Ephesians 3
3
CHAPTIR THRIE.
The graun secret oot, that the nations war aʼ welcome to Salvation! The wondrous Love oʼ Christ.
1And sae I, Paul, prisoner oʼ Christ Jesus for you the Gentiles,
2Gin at least ye hae heard oʼ the stewardship oʼ the grace oʼ God whilk was gien to me for you,
3That by way oʼ revelation was made plain to me the hidden secret, eʼen as I wrate afore in a wee wheen words,
4As to whilk ye may be able, by readin, to ken my knowledge oʼ the hidden secret oʼ Christ,
5Whilk knowledge in the generations by‐gane wasna made kent to the sons oʼ men, as it is noo made plain to his holie Apostles and Prophets iʼ the Spirit —
6That they oʼ the nations soud be aiqual heirs, and aiqual body, and aiqual pairtners iʼ the promise in Christ Jesus, by the Gude‐word.
7Oʼ whilk I was made a servitor, as by the free gift oʼ the tender‐love oʼ God, gien to me, conform to the workin oʼ his pooer:
8To me, wee‐er than the wee‐est oʼ aʼ saunts, was gien this gude‐favor, to bring to the nations the Gude‐word oʼ the uncoontit riches oʼ Christ.
9And to gie licht as to what is the fellowship oʼ the secret quaisten that has been hid awa frae the former time in God, wha made aʼ things.
10Sae that noo micht be made kent to heevenlie pooers and authorities throwe the #3:10 No that the Kirk instructs thae: but that God, gatherin a Kirk amang the heathen, gies them enlairged conceptions oʼ his micht and his gracious love.Kirk, the mony‐fauld wisdom oʼ God.
11Conform to the ever‐bidin purpose he ettled in Christ Jesus oor Lord,
12In wham we hae bauldness oʼ speech, and oʼ approach, wiʼ assurance, throwe oor faith in him.
13Sae, desire I, that ye swarf‐na at my sorrows for you: whilk indeed are your glorie.
14And for this I bend my knees to the Faither,
15Frae wham the hail family iʼ heeven and yirth is named,
16That he wad gie you, conform to the richness oʼ his glorie, wiʼ aʼ pooer to hae micht iʼ the inwart man,
17To hae Christ dwallin throwe faith iʼ yere hearts;
18Rutit and grundit, that ye may be strang to grip siccar, wiʼ aʼ ither saunts, what is the breidth and lenth, and heighness and deepness,
19And to come to ken the love oʼ Christ, ayont aʼ tellin, that ye may be fuʼ wiʼ the fuʼness oʼ God.
20Noo, to him wha has pooer ower aʼ things, to do uncolie and unmeasurably abone aʼ things we can seek or think, eʼen as his pooer works in us,
21To him be the glorie, in the Kirk, and in Christ Jesus, to aʼ generations, and ages upon ages! Amen.
ទើបបានជ្រើសរើសហើយ៖
Ephesians 3: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
Ephesians 3
3
CHAPTIR THRIE.
The graun secret oot, that the nations war aʼ welcome to Salvation! The wondrous Love oʼ Christ.
1And sae I, Paul, prisoner oʼ Christ Jesus for you the Gentiles,
2Gin at least ye hae heard oʼ the stewardship oʼ the grace oʼ God whilk was gien to me for you,
3That by way oʼ revelation was made plain to me the hidden secret, eʼen as I wrate afore in a wee wheen words,
4As to whilk ye may be able, by readin, to ken my knowledge oʼ the hidden secret oʼ Christ,
5Whilk knowledge in the generations by‐gane wasna made kent to the sons oʼ men, as it is noo made plain to his holie Apostles and Prophets iʼ the Spirit —
6That they oʼ the nations soud be aiqual heirs, and aiqual body, and aiqual pairtners iʼ the promise in Christ Jesus, by the Gude‐word.
7Oʼ whilk I was made a servitor, as by the free gift oʼ the tender‐love oʼ God, gien to me, conform to the workin oʼ his pooer:
8To me, wee‐er than the wee‐est oʼ aʼ saunts, was gien this gude‐favor, to bring to the nations the Gude‐word oʼ the uncoontit riches oʼ Christ.
9And to gie licht as to what is the fellowship oʼ the secret quaisten that has been hid awa frae the former time in God, wha made aʼ things.
10Sae that noo micht be made kent to heevenlie pooers and authorities throwe the #3:10 No that the Kirk instructs thae: but that God, gatherin a Kirk amang the heathen, gies them enlairged conceptions oʼ his micht and his gracious love.Kirk, the mony‐fauld wisdom oʼ God.
11Conform to the ever‐bidin purpose he ettled in Christ Jesus oor Lord,
12In wham we hae bauldness oʼ speech, and oʼ approach, wiʼ assurance, throwe oor faith in him.
13Sae, desire I, that ye swarf‐na at my sorrows for you: whilk indeed are your glorie.
14And for this I bend my knees to the Faither,
15Frae wham the hail family iʼ heeven and yirth is named,
16That he wad gie you, conform to the richness oʼ his glorie, wiʼ aʼ pooer to hae micht iʼ the inwart man,
17To hae Christ dwallin throwe faith iʼ yere hearts;
18Rutit and grundit, that ye may be strang to grip siccar, wiʼ aʼ ither saunts, what is the breidth and lenth, and heighness and deepness,
19And to come to ken the love oʼ Christ, ayont aʼ tellin, that ye may be fuʼ wiʼ the fuʼness oʼ God.
20Noo, to him wha has pooer ower aʼ things, to do uncolie and unmeasurably abone aʼ things we can seek or think, eʼen as his pooer works in us,
21To him be the glorie, in the Kirk, and in Christ Jesus, to aʼ generations, and ages upon ages! Amen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.