Mataayi Kotili
Kotili
Tsaangu Yimbwe yi Mataayi bali mu uyabisa yo huli Bayudaayo bamukristo. Bo baayaba bubwe mabuuku ma Nzuhisini yi Kulu. Mataayi li mu umweese Yisu we nde wuli mu ukwasa Mabasonehe mu mabuuku mo maana. Nde li mu ubaayambila mu mo taangu yoosi. Ŋa Mataayi ali mu usonehe muhanda a nde, Bayudaayo bamukristo baamibinga bo mutso manzo ma lisambulu li Bayudaayo. Bo baapalisi mabundu ma muubaayaka babaavele Bayudaayo.
Mataayi ubaaleele ti, Yisu li Mulongisi wu li mu uleele na lituma loosi, mambu ma Nzambi ali mu utuma banga imiinu mu usa. Mulongisi mo wunuunu, li mu uva tsimi yi nyatihi yi utsikaha mikele mya lahi yi kulu. Yisu li kaka Masiya wu Bayudaayo bali mu ubaakeele. Mu uyambila mu ipfumu hi mayulu, nde li mu uleele bunuubu: Nzambi li Pfumu, na matwala ma nde mali mu ubaamonehele ŋa toto.
Tsaangu Yimbwe yi Mataayi yili mu uduka mulahi a nzili wu mihanda mimitatu myatsomi.
Hutso a mulahi a nzila mo wuuna, Mataayi li mu uyabisa mambu ma Yisu mu mandongisili mataanu ma manene: ndongisili a mabuli 5–7, yi bali mu uteele ndongisili ŋa yulu isyelo, yili mu mweese mbiili a bayihi ba Yisu. Mbiili yi yili mu utala kaka itwadi hya baatu ŋa hati la bo, na itwadi hya baatu na Nzambi. Ndongisili a buli la 10 yili mu uva matumili na mandoongi huli ba bali mu uyayabisa Tsaangu Yimbwe. Ndongisili a buli la 13 yili mu umweese makuma ma Yisu ali mu usalila, mana baatu batsikaha mi mili mu uvyoho ŋa Nzambi ali Pfumu. Ndongisili a buli la 18 yili mu ubindula buni baana ba ngu ba babahala baafwana uba itwadi na baana ba ngu ba bakaasu mutso libundu la bamukristo. Ndongisili a mabuli ma 24–25 yili mu uleele buni bayihi buutwala ukeele mbiingili a tsyelele ya Nzambi.
Tswamina mandongisili mo maniima, na hu mbisa a mo, hu li na mambu ma mali mu umweese buni Yisu ali mu ubeeloso babeedu, ali mu va byudya huli makonge ma baatu. Mandongisili ma mali mu umweese matsimi, bileedi na bakuutu ba Bayudaayo.
Hu mbadiili muhanda, Mataayi li mu uyambila mu mbutili na bukenyi bwa Yisu (mabuli 1–2). Hu tsukusu muhanda, Yisu pfumu Bayudaayo buuduba na ukomene nde a kuruwa (buli li 27). Ka Nzambi miisuula nde mu lipfu. Yisu miimonehele huli bayihi ba nde. Nde li mu utumasa bo mu uyayabisa Tsaangu Yimbwe huli baatu ba toto yoosi, buli li (28).
Tswamina mbutili a Yisu, bali mu uteele nde Imanweli, mbindulili ni ti «Nzambi na bisu» (1.23). Muhanda Mataayi li mu usuka mu lahi la Yisu liniili: «Na me ndi na benu bilumbu byosi natee tsukusu a tsi». Yisu ni imweesi hya Nzambi ŋa hati la baatu.
ទើបបានជ្រើសរើសហើយ៖
Mataayi Kotili: TSA
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.