Ebikorwa 12
12
PETRO NACHUNGURWA MUMALAIKA. — HERODE NAFWA KUBI.
1Mu nazu ezo zonene omukama Herode nagoror’omukono kunaranaza abandi bo mw’Eklezia. 2Naisya Yakobo embanda, mutabani wabo Yohana. 3Ka yabwene okwo byasemerere Abayahudi, nakwata na Petro. Zaliga zili naku z’Azima#12, 3 Niz’enaku musanzu za Paska y’Abayahudi, ezo balyamoga emikate ezitalimo itumbyo.. 4Ka yamukwasire, namuta mw’ibohero, namusindika kulindwa abasirikale bana bana, ngendo ina ina, nayenda kumuhurukiza abantu, Paska yahwereho. 5Mbe Petro naba wo kulindwa mw’ibohero; Eklezia nemusabira obutosa hali Mungu. 6Olwo Herode yayendaga kumuhurucha, mu kiro echo Petro yaliga amamire hagati y’abasirikale babili, abohire n’enyoro ibili, kai ha mulyango abalinzi nibalinda enzu y’ibohero. 7Aho mumalaika w’Omukama naboneka, omwanga nigumulika mu nzu; natera Petro ha lubazu, namusisimula nagira ati: Imuka bwangu. Enyoro nizichwaguka ha mikono ze. 8Mumalaika namugambira ati: Noyebohe, ozware n’enketo zawe. Nagira atyo. Kandi namugambira ati: Iswekerera omwenda gwawe, ondube. 9Nahuruka, namuruba, atakumanya okwo ebyakozirwe mumalaika bili bya kimo, yachwaga ati: nabonekerwa. 10Mbe nibaraba ha balinzi bo kutandika n’aba kabili, nibahika ha mulyango gw’ihara ly’echoma, ogukuza mu kikale, nigubekingulira gwonka; ka bahurukire, nibalibata muhanda gumo, aho honka mumalaika namunwekaho. 11Aho Petro nayesubaho, nagira ati: Hati namanya kuzima okw’Omukama yatuma mumalaika we, akaniha mu mikono za Herode na mu kulindirira kwona kw’ihanga ly’Abayahudi. 12Yaliga akitekateka, nahika owa Maria, nina Yohana, owe bakweta bati: Marko, omwo baliga basumbire bengi nibalembereza. 13Ka yakingwize ha mulyango, omuharakazi, izina lye Roda, naimuka kuza kulora. 14Ka yamanyire ilaka lya Petro, kusemererwa kwa muno, nabura kukingula ihara, nawe nairukira mu nzu nagamba ati: Petro ali ha mulyango. 15Bonene nibamugambira bati: Wasara si! Nawe wenene nayomeraho kutenga ebyo. Bonene nibagira bati: Ni mumalaika we. 16Nawe Petro naguma kukinguza ha mulyango. Ka bakingwire, nibamubona, nibatangara. 17Nabatigisya n’omukono besize, narobya okw’Omukama yamwihire mw’ibohero; kandi nagira ati: Mulabitengera Yakobo na batabani betu. Nahuruka, nagenda handi.
18Obwire ka bwachere, abasirikale nibatina muno ha bw’ebyagwire hali Petro. 19Herode ka yamuhigire akabura, nabuzya abalinzi, nalagira kubasagara kwaswa; kandi naruga Buyahudi nagenda Kaizariya, niyo naba wo kwikalira. 20Yaliga anigahalire Abanatiro n’Abanasidoni. Nibamwizaho mutima gumo; nibanwanisya Blasto, ayaliga ali nfura y’omukama, nibasaba omulebo, kuba ensi zabo zaliga zitungirwe ha z’omukama. 21Ha lunaku olwaliga lusozirwe, Herode nazwar’ebizwaro by’ekikama, naikara ha kitebe cha bukama, naromanwa nabo. 22Abantu nibamwetangirira bati: N’ilaka lya Mungu, ti ly’omuntu. 23Aho honka mumalaika w’Omukama namutera, obw’atahere Mungu ikuzo; nalibwa amahuka, omwoyo niguhwamo.
24Nawe ekigambo ch’Omukama nikikura, nikisugana. 25Kandi Barnaba na Sauli nibaruga Yeruzalemu, ka bamazire omulimo gwabo, batwere Yohana, owe bayetaga bati: Marko.
ទើបបានជ្រើសរើសហើយ៖
Ebikorwa 12: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 12
12
PETRO NACHUNGURWA MUMALAIKA. — HERODE NAFWA KUBI.
1Mu nazu ezo zonene omukama Herode nagoror’omukono kunaranaza abandi bo mw’Eklezia. 2Naisya Yakobo embanda, mutabani wabo Yohana. 3Ka yabwene okwo byasemerere Abayahudi, nakwata na Petro. Zaliga zili naku z’Azima#12, 3 Niz’enaku musanzu za Paska y’Abayahudi, ezo balyamoga emikate ezitalimo itumbyo.. 4Ka yamukwasire, namuta mw’ibohero, namusindika kulindwa abasirikale bana bana, ngendo ina ina, nayenda kumuhurukiza abantu, Paska yahwereho. 5Mbe Petro naba wo kulindwa mw’ibohero; Eklezia nemusabira obutosa hali Mungu. 6Olwo Herode yayendaga kumuhurucha, mu kiro echo Petro yaliga amamire hagati y’abasirikale babili, abohire n’enyoro ibili, kai ha mulyango abalinzi nibalinda enzu y’ibohero. 7Aho mumalaika w’Omukama naboneka, omwanga nigumulika mu nzu; natera Petro ha lubazu, namusisimula nagira ati: Imuka bwangu. Enyoro nizichwaguka ha mikono ze. 8Mumalaika namugambira ati: Noyebohe, ozware n’enketo zawe. Nagira atyo. Kandi namugambira ati: Iswekerera omwenda gwawe, ondube. 9Nahuruka, namuruba, atakumanya okwo ebyakozirwe mumalaika bili bya kimo, yachwaga ati: nabonekerwa. 10Mbe nibaraba ha balinzi bo kutandika n’aba kabili, nibahika ha mulyango gw’ihara ly’echoma, ogukuza mu kikale, nigubekingulira gwonka; ka bahurukire, nibalibata muhanda gumo, aho honka mumalaika namunwekaho. 11Aho Petro nayesubaho, nagira ati: Hati namanya kuzima okw’Omukama yatuma mumalaika we, akaniha mu mikono za Herode na mu kulindirira kwona kw’ihanga ly’Abayahudi. 12Yaliga akitekateka, nahika owa Maria, nina Yohana, owe bakweta bati: Marko, omwo baliga basumbire bengi nibalembereza. 13Ka yakingwize ha mulyango, omuharakazi, izina lye Roda, naimuka kuza kulora. 14Ka yamanyire ilaka lya Petro, kusemererwa kwa muno, nabura kukingula ihara, nawe nairukira mu nzu nagamba ati: Petro ali ha mulyango. 15Bonene nibamugambira bati: Wasara si! Nawe wenene nayomeraho kutenga ebyo. Bonene nibagira bati: Ni mumalaika we. 16Nawe Petro naguma kukinguza ha mulyango. Ka bakingwire, nibamubona, nibatangara. 17Nabatigisya n’omukono besize, narobya okw’Omukama yamwihire mw’ibohero; kandi nagira ati: Mulabitengera Yakobo na batabani betu. Nahuruka, nagenda handi.
18Obwire ka bwachere, abasirikale nibatina muno ha bw’ebyagwire hali Petro. 19Herode ka yamuhigire akabura, nabuzya abalinzi, nalagira kubasagara kwaswa; kandi naruga Buyahudi nagenda Kaizariya, niyo naba wo kwikalira. 20Yaliga anigahalire Abanatiro n’Abanasidoni. Nibamwizaho mutima gumo; nibanwanisya Blasto, ayaliga ali nfura y’omukama, nibasaba omulebo, kuba ensi zabo zaliga zitungirwe ha z’omukama. 21Ha lunaku olwaliga lusozirwe, Herode nazwar’ebizwaro by’ekikama, naikara ha kitebe cha bukama, naromanwa nabo. 22Abantu nibamwetangirira bati: N’ilaka lya Mungu, ti ly’omuntu. 23Aho honka mumalaika w’Omukama namutera, obw’atahere Mungu ikuzo; nalibwa amahuka, omwoyo niguhwamo.
24Nawe ekigambo ch’Omukama nikikura, nikisugana. 25Kandi Barnaba na Sauli nibaruga Yeruzalemu, ka bamazire omulimo gwabo, batwere Yohana, owe bayetaga bati: Marko.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.