Ha Banaroma 9
9
ABAYAHUDI BALIBULA. — MUNGU TATAMBUKIRE ENDAGANO ZE.
1Nkutenga ebiliho obusyo ya Kristu; tinkubeha, ilaka ly’omutima gwange niyo embona yange mu Mwoyo Mutakatifu: 2mbe nkuzuba muno, kai ndi n’obusasi bwa buli katungu mu mutima gwange. 3Kuba nakwenzire kutaganisibwa na Kristu kubera batabani betu, abali banaluganda betu mu ngingo, 4abali Banaisraeli, abagizirwe bana, bakana ikuzo n’omulago, n’Ekilagiro, n’obukolezi bwa Mungu, n’endagano; 5abazerwe batatenkuru, abazere, ha bw’engingo, Yezu, akizire byona, niwe Mungu abarikirwe mu myaka z’emyaka. Amina.
6Nawe ekigambo cha Mungu tichabuzire kugasa. Kuba abakuruga mul’Israeli tibali bona Banaisraeli, 7n’abali b’oluganda lwa Ibrahimu tabali bona bana be; nawe Mungu namugira ati: Izaki niwe alyetwa omwana wawe. 8Nikwo kugira ati: Abana ba Mungu ti bana b’engingo, nawe abana b’omulago nibo bakubarwa nk’abana kimo. 9Mbe mbibi ebigambo by’omulago, biti: Nka hati ndiza, kai ndisanga Sara ali n’omwana mwozo. 10Nawe Sara wenka pai, Rebeka wena, ayazalire tata Izaki abana babili. 11Kuba, batakazerwe, hamo batakakozire kintu kizima hamo kibi, (niho omuku gwa Mungu gugume ha bw’obwetegeki bwe), 12kuber’ebikorwa byabo pai, nawe kuber’omweto, nagambirwa ati: Ow’obuzigezo alitwarwa omuto, 13nk’okwo chandikirwe kiti: Yakobo nkamwenda, nimpata Ezau.
MUNGU AKUSORA ABO AKWENDA.
14Mbe tugambe ki? si Mungu tarongire? Kikabule! 15Akagambira Musa ati: Ndisasira owe nkusasira, kai nditirw’ekisa owe nkwitirw’ekisa. 16Mbe ti mulimo gw’akwenda hamo gw’akwiruka#9, 16 Paulo akususanisya abantu abasingasingana mu bwiruko., nawe gwa Mungu, akusasira. 17Enandiko zikugambira Farao ziti: Nich’echo nakwimukirize, noleche mul’iwe obuhicha bwange, kai izina lyange likumuke mu nsi zona. 18Mbe akusasira abo akwenda, nagumya abo akwenda. 19Iwe oti: Achahiga ki? akwanga age ni ga? 20Muntu we, niwe ga, ohiche kuhakana na Mungu? Si ekibumbwa kikugambira omubumbi wacho kiti: Wambumbira ki ndi ntyo? 21Si omubumbi takuhicha kubumbya ibumba limo ekitwalo ch’omulimo muzima n’ekindi ch’omulimo gw’obuyaga? 22Tugambe tuta, raba Mungu, ka yayenzile kwolech’ebiniga bye no kumanyisya obuhicha bwe, akayemera n’obweguminsiriza bwingi ebitwaro by’ebiniga, byetegekire kubura, 23niho ayoleke obuhango bw’ikuzo lye mu bitwaro by’ekisa, ebyo yategekere ikuzo lye?#9, 23 “Ebitwaro by’ebiniga” nibo abaheni abakwimuch’ebiniga bya Mungu, kai “ebitwaro by’ekisa” nibo abantu abo Mungu akusasira mu bufura bwe. 24Hatyo akatweta natwihamo, mu Bayahudi bonka pai, nawe na mu basenzi, 25nk’okwo akugamba muli Oze, ati: Ndiyeta ihanga lyange, elyaliga litali ihanga lyange; kai nganzi eyaliga etali nganzi; kandi owe nasasire, ayaliga atasasirwe. 26N’aho baliga babagambire bati: Timuli ihanga lyange, aho niho balyeterwa bana ba Mungu akulora. 27Izaiya wena akugamba ebya Israeli ati: Naho olubaro lw’abana ba Israeli lwakubere nk’omuseni gwa ha chambu, obusago bwonka bulichunguka. 28Mbe Omukama alihicha kimo, kai bwangu n’oburonge, ekigambo echo, yee, alikihicha bwangu mu nsi. 29Nich’echo Izaiya yaliga agambire mbele, ati: Omukama w’embaga ataba kutusigira abana, twakubere nka Sodoma, twakususene nka Gomora.
30Mbe tugambe tuta? Tuti: Abasenzi abatahigaga obuhikire, babubwene, nawe obuhikire obukuruga mu kwikiriza; 31kandi Israeli#9, 31 “Israeli”, nibo Abayahudi bona., ayahigaga ekilagiro ch’obuhikire, tiyahikire mu kilagiro ch’obuhikire. 32Kubaki? Kuba tibabuhigire mu kwikiriza, nawe kuti mu bikorwa, nibasitara h’ebale elikusitaza#9, 32 Ibale elyo niwe Yezu Kristu, owe Abayahudi bayangire kwikiriza., 33nk’okwo chandikirwe kiti: Lora, nkutaho muli Sioni ibale elikusitaza n’ibale lyo kugwisya; kai buli muntu wena alimwikiriza talikorw’ensoni.
ទើបបានជ្រើសរើសហើយ៖
Ha Banaroma 9: KED1946
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ha Banaroma 9
9
ABAYAHUDI BALIBULA. — MUNGU TATAMBUKIRE ENDAGANO ZE.
1Nkutenga ebiliho obusyo ya Kristu; tinkubeha, ilaka ly’omutima gwange niyo embona yange mu Mwoyo Mutakatifu: 2mbe nkuzuba muno, kai ndi n’obusasi bwa buli katungu mu mutima gwange. 3Kuba nakwenzire kutaganisibwa na Kristu kubera batabani betu, abali banaluganda betu mu ngingo, 4abali Banaisraeli, abagizirwe bana, bakana ikuzo n’omulago, n’Ekilagiro, n’obukolezi bwa Mungu, n’endagano; 5abazerwe batatenkuru, abazere, ha bw’engingo, Yezu, akizire byona, niwe Mungu abarikirwe mu myaka z’emyaka. Amina.
6Nawe ekigambo cha Mungu tichabuzire kugasa. Kuba abakuruga mul’Israeli tibali bona Banaisraeli, 7n’abali b’oluganda lwa Ibrahimu tabali bona bana be; nawe Mungu namugira ati: Izaki niwe alyetwa omwana wawe. 8Nikwo kugira ati: Abana ba Mungu ti bana b’engingo, nawe abana b’omulago nibo bakubarwa nk’abana kimo. 9Mbe mbibi ebigambo by’omulago, biti: Nka hati ndiza, kai ndisanga Sara ali n’omwana mwozo. 10Nawe Sara wenka pai, Rebeka wena, ayazalire tata Izaki abana babili. 11Kuba, batakazerwe, hamo batakakozire kintu kizima hamo kibi, (niho omuku gwa Mungu gugume ha bw’obwetegeki bwe), 12kuber’ebikorwa byabo pai, nawe kuber’omweto, nagambirwa ati: Ow’obuzigezo alitwarwa omuto, 13nk’okwo chandikirwe kiti: Yakobo nkamwenda, nimpata Ezau.
MUNGU AKUSORA ABO AKWENDA.
14Mbe tugambe ki? si Mungu tarongire? Kikabule! 15Akagambira Musa ati: Ndisasira owe nkusasira, kai nditirw’ekisa owe nkwitirw’ekisa. 16Mbe ti mulimo gw’akwenda hamo gw’akwiruka#9, 16 Paulo akususanisya abantu abasingasingana mu bwiruko., nawe gwa Mungu, akusasira. 17Enandiko zikugambira Farao ziti: Nich’echo nakwimukirize, noleche mul’iwe obuhicha bwange, kai izina lyange likumuke mu nsi zona. 18Mbe akusasira abo akwenda, nagumya abo akwenda. 19Iwe oti: Achahiga ki? akwanga age ni ga? 20Muntu we, niwe ga, ohiche kuhakana na Mungu? Si ekibumbwa kikugambira omubumbi wacho kiti: Wambumbira ki ndi ntyo? 21Si omubumbi takuhicha kubumbya ibumba limo ekitwalo ch’omulimo muzima n’ekindi ch’omulimo gw’obuyaga? 22Tugambe tuta, raba Mungu, ka yayenzile kwolech’ebiniga bye no kumanyisya obuhicha bwe, akayemera n’obweguminsiriza bwingi ebitwaro by’ebiniga, byetegekire kubura, 23niho ayoleke obuhango bw’ikuzo lye mu bitwaro by’ekisa, ebyo yategekere ikuzo lye?#9, 23 “Ebitwaro by’ebiniga” nibo abaheni abakwimuch’ebiniga bya Mungu, kai “ebitwaro by’ekisa” nibo abantu abo Mungu akusasira mu bufura bwe. 24Hatyo akatweta natwihamo, mu Bayahudi bonka pai, nawe na mu basenzi, 25nk’okwo akugamba muli Oze, ati: Ndiyeta ihanga lyange, elyaliga litali ihanga lyange; kai nganzi eyaliga etali nganzi; kandi owe nasasire, ayaliga atasasirwe. 26N’aho baliga babagambire bati: Timuli ihanga lyange, aho niho balyeterwa bana ba Mungu akulora. 27Izaiya wena akugamba ebya Israeli ati: Naho olubaro lw’abana ba Israeli lwakubere nk’omuseni gwa ha chambu, obusago bwonka bulichunguka. 28Mbe Omukama alihicha kimo, kai bwangu n’oburonge, ekigambo echo, yee, alikihicha bwangu mu nsi. 29Nich’echo Izaiya yaliga agambire mbele, ati: Omukama w’embaga ataba kutusigira abana, twakubere nka Sodoma, twakususene nka Gomora.
30Mbe tugambe tuta? Tuti: Abasenzi abatahigaga obuhikire, babubwene, nawe obuhikire obukuruga mu kwikiriza; 31kandi Israeli#9, 31 “Israeli”, nibo Abayahudi bona., ayahigaga ekilagiro ch’obuhikire, tiyahikire mu kilagiro ch’obuhikire. 32Kubaki? Kuba tibabuhigire mu kwikiriza, nawe kuti mu bikorwa, nibasitara h’ebale elikusitaza#9, 32 Ibale elyo niwe Yezu Kristu, owe Abayahudi bayangire kwikiriza., 33nk’okwo chandikirwe kiti: Lora, nkutaho muli Sioni ibale elikusitaza n’ibale lyo kugwisya; kai buli muntu wena alimwikiriza talikorw’ensoni.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.