Деяния 17
17
Павелынкут Фессалоникалъҳӣт
1Павелынкут иглыҳтыкат Амфиполкунлъю, Аполлониякунлъю Фессалоникамун ка̄тылъыӷмыхнун кынляңа. Тама̄ни Иудеит синагогалгыт. 2Павел пӣкылъыӷмитун синагогамун пикақ. Пиңаюни Субботани Павелым лӣгикыснақуткыхкӣ югыт Христосымың Акузитытхун Игақыхкатхун. 3Ӯкналиқылъыҳтыхун лӣгикыснақуткыхка̄ ипа Христос туқуяҳқапыста̄ӷунилюкулъю, уңуваӷьяҳқапыста̄ӷунилюкулъю туқулъыӷмың. Пикӣ: «Уна Иисус а̄пқыхка лъпысинун Христосыңӯқ». 4Иляңи Иудеит ухпыӷлютың иляткат Павелынкугнун, Силанкугнун. Тама̄кутлъю Грекыӷмит манигӯткаюгыт Кияӷныӷмун, аӷналӷутытлъю пиңўа̄ӷыт ухпыҳтӯткат.
5Та̄хкын ухпықа̄нӷилңӯт Иудеит ақинаклъюкык Павелылъю, Силалъю тысқагантақылӷӣның сяңигалңуӷның югның қырңуҳтилютың сыӷлылӣҳқӣҳлъякат. Қынўат қамахтыңъўа̄ӷлюки Фессалоникаӷмӣт қапшаҳқыхкӣт. Та̄хкын кытанқуснақ Иасонынкунун агляӷлютың ӣтқаҳта̄ткат Павелылъю, Силалъю а̄нунъалюкык юлӷутнун. 6Иўырңа на̄лъкынӷисямыхтыкык, Иасонлъю, иляңилъю ухпықат қамуҳсӣқӣт Фессалоникам иглыӷутистыңитнун. Акилӷӯкат: «Павелылъю, Силалъю навык алңунак пиныӷмыгни сыӷлылӣҳқӣгақук, хўа̄ ма̄нилъю таўатын пӣқук. 7Кесарым лӣлиҳтӯсӣ кипулъыгмун пӣқӣк хўатын пилъыӷмыгныгун: “Иисус умӣлыхпига̄гуқ, Кесарь умӣлгунӷитуқ”. Иасоным лъмыхнитыстақа̄к Павелылъю, Силалъю». 8Таўатын пията югытлъю, иглыӷутистыңилъю Фессалоникам сякша̄ҳлъякат. 9Та̄хкын иглыӷутистыт пикӣт Иасонылъю: «Қылӷутахпут Павелылъю, Силалъю лъпысинун аӷуляқыстысқылъюкык Фессалоникамың, иўырңа сивуклъюси манилитикут. Аӷуляқыхкайык манизи выӷулъықаҳпут». Та̄хкын агляҳтыстыкӣт.
Павелылъю, Силалъю Вериялъҳӣк
10Мамлыхтаӷыснаӷьягу ухпықат Павелылъю, Силалъю аӷуляқыстыкахкыт Вериямун. Ка̄сямык синагогамун пикак. 11Тама̄кут Иудеяңит нагасюкыстаӷлюкык аюқыхкыхкыт Павелылъю, Силалъю Фессалоникамылңуӷның. Аҳутаңа тамаҳа̄н Иудеит лъңитның лӣнъақыхкӣт Акузитыт Игақыхкат, лӣгикналюки Павелымлъю, Силамлъю апыҳтуӷилъҳик ипаңутаңи. 12Ынка̄м угляпихлъыҳӣт ухпыҳтӯткат, угляпихлъыҳӣтлъю пиңўа̄ӷыт Грегытлъю, аӷнӣтлъю, югытлъю ухпыҳтӯткат. 13Иўырңа Иудеит Фессалоникамылңӯт нагақуӷьямыхтыху Павел уңипақинилюку акузитаңаның Кияӷныӷым Вериями, Верияткат. Ка̄лъютың қапшаҳқӣкат югның сыӷлылӣҳқӣкат тама̄ни. 14Ынка̄м ухпықат Павел ыснымун атҳа̄тқаҳтыстыка̄т иўырңа Силанкук, Тимофейенкук Вериямыткак. 15Югыт иглыӷутилӷӣт Павелымың малигуткат Афинымун кынляңа. Утыӷниӷнақңата Вериямун Павелым липыҳсяқакык Силанкук, Тимофейенкук такусқылъюни пияҳқа̄ҳтаӷыснақайык.
Павел Уңипақилӷӣ Афиными
16Афиными Павел утақӣткылъюку Силанкугның, Тимофейенкугның ювӷӣӷьялӷӣми тама̄ни сыӷлыӷьюхлъякақ, қаюҳлъяк кияӷныңлъяқаҳтупихтыфтуқ. 17Ынка̄м Павелым синагогами Иудеитлъю, язычнигытлъю манигӯткаюгыт Кияӷныӷмун лӣгикыснақуткыхкӣ Иисус, Христосыңунилюку. Акилъпыгаӷвигмилъю аҳутаңа тамаҳа̄н килъю алңунак таўанъыӷата а̄пҳақыхкаңа Христос. 18Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың. 19Та̄хкын Павелымун малихтыстыкат агӷистынун Ареопагымылңуӷнун. Ынка̄м ка̄сямың пика̄т: «Та̄на нутаӷақ апыҳтӯсяқақыхкын лӣсюўаҳпут. 20Сяңўа̄ та̄на а̄пқан алъя̄ҳлъюхўа̄гуқ хўаңкунъи, ынка̄м лӣгиксюўаҳпут сямың писӣтаңа». 21(Сяңўа̄т нутаӷат апыҳтӯсят пинӷата Афиныӷмӣтлъю, накумӣтлъю тама̄вык лъӣқат апыӷьюўақӣтлъю нагасюгақӣтлъю.)
22Ынка̄м Ареопагми Павелым ныкывлюни пикӣ: «Афиныӷмӣни, лӣгикамси ынңа̄талъ манигӯткаюгуфтуси лъпыси югни. 23Иглыҳсялӷӣңа қагани акулми, ысҳаӷанка манигуӷвилӷутыси, аҳқыфиклъю ата̄сиқ игақфикңалӷӣ хўатын: “Налъюкыхкамун Кияӷныӷмун”. Та̄наңӯқ Кияӷнық налъюкыӷңа̄ҳпысигу манигуқаҳси апыӷьюкыхка лъпысинун. 24Та̄м Кияӷныӷым улимакақа̄ нуна, сяңўа̄лъю қамахтыңъўа̄ӷлюку нунамылңуқ. Атанқа̄ қилягымлъю, нунамлъю ынка̄м манигӯтфиңлъяқанисигатуқ. 25Та̄наңӯқ Кияӷнық тӯникаюк уңувалъыӷмың, аныӷныӷмың, сямыңлъю тамаҳа̄ның югнун. Аклъюксяҳқақынӷита̄ югыт каюсилъҳат қаюҳлъяк сяңўа̄ тамаҳа̄н аклъюкигата̄. 26Кияӷныӷым улимакақа̄ ата̄сиқ ю̄к, ынка̄м та̄хкын ата̄симың алъхықа̄гуқ алъя̄ҳӣнақ ю̄к нунамылңуқ хўани. Ӣңкырухлъяк ята̄ҳқыхкақӣлъю қакун югыт алъхыӷьяҳқа̄таңи, на̄нилъю кияҳсяҳқа̄таңи. 27Таўатын пикақӣ югнун ивӣсқылъюни лю̄рақ на̄лъкынъаюкаңатни. Нақамлъю налиҳӣнамнъың уяванъыӷитуқ 28қаюҳлъяк:
“Лъңакун кияҳтыңъӯкутлъю,
қапшагӯкутлъю, алъхықа̄гукутлъю”.
Талўа иляңи игаңлъяҳтыси хўатын пика̄лӷӣт:
“Ипапыста̄қ авақутақӣлъю”.
29Кияӷныӷым авақутақутаңаның сюмыҳтаӷа̄ткысяҳқақынӷитаҳпут югыт улима̄ӷистун золотамың, серебромың, налиӷмың уйӷагмың аюқлъюки. Югыт сюмыҳтаӷалъҳистун аюқынӷитуқ. 30Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки. 31Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».
32Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу». 33Та̄хкын Павелым униткӣ, 34иўырңа иляңита малихся̄ӷлюку Павел ухпыҳтӯткат. Ата̄сиқ Дионисийеңуфтуқ, Ареопагыми агӷиста, аӷнақлъю а̄тқылӷӣ Дамарымың, килъюлъю иляңи ухпыҳтӯткат.
ទើបបានជ្រើសរើសហើយ៖
Деяния 17: ess2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.
Деяния 17
17
Павелынкут Фессалоникалъҳӣт
1Павелынкут иглыҳтыкат Амфиполкунлъю, Аполлониякунлъю Фессалоникамун ка̄тылъыӷмыхнун кынляңа. Тама̄ни Иудеит синагогалгыт. 2Павел пӣкылъыӷмитун синагогамун пикақ. Пиңаюни Субботани Павелым лӣгикыснақуткыхкӣ югыт Христосымың Акузитытхун Игақыхкатхун. 3Ӯкналиқылъыҳтыхун лӣгикыснақуткыхка̄ ипа Христос туқуяҳқапыста̄ӷунилюкулъю, уңуваӷьяҳқапыста̄ӷунилюкулъю туқулъыӷмың. Пикӣ: «Уна Иисус а̄пқыхка лъпысинун Христосыңӯқ». 4Иляңи Иудеит ухпыӷлютың иляткат Павелынкугнун, Силанкугнун. Тама̄кутлъю Грекыӷмит манигӯткаюгыт Кияӷныӷмун, аӷналӷутытлъю пиңўа̄ӷыт ухпыҳтӯткат.
5Та̄хкын ухпықа̄нӷилңӯт Иудеит ақинаклъюкык Павелылъю, Силалъю тысқагантақылӷӣның сяңигалңуӷның югның қырңуҳтилютың сыӷлылӣҳқӣҳлъякат. Қынўат қамахтыңъўа̄ӷлюки Фессалоникаӷмӣт қапшаҳқыхкӣт. Та̄хкын кытанқуснақ Иасонынкунун агляӷлютың ӣтқаҳта̄ткат Павелылъю, Силалъю а̄нунъалюкык юлӷутнун. 6Иўырңа на̄лъкынӷисямыхтыкык, Иасонлъю, иляңилъю ухпықат қамуҳсӣқӣт Фессалоникам иглыӷутистыңитнун. Акилӷӯкат: «Павелылъю, Силалъю навык алңунак пиныӷмыгни сыӷлылӣҳқӣгақук, хўа̄ ма̄нилъю таўатын пӣқук. 7Кесарым лӣлиҳтӯсӣ кипулъыгмун пӣқӣк хўатын пилъыӷмыгныгун: “Иисус умӣлыхпига̄гуқ, Кесарь умӣлгунӷитуқ”. Иасоным лъмыхнитыстақа̄к Павелылъю, Силалъю». 8Таўатын пията югытлъю, иглыӷутистыңилъю Фессалоникам сякша̄ҳлъякат. 9Та̄хкын иглыӷутистыт пикӣт Иасонылъю: «Қылӷутахпут Павелылъю, Силалъю лъпысинун аӷуляқыстысқылъюкык Фессалоникамың, иўырңа сивуклъюси манилитикут. Аӷуляқыхкайык манизи выӷулъықаҳпут». Та̄хкын агляҳтыстыкӣт.
Павелылъю, Силалъю Вериялъҳӣк
10Мамлыхтаӷыснаӷьягу ухпықат Павелылъю, Силалъю аӷуляқыстыкахкыт Вериямун. Ка̄сямык синагогамун пикак. 11Тама̄кут Иудеяңит нагасюкыстаӷлюкык аюқыхкыхкыт Павелылъю, Силалъю Фессалоникамылңуӷның. Аҳутаңа тамаҳа̄н Иудеит лъңитның лӣнъақыхкӣт Акузитыт Игақыхкат, лӣгикналюки Павелымлъю, Силамлъю апыҳтуӷилъҳик ипаңутаңи. 12Ынка̄м угляпихлъыҳӣт ухпыҳтӯткат, угляпихлъыҳӣтлъю пиңўа̄ӷыт Грегытлъю, аӷнӣтлъю, югытлъю ухпыҳтӯткат. 13Иўырңа Иудеит Фессалоникамылңӯт нагақуӷьямыхтыху Павел уңипақинилюку акузитаңаның Кияӷныӷым Вериями, Верияткат. Ка̄лъютың қапшаҳқӣкат югның сыӷлылӣҳқӣкат тама̄ни. 14Ынка̄м ухпықат Павел ыснымун атҳа̄тқаҳтыстыка̄т иўырңа Силанкук, Тимофейенкук Вериямыткак. 15Югыт иглыӷутилӷӣт Павелымың малигуткат Афинымун кынляңа. Утыӷниӷнақңата Вериямун Павелым липыҳсяқакык Силанкук, Тимофейенкук такусқылъюни пияҳқа̄ҳтаӷыснақайык.
Павел Уңипақилӷӣ Афиными
16Афиными Павел утақӣткылъюку Силанкугның, Тимофейенкугның ювӷӣӷьялӷӣми тама̄ни сыӷлыӷьюхлъякақ, қаюҳлъяк кияӷныңлъяқаҳтупихтыфтуқ. 17Ынка̄м Павелым синагогами Иудеитлъю, язычнигытлъю манигӯткаюгыт Кияӷныӷмун лӣгикыснақуткыхкӣ Иисус, Христосыңунилюку. Акилъпыгаӷвигмилъю аҳутаңа тамаҳа̄н килъю алңунак таўанъыӷата а̄пҳақыхкаңа Христос. 18Иляңита апыҳтуӷистыңита Эпикурейскийетлъю, Стоикытлъю такулюку Павел а̄ҳтӣра̄қа̄т. Иляңита илятың а̄птыкӣт: «Уна акузивалъюҳлъяк сямың пӣқа?» Тама̄кут иляңита пика̄т: «Лъяңақа накумӣт кияӷныӷит акузиткақӣ». Таўатын пикат қаюҳлъяк Павелым уңипақңукаңа Иисус, уңувалъҳалъю туқулъыӷмың. 19Та̄хкын Павелымун малихтыстыкат агӷистынун Ареопагымылңуӷнун. Ынка̄м ка̄сямың пика̄т: «Та̄на нутаӷақ апыҳтӯсяқақыхкын лӣсюўаҳпут. 20Сяңўа̄ та̄на а̄пқан алъя̄ҳлъюхўа̄гуқ хўаңкунъи, ынка̄м лӣгиксюўаҳпут сямың писӣтаңа». 21(Сяңўа̄т нутаӷат апыҳтӯсят пинӷата Афиныӷмӣтлъю, накумӣтлъю тама̄вык лъӣқат апыӷьюўақӣтлъю нагасюгақӣтлъю.)
22Ынка̄м Ареопагми Павелым ныкывлюни пикӣ: «Афиныӷмӣни, лӣгикамси ынңа̄талъ манигӯткаюгуфтуси лъпыси югни. 23Иглыҳсялӷӣңа қагани акулми, ысҳаӷанка манигуӷвилӷутыси, аҳқыфиклъю ата̄сиқ игақфикңалӷӣ хўатын: “Налъюкыхкамун Кияӷныӷмун”. Та̄наңӯқ Кияӷнық налъюкыӷңа̄ҳпысигу манигуқаҳси апыӷьюкыхка лъпысинун. 24Та̄м Кияӷныӷым улимакақа̄ нуна, сяңўа̄лъю қамахтыңъўа̄ӷлюку нунамылңуқ. Атанқа̄ қилягымлъю, нунамлъю ынка̄м манигӯтфиңлъяқанисигатуқ. 25Та̄наңӯқ Кияӷнық тӯникаюк уңувалъыӷмың, аныӷныӷмың, сямыңлъю тамаҳа̄ның югнун. Аклъюксяҳқақынӷита̄ югыт каюсилъҳат қаюҳлъяк сяңўа̄ тамаҳа̄н аклъюкигата̄. 26Кияӷныӷым улимакақа̄ ата̄сиқ ю̄к, ынка̄м та̄хкын ата̄симың алъхықа̄гуқ алъя̄ҳӣнақ ю̄к нунамылңуқ хўани. Ӣңкырухлъяк ята̄ҳқыхкақӣлъю қакун югыт алъхыӷьяҳқа̄таңи, на̄нилъю кияҳсяҳқа̄таңи. 27Таўатын пикақӣ югнун ивӣсқылъюни лю̄рақ на̄лъкынъаюкаңатни. Нақамлъю налиҳӣнамнъың уяванъыӷитуқ 28қаюҳлъяк:
“Лъңакун кияҳтыңъӯкутлъю,
қапшагӯкутлъю, алъхықа̄гукутлъю”.
Талўа иляңи игаңлъяҳтыси хўатын пика̄лӷӣт:
“Ипапыста̄қ авақутақӣлъю”.
29Кияӷныӷым авақутақутаңаның сюмыҳтаӷа̄ткысяҳқақынӷитаҳпут югыт улима̄ӷистун золотамың, серебромың, налиӷмың уйӷагмың аюқлъюки. Югыт сюмыҳтаӷалъҳистун аюқынӷитуқ. 30Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки. 31Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».
32Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу». 33Та̄хкын Павелым униткӣ, 34иўырңа иляңита малихся̄ӷлюку Павел ухпыҳтӯткат. Ата̄сиқ Дионисийеңуфтуқ, Ареопагыми агӷиста, аӷнақлъю а̄тқылӷӣ Дамарымың, килъюлъю иляңи ухпыҳтӯткат.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.