɛ́: «Mi lɛ vá á ndáá-mikál nyí káísa ecɛ́ŋ, vá hɔ́ nɛ ɓá nyɛɛ́ ma lí kááhɛ. Māh ɓɔŋ ɓé ma ɓɔ́ɔ̄n bí Élōg-Yúda tɔ jam, ákaa wā-mɛ̄n ɔ lɛ lí ɛ́n m̀ɓɛɛŋ m̀ɓɛɛŋ. 11Kíyáɓɛ́nɛ kɔɔ ma ku ŋkál, kíyáɓɛ́nɛ ma ɓɔ̄ŋ jam lí kɔɔ́ ma lí ólhánɛ, ɛnɛ mi kɔ́ɔ́ la nyɛmb. Ndí, kíyáɓɛ́nɛ mam ɓá ɓot bí ŋga pɔ́t ma mí sē ɓé mbálɛ, mut tɔ wa āh byɛ́ɛ́ ɓé kundɛ li mwahɛ lí ma á mɔ máɓá. Mag lónlene hɔ́ Káísa ecɛ́ŋ.» 12Ɛnɛ́ Féstus a súgɛ́ hɔ́ lí mɔg la ɔku vɛ́ɛ́, ɔ pélē nyɛ nɛ́: «Ákaa wa lónlé káísa ecɛ́ŋ, ɔg kɛ hɔ́ ɔ́sū vɛ́ɛ́.»
Póol ɔ́sū ví káísa Agilípa la Belénis
13Ámbúh puh alɔ́, káísa Agilípa la mɔɔ́nyāŋ-a-ŋgɔn Belénis bú sɔ́ á Sezaléa la ɓɔ́ bú lɛ́ŋlé Féstus. 14Kasig bí ŋgí nyɛɛ li loɛ lí puh alɔ́ váŋ, Féstus ɔ yíhɛ káísa Agilípa mpɔ́t á Póol, aá la nyɛ́ nɛ́: «Gɔ́mna licɛ́ŋ Félis a yígíí mut wa vá á m̀ɓog. 15Eceg mi ɓɛ́ɛ́ á Yélūsalɛm, ɓakanʼyɛ ɓatíi-nsúlé la ɓacɛ́ŋ bí lílōmɛ lí Élōg-Yúda bú sɔ́ nyɛ li sɔ́mánɛ á yóg yáma, la li ɓat nɛ́ mi kɔ́ghɛ́ nyɛ́. 16Ndí, mu pélē ɓɔ nɛ́, náŋ a sē ɓé á míɓɔŋɔg mí Élōg-Lóma nɛ́ bí kɔ́ghɛ́ mut ɛ́h ɓɛ́ ɓé nyɛ li kál la ɓot ɓá sɔ́mánɛ́ nyɛ, la lí tíi lí nyɛ póla nɛ́ a sūŋ m̀mú wɛ́ɛ́. 17Ɓáŋ ɓot bísɛ bí ɓomáán hɔ́ vá, ɛ́h ɓɛ́ ɓé ma lí tíi lí eceg, jɔ́ nɛ́ á ɔlɔ́ ví ŋgí oŋ víŋ, mi tɔɓéé á ndáá-mikál, mu kānʼyɛ́ nɛ bí sɔ́la nyɔ́ŋ mut. 18Ɛnɛ́ ɓasɔ́mánɛ nyɛ́ ɓá díí nyɛ, ɓáh étɛ ɓé ŋguu njɔm tɔ ya likɔlɓan la nyɛ́ nyí mi ŋgí ɔ́ŋɔ. 19Bí ɓɛ́ɛ́ já la mikwɛl mí mómo mí mi ŋgá sɔ́ŋtánɛ ɓé ma, likɔlɓan la eɓasɛ yáɓá, tín-tín la mut wa nɛ́ Yésus nyɔ́ a wú, ndí Póol nyɛ́ ag laga nɛ́ a ŋgí lɛ á éniŋ. 20Ákaa mi ŋgí yí ɓé ma bísúghɛ́nɛ́ mi nyɔ̄ŋ likɔlɓan la nyúŋ mpɔ́t, mu ɓāt Póol kí nɛ́ ag la li kɛ́ á Yélūsalɛm á lí somo nɛ́ bí kááhɛ́ nyɛ́ wóŋ. 21Ndí Póol a lónlé káísa ecɛ́ŋ nɛ́, yɔ-mɛ̄n nɛ́ ɛ́ kááhɛ́ nyɛ́, la ma mu kānʼyɛ́ hɔ́ nɛ bí náŋɛ̄ nyɛ́ á m̀ɓog tɛɛla á eceg bí ŋga kɛ́ nyɛ́ lí kɛla ɔ́sū ví káísa ecɛ́ŋ.» 22Agilípa ɔ yó hɔ́ la Féstus nɛ́: «Mág mi byɛ́ɛ́ kóó li ámblé lí nyɔ́ŋ mut.» Féstus ɔ pélē nyɛ nɛ́: «Likɛ́ɛ́ yágá, ɔg ámble nyɛ́.»
23Ɔlɔ́ ví ŋgí oŋ víŋ, Káísa Agilípa la mɔɔ́nyāŋ-a-ŋgɔn Belénis bú sɔ́ até á eduŋgú ecɛ́ŋ. Ámbúh, bú níŋgí á ndáá-mikál, elɔŋ la ɓakanʼyɛ ɓacɛ́ŋ bí sónja la ɓacɛ́ŋ bí tísɔn. Gɔ́mna licɛ́ŋ Féstus ɔ kānʼyɛ́ nɛ bí sɔ́la Póol, la ɓɔ́ bú sɔ́la nyɛ́. 24Váŋ nɛ́ Féstus a nyɔ̄ŋ mpɔ́t a byɛ́ nɛ́: «Á káísa Agilípa la ɓɛ́nɛ ɓáŋ bísɛ miní lɛ vá la ɓɛ́hɛ, léɓyán sig nyɔ́ mut. Elōg-Yúda yɔ́ ɛ́sɛ yá sɔ́ ma lí ɛ́n ányúū yɛ́ɛ̄ li ɓotle á Yélūsalɛm li pám tɛɛla vá, la milón nɛ́ āh kɔ́ɔ́ ɓé pɛ la eniŋ. 25Ndí ma, māh sɔm ɓé ma nyɛ́ njɔm tɔ ya ɛ ŋga óm nyɛ́ á nyɛmb. Kasig a lónlé káísa ecɛ́ŋ, ma súgɛ́ nɛ mag óm nyɛ́ á ɔ́sū vɛ́ɛ́. 26Ákaa mih byɛ́ɛ́ ɓé ma m̀mú á ŋkwɛl á kɔɔ́ á lí ciile lí káísa ecɛ́ŋ likɔlɓan la nyɛ́, jɔ́ nɛ́ ma sɔ́la nyɛ́ ɔ́sū váná, ndí tín-tín yágá ɔ́sū vɔ́ɔ wa káísa Agilípa, nɛ́ ámbúh nyú ŋkál, mi yí láá mi ŋga lá lí ciile lí káísa ecɛ́ŋ. 27Náŋ āh tɛ́ɛ́ ɓé ányúū yáma nɛ́ bi óm mut á miɓog ɔ́sū ví káísa ecɛ́ŋ ɛ́h ɓɛ́ ɓé lí yíhɛ lí jam a ɓɔ̄ŋ la mbálɛ.»
ទើបបានជ្រើសរើសហើយ៖
Misɔ́n mí Ɓáōmɓɛ 25: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Misɔ́n mí Ɓáōmɓɛ 25
25
Póol ɔ́sū ví gɔ́mna licɛ́ŋ Féstus
1Alɔ́ áŋháa ámbúh misɔ́ mɛ́ɛ́ á épah-ékombo yé líkanʼyɛ jɛ́ɛ́, gɔ́mna licɛ́ŋ Féstus ɔ ɓógó á Sezaléa li ɓét á Yélūsalɛm. 2Ɓakanʼyɛ ɓatíi-nsúlé la ɓacɛ́ŋ bí lílōm lí Élōg-Yúda bú sɔ́ nyɛ li ɛ́n á lí sɔ́mánɛ lí Póol. Bú sɔ́hye 3nyɛ ŋgandag nɛ́ a tímānɛ Póol á Yélūsalɛm. Kasig bí ŋgí somo nyɛ́ lí ám á nzen nɛ́ bí ól nyɛ́. 4Ndí, Féstus ɔ pélē nɛ́, Póol a lɛ́ ja á m̀ɓog á Sezaléa, la nɛ́, tɔ yá ɓɛ́ láá nyɛ́-mɛ̄n Féstus ag timan wóŋ puh eceg. 5Ɔ lága ki nɛ́: «Á póla yaná, mbii-ɓōt ɛ́ byáŋ elɔŋ la ma á lí suh á Sezaléa, kíyáɓɛ́nɛ ɓá ɛ́n nɛ nyɔ́ŋ mut a ɓɔ̄ŋ jam líh tɛ́ɛ́ ɓé, bí sɔ́mkáganɛ nyɛ́!»
6Féstus āh tɔɔ ɓé á yóg yaɓá li loo lí alɔ́ mwaam tɔ jóom. Ɛnɛ́ a tímān á Sezaléa, ɔlɔ́ ví ŋgí oŋ víŋ, ɔ tɔ́ɔ̄ á ndáá-bikááhɛ́nɛ́, la nyɛ́ ɔ kānʼyɛ́ nɛ bí sɔ́la Póol. 7Ɛnɛ́ Póol a sɔ́ɔ́, ɓɔɔ́n bí Élōg-Yúda, ɓá bí sɔ́léé á Yélūsalɛm bú díí nyɛ la ɓɔ́ bú ɓéeyɛ́ nyɛ́ ŋgandag mam yí ŋguu, ndí bí ŋgí la ɓé yɔ li étɛ. 8Póol á li suŋ lí m̀mú wɛ́ɛ́, ɔ lága nɛ: «Māh ɓɔŋ ɓé ma jam liɓé tɔ já, jé lí ŋga tɛ́ŋgánɛ mbéndá nyí Elōg-Yúda, tɔ ndáá-ēcɛ́ŋ-Ɔlolómɛ̄, tɔ káísa ecɛ́ŋ.» 9Kasig Féstus a ŋgí somo li nyɛɛle lí ɓɔ́ɔ̄n bí Élōg-Yúda, ɔ bíhī Póol nɛ́: «Ɓaá, ɔg yéɓe nɛ́ bí ɓét la wa á Yélūsalɛm á lí ɓɔŋ nɛ́ ŋkál wɔ́ɔ á lóo ɔ́sū vama é?» 10Ndí Póol ɔ tímānɛ̄ nyɛ nɛ́: «Mi lɛ vá á ndáá-mikál nyí káísa ecɛ́ŋ, vá hɔ́ nɛ ɓá nyɛɛ́ ma lí kááhɛ. Māh ɓɔŋ ɓé ma ɓɔ́ɔ̄n bí Élōg-Yúda tɔ jam, ákaa wā-mɛ̄n ɔ lɛ lí ɛ́n m̀ɓɛɛŋ m̀ɓɛɛŋ. 11Kíyáɓɛ́nɛ kɔɔ ma ku ŋkál, kíyáɓɛ́nɛ ma ɓɔ̄ŋ jam lí kɔɔ́ ma lí ólhánɛ, ɛnɛ mi kɔ́ɔ́ la nyɛmb. Ndí, kíyáɓɛ́nɛ mam ɓá ɓot bí ŋga pɔ́t ma mí sē ɓé mbálɛ, mut tɔ wa āh byɛ́ɛ́ ɓé kundɛ li mwahɛ lí ma á mɔ máɓá. Mag lónlene hɔ́ Káísa ecɛ́ŋ.» 12Ɛnɛ́ Féstus a súgɛ́ hɔ́ lí mɔg la ɔku vɛ́ɛ́, ɔ pélē nyɛ nɛ́: «Ákaa wa lónlé káísa ecɛ́ŋ, ɔg kɛ hɔ́ ɔ́sū vɛ́ɛ́.»
Póol ɔ́sū ví káísa Agilípa la Belénis
13Ámbúh puh alɔ́, káísa Agilípa la mɔɔ́nyāŋ-a-ŋgɔn Belénis bú sɔ́ á Sezaléa la ɓɔ́ bú lɛ́ŋlé Féstus. 14Kasig bí ŋgí nyɛɛ li loɛ lí puh alɔ́ váŋ, Féstus ɔ yíhɛ káísa Agilípa mpɔ́t á Póol, aá la nyɛ́ nɛ́: «Gɔ́mna licɛ́ŋ Félis a yígíí mut wa vá á m̀ɓog. 15Eceg mi ɓɛ́ɛ́ á Yélūsalɛm, ɓakanʼyɛ ɓatíi-nsúlé la ɓacɛ́ŋ bí lílōmɛ lí Élōg-Yúda bú sɔ́ nyɛ li sɔ́mánɛ á yóg yáma, la li ɓat nɛ́ mi kɔ́ghɛ́ nyɛ́. 16Ndí, mu pélē ɓɔ nɛ́, náŋ a sē ɓé á míɓɔŋɔg mí Élōg-Lóma nɛ́ bí kɔ́ghɛ́ mut ɛ́h ɓɛ́ ɓé nyɛ li kál la ɓot ɓá sɔ́mánɛ́ nyɛ, la lí tíi lí nyɛ póla nɛ́ a sūŋ m̀mú wɛ́ɛ́. 17Ɓáŋ ɓot bísɛ bí ɓomáán hɔ́ vá, ɛ́h ɓɛ́ ɓé ma lí tíi lí eceg, jɔ́ nɛ́ á ɔlɔ́ ví ŋgí oŋ víŋ, mi tɔɓéé á ndáá-mikál, mu kānʼyɛ́ nɛ bí sɔ́la nyɔ́ŋ mut. 18Ɛnɛ́ ɓasɔ́mánɛ nyɛ́ ɓá díí nyɛ, ɓáh étɛ ɓé ŋguu njɔm tɔ ya likɔlɓan la nyɛ́ nyí mi ŋgí ɔ́ŋɔ. 19Bí ɓɛ́ɛ́ já la mikwɛl mí mómo mí mi ŋgá sɔ́ŋtánɛ ɓé ma, likɔlɓan la eɓasɛ yáɓá, tín-tín la mut wa nɛ́ Yésus nyɔ́ a wú, ndí Póol nyɛ́ ag laga nɛ́ a ŋgí lɛ á éniŋ. 20Ákaa mi ŋgí yí ɓé ma bísúghɛ́nɛ́ mi nyɔ̄ŋ likɔlɓan la nyúŋ mpɔ́t, mu ɓāt Póol kí nɛ́ ag la li kɛ́ á Yélūsalɛm á lí somo nɛ́ bí kááhɛ́ nyɛ́ wóŋ. 21Ndí Póol a lónlé káísa ecɛ́ŋ nɛ́, yɔ-mɛ̄n nɛ́ ɛ́ kááhɛ́ nyɛ́, la ma mu kānʼyɛ́ hɔ́ nɛ bí náŋɛ̄ nyɛ́ á m̀ɓog tɛɛla á eceg bí ŋga kɛ́ nyɛ́ lí kɛla ɔ́sū ví káísa ecɛ́ŋ.» 22Agilípa ɔ yó hɔ́ la Féstus nɛ́: «Mág mi byɛ́ɛ́ kóó li ámblé lí nyɔ́ŋ mut.» Féstus ɔ pélē nyɛ nɛ́: «Likɛ́ɛ́ yágá, ɔg ámble nyɛ́.»
23Ɔlɔ́ ví ŋgí oŋ víŋ, Káísa Agilípa la mɔɔ́nyāŋ-a-ŋgɔn Belénis bú sɔ́ até á eduŋgú ecɛ́ŋ. Ámbúh, bú níŋgí á ndáá-mikál, elɔŋ la ɓakanʼyɛ ɓacɛ́ŋ bí sónja la ɓacɛ́ŋ bí tísɔn. Gɔ́mna licɛ́ŋ Féstus ɔ kānʼyɛ́ nɛ bí sɔ́la Póol, la ɓɔ́ bú sɔ́la nyɛ́. 24Váŋ nɛ́ Féstus a nyɔ̄ŋ mpɔ́t a byɛ́ nɛ́: «Á káísa Agilípa la ɓɛ́nɛ ɓáŋ bísɛ miní lɛ vá la ɓɛ́hɛ, léɓyán sig nyɔ́ mut. Elōg-Yúda yɔ́ ɛ́sɛ yá sɔ́ ma lí ɛ́n ányúū yɛ́ɛ̄ li ɓotle á Yélūsalɛm li pám tɛɛla vá, la milón nɛ́ āh kɔ́ɔ́ ɓé pɛ la eniŋ. 25Ndí ma, māh sɔm ɓé ma nyɛ́ njɔm tɔ ya ɛ ŋga óm nyɛ́ á nyɛmb. Kasig a lónlé káísa ecɛ́ŋ, ma súgɛ́ nɛ mag óm nyɛ́ á ɔ́sū vɛ́ɛ́. 26Ákaa mih byɛ́ɛ́ ɓé ma m̀mú á ŋkwɛl á kɔɔ́ á lí ciile lí káísa ecɛ́ŋ likɔlɓan la nyɛ́, jɔ́ nɛ́ ma sɔ́la nyɛ́ ɔ́sū váná, ndí tín-tín yágá ɔ́sū vɔ́ɔ wa káísa Agilípa, nɛ́ ámbúh nyú ŋkál, mi yí láá mi ŋga lá lí ciile lí káísa ecɛ́ŋ. 27Náŋ āh tɛ́ɛ́ ɓé ányúū yáma nɛ́ bi óm mut á miɓog ɔ́sū ví káísa ecɛ́ŋ ɛ́h ɓɛ́ ɓé lí yíhɛ lí jam a ɓɔ̄ŋ la mbálɛ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL