Galatians 4
4
CHAPTIR FOWR.
Christ the heir, maks us heirs wiʼ his sel; and delivers us frae the curse oʼ the Law.
1But I say, sae long as the heir is a bairn, he differs‐na frae a servant, eʼen thoʼ aiblins he be the laird oʼ aʼ.
2But is aneath bairn‐keepers and overseers, till the time set by the Faither.
3Sae we too, whan we war bairns, war keepit in bonds to the #4:3 “Elements” or “rudiments” — atween whilk the English swithers — are juist the first lesson oʼ aneʼs lear; or the hornbuik, or alphabet‐caird oʼ knowledge.hornbuik oʼ the warld:
4But whan the fuʼ time cam, God sent oot his Son, wha cam oʼ a wumman, wha cam aneath the Law,
5That he micht redeem thae aneath the Law, sae that we coud receive the adoption oʼ bairns.
6And mair: for that ye are sons, God sent oot his Sonʼs Spirit into oor hearts, cryin oot, “Abba! Faither!”
7Sae ye are nae mair a servant but a bairn; and gin a bairn, than an heir, throwe God.
8But than, in sooth, no kennin God, ye war in bondage ʼneath thae that war by natur nae gods:
9Whaur‐as noo, eftir that ye hae owned God (or raither been owned oʼ him), hoo isʼt that ye are gaun back again to the feckless and beggarlie beginnins, to whilk ye wad fain, ower again, be in bondage?
10Ye preceesely observe days, and months, and years.
11I am fearʼt for ye, least by ony means I hae toiled for ye in vain!
12Become ye as I; for that I too becam as yersels. Brethren, I entreat ye! In naething did ye wrang me!
13But ye ken hoo that by reason oʼ a weakness iʼ the flesh, I preached to ye the Gude‐word at the first,
14And the temptation ye saw iʼ my flesh ye despised‐na, nor scunnerʼt at it! but took me to yere hearts as an Angel oʼ God; as Christ Jesus!
15Whaur, than, is that happiness oʼ yours? For I witness tʼye that, gin it had been possible, yere ain een wad ye hae pykit oot, and gien to me!
16Sae noo, hae I gotten to be yere fae, for that I deal leal wiʼ ye!
17They zealouslie seek ye, but no in a gude way; aye, they wad #4:17 A wheen oʼ the MSS. say, “steek us oot”; but the wechtiest authorities say “ye.” Paul maun mean, “They wad steek ye oot frae us, that they micht hae ye to their sels!” As lang as they loʼed Paul sae muckle, they wadna eithlie follow thir new teachers.steek ye oot, that ye may seek eftir them!
18But it is gude, for a gude thing to be socht eftir wiʼ zeal, at aʼ times, and no only whan I am wiʼ ye.
19My bairns! oʼ wham again I am in birth‐pangs, till siccan a time as Christ be formed in you.
20Aye! I coud wiss to be wiʼ ye e‐noo, and to change my speech; for I am in a swither aboot ye.
21But tell me, ye that wad fain be ʼneath the Law! div ye no hear the Law?
22For it is putten‐doon, “Abraʼm had twa sons; ane by a bondmaid, and ane by a free wumman.”
23But the ane by the bondmaid, hoobeit, was born eftir the mainner oʼ the flesh; whauras the ane by the free wumman throwe a promise.
24Whilk things, in sooth, are a parable. For thir weemen are twa covenants; ane frae Mount Sinai, bringin forth to bondage, whilk in sooth is Hagar.
25For “Hagar” is Mount Sinai in Arabia; and is like to Jerusalem that noo is, and is in bondage wiʼ her bairns.
26But the Jerusalem aboon is free, wha indeed is mither to us aʼ.
27For it is putten‐doon, “Rejoice ye barren that bure‐na; brek oot intil shouts, ye that warna in birth‐pangs! for mair are the bairns oʼ the desolat, than oʼ her that has the husband.”
28But we, brethren, eftir the mainner oʼ Isaac, are bairns oʼ the promise.
29But, just as than, the ane born eftir the flesh persecutit the ane born eftir the Spirit, eʼen sae is it e‐noo.
30But what says the Scriptur? “Pit ye oot the bondmaid and her son; for in naegate sal the bairn oʼ the bondmaid inherit alang wiʼ the bairn oʼ the free.”
31Sae, brethren, we are‐na the bondmaidʼs bairns, but the free wummanʼs!
ទើបបានជ្រើសរើសហើយ៖
Galatians 4: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.