Acts 12
12
CHAPTIR TWALʼ.
Herod smites James, and wad smite Peter; but is smitten his sel! Gin kings war wyss, they wad smite less.
1Noo, it was thar‐aboot, that Herod the King raxʼt oot his hauns to do ill to some oʼ the Kirk.
2And he slew James, Johnʼs brither, wiʼ the sword.
3And seein it flatterʼt the Jews, he gaed on mair, and grippit Peter as weel (thae war the days oʼ the Sad Breid).
4And whan he had grippit him, he laid him in thrall; giean him ower to fowr fowrsome sets oʼ sodgers, to keep him; ettlin, eftir the Pasche, to fesh him oot to the people.
5Sae Peter was keepit iʼ the dungeon; but earnest prayer was made aʼ the time to God for him.
6And whan Herod wad hae feshʼt him oot, at nicht Peter was sleepin atween twa sodgers, fast wiʼ twa chains; and gairds afore the door tentit the prison.
7And see! an Angel oʼ the Lord stude by him, and a licht glintit iʼ the dungeon; and giean Peter a dunt on the side, he raised him up, sayin, “Rise up! Haste!” and the chains slypit aff frae his hauns.
8And the Angel said, “Mak yersel snod, and tie on yere shoon!” And he did sae. And he says to him, “Cast yere manteel aboot ye, and follow me.”
9And, gaun oot, he followʼt; and kent‐na it was true what the Angel did, but thocht he dreamed a dream.
10And gaun throwe a first ward, and than a second, they cam to the airn yett that led oot to the citie; whilk unsteekit oʼ its ain sel to them; and gaun oot, they gaed on throwe ae street; and the Angel left him.
11And Peter, comin to his sel, said, “Noo ken I oʼ a certaintie, that the Lord sent oot his Angel, and deliverʼt me frae Herodʼs haun, and frae aʼ the expectation oʼ the Jewish folk.”
12And thinkin a wee, he cam to the hoose oʼ Mary, Johnʼs mither — the ane caʼd Mark; whaur mony war forgatherʼt, and prayin.
13Noo as he chappit at the door oʼ the porch, thar cam oot a lass to hearken, named Rhoda.
14And, kennin Peterʼs voice, for joy she unsteekit‐na the yett, but rinnin in, she tellʼt “that Peter was staunin fornent the yett.” But#12:14 Had their faith the birr oʼ Peterʼs ain, they wadna hae sae misdootit the Lordʼs answer to their ain prayers! The lassie had mair faith than aʼ the lave! they said to her, “Ye are wud!”
15But she, on her side, threepit that it was even sae! But they said, “It is his wraith!”
16But Peter, aʼ this time, was chappin; and openin, they war astonishʼt.
17But, motionin to them wiʼ the haun to be whishʼt, he tellʼt them aʼ hoo the Lord had led him frae the prison; and said as weel, “Tell thir things to#12:17 This James wad be the ane caʼd “The Lordʼs Brither.” Whether he was the son oʼ Mary, I kenna; maist like he was. James and the brethren!” And, gaun on, he cam intil anither place.
18Noo whan it was day, thar was an unco steer amang the sodgers, “What has become oʼ Peter?”
19And whan Herod had socht for him, and faund him no, pittin the keepers to the test, orderʼt them to be putten to deid; and gaun doon frae Judea intil Cesarea, he bade thar.
20Noo he was unco vexed wiʼ the folk oʼ Tyre and Sidon; but wiʼ ae mind they war comin to him; and, makin a freend oʼ Blastus the kingʼs chaumerlain, they socht for peace, for that their pairts were mainteened by the kingʼs kintra.
21And, on a day appointit, Herod, buskit in royal robes, and sittin on a thron, made a set speech tae them.
22And the folk made a shout, cryin, “A godʼs voice, and no a manʼs voice!”
23And at ance the Angel oʼ the Lord dang him, for that he gied‐na God the glorie; and he was devoorʼt oʼ worms, and deeʼt.
24But the word oʼ God grew mair and mair.
25And Barnabas and Saul cam back frae Jerusalem, whan they had dune their message; takinʼ wiʼ them John, caʼd Mark.
ទើបបានជ្រើសរើសហើយ៖
Acts 12: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
