Ephesians 4
4
CHAPTIR FOWR.
Godʼs gifts to men: lat men sin nae mair.
1I entreat ye, than, I the Lordʼs bondman, to gang on in mainner wordie oʼ the bode wiʼ whilk ye are biddin;
2Wiʼ aʼ laichness oʼ mind and canniness; tholin lang, forbearin wiʼ ane anither,
3In love takin tent to keep the ane‐ness oʼ the Spirit, iʼ the union?-?bond oʼ peace.
4Ae body; ae Spirit; eʼen as ye war bidden in ae hope oʼ yere biddin;
5Ae Lord; ae faith; ae bapteezin;
6Ae God and Faither oʼ us aʼ; he wha is ower aʼ, and throwe aʼ, and in aʼ.
7But to ilk oʼ us, lovin favor was gien, conform to the measur oʼ Christʼs free‐gift.
8Sae, says he, “Gaun up on heigh, he made captivitie captive itselʼ, and gied gifts to men.”
9But this, “He gaed up,” what isʼt, save that he eke gaed doon intil the under‐pairts oʼ the yirth?
10The ane wha gaed doon, is the ane wha gaed up, far aboon the heevens, that he micht hae aʼ things.
11And he gied some for Apostles, and some for prophets, and some for preachers, and some for pastors and teachers;
12To fit the saunts for the wark oʼ service, for the up‐biggin oʼ the body oʼ Christ.
13Till we aʼ win forrit to the ane‐ness oʼ the faith, and oʼ the perfete knowledge oʼ the Son oʼ God, intil manʼs estate, intil the measur oʼ the height oʼ the perfeteness oʼ Christ.
14That nae mair soud we be bairns, tossʼt as on billows, and blawn aboot wiʼ ilka swee oʼ doctrine, iʼ the pawkiness oʼ men, in knaverie; eftir the wiles oʼ wrang.
15But, speakin truth in love, soud grow intil him in aʼ things, wha is the heid, Christ.
16Oot oʼ wham aʼ the body, fitly marrowed thegither, and made siccar by ilka joint supplying, eʼen as by the inner workin iʼ the measur oʼ ilka pairt, maks siccar the growin oʼ the body, intil an up‐biggin oʼitsel in love.
17This, than, I say iʼ the Lord, that ye soud nae langer walk conform to the Gentilesʼ walkin, iʼ the vainness oʼ their mind.
18Wiʼ their understaunin made mirk, fremʼd frae the life oʼ God, throwe ignorance whilk is in them, throwe want oʼ feelin iʼ their heart;
19Wha indeed hae gotten to be by aʼ feelin, giean theirsels up wiʼ wantonness to the workin aʼ uncleanness wiʼ greed.
20But ye didna in siccan a way learn Christ.
21Gin at least ye heard him, and war instructit in him, as the truth is in Jesus,
22That sae soud ye cast aff, as to yere past doing, the “auld” man, wha corruptit his sel conform to deceitfuʼ desires;
23And be made young again, iʼ the spirit oʼ yere mind,
24And soud pit on the “new” man, wha eftir God is creatit in richtousness and holiness oʼ truth.
25Sae, tharfor, castin aff what is fause, “Speak ye truth ilk man wiʼ his neebor,” for that we are pairts ane oʼ anither.
26Be ye vexed, and yet sin‐na; lat‐na the sun gang doon on yere angʼer;
27And gie nae fit‐stance tae Sautan.
28Lat him that staw steal nae mair, but raither toilin, workin wiʼ his ain hauns at what is fit, that he may hae to gie to him wha has‐na.
29Lat nae #4:29 Maist folk hae yet to learn that the mooth airts the heart; and as a manʼs words are, sae the man sune gets to be.vileness gae forth frae yere mouʼ; but raither what is gude, airtit to the up‐biggin oʼ the needs, and to the giean oʼ grace, for them that hear.
30And dinna mak the Spirit grieve, in wham ye war sealed to the day oʼ redemption.
31Aʼ bitterness, and wrath, and ill‐wull, and stour, and miscaʼin, lat them be taen awa frae ye, wiʼ aʼ malice;
32And be ye gracious ane till anither, eʼen as God in Christ forgaʼe you.
ទើបបានជ្រើសរើសហើយ៖
Ephesians 4: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.