1 Corinthians 2
2
CHAPTIR TWA.
Salvation disna come wiʼ the knowledge oʼ man. The nateral man and the spiritual man.
1And I, whan I cam to ye, brethren, cam‐na iʼ the way oʼ speech or wisdom that excelled, bringin to ye Godʼs testimonie.
2For I set doon my fit to ken naething amang ye, but Jesus Christ, and him as ane that had been crucifyʼt.
3And I cam, in fecklessness and shrinking, and wiʼ muckle fear, to be wiʼ ye;
4And my speech and my message warna wiʼ wheedlin words oʼ the wyss, but in demonstration oʼ spirit and pooer.
5Sae that yere faith need‐na staun in menʼs wisdom, but in Godʼs pooer.
6Wisdom, nane‐the‐less, we speak — amang experienced anes: wisdom hoobeit, no oʼ this warld, nor oʼ the great men oʼ this warld — wha are to be aʼ putten‐by;
7But we speak Godʼs wisdom in a riddle, the knowledge that had been keepit hidlins, whilk God designed aforehaun, afore aʼ time, for oor glorie,
8That no ane oʼ the great anes oʼ this warld has come to ken; for had they come to ken, they wadna iʼ that case hae crucifyʼt the Lord oʼ Glorie!
9But, eʼen as it is putten doon, “What‐na things the ee #2:9 While a hantle folk tak thir words as meanin the glorie oʼ the future life, it is better to look on them as settin oot the wisdom and the joy oʼ thae that are born again. Paul, and the lave, had it aʼ (v. 10). And they gat naething contrar whan they gat hame to Glorie; only mair oʼt!saw‐na, and the ear heard‐na, and manʼs heart conceivʼt‐na — sae mony things has God prepared for thae that loʼe him!”
10To us, nane‐the‐less, has God revealʼt them, by the Spirit; for the spirit kens aʼ things, eʼen the deep things oʼ God.
11For wha oʼ men kens manʼs things, but manʼs spirit that is in him? Sae, nane kens the things oʼ God, but Godʼs Spirit.
12But we gat, no the warldʼs spirit, but the Spirit that is oʼ God, sae as we soud ken the things God gies to us by his favor;
13Whilk things eke we speak, no in man‐taught words oʼ lear; but in words spirit‐taught to spiritual men, spiritual things exponin.
14But a man oʼ flesh taks‐na in the things oʼ Godʼs Spirit; for they are daftness to him, and he canna get to ken them, for that they are to be spiritually redd oot.
15But the spiritual man speirs oot aʼ things; but he his sel is speirʼt oot by nane.
16For wha cam to ken the Lordʼs mind, that he micht gie him lear? But we haʼe Christʼs mind.
ទើបបានជ្រើសរើសហើយ៖
1 Corinthians 2: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.