Ebikorwa 13
13
EBIKORW A BY A PAULO MUT AKATIFU.
OBUTUMWA BWO KUTANDIKA. — SAULI NA BARNABA NIBOLEKERERA SIPRIYA.
1Mw’Eklezia eyaliga eli Antyokiya haliga halimo abalagi n’abolekerezi, muli bonene haliga halimo Barnaba na Simoni, owe bayetaga bati: Mwiraguzu, na Lusyo Omunasirene, na Manahe, ayayonkire hamo n’omukama Herode, na Sauli. 2Bonene baliga nibakolera Omukama nibasiba, Mwoyo Mutakatifu nabagambira ati: Munsoreremo Sauli na Barnaba ha mulimo ogwo nabaletere. 3Aho nibasiba no kulembereza, nibabataho emikono, hatyo nibabasindika kugenda.
4Kandi bonene nibasindikwa Mwoyo Mutakatifu, nibagenda Selekiya, niy’okwo barugire nibasyabara kuza Sipriya. 5Ka bahikire Salamina, nibayolekerera ekigambo cha Mungu mu masomero g’Abayahudi; baliga bali na Yohana wo kubahwera. 6Ka bezongwere izinga lyona kuhika Pafumi, nibasangayo omuntu ogwo mufumu, mulagi w’obubehi, ali Muyahudi, izina lye Mwendeyezu, 7ayaliga ali n’omutware Serji Paulo, muntu mwetegereza. Ogwo nayeta Barnaba na Sauli, obwo yayegongaga kuhulira ekigambo cha Mungu. 8Nawe Elima omufumu ogwo, (niyo nsonga y’izina lye), nabahakanisya, nayenda kuchoka omutware ha kwikiriza. 9Nawe Sauli, elindi Paulo, naizura Mwoyo Mutakatifu, namwetegereza, 10nagira ati: Iwe aizwire obukerukekeruke n’obuzigi, mwana wa sitani, muhate wa buli kizima chona, tokuzira si kuchora emihanda z’Omukama ezigororokire? 11Lora, hati omukono gwa Mungu gukuliho; okwiza kuhuma, enaku zirabeho otakubona izoba. Aho n’aho nayezongwa oluho n’omwirima; nahiga owo kumuha omukono. 12Aho omutware ka yabwene ebyagwire, naikiriza, nakumisibwa obwolekerezi bw’Omukama.
PAULO NA BARNABA BALI ANTYOKIYA.
13Paulo ka yarugire Pafumi, nasyabara n’abo yaliga ali nabo, nibahika Perga ya Panfiliya; Yohana akabarugaho nasuba Yeruzalemu. 14Kandi bonene ka bazongire Perga, nibahika Antyokiya ya Pisidiya; nibataha mw’isomero ha lunaku lwa sabato, nibekara. 15Mbe kumara kusoma ekitabo ch’Ekilagiro n’ech’Abalagi, abakuru b’isomero nibabatumaho abantu, bati: Bozo mwe, bana betu, raba muli n’ekigambo cho kutegekera abantu, mugambe. 16Paulo naimuka, nabatigisya n’omukono babuzye, nagira ati: Imwe bantu Banaisraeli, batini ba Mungu, muhulirize. 17Mungu w’ihanga lya Israeli akasora batata, nakanisya abantu be, aho baliga bali bageni mu nsi ya Misri, nabehayo n’omukono gugororokire. 18Kandi myaka makumi ana nayemera entungwa zabo mw’iswa. 19Nasingaricha amahanga musanzu mu nsi ya Kanani, nabagabanisiza mu lweso ensi yabo, 20kuti myaka magana ana na makumi atanu zahwereho; ebyo ka byarabireho, nabaha abalamuzi kuhika ha mulagi Samweli. 21Kumara nibasaba omukama; Mungu nabaha Sauli, mwende Kisi, omuseza wo mu luganda lwa Benyamini, mu myaka makumi ana. 22Ka yehireho ogwo, nabateraho Daudi ha bukama, owe yamanyisize nagira ati: Mbwene Daudi, mwende Yese, omuntu owe omutima gwange gukwenda, niwe alihicha byona ebyo nkwenda. 23Mu luzaro lw’ogwo nimwo Mungu yehire Israeli omuchunguzi, Yezu, nk’omwo yaliga alaganire; 24aho yaliga atakezire, Yohana nayolekerera abantu bona ba Israeli batisimu yo kutamwa. 25Yohana ka yamazire olugendo lwe, nagira ati: Tindi ogwo mukutekateka; nawe ngugwo akundug’enuma, owe ine ntahikire kusurumura enketo z’amaguru ge.
26Bozo mwe, bana betu, bana b’oluganda lwa Ibrahimu, kai imwe abakutina Mungu, ekigambo ch’obuchunguzi bunu kitumirwe hal’imwe. 27Kuba abatwire Yeruzalemu n’abakuru babo bakabura kumunaya, bakahicha mu lamu yabo ebigambo by’abalagi ebikusomwa buli sabato; 28naho batamubweneho entambala yo kumwitira, nibasaba Pilato bamwite. 29Ebyaliga bimwandikirweho byona ka byahwereho, nibamuhanantura h’eti, nibamuzika mu kituro. 30Nawe Mungu akamuzora mu bafu ha lunaku lwa kasatu; nabonwa naku ningi banu, 31abaliga banegere nage kuruga Galilaya kuza Yeruzalemu, nibo bali mbona ze mu bantu kuhika hati. 32N’etwe tukubatengera eby’omulago ogwo batata betu balaganisibwe; 33kuba Mungu akaguhikiriza ha bana betu, nazora Yezu, nk’okwo byandikirwe mu Zabuli ya kabili biti: Oli Mwana wange; ine lero nakuzara. 34Obwo yamuzokwere mu bafu, atasuba mu buzunde nangu, mbe nagira ati: Ndihikiza koto ndagano ntakatifu ezo nalaganire hali Daudi. 35Nich’echo yagambirire na handi ati: Tolifuha Omutakatifu wawe kubona obuzunde. 36Kuba Daudi ka yamazire kukola ebyo Mungu yayendaga akole, nanagira, nibamuzika hali bese, nabona obuzunde. 37Nawe owe Mungu yazokwere mu bafu tiyabwene obuzunde.
38Mbe nimumanye, bozo bana betu, okwo ha bw’onu niho mukwolekererwa kukizibwa kw’ebiheno byanu; n’okwo byona ebyo mutahikize kukizibwa mu Kilagiro cha Musa, 39muli wenene nimwo buli mwikiriza wena akusombokera. 40Mbe nimulore mutaliza kugwerwa ebyagambirwe mu balagi, bati: 41Nimwetegereze, imwe abakugaya, nimukumye, kai musingarike; kuba ine nkukola omulimo mu naku zinu, omulimo ogwo imwe mutakwikiriza, naho omuntu akabatengera.
42Ka bahurukire, nibabasaba babagambire ebigambo ebyo ha lunaku lwa sabato elarubaho. 43Ka barugire mw’isomero, bengi bo mu Bayahudi n’abageni, abatinaga Mungu, nibaruba Paulo na Barnaba, bonene bafumoraga nibabahaniriza kwikalira mu nema ya Mungu. 44Kandi sabato eyarubireho kihwa abantu bona bo mu charo nibasumba kuhuliriza ekigambo cha Mungu. 45Abayahudi ka babwene embaga, nibezura ichubi, nibahakana ebigambo ebyatengirwe Paulo, nibazuma Mungu. 46Aho Paulo na Barnaba nibatenga bagumire bati: Imwe n’imwe mwaliga muli no kutandika kugambirwa ekigambo cha Mungu; nawe obwo mwachangire, kai mukelenganisya nk’abatahikire obulame obutahwaho, mbe ka tuchokere ha basenzi. 47Kuba nikwo Omukama yatulagire ati: Nkakutaho kuba lumuli lw’amahanga, obe buchunguzi kuhika aho ensi eliherera. 48Abasenzi ka bahulire, nibasemererwa muno, nibakuza ekigambo cha Mungu; kai bona bona abaliga basozirwe ha bulame obutahwaho nibekiriza. 49Mbe ekigambo ch’Omukama nikisugana mu nsi egyo yona. 50Aho Abayahudi nibagomesya abakazi b’edini n’ab’ikuzo n’abakuru bo mu charo, nibemuka kunaranaza Paulo na Barnaba, nibabambuch’embibi zabo. 51Bonene nibabakunkumulira enkungu yo mu maguru gabo, nibeza Ikoniya. 52Kandi abahemba nibezura amasemererwa na Mwoyo Mutakatifu.
ទើបបានជ្រើសរើសហើយ៖
Ebikorwa 13: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 13
13
EBIKORW A BY A PAULO MUT AKATIFU.
OBUTUMWA BWO KUTANDIKA. — SAULI NA BARNABA NIBOLEKERERA SIPRIYA.
1Mw’Eklezia eyaliga eli Antyokiya haliga halimo abalagi n’abolekerezi, muli bonene haliga halimo Barnaba na Simoni, owe bayetaga bati: Mwiraguzu, na Lusyo Omunasirene, na Manahe, ayayonkire hamo n’omukama Herode, na Sauli. 2Bonene baliga nibakolera Omukama nibasiba, Mwoyo Mutakatifu nabagambira ati: Munsoreremo Sauli na Barnaba ha mulimo ogwo nabaletere. 3Aho nibasiba no kulembereza, nibabataho emikono, hatyo nibabasindika kugenda.
4Kandi bonene nibasindikwa Mwoyo Mutakatifu, nibagenda Selekiya, niy’okwo barugire nibasyabara kuza Sipriya. 5Ka bahikire Salamina, nibayolekerera ekigambo cha Mungu mu masomero g’Abayahudi; baliga bali na Yohana wo kubahwera. 6Ka bezongwere izinga lyona kuhika Pafumi, nibasangayo omuntu ogwo mufumu, mulagi w’obubehi, ali Muyahudi, izina lye Mwendeyezu, 7ayaliga ali n’omutware Serji Paulo, muntu mwetegereza. Ogwo nayeta Barnaba na Sauli, obwo yayegongaga kuhulira ekigambo cha Mungu. 8Nawe Elima omufumu ogwo, (niyo nsonga y’izina lye), nabahakanisya, nayenda kuchoka omutware ha kwikiriza. 9Nawe Sauli, elindi Paulo, naizura Mwoyo Mutakatifu, namwetegereza, 10nagira ati: Iwe aizwire obukerukekeruke n’obuzigi, mwana wa sitani, muhate wa buli kizima chona, tokuzira si kuchora emihanda z’Omukama ezigororokire? 11Lora, hati omukono gwa Mungu gukuliho; okwiza kuhuma, enaku zirabeho otakubona izoba. Aho n’aho nayezongwa oluho n’omwirima; nahiga owo kumuha omukono. 12Aho omutware ka yabwene ebyagwire, naikiriza, nakumisibwa obwolekerezi bw’Omukama.
PAULO NA BARNABA BALI ANTYOKIYA.
13Paulo ka yarugire Pafumi, nasyabara n’abo yaliga ali nabo, nibahika Perga ya Panfiliya; Yohana akabarugaho nasuba Yeruzalemu. 14Kandi bonene ka bazongire Perga, nibahika Antyokiya ya Pisidiya; nibataha mw’isomero ha lunaku lwa sabato, nibekara. 15Mbe kumara kusoma ekitabo ch’Ekilagiro n’ech’Abalagi, abakuru b’isomero nibabatumaho abantu, bati: Bozo mwe, bana betu, raba muli n’ekigambo cho kutegekera abantu, mugambe. 16Paulo naimuka, nabatigisya n’omukono babuzye, nagira ati: Imwe bantu Banaisraeli, batini ba Mungu, muhulirize. 17Mungu w’ihanga lya Israeli akasora batata, nakanisya abantu be, aho baliga bali bageni mu nsi ya Misri, nabehayo n’omukono gugororokire. 18Kandi myaka makumi ana nayemera entungwa zabo mw’iswa. 19Nasingaricha amahanga musanzu mu nsi ya Kanani, nabagabanisiza mu lweso ensi yabo, 20kuti myaka magana ana na makumi atanu zahwereho; ebyo ka byarabireho, nabaha abalamuzi kuhika ha mulagi Samweli. 21Kumara nibasaba omukama; Mungu nabaha Sauli, mwende Kisi, omuseza wo mu luganda lwa Benyamini, mu myaka makumi ana. 22Ka yehireho ogwo, nabateraho Daudi ha bukama, owe yamanyisize nagira ati: Mbwene Daudi, mwende Yese, omuntu owe omutima gwange gukwenda, niwe alihicha byona ebyo nkwenda. 23Mu luzaro lw’ogwo nimwo Mungu yehire Israeli omuchunguzi, Yezu, nk’omwo yaliga alaganire; 24aho yaliga atakezire, Yohana nayolekerera abantu bona ba Israeli batisimu yo kutamwa. 25Yohana ka yamazire olugendo lwe, nagira ati: Tindi ogwo mukutekateka; nawe ngugwo akundug’enuma, owe ine ntahikire kusurumura enketo z’amaguru ge.
26Bozo mwe, bana betu, bana b’oluganda lwa Ibrahimu, kai imwe abakutina Mungu, ekigambo ch’obuchunguzi bunu kitumirwe hal’imwe. 27Kuba abatwire Yeruzalemu n’abakuru babo bakabura kumunaya, bakahicha mu lamu yabo ebigambo by’abalagi ebikusomwa buli sabato; 28naho batamubweneho entambala yo kumwitira, nibasaba Pilato bamwite. 29Ebyaliga bimwandikirweho byona ka byahwereho, nibamuhanantura h’eti, nibamuzika mu kituro. 30Nawe Mungu akamuzora mu bafu ha lunaku lwa kasatu; nabonwa naku ningi banu, 31abaliga banegere nage kuruga Galilaya kuza Yeruzalemu, nibo bali mbona ze mu bantu kuhika hati. 32N’etwe tukubatengera eby’omulago ogwo batata betu balaganisibwe; 33kuba Mungu akaguhikiriza ha bana betu, nazora Yezu, nk’okwo byandikirwe mu Zabuli ya kabili biti: Oli Mwana wange; ine lero nakuzara. 34Obwo yamuzokwere mu bafu, atasuba mu buzunde nangu, mbe nagira ati: Ndihikiza koto ndagano ntakatifu ezo nalaganire hali Daudi. 35Nich’echo yagambirire na handi ati: Tolifuha Omutakatifu wawe kubona obuzunde. 36Kuba Daudi ka yamazire kukola ebyo Mungu yayendaga akole, nanagira, nibamuzika hali bese, nabona obuzunde. 37Nawe owe Mungu yazokwere mu bafu tiyabwene obuzunde.
38Mbe nimumanye, bozo bana betu, okwo ha bw’onu niho mukwolekererwa kukizibwa kw’ebiheno byanu; n’okwo byona ebyo mutahikize kukizibwa mu Kilagiro cha Musa, 39muli wenene nimwo buli mwikiriza wena akusombokera. 40Mbe nimulore mutaliza kugwerwa ebyagambirwe mu balagi, bati: 41Nimwetegereze, imwe abakugaya, nimukumye, kai musingarike; kuba ine nkukola omulimo mu naku zinu, omulimo ogwo imwe mutakwikiriza, naho omuntu akabatengera.
42Ka bahurukire, nibabasaba babagambire ebigambo ebyo ha lunaku lwa sabato elarubaho. 43Ka barugire mw’isomero, bengi bo mu Bayahudi n’abageni, abatinaga Mungu, nibaruba Paulo na Barnaba, bonene bafumoraga nibabahaniriza kwikalira mu nema ya Mungu. 44Kandi sabato eyarubireho kihwa abantu bona bo mu charo nibasumba kuhuliriza ekigambo cha Mungu. 45Abayahudi ka babwene embaga, nibezura ichubi, nibahakana ebigambo ebyatengirwe Paulo, nibazuma Mungu. 46Aho Paulo na Barnaba nibatenga bagumire bati: Imwe n’imwe mwaliga muli no kutandika kugambirwa ekigambo cha Mungu; nawe obwo mwachangire, kai mukelenganisya nk’abatahikire obulame obutahwaho, mbe ka tuchokere ha basenzi. 47Kuba nikwo Omukama yatulagire ati: Nkakutaho kuba lumuli lw’amahanga, obe buchunguzi kuhika aho ensi eliherera. 48Abasenzi ka bahulire, nibasemererwa muno, nibakuza ekigambo cha Mungu; kai bona bona abaliga basozirwe ha bulame obutahwaho nibekiriza. 49Mbe ekigambo ch’Omukama nikisugana mu nsi egyo yona. 50Aho Abayahudi nibagomesya abakazi b’edini n’ab’ikuzo n’abakuru bo mu charo, nibemuka kunaranaza Paulo na Barnaba, nibabambuch’embibi zabo. 51Bonene nibabakunkumulira enkungu yo mu maguru gabo, nibeza Ikoniya. 52Kandi abahemba nibezura amasemererwa na Mwoyo Mutakatifu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.