Matewuji 27
27
Yesu ohodowiwana wa Pilatu
Markuji 15:1; Lukaji 23:1-2; Juwawu 18:28-32
1Mwa enne mmetcheloni muwa unde wagatchile, andimuwa atene a anamakuta na andimuwa atene a aJudewu, kohotchokotchela ndila tchivi yafuna atu hara ira kawande mugwihana mulandu Yesu ira apiwe. 2Evale aliwa kohommangaga, mudowana, nvaheda governadore Pilatu.#27:2 governadore Pilatu ali mutu oza atonga na nzina na akuda Roma. Tchoira ora yenno aJudewu kafwanyeya mmandani mwa aRoma na mwasa oira kagondjihiwe na aliwene. Mwa enne aRoma koasakulretcha atu ira kakale agovernadore oatonga aJudewu. Mwa tempu yenne eto aJudewu tchavahana na Pilatu. Mbwenye nnga aJudewu tchanna utongi ompa mutu, kohomudowana wa mwidaniwa ira kaone akala Pilatu ogorumela mpa Yesu.
Goma wa mulombwana Judasi Iskariyoti
Joira ja Anamarumiwa 1:18-19
3Mwa enne mulombwana Judasi Iskariyoti wenno amugulihile, agaonne ira: <<Yesu umala tongiwa ira apiwe>>, ohotchindja youmbuwela yaye. Liye tukula kobiri 30 da parata dedo damugulihilena liye Yesu, liye dowana wa andimuwa a anamakuta na andimuwa a aJudewu ale ira awelihe. 4Agaafwanyile, ohowongaga eraga: <<Miyo dihitega muwari moguliha sangiri na mutu ahategileve!>> Evale aliwa kohowakulaga, aliwa ira: <<Hiyo jejo kaniiziwile. Jejo jawo weka!>> 5Evale mulombwana Judasi Iskariyoti ohovokeda kobiri dile muNyumbani mwa Nabwiya, liye dowaga jaye. Agadowile, ohovimangelelaga, liye kwa.
6Mwa enne andimuwa a anamakuta ale kohotukulaga kobiri da parata dile, aliwa kwi: <<Zela mazu anafwanyeya mmalamuloni, kavali wandeya ira kobirila idowe yaheliwe mukaxani mwemo munaveleliwa kobiri, mwasiwa tchi kobiri iguliwena sangiri.>> 7Kagamanle tchokotchelavo zela kobirile, kohoumbuwelaga zelru, aliwa tukula kobirile, dowa gulana munda mmohi eriwa Munda wa Namaomba Jombwe ira akale masiye owakoyamo atu oza. 8Nona mundole fiyeda peno unaitaniwa Munda wa Sangiri. 9Mwa enne kohokwakwanela mazu anno awongile namafiyiheda Jeremiya oira: <<Kohotukula kobiri 30 da parata, peresu yenno yagarateliwe na Ana Izarayeli angasi angasi ira liye aguliwena, 10aliwa dowa gulana munda wa Namaomba jombwe, nnga mwemo mwadirumele Nabwiya.>>#27:10 aliwa dowa gulana munda wa Namaomba jombwe: Mazwala analingana na miselu nnafwanyeya Zakariya 11:12-13; Jeremiya 19:1-13, 32:6-9.
Yesu agali vamentoni va Pilatu
Markuji 15:2-5; Lukaji 23:1-5; Juwawu 18:33-38
11Yesu agavahediwe mmandani mwa governadore Pilatu, kohomuimelihaga vamentoni vaye. Evale Pilatu ohonfukaga eraga: <<Kodi weyo uli Mwene wa aJudewu?>> Evale Yesu ohowakulaga eraga: <<Nyo gunawonga eni.>> 12Nomala eno, andimuwa a anamakuta vamohi na andimuwa a aJudewu ale kohoroma munukeda Yesu jengo jidjindji, mbwenye liye kawakunlegeve yengo. 13Mwa enne Pilatu ohonfukaga, liye ira: <<Kodi weyo kunavwa jengo jatene jeji jinaunukeda atu ji?>> 14Yesu mbwenye kamuwakunlege nne yofuka imohi yanfuka governadore ule zela mulandu uli watene kamunukeda atu. Evale mulombwana Pilatu ohoroma tikiniheya.
Yesu ohotongiwa ira apiwe
Markuji 15:6-15; Lukaji 23:13-25; Juwawu 18:38b-19:16
15Fwanyeya ira yafiya Pwando ya Mavirelo nnga yenno yanna atu, governadore ule ohokana yolemelela yaye yomukutcha munyakadeya wenno anamwindji kafuna atu musakulra. 16Eto jaireya atu enne, mukadeya mule mohokala mutu mmohi oiziweya bure, aitaniwa Baraba. 17Mwa enne atwale kagalive ogumanene evale, Pilatu ohafukaga eraga: <<Nnga nyo munafuna ira dimukutche ani? Dimukutche mulombwana Baraba, owu dimukutche Yesu, wenno unaitaniwa Namatikeliwa?>> 18Pilatu awongele eno mwasiwa liye ohoiziwa ira atwale kamusumenle Yesu na mwasa wa nrima bahi. 19Eto fwanyeya ira mulombwana Pilatu agalive nimburo notonga nenne ogaratene, muhiyanaye ohorumihaga milanyo na atu amohiwa ira: <<Mutu wapama uyo kumuirele yabure, umuhiye. Mwasiwa miyo peno morohani dihizuzuma valukulu na mwasa wa mulombwana wenno!>>
20Mbwenye andimuwa a anamakuta vamohi na andimuwa a aJudewu ale, kohatujaga anamwindjale ira kamusakulre mulombwana Baraba akutchiwe eto Yesu apiwe. 21Mwa enne governadore ule ohowelela afuka anamwindji eraga: <<Kodi mwa atu ambinli ala, ofwanelela munanfuna nyo ira dimukutche guvi?>> Aliwa kohowakulaga, aliwa kwi: <<Nnafuna munkutche mulombwana Baraba!>> 22Pilatu ohafuka akoka eraga: <<Nnga damukutcha mulombwana Baraba, Yesu wenno unaitaniwa Namatikeliwa, dimuirena avi?>> Atene kohoiraga: <<Akomeliwe vamuradini!>> 23Evale Pilatu ohafuka eraga: <<Mulombwanola kodi unafwanyeyana mulandu nni?>> Mbwenye aliwa kokuwagave na mazu olimbiha keragave: <<Kamukomeleni vamuradini!>>
24Mwa enne mulombwana Pilatu agaonne ira kawanda agondjiha anamwindjale na jowonga jaye eto na mwasa oira madugudugu kerave simbwa, ohotukula mahindje, liye hambamo mandaye vamentoni va anamwindji atene kaing'anaga, liye awandela eraga: <<Miyo kadinnavo yaga veva zela sangiri na mulombwanola. Unafuna rumelela sangiri naye gu nyenne nyoka!>> 25Noira enne, mwindji watene kohowakulaga keraga: <<Sangiri na mutula, nikale na hiyo vamohi na ahimihu!>> 26Evale Pilatu ohomukutcha Baraba nnga mwafunela atu. Evale ohoruma ira Yesu awaxuliwe. Agawaxuliwe, Pilatu oharuma anyakondwaye eraga: <<Tiyeni, mwankomele vamuradini!>>
Anyakondo kohompeta Yesu
Markuji 15:16-20; Juwawu 19:2-3
27Mwa enne anyakondo a governadore kohomutukulaga Yesu, aliwa mudowana palasiyo ya governadore, aliwa agumaniha anyakondo afwiwa, atene aliwa murindja, muhela vari. 28Kohomuwungulaga jowara jaye jile, aliwa muwariha kapa yofila yagali youmbuwela. 29Noira enne, koholuwaga kara ya minga, aliwa muwariha mmuruni mwaye eto kohomuhidedihaga murere mmandani mwaye, muwono odjana. Evale kohodowaga, aliwa nkokorelaga eto kampetaga keraga: <<Mwene wa aJudewu oye! Oye! Mwene wa aJudewu oye! Oye!>> 30Evale komutapelaga mare. Noira enne, kohomuwakaga murere kamuhidedihile atu ule, aliwa roma nkomagana mmuruni. 31Nomala mpeta eno, kohomuwungula kapa ile, aliwa muwariha jowara jaye. Evale kohomutukulaga, aliwa mudowagana ira kankomele vamuradini.
Komeliwa wa Yesu vamuradini
Markuji 15:21-32; Lukaji 23:26-43; Juwawu 19:17-27
32Mwa enne aliwa kamudowagana nimburo nafuna atu dowa mukomela nne, kohongumanana mulombwana mmohi eni nkuda Sirene aitaniwa Simawu. Kaganfwanyile mulombwanole, kohomukanyihedaga, aliwa mutukuliha muradi wenno afuna komeliwavo Yesu. 33Evale kohofiya nimburo naitaniwa Gologota. Gologota ku wonga Nimburo na Nigaragazu na mutu.#27:33 Gologota ku wonga Nimburo na Nigaragazu na mutu: Mutu aimela olapela wene, nimburo na Gologota naoneya nnga nigaragazu na mutu. Nali eto nimburo napiwetcha atu. 34Kagafiyile wewule, kohotukulaga vinyu ogumaniha na jimohi jiwa johoziva pama, aliwa nvaha ira ang'we. Mbwenye funa nvaha Yesu, agalawihile vang'onove kang'wilege. 35Evale aliwa kagamanle mukomela vamuradini, kohoganaga jowara jaye muwari mosakanya jogu ya ngari.#27:35 jogu ya ngari: Makalelo a jogu ya ngari kohoindjiva. Makalelo kajogarile atu, kaniiziwile. Makalelo amohi, analremba mazina a atu atene vapapelini, kada mutu papeli naye naye. Aliwa ahela mapapeli matene musakwini. Nomala eno, aliwa kutchakutcha, landa papeli nimohi. Ule afwanyeya agalrembiwevo, gwenno aganyalri. Ku wonga jogu ya ngari. Voira makalelo a jogu ya ngari kohoindjiva, kaniiziwile makalelo kajogarile atu. Aliwa kaganaga jowara jaye muwari mwa jogu, kakwakwanelihedile mazu awongile namafiyiheda wa wanle oira: <<Kohogana jowara jaga. Eto kohotukula kamizaga, aliwa sakanya jogu ya ngari!>> (Salmu 22:18) 36Noira enne, kohogaratigi vevale, aliwa muing'anelaga. 37Mwa enne kohotukula isi tabwa, aliwa lrembavo muselu kamutongilena atu oira: ULA GU YESU, MWENE WA AJUDEWU. Kagalrembile eno, kohodowa aliwa komela vazulu va muradi vale, muruni waye.
Petiwa wa Yesu agakomeliwe vamuradini
38Kohokalawo eto ambava ambinli kakomeliwe vamohi na Yesu, mmohi ikukuru ya muwononi odjana, mmohiwa ikukuru ya muwononi oromana, Yesu afwanyeya vari. 39Mwa enne atu kaviraga mundila kohoromaga mpeta Yesu, kawuzuzaga miru diwa kamuruwanaga keraga: 40<<Kahi wenne wawongetcha ira unowanda bwanyula Nyumba ya Yehova eto umange muwari mwa malambo mararu bahi? Kavivune eto! Eto akala uli Mwana Mulugu, katita vamuradini vili we vo!>> 41Na makalelo amohive kohokalawo eto andimuwa a anamakuta na anamafundjiha malamulo na andimuwa a aJudewu kazile, roma mpetaga Yesu kawongaga keraga: 42<<Uluwole, gwenno aavulumutchetcha atu oindjiva. Peno eto kanawanda vivulumutcha. Akala liye gu Mwene wa aIzarayeli, atite vamuradini vili liye vale tchineneva. Atita, hiyo nnomuroromela. 43Liye eto amunyindela Mulugu eto awongetcha ira: <Miyo dili Mwana Mulugu.> Akala Mulugu unonfuna, Mulugu akale wenno unafuna nvunela tchineneva.>> 44Eto ambava ambinli kakomeliwe vamohi na Yesu ale, na aliwene kohoromaga mpeta na makalelo amohive.
Kwa wa Yesu
Markuji 15:33-41; Lukaji 23:44-49; Juwawu 19:28-30
45Noira enne, wohozaga isi ilukulu ilambo yatene, romela pandi ya 12 ora fiyeda 15 ora. 46Mwa enne yagafiyile pandi ya 15 ora ile, Yesu ohowongaga na mazu okuwa eraga: <<Eli, Eli, lama sabatani?>> Yenno inatapulela: <<Mulugu waga, Mulugu waga, mudihiyele nni?>>
47Agairile enne, atu kaligi evale, kaganvwile eraga: <<Eli, Eli>>, mohoiziwa yengo tchivi, kohowongaga ira: <<Unamuitana Eliya.>> 48Evale mutu mmohi ohotamangaga, dowela ntondje,#27:48 ntondje nnawongiwa va, na izugu anaitana esponja. liye nyetiha na vinyu ohokala pama nnga vinagere, liye hela murereni, dowa nvaha Yesu ira ang'we. 49Afwaye amohi mbwenye kohowongaga keraga: <<Kamuhiyeni, nimuone akala Eliya unamuitana liye unoza anvulumutche!>> 50Noira enne, Yesu ohowelela wonga akoka no kuwa undimuwa,#27:50 Yesu ohowelela wonga akoka no kuwa undimuwa: Kuwa owelela unawongiwa eva kiiziweyile pama yawongile liye. So mbwenye nafwanya Lukaji 23:46 nnofwanya mazu oira Yesu ohokuwaga molimbiha eraga: <<Babani nnovelela muzimu waga mmandani mwinyu!>>: Awongaga eno ali vuma waye wogomiheda, noira enne ku mariheya wene. liye velela muzimu waye.
51Mwa tempu yenne yakwa Yesu kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati.#27:51 kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati: Tapulela Mulugu gwakawunle kurtina ile. Tchoira malambo a mundulrimu mutu wa burebure kafiya hela wa kurtina ile. Afiyawo akala mundimuwa wa anamakuta. Eto va kada yaka, mundimuwa wa anamakuta ule afiyawo fendo imohi bahi. Eto liye afunaga dowa wewule ababiha velela mukuto wa mwanainyama. Mulugu akawulaga kurtina ile, tapulela ira muwari mwa ukwa wa Yesu, mutu unowanda wandana na Mulugu. Eto yatapulela ira jejo jairetcha atu kapaga anavinyama, kavelelaga mukuto wa anavinyama ira kakurumuweliwe jotega jiwa, jatene ejo jihimala. Eto ilambo yatene yohoinainaga eto mabwe kohotweyaga. 52Masiye kohuleyaga eto atu adjindji otchenihiwa kakwile, kohovenyaga mokwani. 53Yesu agavennye mokwani, atu kavenyile mokwani ale kohodowa sidadi yotchenihiwa ya Jeruzalemu, aliwa akumelelaga atu adjindji.
54Fwanyeya ira mundimuwa wa anyakondo vamohi na anyakondo afwaye atene kamuing'anelaga Yesu, kagaonne indarandara ya ilambo vamohi na jatene jaireyaga, kohorendjeyaga valukulu, aliwa roma ova eto kohowongaga keraga: <<Mutula, mwa ibaribari ali Mwana Mulugu.>>
55Eto vevale vohokalaga ahiyana adjindjene kamukamihedetcha, anno kamuharile Yesu kuma Galileya. Ahiyanale koing'anaga vevo vakomeliwe Yesu, kagali olapela wene. 56Muwari mwa ahiyanale, vofwanyeyaga Mariya nkuda Madala, Mariya mmaye Tiyagu na Joze, vamohi na mwadi Zebedewu.
Koyiwa wa Yesu
Markuji 15:42-47; Lukaji 23:50-56; Juwawu 19:38-42
57Mwa enne nzuwa niviraga, ohokalawo namamuhara wa Yesu mmohi wenno ali orayela, wa sidadi ya Arimateya, aitaniwa Joze. 58Liye ohodowaga wa Pilatu, nvepa ira amurumelihe maningo a Yesu. Noira enne, Pilatu ohomurumelihaga ira atukule. 59Mwa enne mulombwana Joze ohovenyaga, liye dowa tukula maningo a Yesu, liye bulruwalri na nguwo yofulriwa pama, yosakanyiwa na usalru wapama,#27:59 nguwo yofulriwa pama, yosakanyiwa na usalru wapama: Nguwo yampitikelrelrena atu yali yosakanyiwa na mwana yomela imohi inaitaniwa linho na izugu. Nguwo yosakanyiwa na yomela yenno, inakala nguwo yapama kwaranya nguwo dimohi diwa. 60liye dowa mukoya nifukweni nafuna liye koyiwa, wewo wali wahanarome koyiwa mutu. Nifukwe namukoyile liye nne nali nifukwe natimbihile liye nibweni. Mwa enne agamukoyile wewule, ohopingiritchaga nibwe nlukulu, liye dowa funganawo. Noira enne, ohomaruwa, liye dowaga. 61Mbwenye Mariya nkuda Madala vamohi na Mariya mmohiwa ule, kohodowaga, aliwa garati sogolro wa nifukwe nne.
Agwarda oing'anela masiye wewo wakoyiwe Yesu
62Mmetcheloni muwa, ku wonga nagavirile siku nosakanyeda jatene ja sabado, andimuwa a anamakuta vamohi na aFarizewu kohogumanelaga vamentoni va Pilatu. 63Aliwa kwi: <<So Governadore, hiyo nihiumbuwela yengo imohi. Maliba nyenga ule ahanakwe, ohowonga ira: <Siku naneraru, nnovenya mokwani!> 64Mwa eno, inafwanela mwaarume atu ira kadowe kaing'anelege pama nifukwe nne, fiyeda malambo mararu. Tawiha ira anamamuharaye anavenye, kadowe kabe maningo aye ale, kakuma evo kaawandelege atu ira: <Uhuvenya mokwani.> Eto jaireya eno, yonama yenno inokala ilukulu kwaranya yonama yoroma ile!>> 65Evale mulombwana Pilatu ohowongaga eraga: <<Mwaatukule anyakondo ala ira mudowe mwaing'anelege nifukwe nne na makalelo nnga muiziwile nyo!>>
66Mwa enne kohodindaga nibwe nafungana atu nifukweni ule#27:66 kohodindaga nibwe nafungana atu nifukweni ule: Makalelo odinda nibwe anawongiwa va, aliba dinda kohokana karimbu ya momba. Evale atu kotukula ulongo wa vang'ono, aliwa tchakatcha, aliwa pomavo vogumana nibwe na kaxilu. Aliwa tukula karimbu, aliwa finyana ulongo ira kagakumihilevo karimbu ile, ihale sinale. Sinale yenno yatapulela ira unafuna mexeri nibwe nne unammexeri wenno uhenlevo karimbu ile. Muwari moira anyakondo ale kadindihilevo na karimbu ya Pilatu, ku tapulela kalivo afuna kana zelru dohulavo tawiha ira Pilatu unaze ampe. eto kohahiyawo agwarda ira kaing'anelege nifukwe nne.
ទើបបានជ្រើសរើសហើយ៖
Matewuji 27: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 27
27
Yesu ohodowiwana wa Pilatu
Markuji 15:1; Lukaji 23:1-2; Juwawu 18:28-32
1Mwa enne mmetcheloni muwa unde wagatchile, andimuwa atene a anamakuta na andimuwa atene a aJudewu, kohotchokotchela ndila tchivi yafuna atu hara ira kawande mugwihana mulandu Yesu ira apiwe. 2Evale aliwa kohommangaga, mudowana, nvaheda governadore Pilatu.#27:2 governadore Pilatu ali mutu oza atonga na nzina na akuda Roma. Tchoira ora yenno aJudewu kafwanyeya mmandani mwa aRoma na mwasa oira kagondjihiwe na aliwene. Mwa enne aRoma koasakulretcha atu ira kakale agovernadore oatonga aJudewu. Mwa tempu yenne eto aJudewu tchavahana na Pilatu. Mbwenye nnga aJudewu tchanna utongi ompa mutu, kohomudowana wa mwidaniwa ira kaone akala Pilatu ogorumela mpa Yesu.
Goma wa mulombwana Judasi Iskariyoti
Joira ja Anamarumiwa 1:18-19
3Mwa enne mulombwana Judasi Iskariyoti wenno amugulihile, agaonne ira: <<Yesu umala tongiwa ira apiwe>>, ohotchindja youmbuwela yaye. Liye tukula kobiri 30 da parata dedo damugulihilena liye Yesu, liye dowana wa andimuwa a anamakuta na andimuwa a aJudewu ale ira awelihe. 4Agaafwanyile, ohowongaga eraga: <<Miyo dihitega muwari moguliha sangiri na mutu ahategileve!>> Evale aliwa kohowakulaga, aliwa ira: <<Hiyo jejo kaniiziwile. Jejo jawo weka!>> 5Evale mulombwana Judasi Iskariyoti ohovokeda kobiri dile muNyumbani mwa Nabwiya, liye dowaga jaye. Agadowile, ohovimangelelaga, liye kwa.
6Mwa enne andimuwa a anamakuta ale kohotukulaga kobiri da parata dile, aliwa kwi: <<Zela mazu anafwanyeya mmalamuloni, kavali wandeya ira kobirila idowe yaheliwe mukaxani mwemo munaveleliwa kobiri, mwasiwa tchi kobiri iguliwena sangiri.>> 7Kagamanle tchokotchelavo zela kobirile, kohoumbuwelaga zelru, aliwa tukula kobirile, dowa gulana munda mmohi eriwa Munda wa Namaomba Jombwe ira akale masiye owakoyamo atu oza. 8Nona mundole fiyeda peno unaitaniwa Munda wa Sangiri. 9Mwa enne kohokwakwanela mazu anno awongile namafiyiheda Jeremiya oira: <<Kohotukula kobiri 30 da parata, peresu yenno yagarateliwe na Ana Izarayeli angasi angasi ira liye aguliwena, 10aliwa dowa gulana munda wa Namaomba jombwe, nnga mwemo mwadirumele Nabwiya.>>#27:10 aliwa dowa gulana munda wa Namaomba jombwe: Mazwala analingana na miselu nnafwanyeya Zakariya 11:12-13; Jeremiya 19:1-13, 32:6-9.
Yesu agali vamentoni va Pilatu
Markuji 15:2-5; Lukaji 23:1-5; Juwawu 18:33-38
11Yesu agavahediwe mmandani mwa governadore Pilatu, kohomuimelihaga vamentoni vaye. Evale Pilatu ohonfukaga eraga: <<Kodi weyo uli Mwene wa aJudewu?>> Evale Yesu ohowakulaga eraga: <<Nyo gunawonga eni.>> 12Nomala eno, andimuwa a anamakuta vamohi na andimuwa a aJudewu ale kohoroma munukeda Yesu jengo jidjindji, mbwenye liye kawakunlegeve yengo. 13Mwa enne Pilatu ohonfukaga, liye ira: <<Kodi weyo kunavwa jengo jatene jeji jinaunukeda atu ji?>> 14Yesu mbwenye kamuwakunlege nne yofuka imohi yanfuka governadore ule zela mulandu uli watene kamunukeda atu. Evale mulombwana Pilatu ohoroma tikiniheya.
Yesu ohotongiwa ira apiwe
Markuji 15:6-15; Lukaji 23:13-25; Juwawu 18:38b-19:16
15Fwanyeya ira yafiya Pwando ya Mavirelo nnga yenno yanna atu, governadore ule ohokana yolemelela yaye yomukutcha munyakadeya wenno anamwindji kafuna atu musakulra. 16Eto jaireya atu enne, mukadeya mule mohokala mutu mmohi oiziweya bure, aitaniwa Baraba. 17Mwa enne atwale kagalive ogumanene evale, Pilatu ohafukaga eraga: <<Nnga nyo munafuna ira dimukutche ani? Dimukutche mulombwana Baraba, owu dimukutche Yesu, wenno unaitaniwa Namatikeliwa?>> 18Pilatu awongele eno mwasiwa liye ohoiziwa ira atwale kamusumenle Yesu na mwasa wa nrima bahi. 19Eto fwanyeya ira mulombwana Pilatu agalive nimburo notonga nenne ogaratene, muhiyanaye ohorumihaga milanyo na atu amohiwa ira: <<Mutu wapama uyo kumuirele yabure, umuhiye. Mwasiwa miyo peno morohani dihizuzuma valukulu na mwasa wa mulombwana wenno!>>
20Mbwenye andimuwa a anamakuta vamohi na andimuwa a aJudewu ale, kohatujaga anamwindjale ira kamusakulre mulombwana Baraba akutchiwe eto Yesu apiwe. 21Mwa enne governadore ule ohowelela afuka anamwindji eraga: <<Kodi mwa atu ambinli ala, ofwanelela munanfuna nyo ira dimukutche guvi?>> Aliwa kohowakulaga, aliwa kwi: <<Nnafuna munkutche mulombwana Baraba!>> 22Pilatu ohafuka akoka eraga: <<Nnga damukutcha mulombwana Baraba, Yesu wenno unaitaniwa Namatikeliwa, dimuirena avi?>> Atene kohoiraga: <<Akomeliwe vamuradini!>> 23Evale Pilatu ohafuka eraga: <<Mulombwanola kodi unafwanyeyana mulandu nni?>> Mbwenye aliwa kokuwagave na mazu olimbiha keragave: <<Kamukomeleni vamuradini!>>
24Mwa enne mulombwana Pilatu agaonne ira kawanda agondjiha anamwindjale na jowonga jaye eto na mwasa oira madugudugu kerave simbwa, ohotukula mahindje, liye hambamo mandaye vamentoni va anamwindji atene kaing'anaga, liye awandela eraga: <<Miyo kadinnavo yaga veva zela sangiri na mulombwanola. Unafuna rumelela sangiri naye gu nyenne nyoka!>> 25Noira enne, mwindji watene kohowakulaga keraga: <<Sangiri na mutula, nikale na hiyo vamohi na ahimihu!>> 26Evale Pilatu ohomukutcha Baraba nnga mwafunela atu. Evale ohoruma ira Yesu awaxuliwe. Agawaxuliwe, Pilatu oharuma anyakondwaye eraga: <<Tiyeni, mwankomele vamuradini!>>
Anyakondo kohompeta Yesu
Markuji 15:16-20; Juwawu 19:2-3
27Mwa enne anyakondo a governadore kohomutukulaga Yesu, aliwa mudowana palasiyo ya governadore, aliwa agumaniha anyakondo afwiwa, atene aliwa murindja, muhela vari. 28Kohomuwungulaga jowara jaye jile, aliwa muwariha kapa yofila yagali youmbuwela. 29Noira enne, koholuwaga kara ya minga, aliwa muwariha mmuruni mwaye eto kohomuhidedihaga murere mmandani mwaye, muwono odjana. Evale kohodowaga, aliwa nkokorelaga eto kampetaga keraga: <<Mwene wa aJudewu oye! Oye! Mwene wa aJudewu oye! Oye!>> 30Evale komutapelaga mare. Noira enne, kohomuwakaga murere kamuhidedihile atu ule, aliwa roma nkomagana mmuruni. 31Nomala mpeta eno, kohomuwungula kapa ile, aliwa muwariha jowara jaye. Evale kohomutukulaga, aliwa mudowagana ira kankomele vamuradini.
Komeliwa wa Yesu vamuradini
Markuji 15:21-32; Lukaji 23:26-43; Juwawu 19:17-27
32Mwa enne aliwa kamudowagana nimburo nafuna atu dowa mukomela nne, kohongumanana mulombwana mmohi eni nkuda Sirene aitaniwa Simawu. Kaganfwanyile mulombwanole, kohomukanyihedaga, aliwa mutukuliha muradi wenno afuna komeliwavo Yesu. 33Evale kohofiya nimburo naitaniwa Gologota. Gologota ku wonga Nimburo na Nigaragazu na mutu.#27:33 Gologota ku wonga Nimburo na Nigaragazu na mutu: Mutu aimela olapela wene, nimburo na Gologota naoneya nnga nigaragazu na mutu. Nali eto nimburo napiwetcha atu. 34Kagafiyile wewule, kohotukulaga vinyu ogumaniha na jimohi jiwa johoziva pama, aliwa nvaha ira ang'we. Mbwenye funa nvaha Yesu, agalawihile vang'onove kang'wilege. 35Evale aliwa kagamanle mukomela vamuradini, kohoganaga jowara jaye muwari mosakanya jogu ya ngari.#27:35 jogu ya ngari: Makalelo a jogu ya ngari kohoindjiva. Makalelo kajogarile atu, kaniiziwile. Makalelo amohi, analremba mazina a atu atene vapapelini, kada mutu papeli naye naye. Aliwa ahela mapapeli matene musakwini. Nomala eno, aliwa kutchakutcha, landa papeli nimohi. Ule afwanyeya agalrembiwevo, gwenno aganyalri. Ku wonga jogu ya ngari. Voira makalelo a jogu ya ngari kohoindjiva, kaniiziwile makalelo kajogarile atu. Aliwa kaganaga jowara jaye muwari mwa jogu, kakwakwanelihedile mazu awongile namafiyiheda wa wanle oira: <<Kohogana jowara jaga. Eto kohotukula kamizaga, aliwa sakanya jogu ya ngari!>> (Salmu 22:18) 36Noira enne, kohogaratigi vevale, aliwa muing'anelaga. 37Mwa enne kohotukula isi tabwa, aliwa lrembavo muselu kamutongilena atu oira: ULA GU YESU, MWENE WA AJUDEWU. Kagalrembile eno, kohodowa aliwa komela vazulu va muradi vale, muruni waye.
Petiwa wa Yesu agakomeliwe vamuradini
38Kohokalawo eto ambava ambinli kakomeliwe vamohi na Yesu, mmohi ikukuru ya muwononi odjana, mmohiwa ikukuru ya muwononi oromana, Yesu afwanyeya vari. 39Mwa enne atu kaviraga mundila kohoromaga mpeta Yesu, kawuzuzaga miru diwa kamuruwanaga keraga: 40<<Kahi wenne wawongetcha ira unowanda bwanyula Nyumba ya Yehova eto umange muwari mwa malambo mararu bahi? Kavivune eto! Eto akala uli Mwana Mulugu, katita vamuradini vili we vo!>> 41Na makalelo amohive kohokalawo eto andimuwa a anamakuta na anamafundjiha malamulo na andimuwa a aJudewu kazile, roma mpetaga Yesu kawongaga keraga: 42<<Uluwole, gwenno aavulumutchetcha atu oindjiva. Peno eto kanawanda vivulumutcha. Akala liye gu Mwene wa aIzarayeli, atite vamuradini vili liye vale tchineneva. Atita, hiyo nnomuroromela. 43Liye eto amunyindela Mulugu eto awongetcha ira: <Miyo dili Mwana Mulugu.> Akala Mulugu unonfuna, Mulugu akale wenno unafuna nvunela tchineneva.>> 44Eto ambava ambinli kakomeliwe vamohi na Yesu ale, na aliwene kohoromaga mpeta na makalelo amohive.
Kwa wa Yesu
Markuji 15:33-41; Lukaji 23:44-49; Juwawu 19:28-30
45Noira enne, wohozaga isi ilukulu ilambo yatene, romela pandi ya 12 ora fiyeda 15 ora. 46Mwa enne yagafiyile pandi ya 15 ora ile, Yesu ohowongaga na mazu okuwa eraga: <<Eli, Eli, lama sabatani?>> Yenno inatapulela: <<Mulugu waga, Mulugu waga, mudihiyele nni?>>
47Agairile enne, atu kaligi evale, kaganvwile eraga: <<Eli, Eli>>, mohoiziwa yengo tchivi, kohowongaga ira: <<Unamuitana Eliya.>> 48Evale mutu mmohi ohotamangaga, dowela ntondje,#27:48 ntondje nnawongiwa va, na izugu anaitana esponja. liye nyetiha na vinyu ohokala pama nnga vinagere, liye hela murereni, dowa nvaha Yesu ira ang'we. 49Afwaye amohi mbwenye kohowongaga keraga: <<Kamuhiyeni, nimuone akala Eliya unamuitana liye unoza anvulumutche!>> 50Noira enne, Yesu ohowelela wonga akoka no kuwa undimuwa,#27:50 Yesu ohowelela wonga akoka no kuwa undimuwa: Kuwa owelela unawongiwa eva kiiziweyile pama yawongile liye. So mbwenye nafwanya Lukaji 23:46 nnofwanya mazu oira Yesu ohokuwaga molimbiha eraga: <<Babani nnovelela muzimu waga mmandani mwinyu!>>: Awongaga eno ali vuma waye wogomiheda, noira enne ku mariheya wene. liye velela muzimu waye.
51Mwa tempu yenne yakwa Yesu kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati.#27:51 kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati: Tapulela Mulugu gwakawunle kurtina ile. Tchoira malambo a mundulrimu mutu wa burebure kafiya hela wa kurtina ile. Afiyawo akala mundimuwa wa anamakuta. Eto va kada yaka, mundimuwa wa anamakuta ule afiyawo fendo imohi bahi. Eto liye afunaga dowa wewule ababiha velela mukuto wa mwanainyama. Mulugu akawulaga kurtina ile, tapulela ira muwari mwa ukwa wa Yesu, mutu unowanda wandana na Mulugu. Eto yatapulela ira jejo jairetcha atu kapaga anavinyama, kavelelaga mukuto wa anavinyama ira kakurumuweliwe jotega jiwa, jatene ejo jihimala. Eto ilambo yatene yohoinainaga eto mabwe kohotweyaga. 52Masiye kohuleyaga eto atu adjindji otchenihiwa kakwile, kohovenyaga mokwani. 53Yesu agavennye mokwani, atu kavenyile mokwani ale kohodowa sidadi yotchenihiwa ya Jeruzalemu, aliwa akumelelaga atu adjindji.
54Fwanyeya ira mundimuwa wa anyakondo vamohi na anyakondo afwaye atene kamuing'anelaga Yesu, kagaonne indarandara ya ilambo vamohi na jatene jaireyaga, kohorendjeyaga valukulu, aliwa roma ova eto kohowongaga keraga: <<Mutula, mwa ibaribari ali Mwana Mulugu.>>
55Eto vevale vohokalaga ahiyana adjindjene kamukamihedetcha, anno kamuharile Yesu kuma Galileya. Ahiyanale koing'anaga vevo vakomeliwe Yesu, kagali olapela wene. 56Muwari mwa ahiyanale, vofwanyeyaga Mariya nkuda Madala, Mariya mmaye Tiyagu na Joze, vamohi na mwadi Zebedewu.
Koyiwa wa Yesu
Markuji 15:42-47; Lukaji 23:50-56; Juwawu 19:38-42
57Mwa enne nzuwa niviraga, ohokalawo namamuhara wa Yesu mmohi wenno ali orayela, wa sidadi ya Arimateya, aitaniwa Joze. 58Liye ohodowaga wa Pilatu, nvepa ira amurumelihe maningo a Yesu. Noira enne, Pilatu ohomurumelihaga ira atukule. 59Mwa enne mulombwana Joze ohovenyaga, liye dowa tukula maningo a Yesu, liye bulruwalri na nguwo yofulriwa pama, yosakanyiwa na usalru wapama,#27:59 nguwo yofulriwa pama, yosakanyiwa na usalru wapama: Nguwo yampitikelrelrena atu yali yosakanyiwa na mwana yomela imohi inaitaniwa linho na izugu. Nguwo yosakanyiwa na yomela yenno, inakala nguwo yapama kwaranya nguwo dimohi diwa. 60liye dowa mukoya nifukweni nafuna liye koyiwa, wewo wali wahanarome koyiwa mutu. Nifukwe namukoyile liye nne nali nifukwe natimbihile liye nibweni. Mwa enne agamukoyile wewule, ohopingiritchaga nibwe nlukulu, liye dowa funganawo. Noira enne, ohomaruwa, liye dowaga. 61Mbwenye Mariya nkuda Madala vamohi na Mariya mmohiwa ule, kohodowaga, aliwa garati sogolro wa nifukwe nne.
Agwarda oing'anela masiye wewo wakoyiwe Yesu
62Mmetcheloni muwa, ku wonga nagavirile siku nosakanyeda jatene ja sabado, andimuwa a anamakuta vamohi na aFarizewu kohogumanelaga vamentoni va Pilatu. 63Aliwa kwi: <<So Governadore, hiyo nihiumbuwela yengo imohi. Maliba nyenga ule ahanakwe, ohowonga ira: <Siku naneraru, nnovenya mokwani!> 64Mwa eno, inafwanela mwaarume atu ira kadowe kaing'anelege pama nifukwe nne, fiyeda malambo mararu. Tawiha ira anamamuharaye anavenye, kadowe kabe maningo aye ale, kakuma evo kaawandelege atu ira: <Uhuvenya mokwani.> Eto jaireya eno, yonama yenno inokala ilukulu kwaranya yonama yoroma ile!>> 65Evale mulombwana Pilatu ohowongaga eraga: <<Mwaatukule anyakondo ala ira mudowe mwaing'anelege nifukwe nne na makalelo nnga muiziwile nyo!>>
66Mwa enne kohodindaga nibwe nafungana atu nifukweni ule#27:66 kohodindaga nibwe nafungana atu nifukweni ule: Makalelo odinda nibwe anawongiwa va, aliba dinda kohokana karimbu ya momba. Evale atu kotukula ulongo wa vang'ono, aliwa tchakatcha, aliwa pomavo vogumana nibwe na kaxilu. Aliwa tukula karimbu, aliwa finyana ulongo ira kagakumihilevo karimbu ile, ihale sinale. Sinale yenno yatapulela ira unafuna mexeri nibwe nne unammexeri wenno uhenlevo karimbu ile. Muwari moira anyakondo ale kadindihilevo na karimbu ya Pilatu, ku tapulela kalivo afuna kana zelru dohulavo tawiha ira Pilatu unaze ampe. eto kohahiyawo agwarda ira kaing'anelege nifukwe nne.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral