Romans 9
9
CHAPTIR NINE.
Godʼs aiqual way wiʼ Jews and Gentiles.
1The truth I say in Christ — I am‐na speakin fause — my conscience bein witnessin, alang wiʼ mysel in the Spirit,
2That thar is muckle dool to me, and constant sorrow iʼ my heart,
3For I mysel could hae wissʼt mysel #9:3 Sinderʼt frae ony common use; as was an offeran iʼ the Temple. The sense is obscure: and we haena Paul to expone it. While it may mean torn frae aʼ things in this life, and frae life itselʼ, it disna mean sinderʼt frae Christ for Eternity.devotit by Christ, for my brethrenʼs sake, my kin eftir the flesh;
4Wha truly are Israelites; whase are the adoption, and glorie, and covenant, and law, and services, and promises;
5Whase are the patriarchs; and oʼ wham accordin to the flesh is the Christ; he wha is heigher than aʼ, God blessed for aye!
6But, no in sic mainner as thoʼ the promises oʼ God had failed. For no aʼ wha are oʼ Israʼl are truly Israʼl.
7Nor yet, gin they be a seed oʼ Abraʼm, are they aʼ bairns: but, “In Isaac sal thar be coontit thee a seed!”
8Thus: no the bairns oʼ the flesh are bairns oʼ God: but the bairns oʼ the promise are coontit as the seed.
9For this word is ane oʼ promise: “At this time sal I come, and thar sal be to Sarah a son.”
10And no only sae; but whan Rebecca had conceivʼt by ane, eʼen by oor faither Isaac —
11For they no bein yet born, nor had dune gude or bad, that the purpose oʼ God conform to choice soud remain; no oʼ warks, but oʼ him wha invitit —
12It was said to her, “The elder sal serʼ the younger.”
13Eʼen as it is putten doon, “Jaucob I loʼed; Esau I appruvʼd‐na.”
14What, than, sal we say? Is ony wrang‐doin wiʼ God? Far frae it!
15For to Moses he says. “I wull hae mercie on whamsoeʼer I can hae compassion!”
16Sae than, it is naither oʼ him that wad hae it, nor oʼ him that rins forʼt, but oʼ God wha gies mercie.
17For the Scriptur says to Pharaoh, “For this vera thing I raisʼt thee up, that I micht schaw in thee my pooer; sae as my name soud be kent in aʼ the yirth.”
18And sae, he #9:18 We hae ae side oʼ a great doctrine here: the ither side is whaur Christ deeʼt for the hail warld, and “preed oʼ death for aʼ men” (Heb. 2:9). And in Eph. 1:4 — “Acceptin us in him afore the up‐biggin oʼ the warld.” Juist as ane in choosin a tree or vine, chooses ilka branch and shoot oʼt, thoʼ some oʼ thir may‐na at the time be in existence. Sae whan Christ was acceptit, his folk war acceptit wiʼ him.has mercie on wham he pleases, and wham he wull he gars harden.
19Ye may say to me, than, “Hoo, than, dis he wyte? for wha can staun again his wull?”
20Na, O man! wha are ye to be answerin God again? Sal the thing made say to him wha made it, “Why did thou mak me sae?”
21Or, hasna the potter a richt ower the clay, oot oʼ the same dadd to mak ae pot to honor, but anither to a want oʼ honor?
22What thoʼ God, desirin to schaw his angʼer, and to mak kent his pooer, tholed wiʼ unco patience the veschels oʼ wrath that had become fit for destruction?
23And that he micht mak kent his rich glorie on veschels oʼ mercie he had afore preparʼt for glorie;
24Wham he had bidden; eʼen us, no only frae amang Jews, but frae amang the nations as weel.
25Eʼen as he says by Hosea, “I wull caʼ her that wasna my folk ‘my folk!’ and her that wasna weel‐belovʼd, ‘my weel‐beloved.’ ”
26And, “It sal be, iʼ the place whaur it was said, ‘Ye are‐na my folk!’ eʼen thar sal they be caʼd, ‘Bairns oʼ the Leevin God!’ ”
27And Esaiah, too, cries oot aboot Israʼl, “Eʼen gin the number oʼ Israʼls bairns be as the sand oʼ the sea, a wheen left sal be saved;
28“For a perfete and close reckonin wull the Lord mak on the yirth.”
29Eʼen as Esaiah said afore, “Gin the Lord oʼ Hosts hadna left us a seed, we wad hae been as Sodom, and wad hae been like to Gomorrah.”
30What, than, are we to say? This: that the nations, thae wha warna cairryin on richtousness, nane‐the‐less laid haud oʼ a richtousness; a richtousness aʼ the same that it was by faith —
31Whilst Israʼl, thoʼ cairryin on a rule oʼ richtousness, didna win their way to that rule.
32And why? Juist this, that they war cairryin it on, no by faith, but as it war by warks. They stumblʼt at that stane oʼ stumblin;
33Eʼen as it is putten doon, “Behauld! I set in Zion a stane oʼ stumblin, and a rock oʼ offendin; and he wha lippens thar‐till sal no be putten to shame!”
ទើបបានជ្រើសរើសហើយ៖
Romans 9: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
