Nʋnʋgbɩɩ 17

Pɔlʋ ‑yä Silasö 'sɔ ‑mʋ Tesaloniköduu'

(1 Tesa 1; 2.1‑16)

1Pɔlʋ ‑yä Silasö 'sɔ ‑ghlää Afipolisöduu' ‑yä Apoloniiduu', 'nɩ wa yi Tesaloniköduu' ŋëë. 'Zufʋnyʋää' Laagɔ‑bhutu ‑kʋ bhä ‑mɔɔ. 2'Nɩ Pɔlʋ yi ‑mɔɔ plä. Sɔɔ ɔ nʋ bhä 'kɔɔkɔ. Ɔ bhlüü‑ Sabaa' ‑gwlɛylɩɩ taa 'kʋ, 'nɩ ɔ 'bhää‑ Laagɔ‑bɔɔgʋʋ 'mnö wälɩɩ 'kʋ 'nɩ ɔ ‑yʋwa 'sɔ ŋʋʋ‑ 'dö. 3Ɔ sʋwa bhä Laagɔwälɩɩ ‑zɔɔ. 'Nɩ ɔ panʋwa bhä nynä kä Klisöɔ 'kä bhä nyäkälɩɩ' blüë. 'Nɩ ɔ yi bhä 'ku 'nɩ ɔ yi 'kuëë glɔɔ. 'Nɩ ɔ yiwa soo, ɔ lä Zozii, ‑ɔnö wälɩɩ n sonö'anyɩ lä nä, ɔmɔɔ‑ plöö‑ lä Klisöɔ. 4'Zufʋnyʋa ‑wa ‑kʋ bhlä ‑lɔɔ nä, Pɔlʋʋ' ciciwälɩɩ, waa' nëëdëë' lʋä ŋonɩ‑ 'kʋ, 'nɩ wa yi ɔ ‑yä Silasö 'sɔ mʋʋ. 'Ŋwnɩää' lʋä ‑wa mʋ bhlä 'sɩɩ 'ŋnu nä, ɩyä 'Glɛkönyʋää' bhutukpä, waa' lʋä‑ ŋʋ bhlä Laagɔ 'klʋkpää' nä, wa ‑yi 'sɩɩ 'nɩ wa gëë‑ Pɔlʋ ‑yä Silasö 'sɔ 'kʋ.

5‑Maa, 'Zufʋnyʋää' ‑nänʋä, luëzü ‑kʋwa bhɛ lä pleyii nä, wa ‑mʋ 'nɩ wa ‑tëpë 'tlii 'kʋ 'kpaakpaa nyëbli, 'nɩ wa ‑nʋ ‑tütë, 'nɩ wa sä bhä 'duu 'mnö kplü. Nyɩkpɔɔ wa laa bhlä Zasɔɔ nä, wa blüë‑ ɔɔ' 'gbëa 'mnö nynä wa 'kä Pɔlʋ ‑yä Silasö 'sɔ klä ‑yä wa 'kwa ‑jlë 'klʋ ‑lä. 6‑Mä wa 'nʋwa ‑wʋ nii‑. Ɩ ‑kä 'ŋnö nä, Zasɔɔ 'titi, ɔ ‑yä 'cɔcɩ‑bhelie zio, wamä wa ‑klä. 'Nɩ wa yiwa 'zuzunyʋa dëlü fä. Wa woo bhä 'nɩ wa ci bhä wlä nyɩkpanä nä, wa yä 'bhlɩɩ 'fɩɩn 'mnö 'kɛsɛ 'ŋʋ 'nɩ, wa ‑ŋëë lä ‑mää. 7'Nɩ Zasɔɔ nyɩwa‑ lä säkʋdä! Nyɩkpanä nä, 'loyo 'kädɔɔ' ‑jlämaa, waa' 'ŋʋwa ‑wʋ 'klʋkpää'. Wlä 'loyoo' 'yigädalɔɔ ‑kʋ nä, ɔmɔ wa laa Zozii. 8‑Mä wälɩklënä nä, a belie bhä 'zuzunyʋa ‑yä ‑jlëa 'mnö nyɩkpaa plɛɛ'. 9Ɩ ‑kä 'ŋnö nä, Zasɔɔ ‑yä bhelia 'sɔ, 'zuzunyʋa ‑slʋwa ‑aklutie. Wa nyɩwa‑ monii' dlu 'fɩa, 'nɩ wa yiwa 'yi ‑taa.

Pɔlʋ ‑yä Silasö 'sɔ ‑mʋ Beleeduu'

10'Ylʋ ‑bhlü lä 'gää nä, kä bhelia ‑gbä 'nɩ Pɔlʋ ‑yä Silasö 'sɔ yi 'du ‑bhlo 'kʋ mʋ. Ʋmʋ wa laa bhä Belee. Wa ‑ŋëë lä ‑mɔɔ nä, kä wa ‑mʋ 'Zufʋnyʋaa' Laagɔ‑bhutuu 'mnö. 11‑Mɔɔ Beleeduu' nä, kä ‑mɔɔ' 'Zufʋnyʋa ‑kä bhä kpänyɩ ‑pʋpɛ 'nɩ, wa zi bhä Tesaloniköduu' ‑lʋa 'kʋ. Wa ŋoo‑ 'fäfä Laagɔwälɩɩ 'kʋ. 'Nɩ ylɩɩ 'fɩɩn 'kʋ nä, Laagɔwälɩɩ wa cɩwa‑ lä nä, wa bɩä bhä Laagɔ‑bɔɔgʋʋ 'mnö ‑yä ɩ ‑yä Pɔlʋʋ' cɩalɩɩ 'sɔ kä bhä yëkuu' mʋʋ nä, wa 'kɩ yibhë. 12Waa' pää bhutukpä, wa ‑yä 'Glɛköbhlɩ 'kʋʋ 'ŋwnɩä bhutukpää' 'ŋnu mʋ lʋä, ɩyä ŋwadie ‑bhutukpä, wa ŋoo‑ Kwlienyɔ 'kʋ.

13‑Maa, Tesaloniköduu' 'Zufʋnyʋa, wa nuu‑ lä nynä Pɔlʋ ‑kʋ bhä Beleeduu' 'nɩ, ɔ ci bhä ‑mɔɔ Laagɔwälɩ nä, kä wa ‑yi ‑mɔɔ ‑yä wa 'kä ‑mɔɔ' nyɩkpaa plɛ ŋää 'pä, ɩyä wa 'kwanyʋa kuu. 14Ɩ ‑kä 'ŋnö nä, Belee' bhelia ‑wʋ ‑bʋä ‑mä, kä wa ‑gbä 'nɩ Pɔlʋ ‑mʋʋ jie yëku ‑gbäsɩ. 'Nɩ bheli Timotee ‑yä Silasö 'sɔ, wa ‑too ‑lɔɔ' 'duu. 15‑Wa ‑fä lä Pɔlʋ nä, wa ‑yɔsɔ ‑mʋ ‑kaaa 'nɩ, 'duu wa laa lä Atɛnö nä, wa ‑ŋëë ‑mɔɔ. 'Nɩ wa yi Beleeduu' 'ylɩbhɔ. ‑Mä Pɔlʋ nyɩwa‑ Silasö ‑yä Timotee 'sɔɔ 'dö nynä wa ŋënöɔ ‑mɔɔ Atɛnöduu' 'fäfä.

Pɔlʋ ‑kʋ Atɛnöduu'

16‑Maa, Pɔlʋ ‑bɛɛ bhä Silasö ‑yä Timotee 'sɔ ‑mɔɔ Atɛnöduu'. Ɔ ‑wloo Atɛnöduu ‑aaa 'nɩ, ʋʋ' 'mnö ‑zlüü ‑bhutukpaa' bʋbɔlɩɩ' ‑za, wälɩɩ ‑kamänöɔ yëkuu. 17'Nɩ ‑mɔɔ' Laagɔ‑bhutuu 'mnö 'Zufʋnyʋa, ɩyä nyɩkpaa' ‑lʋa ‑wa ŋʋ bhlä Laagɔ 'klʋkpää nä, ɔ ‑yʋwa 'sɔ ŋʋ bhä Kwlienyɔɔ' 'Nägädöö. 'Nɩ ylɩɩ 'fɩɩn 'kʋ, nyɩkpa ɔ ‑yʋwa 'sɔ sloo bhlä ‑mɔɔ' 'clɩkpaa' nä, ɔ ‑yʋwa 'sɔ ŋʋ bhä 'sɩɩ Kwlienyɔɔ' yëkuu' 'dö. 18'Nɩ cɩanyʋa wa laa lä Epikilɩɛnyʋa#17.18 Epikilɩɛnyʋa: 'Glɛköbhlɩ 'sukluu‑ 'kädʋʋ ‑ʋ cɩa lä zëkpëaa' yëkuu' wälɩ nä. nä, ɩyä ‑lʋa wa laa lä Sitoyisɩɛnyʋa#17.18 Sitoyisɩɛnyʋa: 'Glɛköbhlɩ 'sukluu‑ 'kädʋʋ ‑ʋ cɩa lä zëkpëaa' yëkuu' wälɩ nä. 'nɩ ‑wa ‑yi bhlä wälɩ ‑cisaa nä, wa ‑yä Pɔlʋ 'sɔ yi cilɩ 'kʋ cie. ‑Nänʋä ci bhä, wlä nyɩkpɔnɔ ‑glö 'kɛsɛ ‑sanyɔ lä! Wälɩ ‑sä ɔ ci bhää? ‑Nänʋä ci bhä, wlä lowu‑laagwɩɩ' nëkʋcinyɔ lä! Zozi Klisöö' 'Nägädöö ɩmɩ Pɔlʋ sää bhlä nyɩkpaa nä, ɩɩ' ‑zä wa ci bhlä sɔɔ. 'Nɩ Pɔlʋ ci bhä 'sɩɩ 'kudukua' 'kuëë glɔɔlɩɩ' wälɩ.

19'Nɩ wa yi Pɔlʋ 'kʋ 'bhlü 'nɩ, wa yio ‑mɔɔ' 'clɩkpä 'kädaa' fä. Wa ‑fɔɔ duu mnö 'tütüplänyʋa dëlü, 'nɩ wa yio 'ylä, wlä, ‑maa, cɩalɩɩ' ‑lɛɛ leli‑ ‑n ‑lanyɩ lä nä, ‑n yi‑anyɩmɩ bhä 'nää 'mʋ ‑säsä ‑a? 20Wälɩɩ' lɩɩ ‑aa ‑läzä lä 'nu nä, ɩmɩ ‑n gbä 'nɩ ‑a nu lä nä, ‑n panö‑anyɩ ɩɩ' ‑zɔɔ!

21Atɛnö‑dunyʋa ‑yä lowia 'fɩɩn ‑wa ‑kʋ lä Atɛnöduu' nä, kä wa ‑kʋ bhä ‑lɔɔ wälɩ‑cilɩɩ' ‑za. 'Nɩ wa tään bhä 'sɩɩ wälɩ ‑lelii 'nyukwli poolɩ.

22'Nɩ Pɔlʋ yi 'clɩkpä 'kädaa nëëdë 'nynigo. 'Nɩ ɔ yi ci, ɔ lä Atɛnö‑dunyʋänyɩ‑, anyɩ, a ‑glö nyɩkpaa' lʋä ‑wa ‑waa lä 'sää kpänyɩ bʋbɔlɩ nä! 23N ‑bhlü anyɩa' 'duu 'nɩ n ‑bɩä. 'Nɩ n nii‑ anyɩa 'cibhi‑sädöö 'yi. ‑Mä n nii‑ anyɩa 'cibhisädä ‑bhlo 'nɩ a ‑jɩjlä ‑lɔɔ, a lä ‑aa ‑yibhëbhë ‑laagɔ bʋbɔɔdä ‑kʋ lä ‑lää! N mʋ'anyɩ yɩ soo ‑kää nynä ‑mä ‑lʋʋ a bʋbɔ 'nɩ aa ‑wʋ lä ‑yi nä, ʋʋ' yëkuu' wälɩ n ‑yi'anyɩ lä soo ‑kää. 24Laagɔɔ ‑ʋ ‑nʋ lä zëkpënä ‑yä aa 'mnö ‑lɩɩ 'fɩɩn nä, ʋmʋ wa laa lä ‑laagɔ ‑yä ‑dʋdʋ 'sɔɔ Kwlienyɔ. Kwlienyɔ nä, nyɩkpaa' wlɩɩ' 'slää ‑bhiti 'mnö ɔɔ' kʋ ‑wʋ. 25'Nɩ ɔɔ' tään ‑wʋ 'sɩɩ nynä nyɩkpɔ 'nyɩɔ lʋʋ. Ɔmɔɔ‑ nyɛ lä nyɩkpa 'fɩɩn zëkpë. Ɔmɔɔ‑ nyɩwa lä ‑säsä‑nyämʋ. Ɔmɔɔ‑ nyɛ lä 'sɩɩ zëkpë 'kʋʋ ‑lɩɩ 'fɩɩn. 26Ɔ ‑gbä 'nɩ, nyɩkpɔ ‑bhlogbe 'coo 'mnö, 'ylʋzɔɔ' nyɩkpaa 'fɩɩn ‑ghlää ‑mɔɔ 'nɩ, wa ‑kʋ lä 'bhlɩɩ 'fɩɩn 'mnö. 'Lëkpüü 'fɩɩn wa ‑kʋ lä 'mnö nä, ɔmɔɔ‑ ŋʋɩ lä ‑käänzlɩ. 'Nɩ ɔmɔɔ‑ döö‑ lä 'sɩɩ 'ylʋbaa' lioo. 27Kä Laagɔ ‑nʋ lä sɔɔ ‑yä 'ylʋzɔkʋnyʋä 'kʋ tään. Wa 'kä daduë ‑yä wa 'kʋ tään. Ɩyä ɩ kä ‑kʋ nynä ‑mä, wa yiu 'ni nä, wa 'kʋʋ 'ni. ‑Maa, Laagɔ nä, ʋʋ' ‑wʋ ‑anyɩa nëëdë nyɩkpɔ nyɩkpɔ dä ‑tlʋ. 28Laagɔ nä, ʋmʋʋ‑ 'mnö ‑a sä lä zëkpë. Ʋmʋʋ‑ gbä 'nɩ ‑a ‑kʋ lä. 'Nɩ ʋmʋʋ‑ ‑gbä lä 'nɩ ‑a bha lä 'bhlëë 'kʋ. Wälɩklënä nä, anyɩa wälɩ ‑yibhënyʋa ya wɛzä ci, wlä ‑anyɩ, ‑a plöö‑ 'zaazɩ Laagɔɔ' 'yuë. 29Nä, 'zaazɩ Laagɔ‑ kwlie‑anyɩ lä. 'Nɩ ɩɩ' ‑wʋ 'kʋ ‑ŋwa nynä ‑a bhobho nynä ‑mä kä Laagɔ 'wlʋʋ‑ ‑sika ‑zlëë. Ʋʋ' ‑wʋ 'sɩɩ dlɛɛ ‑zlëë 'wlʋʋ‑. 'Nɩ ʋʋ' ‑wʋ 'sɩɩ ‑kʋ nynä ‑zlüü‑cɛkʋ. 'Ylʋzɔkʋnyʋä nä, wamää‑ bhobho lä, 'nɩ ‑wa ‑tɛɛ lä ‑lɔɔ ‑lɩyɩ 'fɩɩn nynä Laagɔ. 30‑Maa, 'tänyɩɩ nyɩkpɔɔ' ‑wʋ lä Laagɔ ‑yi nä, ɩɩ' 'klüü 'fɩɩn ɔ ‑nʋ lä nä, Laagɔɔ' 'mänyɩnɩ yɩɔ. ‑Pɛpɛɛ nä, kä Laagɔ laa yɩ 'bhlɩɩ 'mnö nyɩkpa, 'nɩ ʋ sonʋwa yɩ nynä ‑mä wa 'cɩcɩ. 31‑Ɔnöza bhää? Laagɔ nä, ʋ ŋʋʋ‑ 'tänyɩ. Ylʋʋ yi ‑lɔɔ kʋ 'nɩ, ʋʋ' 'yigëgbɩɩ 'mnö, ʋ yi 'ylʋzɔkʋnyʋä 'tite 'ŋʋ. Nyɩkpɔ ‑bhlo ‑kʋ ‑lɔɔ nä, ɔmɔ 'kʋ Laagɔ 'kä lä ghlää ‑yä, ɔ 'kwa 'titee 'ŋʋ. Ʋ pana‑ wɛzä nyɩkpaa 'fɩɩn nynä ‑lɔɔ' nyɩkpɔɔ 'mɔɔ‑ ‑kä lä 'titee' tëbhuu. 'Ɩɩ ‑zä ɔ ‑kuu lä 'nɩ, Laagɔ ‑gbä 'nɩ ɔ ‑glɔɔ lä 'kuëë.

32‑Mä nyɩkpaa nuu‑ lä 'kuaa' 'kuëë glɔɔlɩɩ' wälɩɩ nä, ‑nänʋä ‑nyɩänöɔ. ‑Mä ‑nänʋä ‑sonöɔ, wlä 'yigädaylʋʋ 'kʋ, ‑n yi ‑yä ‑a 'gä ‑kɛ 'klüyɩ 'nyukwli poo. 33'Nɩ Pɔlʋ yiwa yɩ yëku ‑bha 'nɩ ɔ yi mʋ. 34‑Mä ‑bhloobhloolʋä ŋoo‑ Pɔlʋʋ' ciciwälɩɩ 'kʋ, 'nɩ wa yi wa yëku Kwlienyɔ 'nyɛ. Waa pää' lɔɔ ‑bhlo, ɔmɔ wa lɔɔ bhä Denisö. Denisö nä, ɔ ‑glö bhä ‑mɔɔ' 'clɩkpä 'kädaa' ‑jɛnyɩɛ 'mnö wälɩ‑cinyɔ. 'Ŋnɔ ‑bhlo ‑kʋmʋwa bhä 'sɩɩ nëëdë, 'nɩ wa lɔɔ bhä Damalisö. 'Nɩ 'yigäda ‑nyɩkpaa ‑kʋmʋ bhä 'sɩɩ ‑lɔɔ.

ទើបបានជ្រើសរើសហើយ៖

Nʋnʋgbɩɩ 17: god

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី GOD - u2

ខគម្ពីរពេញនិយមពី
Nʋnʋgbɩɩ 17

ស្ដាប់នូវ Nʋnʋgbɩɩ 17

វីដេអូសម្រាប់ Nʋnʋgbɩɩ 17

ទិដ្ឋភាពទូទៅ៖ កណ្ឌគម្ពីរកិច្ចការ ១៣-២៨

BibleProject

Nʋnʋgbɩɩ 17

ខគម្ពីរពេញនិយមពី
Nʋnʋgbɩɩ 17

ស្ដាប់នូវ Nʋnʋgbɩɩ 17

វីដេអូសម្រាប់ Nʋnʋgbɩɩ 17

ទិដ្ឋភាពទូទៅ៖ កណ្ឌគម្ពីរកិច្ចការ ១៣-២៨

ព្រះគម្ពីរ:

Godié

ជំនាន់បកប្រែ: GOD - u2 - god

Nʋnʋgbɩɩ 17

Nʋnʋgbɩɩ 17

ខគម្ពីរពេញនិយមពី Nʋnʋgbɩɩ 17

ស្ដាប់នូវ Nʋnʋgbɩɩ 17

វីដេអូសម្រាប់ Nʋnʋgbɩɩ 17

ទិដ្ឋភាពទូទៅ៖ កណ្ឌគម្ពីរកិច្ចការ ១៣-២៨

ព្រះគម្ពីរ:

Godié

ជំនាន់បកប្រែ: GOD - u2 - god

Nʋnʋgbɩɩ 17

ខគម្ពីរពេញនិយមពី
Nʋnʋgbɩɩ 17