Philippians 1
1
CHAPTIR ANE.
Some preached, for that they war leal to Christ; and some oot oʼ thrawartness.
1Paul and Timothy, servitors oʼ Christ Jesus, to aʼ the saunts in Christ Jesus that are in Philippi, wiʼ the bishops and deacons:
2Tender love to you, and peace, frae God oor Faither, and the Lord Jesus Christ.
3I am aye giean thanks to my God, at ilka thocht oʼ you,
4Aye in ilka prayer oʼ mine for ye aʼ, makin request for ye wiʼ joy,
5On accoont oʼ yer #1:5 “Fellowship” in supplyin his needs, for the gospelʼs sake (Phil. 4:14, 15), and in their giean oʼ their substance for the puir saunts at Jerusalem.fellowship iʼ the Gude‐word, frae the first day till noo:
6Bein siccar iʼ this vera thing, that he wha begude a gude wark in ye, wull perfete it to the day oʼ Christ Jesus.
7Eʼen as it is richt in me to hae siccan a regaird oʼ ye; for that ye hae me iʼ yere heart, baith iʼ my bonds, and iʼ the defendin and makin steive the Gude‐word; ye aʼ bein marrows wiʼ me oʼ my grace.
8For God is witness to me, hoo fain I am for ye aʼ, in the tender mercies oʼ Jesus Christ.
9And for this I pray, brethren, that yer love yet mair and mair may exceed, in fuʼ knowledge and discernment;
10To the end ye may pit to the test the things that are gude, that ye may be holie and fautless to the day oʼ Christ;
11Bein fuʼ oʼ the frute oʼ richtousness; that whilk is throwe Jesus Christ, to the glorie and praise oʼ God.
12Noo, I wad hae ye to ken, brethren, that the things regairdin me hae raither come oot to the advantage oʼ the Gude‐word.
13Sae as my bonds hae been made kent iʼ the hail Heid‐quarters, and to aʼ the lave.
14And sae as that the feck oʼ the brethren, haein been heartened iʼ the Lord by my bonds, are mair uncolie bauld, fearless speakin the word oʼ God.
15A wheen, indeed, oot oʼ envy and strife, and some oot oʼ gude‐wull, are preachin Christ.
16Thir, oot oʼ love, kennin I am set for the defence oʼ the Gude‐word;
17But thae, oot oʼ thrawartness are settin oot Christ; no in lealness; thinkin to mak fash to me iʼ my bonds.
18Weel what? Juist this, that in ony way, gin it be in deceit or in truth, Christ is proclaimed; and I in this am blythe, and wull be blythe!
19For I ken that this sal turn aʼ to my #1:19 No that he needit thir trials in order to be saved, nor that he judged they wad bring him freedom frae prison; but that thir things war aʼ ripenin his graces, and makin him mair like Christ.salvation, throwe yere prayers, and the giean to me oʼ the Spirit oʼ Jesus Christ;
20Conform to my fain lookin‐forrit, and my hope, that in naething sal I be putten to shame; but that wiʼ aʼ freeness oʼ speech, as aye, sae eʼen noo, Christ sal be glorifyʼt iʼ my body, gin it be by life, or by death.
21For to me, leevin is Christ; and deein is treasur.
22But, gin leevin iʼ the flesh is Christ, this to me is a reward oʼ toil; and whatna I sal wale I say‐na,
23But I am hauden atwixt the twa; haein an unco fainness to be looten awa, and to be wiʼ Christ, for this is far, far better!
24But to be bidinʼ iʼ the flesh is mair necessar for yere sakes.
25And haein oʼ this been made siccar, I lippen that I sal bide, and stay ahint wiʼ ye aʼ, for the up‐biggin oʼ yere faith, and for yere joy.
26That yere glorying may be the mair in Christ Jesus — as to me — by my presence wiʼ ye again.
27Only, in siccan a way as is wordie oʼ the Gude‐word, airt yere lives; sae that gin I come and see ye, or gin I be frae ye, I may be hearin oʼ ye, that ye staun siccar iʼ ae spirit, wiʼ ae saul joined thegither, for the faith oʼ the Gude‐word;
28And no bein fleyʼt in ony thing by thae opposin their sels: whilk, in truth, is for them a token oʼ destruction, but oʼ yere salvation; and this frae God.
29For, to you was gien as a favor, no only to be haein faith in Christ, but eke in his behauf to be sufferan:
30Haein the like tulzie that ye saw in me, and noo hear in me.
ទើបបានជ្រើសរើសហើយ៖
Philippians 1: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
Philippians 1
1
CHAPTIR ANE.
Some preached, for that they war leal to Christ; and some oot oʼ thrawartness.
1Paul and Timothy, servitors oʼ Christ Jesus, to aʼ the saunts in Christ Jesus that are in Philippi, wiʼ the bishops and deacons:
2Tender love to you, and peace, frae God oor Faither, and the Lord Jesus Christ.
3I am aye giean thanks to my God, at ilka thocht oʼ you,
4Aye in ilka prayer oʼ mine for ye aʼ, makin request for ye wiʼ joy,
5On accoont oʼ yer #1:5 “Fellowship” in supplyin his needs, for the gospelʼs sake (Phil. 4:14, 15), and in their giean oʼ their substance for the puir saunts at Jerusalem.fellowship iʼ the Gude‐word, frae the first day till noo:
6Bein siccar iʼ this vera thing, that he wha begude a gude wark in ye, wull perfete it to the day oʼ Christ Jesus.
7Eʼen as it is richt in me to hae siccan a regaird oʼ ye; for that ye hae me iʼ yere heart, baith iʼ my bonds, and iʼ the defendin and makin steive the Gude‐word; ye aʼ bein marrows wiʼ me oʼ my grace.
8For God is witness to me, hoo fain I am for ye aʼ, in the tender mercies oʼ Jesus Christ.
9And for this I pray, brethren, that yer love yet mair and mair may exceed, in fuʼ knowledge and discernment;
10To the end ye may pit to the test the things that are gude, that ye may be holie and fautless to the day oʼ Christ;
11Bein fuʼ oʼ the frute oʼ richtousness; that whilk is throwe Jesus Christ, to the glorie and praise oʼ God.
12Noo, I wad hae ye to ken, brethren, that the things regairdin me hae raither come oot to the advantage oʼ the Gude‐word.
13Sae as my bonds hae been made kent iʼ the hail Heid‐quarters, and to aʼ the lave.
14And sae as that the feck oʼ the brethren, haein been heartened iʼ the Lord by my bonds, are mair uncolie bauld, fearless speakin the word oʼ God.
15A wheen, indeed, oot oʼ envy and strife, and some oot oʼ gude‐wull, are preachin Christ.
16Thir, oot oʼ love, kennin I am set for the defence oʼ the Gude‐word;
17But thae, oot oʼ thrawartness are settin oot Christ; no in lealness; thinkin to mak fash to me iʼ my bonds.
18Weel what? Juist this, that in ony way, gin it be in deceit or in truth, Christ is proclaimed; and I in this am blythe, and wull be blythe!
19For I ken that this sal turn aʼ to my #1:19 No that he needit thir trials in order to be saved, nor that he judged they wad bring him freedom frae prison; but that thir things war aʼ ripenin his graces, and makin him mair like Christ.salvation, throwe yere prayers, and the giean to me oʼ the Spirit oʼ Jesus Christ;
20Conform to my fain lookin‐forrit, and my hope, that in naething sal I be putten to shame; but that wiʼ aʼ freeness oʼ speech, as aye, sae eʼen noo, Christ sal be glorifyʼt iʼ my body, gin it be by life, or by death.
21For to me, leevin is Christ; and deein is treasur.
22But, gin leevin iʼ the flesh is Christ, this to me is a reward oʼ toil; and whatna I sal wale I say‐na,
23But I am hauden atwixt the twa; haein an unco fainness to be looten awa, and to be wiʼ Christ, for this is far, far better!
24But to be bidinʼ iʼ the flesh is mair necessar for yere sakes.
25And haein oʼ this been made siccar, I lippen that I sal bide, and stay ahint wiʼ ye aʼ, for the up‐biggin oʼ yere faith, and for yere joy.
26That yere glorying may be the mair in Christ Jesus — as to me — by my presence wiʼ ye again.
27Only, in siccan a way as is wordie oʼ the Gude‐word, airt yere lives; sae that gin I come and see ye, or gin I be frae ye, I may be hearin oʼ ye, that ye staun siccar iʼ ae spirit, wiʼ ae saul joined thegither, for the faith oʼ the Gude‐word;
28And no bein fleyʼt in ony thing by thae opposin their sels: whilk, in truth, is for them a token oʼ destruction, but oʼ yere salvation; and this frae God.
29For, to you was gien as a favor, no only to be haein faith in Christ, but eke in his behauf to be sufferan:
30Haein the like tulzie that ye saw in me, and noo hear in me.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.