Romaia 4
4
1Ta so phenasa kă leam, andoa zoralimos lehko, amaro phuropapo o Avraamo?#Is. 51.2. Mat. 3.9. Ioan 8.33, 39. 2Kor. 11.22.
2Ta kana o Avraamo sas dindo bibezexalo andal kărimata, sî les sosa te lăudil pe, ta na angloa Dell.#Cap. 3.20, 27, 28.
3Kă so phenel o LillleDevllehko? „O Avraamo pateaia le Devlles, thai kadea dindea pe lehkă sar bibezexalimos.”#Gen. 15.6. Gal. 3.6. Iak. 2.23.
4Ta, kolehkă kai kărăl buti, o potindimos kai del pe lehkă dinel pe na ka ăkh xaro, ta ka sar vareso unjilo;#Cap. 11.6.
5ta kana, kolehkă kai či kărăl buti, thai pateal ande Kukoa so dinel le bezexales bibezexalo, o pateaimos kai les sî les, sî lehkă dindo sar khăbibezexalimos.#Ios. 24.2.
6Sa kadea, i o Davido delanau baxtalo le manušes kodoles, kai o Dell, bi kărimatăngo, dine les bibezexalo.
7„Baxtalo”, phenel o, „kolendar kai lengă jungalimata sî iertime, thai savengă bezexa sî garade!#Ps. 32.1, 2.
8Baxtalo le manušestar, savehkă či nikrăl lehkă o Rai ande sama e bezex!”
9O baxtalimos kadoa sî numai anda kukola xšindine roata or i anda kukola bišindine roata? Kă phenasas kă le Avraamohko o pateaimos „sas lehkă dindo sar bibezexalimos.”
10Ta sar sas lehkă dindo? Palal, or anglal le šindimastar lehko roata? Na kana sas šindo roata, ta kana sas bišindo roata.
11Pala kodea lea sar sămno o šindimos roata, sar ăkh pečetea kodole bibezexalimahko, kai deasas pe lehkă andoa pateaimos, kana sas bišindo roata.Thai kadea, anda kaste avel o dadd sa kolengo kai patean, barem kă nai šinde roata; ta, kadea, te dinel pe i lengă o bibezexalimos kadoa;#Vers. 12, 16. Gen. 17.10. Luka 19.9. Gal. 3.7.
12thai anda kaste avel i o daddd kolengo šinde roata, kadea kolengo kai, na numai kă sî šindine roata, thai i ušteaven pe urma le pateaimasti kodolesti, kai sas amară daddes le Avraamos kana nas šindo roata.
O mandimos avel andoa pateaimos.
13Ande čeačimaste, o šinaimos kărdino le Avraamohkă or lehka seminçiakă, kă sai lumea avela lesti, nas kărdo po ortomos la Lejeako, ta po ortomos kodale bibezexalimasti, kai lel pe andoa pateaimos.#Gen. 17.4, etc. Gal. 3.29.
14Kă, le mandimatorea sî kukola kai nikărăn la Lejeatar, o pateaimos sî întaină, thoa šinaimos sî rimome;#Gal. 3.18.
15anda kă e Lejea anel xolli; thai kai nai khă lejea, oče nai či ušteaimos lejeako.#Cap. 3.20; 5.13, 20; 7.8, 10, 11. 1Kor. 15.56. 2Kor. 3.7, 9. Gal. 3.10, 19. 1Ioan 3.4.
16Anda kodea le manditorea sî kukola kai kărdeon andoa pateaimos, anda kaste aven andoa xaro, thai anda o šinaimos te avel čeačiumni anda sa e sămînça le Avraamosti: na numai anda e sămînça kutea kai sî tala e Lejea, ta i andai sămînça kutea kai sî la o pateaimos le Avraamohko, o dadd amaro saoŕăngo,#Cap. 3.24; 9.8. Is. 51.2. Gal. 3.22.
17pala sar sî ramome: „Thodem tu te aves o dadd mai butengă neamuri.” O, kadea, sî o dadd amaro angloa Dell, ande sao pateaiam, kai juvindil le mullen, thai kai akharăl le butea kai nai, sar i kana avena.#Cap. 8.11; 9.26. Gen. 17.5. 1Kor. 1.28. Efes. 2.1, 5. 1Pet. 2.10.
18Ajukărindoi pa orsao ajukărimos, o pateaia, thai kadea arăslo o dadd mai bute neamurengo, pala sar phendeasas pe lehkă: „Kadea avela e sămînça tiri.”#Gen. 15.5.
19Thai, anda kă nas šuko ando pateaimos, o či dikhlea ka pehko stato, kai sas phureardo, – sas les paše ăkh šell bărši, – či kă e Sara naštilas te mai aven la šeave.#Gen. 17.17; 18.11. Evr. 11.11, 12.
20O či dea parpale kata o šinaimos le Devllehko, ando bipateaimos, ta, zureardo ande pehko pateaimos, dea slava le Devlles,
21pherdo pateaimos kă O so šinavel, daštil i te kărăl.#Ps. 115.3. Luka 1.37, 45. Evr. 11.19.
22Anda kodea o pateaimos kadoa „sas lehkă dindo sar bibezexalimos.”
23Ta na numai anda leste sî ramome kă „sas lehkă dindo sar bibezexalimos:”#Cap. 15.4. 1Kor. 10.6, 11.
24ta sî ramome i anda amende, savengă sa kadea samengă dindo, amengă kolengă kai pateas ande Kukoa kai juvindisardea andal mulle le Isus Kristosos, o Rai amaro,#Kărd. 2.24; 13.30.
25kai sas dino anda amară bezexa, thai juvindisardea kă samas dinde bibezexale.#Cap. 3.25; 5.6; 8.32. Is. 53.5, 6. 1Kor. 15.17. 2Kor. 5.21. Gal. 1.4. Evr. 9.28. 1Pet. 1.21; 2.24; 3.18.
ទើបបានជ្រើសរើសហើយ៖
Romaia 4: KALD2020
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
