Hebrews 6
6
CHAPTIR SAX.
The awfuʼ state oʼ thae that faʼ back. But God is strang and faithfuʼ to susteen!
1Thar‐for, lat us leaʼ thir beginnins oʼ the things oʼ Christ, and gang on toward fuʼ growth; no layin ower again the fundation oʼ turning frae deid warks, and oʼ faith toward God.
2Oʼ the teachin anent bapteezins, and oʼ layin‐on oʼ hauns, and oʼ the Risin frae‐the‐deid, and oʼ eternal judgment.
3And this wull we do, gin at least God permit.
4For it isna possible, as to thae wha ance had licht, and had preed the free‐gift oʼ Heeven, and had been made to partak oʼ the Holie Spirit.
5And had preed the sweet word oʼ God, and the pooers oʼ the warld to come, —
6And then faʼin awa, ance mair to new‐form them until repentance; seein they are crucifyin ower again to their sels the Son oʼ God, and makin a public shame oʼ him!
7For the grund, that sooks in the aft‐faʼin rain, and brings forth what they wad fain hae wha till it, receives blessin frae God;
8But gin it bear thorns and briers, it is no esteemed, and is nar‐haun bein cursʼt; whase end is to be brunt.
9But we are perswadit better things oʼ you, beloved, eʼen things oʼ salvation, thoʼ we div sae speak.
10For God is no ill‐deedie to be forgettin yere wark and love that ye schawed forth for his name; in serʼin the saunts, and still serʼin.
11But we hae mickle desire that ilk ane oʼ ye schaw forth the same perseverin, to the fuʼ confidence oʼ hope, eʼen tae the end.
12That ye be‐na slack, but followin on eftir thae wha by faith and long‐tholin fell heirs to the promises.
13For whan God made promise to Abraʼm, seein thar war nane greater to sweer by, he swure by his sel,
14Sayin, “Certes, in blessin wull I bless thee; and in multiplyin wull I multiply thee!”
15And sae, tholin patiently, he gat the promise.
16For men sweer by ane greater; and wiʼ them an aith is the end oʼ aʼ disputin.
17And sae God, bein muckle mair willin to schaw forth to the heirs oʼ the promise the siccarness oʼ his coonsel, cam in wiʼ an aith.
18For by #6:18 What the “twa things” war, the text disna mak vera clear. Aiblins we soud tak it as first, the promise; second, the aith.twa unchangeable things, in whilk it wasna possible for God to be fause, a stieve consolation we soud hae, wha fled to grip the hope set afore us;
19Whilk hope we hae as an anchor oʼ the saul, baith siccar and sure, and comin ben within the veil.
20Whaur Jesus, as fore‐rinner for us, has enterʼt; wha “was made a Heigh‐priest for aye, iʼ the order oʼ Melchizedek.”
ទើបបានជ្រើសរើសហើយ៖
Hebrews 6: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.