Misɔ́n mí Ɓáōmɓɛ 24
24
Teltúlus ág sɔ́mánɛ Póol
1Ámbúh alɔ́ átáan, ŋ̀kanʼyɛ ǹcɛ́ŋ a ɓatíi-nsúlé nɛ́ Ananías ɔ súh élɔŋ la ɓacɛ́ŋ bí lilómɛ la ŋ̀kále-ɓot wa nɛ́ Teltúlus. Bú sɔ́mánɛ́ Póol á yóg Gɔ́mna licɛ́ŋ. 2Váŋ nɛ́ ɓá yáŋá Póol á ndáá-mikál, la Teltúlus ɔ ɓōtlé sɔ́mɔn la bí biɓaŋgá nɛ: «Nyɔ́ á adit Félis, la wa nɛ́ bi byɛ́ɛ̄ nyí taŋ nsaŋ, ányúū liyí jɔ́ɔ lí lí wɛɛla lí ɓot nɛ́ bi byɛ́ɛ̄ nyɔ́ mveŋghanɛ́ á mam ányúū nsɛ́ŋ á ékombo. 3Nyɔ́ a adit Félis, la ŋgandag mítamlan nɛ́ bi ŋga lɛ́gle bíŋ bilɔ́ŋgɔ bí mam eceg sig la á ɓávoóm bísɛ. 4Ndí, mí ŋgá lōɛ́ ɓé ma wa eceg, á lí sɛ́m lí pɛ́m, kaa bi ŋga yí nɛ́ ɔg ɓáág ɔg nyɔŋ eceg m̀ɓɛɛŋ á lí ámble, biíg sɔ́hye wa nɛ́ ɔ ámblé ɓɛ́hɛ. 5Ɓaá sɔ̄m nɛ nyɔ́ mut a lɛ mut m̀ɓé taŋ taŋ, átɔm nɛ́ ag sɔ́la mpuŋgú a póla ɓɔɔ́n bí Élōg-Yúda bí ŋkɔŋ-á-sí ásɛ la ki nɛ́ a lɛ ŋ̀kanʼyɛ nlɔŋ a ɓot bí Názalɛt. 6A cegé lí yɔ́l lí ndáá-ēcɛ́ŋ-Ɔlolómɛ̄, la ɓɛ́hɛ bú byée nyɛ. [7] 8Wā-mɛ̄n, eceg ɔ ŋgɔ bíhī nyɛ́, ɔ lɛ́ nɛ ɔ ɛ́n nɛ sɔ́mɔn ɛ́sɛ ɓaá tíi ányúū yɛ́ɛ̄ ɛ́ lɛ́ mbálɛ.» 9Elōg-Yúda yú víhyɛ́ nyíŋ sɔ́mɔn, la li laga nɛ́ náŋ á lɛ mbálɛ.
Póol ag suŋ m̀mú wɛ́ɛ́
10Gɔ́mna licɛ́ŋ Félis ɔ tí Póol mpɔ́t, la Póol ɔ lága nɛ: «Mag yí nɛ́ wa nɛ́ ɔ lɛ ŋ̀kááhɛ á ékombo yáhá, náŋ a lɛ ŋgandag mímbú lɛn. Jɔ́ nɛ́, la akwáá nɛ mi ŋga sūŋ m̀mú wáma ɔsú vɔ́ɔ. 11Wā-mɛ̄n ɔ lɛ́ nɛ ɔ sómo lí yí, náŋ a ŋgá loo ɓé jóom lí alɔ́ la áɓáa nɛ́ ma ɓét á Yélūsalɛm á lí ɓégɛ lí Ɔlolómɛ̄. 12Ɛ́ ɓɛ́ á ndáá-ēcɛ́ŋ-Ɔlolómɛ̄, ɛ́ ɓɛ́ á ndáá-míɓomán, ɛ́ ɓɛ́ á tísɔn, mut tɔ wa āh kɔ́p ɓé ma mag káláa la mut ntám tɔ li tug lí límut. 13Nyí vɔ́ŋɔ́ɔ, ɓá ɓot bí sē ɓé hɔ́ nɛ ɓá étɛ́ njɔm sɔ́mɔn bí byɛ́ɛ̄ la ma. 14Ndí, yé mi ŋga yí ɛ́ lɛ́ nɛ́, mi lɛ á nsɔ́n á Ɔ́lolómɛ̄, Lōó lí ɓatāa, á nzen péná ɓɔ́ bí ŋga yó nɛ́ ɛh tɛ́ɛ́ ɓé. Mag yéɓe yé ɛ́sɛ yá cíiɓɛ́ á kálati Mbéndá la á kálati yí ɓapɔ́tle-bí-Ɔ́lolómɛ̄. 15Mi byɛ́ɛ́ jé lipitá la Ɔlolómɛ̄ nlemlem kaa ɓɔ́ nɛ́, lipahye lí ɓot bí tɛ́ɛ́ sim la ɓá bíh tɛ́ɛ́ ɓé sim líg kɛ li ɓɛ́. 16Jɔ́ nɛ́, mág mi ŋga cége la ŋguu nɛ́ m̀mím wáma áh kááhɛ́gɛ́ ɓé ma á jam tɔ já ɔsú ví Ɔlolómɛ̄ la ɔsú ví ɓot-bí-bínam. 17Ámbúh ŋgandag mímbú, mu tímān á Yélūsalɛm, mu sɔ́la lilóm jáma mióŋgánɛ, mu sɔ́la ki Ɔlolómɛ̄ míkaale. 18Váŋ hɔ́ nɛ ɓá sɔm ma á ndáá-ēcɛ́ŋ-Ɔlolómɛ̄ kí mu mánɛ̄ ésala-miɓé. Ŋkɔtanɛ́ tɔ wa ah ɓɛ́ɛ́ ɓé, tɔ mpuŋgú ki áh ɓɔ́ŋɓɛ́ɛ ɓé. 19Ndí jogo lí ɓot bí Élōg-Yúda bí épah-ékombo yé Ásia… Ɓɔ́ nɛ́ bí ŋgí nyɛɛ li tɛ́lɛ ɔsú vɔ́ɔ á lí sɔ́mánɛ lí ma, ki ɓɔŋ nɛ́ bí ɓɛ́la njɔm bí ŋga úm ma! 20Tɔ nɛ́, ɓá ɓot bí lɛ́ vá, bí lagá wa vɔɔ́vɔ́ɔ ɔnɛ́g ɓá sɔ̄m ma eceg ma kál ɔsú ví ɔ́ku-vicɛ́ŋ-ví-bíkāāhɛ́nɛ́. 21Tɔ nɛ́, yé eɓaŋgá ma pɔ́t eceg ma lón kí mi tɛ́ɛ́ á m̀mím á eti yáɓá nɛ: ‹Ányúū lipahye lí ɓá ɓá wū nɛ mi ŋga tɛ́lɛ lɛn á míkāl ɔsú váná!›»
22Kasig Gɔ́mna licɛ́ŋ Félis a ámbléé mam likɔlɓan la nzen nyí Nyɔ́ŋ-Ɛsáŋɛ́ Yésus, ɔ tímānɛ̄ ŋkál la mbúh aá la ɓasɔ́mánɛ Póol nɛ́: «Mag kɛ ɓɛ́nɛ li kááhɛ eceg Lísias ŋ̀kanʼyɛ ǹcɛ́ŋ a ɔkóó ví sónja a ŋga kɛ́ li suh vá.» 23Ámbúh náŋ, ɔ kānʼyɛ́ ŋ̀kanʼyɛ nlɔŋ á éɓōgo ɛ́ sónja nɛ́ a tímānɛ Póol á ndáá-m̀ɓog, a ɓɛ́la eɓɔmblɛ-nyuú, ɛ́h ɓɛ́ ɓé lí céŋɛ lí mut wɛɛ́ tɔ wa nɛ́ a óŋgánɛ nyɛ́.
Póol á ndáá-m̀ɓog
24Ámbúh puh alɔ́, gɔ́mna licɛ́ŋ Félis, kaa a ɓɛ́ɛ́ élɔŋ la ŋ̀gáá wɛ́ɛ̄ Dulusíla, ŋgɔn Elōg-Yúda, ɔ óm lí yáŋa lí Póol nɛ́ a pɔ́t likɔlɓan la ŋyéɓé la Yésus Kilístus. 25Ndí, kaa ŋkwɛl wáɓá a ŋgí kɛ ja á épah yé etɛ́l-sim, a lí yí lí lí ɔn lí nyúū la bikááhɛ́nɛ́ bí ŋga kɛ́ li sɔ́, náŋ ɔ téeŋgɛ́ gɔ́mna licɛ́ŋ Félis, la nyɛ́ ɔ lága Póol nɛ́: «Á nyí vɔ́ŋɔ́ɔ, tímān a ndáá-m̀ɓog, mag timan wa li yáŋa ǹdiyo ntám.» 26Gɔ́mna licɛ́ŋ Félis a ŋgí ɔ́ŋɔ nɛ́ Póol ag kɛ nyɛ́ lí tɛg, jɔ́ nɛ́ a ŋgí yɔg nyɛ́ lí yáŋa á ŋkwɛl. 27Á lísūg lí mímbú míɓáa, gɔ́mna licɛ́ŋ Pɔ́lsius Féstus ɔ yīhānɛ́ Félis. Kasig nyɛ́ Pɔ́lsius Féstus a ŋgí somo li nyɛɛle lí Élōg-Yúda, ɔ mwahɛ́ Póol á míɓog.
ទើបបានជ្រើសរើសហើយ៖
Misɔ́n mí Ɓáōmɓɛ 24: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Misɔ́n mí Ɓáōmɓɛ 24
24
Teltúlus ág sɔ́mánɛ Póol
1Ámbúh alɔ́ átáan, ŋ̀kanʼyɛ ǹcɛ́ŋ a ɓatíi-nsúlé nɛ́ Ananías ɔ súh élɔŋ la ɓacɛ́ŋ bí lilómɛ la ŋ̀kále-ɓot wa nɛ́ Teltúlus. Bú sɔ́mánɛ́ Póol á yóg Gɔ́mna licɛ́ŋ. 2Váŋ nɛ́ ɓá yáŋá Póol á ndáá-mikál, la Teltúlus ɔ ɓōtlé sɔ́mɔn la bí biɓaŋgá nɛ: «Nyɔ́ á adit Félis, la wa nɛ́ bi byɛ́ɛ̄ nyí taŋ nsaŋ, ányúū liyí jɔ́ɔ lí lí wɛɛla lí ɓot nɛ́ bi byɛ́ɛ̄ nyɔ́ mveŋghanɛ́ á mam ányúū nsɛ́ŋ á ékombo. 3Nyɔ́ a adit Félis, la ŋgandag mítamlan nɛ́ bi ŋga lɛ́gle bíŋ bilɔ́ŋgɔ bí mam eceg sig la á ɓávoóm bísɛ. 4Ndí, mí ŋgá lōɛ́ ɓé ma wa eceg, á lí sɛ́m lí pɛ́m, kaa bi ŋga yí nɛ́ ɔg ɓáág ɔg nyɔŋ eceg m̀ɓɛɛŋ á lí ámble, biíg sɔ́hye wa nɛ́ ɔ ámblé ɓɛ́hɛ. 5Ɓaá sɔ̄m nɛ nyɔ́ mut a lɛ mut m̀ɓé taŋ taŋ, átɔm nɛ́ ag sɔ́la mpuŋgú a póla ɓɔɔ́n bí Élōg-Yúda bí ŋkɔŋ-á-sí ásɛ la ki nɛ́ a lɛ ŋ̀kanʼyɛ nlɔŋ a ɓot bí Názalɛt. 6A cegé lí yɔ́l lí ndáá-ēcɛ́ŋ-Ɔlolómɛ̄, la ɓɛ́hɛ bú byée nyɛ. [7] 8Wā-mɛ̄n, eceg ɔ ŋgɔ bíhī nyɛ́, ɔ lɛ́ nɛ ɔ ɛ́n nɛ sɔ́mɔn ɛ́sɛ ɓaá tíi ányúū yɛ́ɛ̄ ɛ́ lɛ́ mbálɛ.» 9Elōg-Yúda yú víhyɛ́ nyíŋ sɔ́mɔn, la li laga nɛ́ náŋ á lɛ mbálɛ.
Póol ag suŋ m̀mú wɛ́ɛ́
10Gɔ́mna licɛ́ŋ Félis ɔ tí Póol mpɔ́t, la Póol ɔ lága nɛ: «Mag yí nɛ́ wa nɛ́ ɔ lɛ ŋ̀kááhɛ á ékombo yáhá, náŋ a lɛ ŋgandag mímbú lɛn. Jɔ́ nɛ́, la akwáá nɛ mi ŋga sūŋ m̀mú wáma ɔsú vɔ́ɔ. 11Wā-mɛ̄n ɔ lɛ́ nɛ ɔ sómo lí yí, náŋ a ŋgá loo ɓé jóom lí alɔ́ la áɓáa nɛ́ ma ɓét á Yélūsalɛm á lí ɓégɛ lí Ɔlolómɛ̄. 12Ɛ́ ɓɛ́ á ndáá-ēcɛ́ŋ-Ɔlolómɛ̄, ɛ́ ɓɛ́ á ndáá-míɓomán, ɛ́ ɓɛ́ á tísɔn, mut tɔ wa āh kɔ́p ɓé ma mag káláa la mut ntám tɔ li tug lí límut. 13Nyí vɔ́ŋɔ́ɔ, ɓá ɓot bí sē ɓé hɔ́ nɛ ɓá étɛ́ njɔm sɔ́mɔn bí byɛ́ɛ̄ la ma. 14Ndí, yé mi ŋga yí ɛ́ lɛ́ nɛ́, mi lɛ á nsɔ́n á Ɔ́lolómɛ̄, Lōó lí ɓatāa, á nzen péná ɓɔ́ bí ŋga yó nɛ́ ɛh tɛ́ɛ́ ɓé. Mag yéɓe yé ɛ́sɛ yá cíiɓɛ́ á kálati Mbéndá la á kálati yí ɓapɔ́tle-bí-Ɔ́lolómɛ̄. 15Mi byɛ́ɛ́ jé lipitá la Ɔlolómɛ̄ nlemlem kaa ɓɔ́ nɛ́, lipahye lí ɓot bí tɛ́ɛ́ sim la ɓá bíh tɛ́ɛ́ ɓé sim líg kɛ li ɓɛ́. 16Jɔ́ nɛ́, mág mi ŋga cége la ŋguu nɛ́ m̀mím wáma áh kááhɛ́gɛ́ ɓé ma á jam tɔ já ɔsú ví Ɔlolómɛ̄ la ɔsú ví ɓot-bí-bínam. 17Ámbúh ŋgandag mímbú, mu tímān á Yélūsalɛm, mu sɔ́la lilóm jáma mióŋgánɛ, mu sɔ́la ki Ɔlolómɛ̄ míkaale. 18Váŋ hɔ́ nɛ ɓá sɔm ma á ndáá-ēcɛ́ŋ-Ɔlolómɛ̄ kí mu mánɛ̄ ésala-miɓé. Ŋkɔtanɛ́ tɔ wa ah ɓɛ́ɛ́ ɓé, tɔ mpuŋgú ki áh ɓɔ́ŋɓɛ́ɛ ɓé. 19Ndí jogo lí ɓot bí Élōg-Yúda bí épah-ékombo yé Ásia… Ɓɔ́ nɛ́ bí ŋgí nyɛɛ li tɛ́lɛ ɔsú vɔ́ɔ á lí sɔ́mánɛ lí ma, ki ɓɔŋ nɛ́ bí ɓɛ́la njɔm bí ŋga úm ma! 20Tɔ nɛ́, ɓá ɓot bí lɛ́ vá, bí lagá wa vɔɔ́vɔ́ɔ ɔnɛ́g ɓá sɔ̄m ma eceg ma kál ɔsú ví ɔ́ku-vicɛ́ŋ-ví-bíkāāhɛ́nɛ́. 21Tɔ nɛ́, yé eɓaŋgá ma pɔ́t eceg ma lón kí mi tɛ́ɛ́ á m̀mím á eti yáɓá nɛ: ‹Ányúū lipahye lí ɓá ɓá wū nɛ mi ŋga tɛ́lɛ lɛn á míkāl ɔsú váná!›»
22Kasig Gɔ́mna licɛ́ŋ Félis a ámbléé mam likɔlɓan la nzen nyí Nyɔ́ŋ-Ɛsáŋɛ́ Yésus, ɔ tímānɛ̄ ŋkál la mbúh aá la ɓasɔ́mánɛ Póol nɛ́: «Mag kɛ ɓɛ́nɛ li kááhɛ eceg Lísias ŋ̀kanʼyɛ ǹcɛ́ŋ a ɔkóó ví sónja a ŋga kɛ́ li suh vá.» 23Ámbúh náŋ, ɔ kānʼyɛ́ ŋ̀kanʼyɛ nlɔŋ á éɓōgo ɛ́ sónja nɛ́ a tímānɛ Póol á ndáá-m̀ɓog, a ɓɛ́la eɓɔmblɛ-nyuú, ɛ́h ɓɛ́ ɓé lí céŋɛ lí mut wɛɛ́ tɔ wa nɛ́ a óŋgánɛ nyɛ́.
Póol á ndáá-m̀ɓog
24Ámbúh puh alɔ́, gɔ́mna licɛ́ŋ Félis, kaa a ɓɛ́ɛ́ élɔŋ la ŋ̀gáá wɛ́ɛ̄ Dulusíla, ŋgɔn Elōg-Yúda, ɔ óm lí yáŋa lí Póol nɛ́ a pɔ́t likɔlɓan la ŋyéɓé la Yésus Kilístus. 25Ndí, kaa ŋkwɛl wáɓá a ŋgí kɛ ja á épah yé etɛ́l-sim, a lí yí lí lí ɔn lí nyúū la bikááhɛ́nɛ́ bí ŋga kɛ́ li sɔ́, náŋ ɔ téeŋgɛ́ gɔ́mna licɛ́ŋ Félis, la nyɛ́ ɔ lága Póol nɛ́: «Á nyí vɔ́ŋɔ́ɔ, tímān a ndáá-m̀ɓog, mag timan wa li yáŋa ǹdiyo ntám.» 26Gɔ́mna licɛ́ŋ Félis a ŋgí ɔ́ŋɔ nɛ́ Póol ag kɛ nyɛ́ lí tɛg, jɔ́ nɛ́ a ŋgí yɔg nyɛ́ lí yáŋa á ŋkwɛl. 27Á lísūg lí mímbú míɓáa, gɔ́mna licɛ́ŋ Pɔ́lsius Féstus ɔ yīhānɛ́ Félis. Kasig nyɛ́ Pɔ́lsius Féstus a ŋgí somo li nyɛɛle lí Élōg-Yúda, ɔ mwahɛ́ Póol á míɓog.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL