2 Thessalonians 1
1
CHAPTIR ANE.
Paul taks comfort iʼ the saunts; and kens weel that God taks vengeance on the ungodlie.
1Paul, and Silas, and Timothy, tae the Kirk oʼ the Thessalonians in God oor Faither, and the Lord Jesus Christ!
2Tender love to ye, and peace frae God oor Faither and the Lord Jesus Christ!
3We bude gie God thanks at aʼ times anent ye, brethren, conform tae what is meet; for that yere faith grows uncolie, and the love oʼ ilka ane oʼ ye aʼ, ane to anither, owerflows.
4Sae that we oorsels are roosin ye iʼ the Kirks oʼ God, in that ye dreeʼd and had faith, in aʼ the persecutions and afflictions ye tholed;
5A token oʼ the just judgment oʼ God; to the end that ye soud be reckoned wordie oʼ Godʼs kingdom, on behauf oʼ whilk ye suffer.
6Gif sae be that it is a just thing wiʼ God to gie tribulation to thae wha mak ye tribulation;
7And to you wha thole tribulation, to gie rest wiʼ us, at the revealin oʼ the Lord Jesus frae Heeven, wiʼ his michty Angels.
8In lowin fire rendering vengeance on thae wha ken‐na God, and on thae wha mind‐na the Gude‐word oʼ the Lord Jesus.
9Wha, in truth, sal dree punishment, eʼen everlastin destruction frae the presence oʼ the Lord, and frae the glorie oʼ his pooer.
10Whansaeʼer he may come to be glorifyʼt in his saunts, and to be a ferlie to aʼ wha believe; for that oor witness to ye was lippenʼd, iʼ that day.
11To whilk end we are eʼen prayin at aʼ times anent you, that oor God may reckon ye wordie oʼ yere joyfuʼ‐biddin, and fill up aʼ the pleasur oʼ his gudeness, and wark oʼ faith in pooer;
12That the name oʼ Jesus may be made aʼ glorious in you, and ye aʼ glorious in him, conform to the tender love oʼ oor God and the Lord Jesus Christ.
ទើបបានជ្រើសរើសហើយ៖
2 Thessalonians 1: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.