Acts 20
20
CHAPTIR TWENTY.
The sleeperie lad at Troas. The Elders oʼ Ephesus instruckit.
1And whan the tulzie was ower, Paul sent for the disciples, and chairgin them, he quat them, and gaed oot till Macedonia.
2Gaun throwe thae pairts, and giean them muckle coonsel, he cam intil Greece.
3And haein spent thrie months, whan the Jews laid plots for him as he was gaun to sail awa till Syria, he made up his mind to gang back throwe Macedonia.
4And thar gaed wiʼ him the lenth oʼ Asia, Sopater oʼ Pyrrhus, a Berean; and Thessalonians, Aristarchus and Secundus; and Gaius frae Derbe; and Timothy; and oʼ Asia, Tychicus and Trophimus.
5Thir, gaun afore, war stoppin for us in Troas;
6While we sailed awa, eftir the days oʼ the Sad Breid, frae Philippi; and cam till them at Troas in fyve days, biding thar seeven days.
7And on the first day oʼ the week, whan we aʼ cam thegither to brek breid, Paul was discoorsin to them, bein ready to gang awa iʼ the morn, and spak on till midnicht.
8And thar war mony lichts iʼ the laft whaur we had forgatherʼt.
9Noo thar sat a lad, by name Eutychus, iʼ the winnock; and, as Paul was lang preachin, bein owercome wiʼ sleep, he fell frae the third laft, and was liftit up deid.
10But gaun doon, Paul fell on him, and pat his airms aboot him; and quoʼ he, “Be‐na makin a steer; for his life is in him!”
11And sae, gaun up, and brekin breid, and eatin a wee, he spak a gey while, eʼen till the dawin; and sae gaed on.
12And they brocht the lad leevin, and war muckle comfortit.
13Noo we, gaun forrit till the ship, sailed till Assos, frae thar to tak up Paul; for sae had it been trystit; he gaun on on fit.
14And sae whan we forgatherʼt wiʼ him at Assos, we took him up, and cam to Mitylene.
15And frae thar, sailin awa on the morn, we cam fornent Chios; and on the neist day we edged intil Samos; and on the neist again, we cam to Miletus.
16For Paul was mindit to gang by Ephesus, that he soudna aiblins spend time in Asia; for he hastit, gin it war possible for him, to be at Jerusalem again the Pentecost.
17Yet frae Miletus he sent to Ephesus, and socht to hae the Elders oʼ the Kirk.
18And whan they war come to him, he said to them, “Ye weel ken, frae the first day I set fit in Asia, hoo I was wʼye, the hail time;
19“Wiʼ service to the Lord in aʼ humbleness, and tears and toils, whilk cam on me by the doobleness oʼ the Jews;
20“And hoo I keepit naething hidlins, oʼ the things that war gude; tellin it ower tʼye, and teachin it in public, and frae ae hoose to anither.
21“Bearin witness baith to Jews and Greeks, anent repentance to God, and faith to oor Maister, Jesus Christ.
22“And noo, mark! I gang in bonds to the Spirit, journeyin to Jerusalem — kennin‐na what aiblins sal befaʼ me yonner;
23“But only this, that the Holie Spirit bears me witness, frae ae citie to anither, that shackles and sorrows are waitin for me.
24“Yet, on nae accoont, dae I haud my life loʼesome to mysel, gin sae I may end weel my coorse, and the darg gien me by the Lord Jesus; to testify to the Blythe‐message oʼ Godʼs favor!
25“And noo, tak tent! I ken that nae mair dae ye see my face! ye ʼmang wham I hae gane, proclaimin the Kingdom.
26“Sae, tak I yersels to witness, this vera day, that I am free frae the blude oʼ aʼ men.
27“For I keepit‐na back ocht, but spak aʼ Godʼs coonsel tʼye.
28“Tak tent, than, to yersels, and to aʼ the #20:28 Tregelles has it, “wee flock.”hirsel, in whilk the Holie Spirit has set ye for bishops; to shepherd the Kirk oʼ the Lord, whilk he coft for his sel wiʼ his ain blude.
29“I ken, that whan I am gane, unco wolves sal come intil yere mids, devoorin the flock.
30“And frae amang yersels sal men rise up, speakin thrawn doctrines, sae as to wyle awa followers eftir them.
31“Sae tak ye gude tent; mindin, that for thrie year, by nicht and day, I gied mysel nae rest, admonishin ilka ane, wiʼ tears.
32“And noo, I gie ye ower to God, and to the word oʼ his gude favor; wha is strang to bigg ye up, and to gie you yere portion amang aʼ that are sanctifyʼt.
33“Frae nae ane wad I fain hae had siller, or gowd, or raiment.
34“Ye ken yersels, that thir vera hauns wrocht sair for my ain necessities, and for them that war wiʼ me.
35“In aʼ things I gied ye to ken that sae workin it behoves us to gie strenth to the feckless; and to keep in mind the words oʼ the Lord Jesus, whan he said, ‘Happy, raither, to gie than to get!’ ”
36And sayin thir things, he bowʼt his knees, wiʼ aʼ oʼ them, and prayed.
37And they aʼ grat sair, and faʼin on Paulʼs neck, they tenderly kissʼd him.
38Carin maist oʼ aʼ for what he had said, “Nae mair dae ye see my face!” And they set him on, the lenth oʼ the ship.
ទើបបានជ្រើសរើសហើយ៖
Acts 20: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
Acts 20
20
CHAPTIR TWENTY.
The sleeperie lad at Troas. The Elders oʼ Ephesus instruckit.
1And whan the tulzie was ower, Paul sent for the disciples, and chairgin them, he quat them, and gaed oot till Macedonia.
2Gaun throwe thae pairts, and giean them muckle coonsel, he cam intil Greece.
3And haein spent thrie months, whan the Jews laid plots for him as he was gaun to sail awa till Syria, he made up his mind to gang back throwe Macedonia.
4And thar gaed wiʼ him the lenth oʼ Asia, Sopater oʼ Pyrrhus, a Berean; and Thessalonians, Aristarchus and Secundus; and Gaius frae Derbe; and Timothy; and oʼ Asia, Tychicus and Trophimus.
5Thir, gaun afore, war stoppin for us in Troas;
6While we sailed awa, eftir the days oʼ the Sad Breid, frae Philippi; and cam till them at Troas in fyve days, biding thar seeven days.
7And on the first day oʼ the week, whan we aʼ cam thegither to brek breid, Paul was discoorsin to them, bein ready to gang awa iʼ the morn, and spak on till midnicht.
8And thar war mony lichts iʼ the laft whaur we had forgatherʼt.
9Noo thar sat a lad, by name Eutychus, iʼ the winnock; and, as Paul was lang preachin, bein owercome wiʼ sleep, he fell frae the third laft, and was liftit up deid.
10But gaun doon, Paul fell on him, and pat his airms aboot him; and quoʼ he, “Be‐na makin a steer; for his life is in him!”
11And sae, gaun up, and brekin breid, and eatin a wee, he spak a gey while, eʼen till the dawin; and sae gaed on.
12And they brocht the lad leevin, and war muckle comfortit.
13Noo we, gaun forrit till the ship, sailed till Assos, frae thar to tak up Paul; for sae had it been trystit; he gaun on on fit.
14And sae whan we forgatherʼt wiʼ him at Assos, we took him up, and cam to Mitylene.
15And frae thar, sailin awa on the morn, we cam fornent Chios; and on the neist day we edged intil Samos; and on the neist again, we cam to Miletus.
16For Paul was mindit to gang by Ephesus, that he soudna aiblins spend time in Asia; for he hastit, gin it war possible for him, to be at Jerusalem again the Pentecost.
17Yet frae Miletus he sent to Ephesus, and socht to hae the Elders oʼ the Kirk.
18And whan they war come to him, he said to them, “Ye weel ken, frae the first day I set fit in Asia, hoo I was wʼye, the hail time;
19“Wiʼ service to the Lord in aʼ humbleness, and tears and toils, whilk cam on me by the doobleness oʼ the Jews;
20“And hoo I keepit naething hidlins, oʼ the things that war gude; tellin it ower tʼye, and teachin it in public, and frae ae hoose to anither.
21“Bearin witness baith to Jews and Greeks, anent repentance to God, and faith to oor Maister, Jesus Christ.
22“And noo, mark! I gang in bonds to the Spirit, journeyin to Jerusalem — kennin‐na what aiblins sal befaʼ me yonner;
23“But only this, that the Holie Spirit bears me witness, frae ae citie to anither, that shackles and sorrows are waitin for me.
24“Yet, on nae accoont, dae I haud my life loʼesome to mysel, gin sae I may end weel my coorse, and the darg gien me by the Lord Jesus; to testify to the Blythe‐message oʼ Godʼs favor!
25“And noo, tak tent! I ken that nae mair dae ye see my face! ye ʼmang wham I hae gane, proclaimin the Kingdom.
26“Sae, tak I yersels to witness, this vera day, that I am free frae the blude oʼ aʼ men.
27“For I keepit‐na back ocht, but spak aʼ Godʼs coonsel tʼye.
28“Tak tent, than, to yersels, and to aʼ the #20:28 Tregelles has it, “wee flock.”hirsel, in whilk the Holie Spirit has set ye for bishops; to shepherd the Kirk oʼ the Lord, whilk he coft for his sel wiʼ his ain blude.
29“I ken, that whan I am gane, unco wolves sal come intil yere mids, devoorin the flock.
30“And frae amang yersels sal men rise up, speakin thrawn doctrines, sae as to wyle awa followers eftir them.
31“Sae tak ye gude tent; mindin, that for thrie year, by nicht and day, I gied mysel nae rest, admonishin ilka ane, wiʼ tears.
32“And noo, I gie ye ower to God, and to the word oʼ his gude favor; wha is strang to bigg ye up, and to gie you yere portion amang aʼ that are sanctifyʼt.
33“Frae nae ane wad I fain hae had siller, or gowd, or raiment.
34“Ye ken yersels, that thir vera hauns wrocht sair for my ain necessities, and for them that war wiʼ me.
35“In aʼ things I gied ye to ken that sae workin it behoves us to gie strenth to the feckless; and to keep in mind the words oʼ the Lord Jesus, whan he said, ‘Happy, raither, to gie than to get!’ ”
36And sayin thir things, he bowʼt his knees, wiʼ aʼ oʼ them, and prayed.
37And they aʼ grat sair, and faʼin on Paulʼs neck, they tenderly kissʼd him.
38Carin maist oʼ aʼ for what he had said, “Nae mair dae ye see my face!” And they set him on, the lenth oʼ the ship.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.