1 Worra Qorontoosii Seensa
Seensa
Ergaan Phawuloos gara Worra Qorontoosii erge ta qaraa wolde'a kiristaanaa ka Pawuloos lafa Qorontoosiititti ijaare keessatti dhugeeffannaa'aa fi jiruu kiristaanaa irratti rakkoo kaateef fala kenniisaaf ta barreeffante. Yennaa san Qorontoos qachaa Giriikii ka addunyaa maraati; lafa Akaayaa jedhantu ta bulchinsa Rooma'aa jala jirtuufille qachaa guddicha. Qachaan kun guddinna daldalaatiin, guddinna aada'aatiin, amala badaa babadhatiisatti jiruu fi bacatiisa dhugeeffanna'aatiin ka beekkame.
Ergamaan keessattuu marroo gargar bayiisaa fi jireenna amala bada'aa ka wolde'a kiristaanaa keessa jiruu, marroo sagaagalaa fi fuudhaa heerumaa, marroo yaada wodana'aa, marroo seera wolde'a kiristaanaa, marroo kennansa Ayyaana Woyyichaatii fi du'aa ka'iisaa irratti xiyyeeffata. Inni hubantii guddo'oon, deebii Oduun Gammadaa gaaffii tanaaf kennitu mudhisa.
Foorri kudha sadeesso'oo ka kennansa Waaqi kolbaa ifiitiif kenne keessaa jaalalli ka caalu akka te'e mudhisu, kitaaba kana keessatti addee akka malee beekante akka teeteetitti yaadatama.
Haadhoo Dubbi'ii
Seensa 1:1-9
Gargar bayiisa wolde'a kiristaanaa keessatti ka'e 1:10--4:21
Sagaagalumma'aa fi Wol Himatiisa 5:1--6:1
Fuudhaa fi Heeruma Kiristaanaa 7:1-40
Kiristaanotaa fi worra Kiristaanota hin te'in 8:1--11:1
Le'ii wolde'a Kiristaanaatii fi waaqeffannaa 11:2--14:40
Du'aa ka'iisa Kiristoosiitii fi kiristaanaa 15:1-58
Kennansa Kiristaanota lafa Yihuda'aatiif dhikaate 16:1-4
Haajaa isaatii fi yaada buufataa 16:5-24
ទើបបានជ្រើសរើសហើយ៖
1 Worra Qorontoosii Seensa: GAXNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Guji Oromo New Testament © Bible Society of Ethiopia, 2007.