मरकुस किताबके परिचय
किताबके परिचय
यि सुसमाचार मरकुस एहेन कैरके सुरु करने छै- “परमेस्वरके बेटा येसु खिरिस्टके बारेमे सुसमाचार।” अइमे येसुके काम आ अधिकारके बारेमे लिखलगेल छै। उ अधिकार पाबल लोक चियै कैहके ओकर कामसबसे देखाइछै, जेनाकी सिक्छा दैत, भुतसब निकालैछै, लोकसबके पाप छमा करैछै, येसु लोकसबके पापसे बचाइले आपन परान समेत दैले एलचियै कहनेछै आ “मानबके बेटा चियौ” कहनेछै।
अइमे मरकुस येसुके उपदेस आ सिक्छामे ओकर कैरके देख्याल कामके बेसी जोर द्याके लिखने छै। बप्तिस्मा दैबला युहन्ना, येसुके बप्तिस्मा आ ओकर परिक्छाके बिसयमे छोट परिचय देलाके बाद मरकुस लग्ले येसुके करल चङगाइ आ सिक्छा दैबला सेबाके बिसयमे बखान करैछै। जहिनङ समय बितैत जाइछै, ओकर चेलासब ओकरा औरो बेसीसे बुझे लागैछै, महज ओकर बिरोधीसब औरो ओकरजरे दुस्मनी करैछै। अइ किताबके अन्तमे येसुके जिबनके पछिल्का हप्ता, खास कैरके उ कुरूसमे मरल आ पुनरूथान भेल बिसयमे लिखलगेल छै।
छोट बिसय सुची
सुसमाचारके सुरुवात १:१-१३
येसुके गालिलमे करलहा काम १:१४-९:५०
गालिलसे यरुसलेमतक १०:१-५२
यरुसलेममे बितेल्हा अन्तिम हप्ता ११:१-१५:४७
येसु मरलसे जिके उठल १६:१-८
जिलाके बाद देखा परल आ स्वरग दिसन गेलै १६:९-२०
ទើបបានជ្រើសរើសហើយ៖
मरकुस किताबके परिचय: MTH
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Wycliffe Bible Translators, Inc. All rights reserved.