Kărdimata Le Apostolengă 26
26
O Pavel angloa Agripa.
1O Agripa phendea le Pavelohkă: „Sî tu kamimos te čeačiaves tu!” O Pavelo tinzosardea o vast, thai lea te čeačiavel pe kadea:
2„Dina ma baxtalo, thagarina Agripa, kă sî te čeačiava ma ades angla tute, anda sa le butea anda save sîm pîŕîme le Iudeiendar;
3kă tu prinjeanes but mišto sa le krisa thai le biatearimata lengă. Anda kodea, rudi tu te ašunes ma lašimasa.
4E čivava mîŕî, anda le mai anglal des mîŕă tărnimahkă, sî prinjeandi sal Iudeiendar, anda kă nikărdem la ando Ierusalimo, ando maškar mîŕă neamohko.
5Kana kamen te denduma, on jeanen kă dă anglal traisardem, sar khă Fariseo, pala e mai tang partida, la religiati amareati.#Cap. 22.3; 23.6; 24.15, 21. Filip. 3.5.
6Thai akana, sîm dino ande kris, anda o ajukărimos le šinaimahko, kai kărdea les o Dell amară daddengă,#Cap. 23.6. Gen. 3.15; 22.18; 26.4; 49.10. Deut. 18.15. 2Sam. 7.12. Ps. 132.11. Is. 4.2; 7.14; 9.6; 40.10. Ier. 23.5; 33.14-16. Ezec. 34.23; 37.24. Dan. 9.24. Mika 7.20. Rom. 15.8. Tit 2.13.
7thai saveako pherimos ajukrăn les kola dešudui semençii amară, kai kanden biatărdimahko le Devllehkă, des thai reat. Anda kadoa ajukărimos, thagarina, sîm pîŕîme le Iudeiendar!#Luka 2.37. 1Tes. 3.10. 1Tim. 5.5. Filip. 3.11. Iak. 1.1.
8So? Falpe tumengă bipateaimahko kă o Dell juwindil le mullen?
9Thai me, so sî čeačes, pateauas kă trăbul te kărau but butea pa o Anau le Isusohko andoa Nazareto,#Ioan 16.2. 1Tim. 1.13.
10thai kadea i kărdem ando Ierusalimo. Šudem ando phandaimos bute sfinçăn, kă lem e zor kadea kata le raša le mai bară; thai, kana sas dine mullimahkă, dauas i me muŕo voto le kolavrănça.#Cap. 8.3; 9.14, 21; 22.5. Gal. 1.13.
11Mardem le butivar ande sal khăngărea thai dauas sa mîŕî zor te kărau le te prasan. Ande muŕo telearimos o dillo, pa lende, našauas le ji ande le kolaver četăçi străinurea.#Cap. 22.19.
12Anda kadea buti, teleardem ando Damasko, zorasa thai kamimasa kata le raša le mai bară.#Cap. 9.3; 22.6.
13Karing o maškar le desăhko, thagarina, po drom, dikhlem străfeaindoi karing mande thai karing mîŕă jene khă lumina andoa čerii, saveako, străfeaimos nakhavelas le khamehko.
14Peleam saoŕă tele kai phuw; thai me ašundem khă mui, kai phenelas mangă ande šib e evreihko: „Saule, Saule, sostar tinuis Ma? Sî tukă pharo te šudes le pînŕăsa parpale ando gor khă pusaimahko.”
15„Kon san, Raia?”, dem anglal me. Thai o Rai phendea: „Me sîm o Isuso kai tinuis Les.
16Ta ušti, thai beši ande pînŕănde; kă sîkade Ma tukă, kaste thoau tu kanditorii thai dikhlitorii kaditi le buteango, save dikhlean le, sode i le buteango kai či dikhăsa Ma kă kărau le.#Cap. 22.15.
17Alosardem tu andoa maškar le norodohko kadalehko thai andoa maškar le neamurengo, ka save tradau tu,#Cap. 22.21.
18kaste pîtărăs lengă iakha, te ambolden pe katoa tuneriko kai lumina, thai tala e zor le Bengăsti koa Dell; thai te len, andoa pateaimos ande Mande, o iertimos le bezexăngo thai o mandimos andekhthan kolença sfinçome.”#Cap. 20.32. Is. 35.5; 42.7. Luka 1.77, 79. Ioan 8.12. 2Kor. 6.14; 4.4. Efes. 1.11, 18; 4.18; 5.8. Kol. 1.12, 13. 1Tes. 5.5. 1Pet. 2.9, 25. Kol. 1.12.
19Anda kodea, thagarina Agripa, či kamblem te na lama le dikhlimahkă čerikanehkă.
20Ta demduma anglal kolengă andoa Damasko, pala kodea ando Ierusalimo, ande sai Iudea, thai kal Neamuri, te kăin pe thai te ambolden pe koa Dell, thai te kărăn kărdimata vreničea le kăimasa lengo.#Cap. 9.20, 22, 29; 11.26; 13.14, 16-21. Mat. 3.8.
21Dikta sostar thodine le Iudeia o vast pe mande ando Templo, thai rodine te mudarăn ma.#Cap. 21.30, 31.
22Ta, naismos le kandimahkă le Devllehkă, ašilem ande čivava ji ando des kadoa; thai demduma angla kukolengă le çînorăngă thai kolengă le bară, bi te duriuau khančestar kata so phendine le prooročea thai o Moise kă sî te kărdeol pe;#Cap. 24.14; 28.23. Luka 24.27, 44. Rom. 3.21. Ioan 5.46.
23thai kadea, kă o Kristoso trăbul te tinuil, thai kă, pala so avela o mai anglal andoa juvindimos le mullengo, vestila e lumina le norodohkă thai le Neamurengă.”#Luka 2.32; 24.26, 46. 1Kor. 15.20. Kol. 1.18. Sîk. 1.5.
24Ta kana delas o duma kadea kaste čeačeavel pe, o Festus phendea muiesa zuralo: „Pavele, san dillo! O sîkaimos tiro o but kărăl tu te des ando dillimos.”#2Thag. 9.11. Ioan 10.20. 1Kor. 1.23; 2.13, 14; 4.10.
25„Či sîm dillo, but alosardea Festus,” dea anglal o Pavelo, „kandimasa, mothoau divanuri čeačimasa thai godimahkă.
26O thagar jeanel kadala butea, thai anda kodea dau lehkă duma zorasa; kă sîm pateamno kă khanči nai lehkă biprinjeando anda lende, anda kă či kărdini le ande khă kolço!
27Pateas tu ande le Prooročea, thagarina Agripa?… Jeanau kă pateas.”
28O Agripa phendea le Pavelohkă: „Iekhatar mai kames tu te anes ma te kărdiuau kristiano!”
29„Avela iekhatar, avela dur,” dea anglal o Pavelo, „te del o Dell ta na numai tu, ta sa kakala kai ašunen ma ades koče te aven kadea sar sîm me, avri anda le lançuri kadala.”#1Kor. 7.7.
O bidošalimos le Pavelohko prinjeando.
30O thagar, o guvernatorii, o Bereniče, thai sa kola kai bešenas andekhthan lença, ušti le.
31Thai kana telearde, phenenas iekh karing le kolaver: „o manuši kadoa či kărdea khanči vreniko mullimahko or phandaimahko.”#Cap. 23.9, 29; 25.26.
32Thai o Agripa phendea le Festusohkă: „Le manušehkă kadalehkă daštilas te del pe lehkă drom, kana či manglino te avel krisînime le Čezarostar.”#Cap. 25.11.
ទើបបានជ្រើសរើសហើយ៖
Kărdimata Le Apostolengă 26: KALD2020
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
