Ha Banaroma 10
10
OBUTEKIRIZA BW’ABAYAHUDI.
1Bana betu, nkwegonga mu mutima gwange nindembereza Mungu, babone kuchunguka. 2Nkwikiriza okwo batereho omutima hali Mungu, nawe tibakusombokerwa; 3kuba tibamanyire obuhikire bwa Mungu, kai bakiyenda kugumya obw’abo, tibahulire obuhikire bwa Mungu. 4Mbe obusubiro bw’Ekilagiro niwe Kristu, akutakatifuza buli mwikiriza wena. 5Nicho Musa yayandikire eby’obuhikire obukuruga mu Kilagiro, ati: Buli muntu alibuhicha, alibonamo obulame. 6Nawe eby’obuhikire obukuruga mu kwikiriza akutenga ati: Otatengaga mu mutima gwawe oti: Ni ga alihanama mw’igulu? nikwo kutenga oti: alengetulemo Kristu; 7hamo otatengaga oti: Ni ga alilengetuka mu lina? nikwo kutenga oti: azore Kristu mu bafu. 8Nawe Enandiko zikutenga ki? Ziti: Ekigambo kili hehi n’ewe, mu kanwa kawe na mu mutima gwawe; nich’ekigambo cho kwikiriza, echo tukwolekerera. 9Kuba okagamba n’omunwa gwawe oti: Yezu niwe Omukama, okekiriza okwo Mungu yamuzozire mu bafu, olichunguka. 10Kuba omuntu k’akwikiriza mu mutima, akutakatifuzibwa, kandi k’akwatura kwikiriza kwe n’omunwa gwe, akuchunguka. 11Kuba Enandiko zikugamba ziti: Buli muntu wena akumwikiriza, talikorw’ensoni. 12Mbe Omuyahudi n’Omugereki tibakirene, obwo bona bali n’Omukama omo, akutunga abakumulembereza bona. 13Kuba buli muntu wena akulembereza izina ly’Omukama, alichunguka.
KWIKIRIZA KUKURUGA MU BWOLEKEREZI
14Nawe balilembereza bata owe batekirize? hamo balikiriza bata owe batagambirwe? kai baligambirwa bata, omwolekerezi ataliho? 15Kandi balyolekerera bata, batatumirwe? nk’okwo chandikirwe kiti: Bisemere bita si ebigere by’abakumanyisya omulebo, by’abakwolekerera Evanjeli! 16Nawe ti bona abakuhulira Evanjeli. Nicho Izaiya yagambirire ati: Mukama wange, ayekirize obwolekerezi bwetu ni ga? 17Mbe kwikiriza kukuruga mu buhulizi, nawe twahulire, kuba ekigambo cha Kristu kikayolekererwa. 18Nawe nkubuza nti: Si tibakahulizahoga? Nikwo, ilaka lyabo lyasuganisize ensi yona, n’ebigambo byabo bikahika ha mbibi z’ensi yona. 19Mbe nkusuba kubuza nti: Si Israeli tiyamanyire? Owo kutandika Musa akagamba ati: Ndibachubya ihanga elitali lyange, ndibanigahaza ihanga elitali na bwenge. 20Kandi Izaiya takutina kutenga ati: Nkasangwa abatampigaga, nkemanyisya abatahigaga kummanya. 21Nawe akugambira Israeli ati: Musana gwona nintegerer’engalo ihanga elitekiriza n’ihakani#10, 21 Evanjeli ekayolekererwa mu nsi zona, kutandikira mu Bayahudi, kai bonene bakazibirwa ki kugihulira?.
ទើបបានជ្រើសរើសហើយ៖
Ha Banaroma 10: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ha Banaroma 10
10
OBUTEKIRIZA BW’ABAYAHUDI.
1Bana betu, nkwegonga mu mutima gwange nindembereza Mungu, babone kuchunguka. 2Nkwikiriza okwo batereho omutima hali Mungu, nawe tibakusombokerwa; 3kuba tibamanyire obuhikire bwa Mungu, kai bakiyenda kugumya obw’abo, tibahulire obuhikire bwa Mungu. 4Mbe obusubiro bw’Ekilagiro niwe Kristu, akutakatifuza buli mwikiriza wena. 5Nicho Musa yayandikire eby’obuhikire obukuruga mu Kilagiro, ati: Buli muntu alibuhicha, alibonamo obulame. 6Nawe eby’obuhikire obukuruga mu kwikiriza akutenga ati: Otatengaga mu mutima gwawe oti: Ni ga alihanama mw’igulu? nikwo kutenga oti: alengetulemo Kristu; 7hamo otatengaga oti: Ni ga alilengetuka mu lina? nikwo kutenga oti: azore Kristu mu bafu. 8Nawe Enandiko zikutenga ki? Ziti: Ekigambo kili hehi n’ewe, mu kanwa kawe na mu mutima gwawe; nich’ekigambo cho kwikiriza, echo tukwolekerera. 9Kuba okagamba n’omunwa gwawe oti: Yezu niwe Omukama, okekiriza okwo Mungu yamuzozire mu bafu, olichunguka. 10Kuba omuntu k’akwikiriza mu mutima, akutakatifuzibwa, kandi k’akwatura kwikiriza kwe n’omunwa gwe, akuchunguka. 11Kuba Enandiko zikugamba ziti: Buli muntu wena akumwikiriza, talikorw’ensoni. 12Mbe Omuyahudi n’Omugereki tibakirene, obwo bona bali n’Omukama omo, akutunga abakumulembereza bona. 13Kuba buli muntu wena akulembereza izina ly’Omukama, alichunguka.
KWIKIRIZA KUKURUGA MU BWOLEKEREZI
14Nawe balilembereza bata owe batekirize? hamo balikiriza bata owe batagambirwe? kai baligambirwa bata, omwolekerezi ataliho? 15Kandi balyolekerera bata, batatumirwe? nk’okwo chandikirwe kiti: Bisemere bita si ebigere by’abakumanyisya omulebo, by’abakwolekerera Evanjeli! 16Nawe ti bona abakuhulira Evanjeli. Nicho Izaiya yagambirire ati: Mukama wange, ayekirize obwolekerezi bwetu ni ga? 17Mbe kwikiriza kukuruga mu buhulizi, nawe twahulire, kuba ekigambo cha Kristu kikayolekererwa. 18Nawe nkubuza nti: Si tibakahulizahoga? Nikwo, ilaka lyabo lyasuganisize ensi yona, n’ebigambo byabo bikahika ha mbibi z’ensi yona. 19Mbe nkusuba kubuza nti: Si Israeli tiyamanyire? Owo kutandika Musa akagamba ati: Ndibachubya ihanga elitali lyange, ndibanigahaza ihanga elitali na bwenge. 20Kandi Izaiya takutina kutenga ati: Nkasangwa abatampigaga, nkemanyisya abatahigaga kummanya. 21Nawe akugambira Israeli ati: Musana gwona nintegerer’engalo ihanga elitekiriza n’ihakani#10, 21 Evanjeli ekayolekererwa mu nsi zona, kutandikira mu Bayahudi, kai bonene bakazibirwa ki kugihulira?.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.