2 Timothy 4
4
CHAPTIR FOWR.
His Hame‐comin no far awa! His last chairge tae Timothy.
1I chairge ye iʼ the presence oʼ God, and Christ Jesus wha is to judge the leevin and the deid, and by his shinin‐forth and kingdom,
2Gie oot the word! Press ye in season and oot oʼ season; convince, rebute, entreat, wiʼ a lang‐tholin and doctrine.
3For thar wull be a time whan halesome teachin they winna thole: but, conform to their ain desires, and haein a yeuck iʼ their lugs, wull gaither‐up teachers to theirsels;
4And wull turn awa frae hearin the truth, and turn agley to glaikit tales.
5But be ye watchfuʼ in aʼ things, thole afflictions, do the wark oʼ an evangelist, fulfil yere service.
6For I am bein #4:6 He speaks oʼ his sel as bein teemed‐oot [“offerʼt”] as a drink‐offeran was, at the altar; and bein “set free” [by death]offerʼt, and the time oʼ my settin‐free is at haun.
7The gude‐fecht hae I fouchten, the race hae I run, the faith hae I keepit!
8And as for the lave: thar is lyin‐by for me a holie croon, that the Lord the Richtous Judge wull gie me iʼ that day; yet no allenar tae me, but eke tae aʼ thae wha love his shinin‐forth.
9Gie gude tent to come tae me wiʼ speed.
10For Demas gaed awa frae me, carin for this present life, and has gane to Thessalonica; Crescens intil Gaul; Titus intil Dalmatia.
11Luke alane is wiʼ me. Tak Mark, and fesh him wiʼ ye; for he is oʼ use to me iʼ the service.
12But Tychicus I had sent to Ephesus.
13The cloak I left ahint at Troas wiʼ Carpus, whan ye come, bring; and the scrolls, in especial the #4:13 Some think “the parchments” war the writins schawin his Roman citizenship. He aiblins gaed frae Troas in haste, on an occasion we ken‐na oʼ, to escape some bruilzie. The leavin oʼ the scrolls and the cloak looks like it.parchments.
14Aylsander the coppersmith did me muckle skaith; the Lord wull gie to him conform to his wark.
15As to wham, be on yere gaird; for he uncolie resistit oor words.
16At my first hearin, nae man cam forrit to help me, but aʼ forsook me: may‐it‐na be laid to their chairge!
17But the Lord stude by me, and strenthened me, that throwe me the preachin micht be weel‐kent, and aʼ the heathen micht hear; and I was deliverʼt oot oʼ the mooth oʼ the lion.
18And the Lord wull deliver me frae ilka evil wark, and bring me safe to his heavenlie kingdom: to wham be the glory for evir and aye! Amen.
19Salute ye Prisca and Aquila, and the hoosehauld oʼ Onesiphorus.
20Erastus bade in Corinth; but Trophimus I left ahint, ill, in Miletus.
21Gie aʼ care to come afore winter. Thar salute ye Eubulus, and Pudens, and Linus, and Claudia, and aʼ the brethren.
22The Lord be wiʼ yere spirit. Tender‐love be wʼye!
ទើបបានជ្រើសរើសហើយ៖
2 Timothy 4: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.