Matewuji 25
25
Yofwalrafwaniha ya anamwali kumi
1Evale Yesu ohowongaga eraga: <<Umwene wa zulu unaza ulingane na anamwali kumi kali kahanaagonena alombwana, anno katukunlege panti diwa kadowaga ira kagumane na muteli wa mulombwana, kamuwatchele vamateloni.#25:1 kadowaga ira kagumane na muteli: Muwari mwa yofwalrafwaniha ila, anamwali ale mabasiwa ali ira kadowe kangumanena muteli wa mulombwana mundila, kanvelele na panti diwa ante wafuna atu dja pwando ya matelo, kavolowe vamohi na liye. 2Muwari mwa anamwali kumi ale, atanu kali ovuta, amohiwa atanu kali okana zelru. 3Aliwa kamaruwaga, kohotukula panti diwa. Anamwali atanu ovuta ale tchatukunle makura amohiwa okoyela. 4Mbwenye anamwali atanu a zelru ale, kadowaga kohotukulaga panti diwa eto kohotukulaga magarafwa a makura okoyela. 5Evale aliwa kagadowile muing'anela muteli, liye ododomaga, kawandaga zawo. Mwa enne atene kohokagana kove, aliwa roma gona. 6Kagonaga, vari va mahiyu kohovwaga kuwa ira: <Muteli unaza! Venyani mudowe mwagumane na liye!> 7Mwa enne anamwali kumi ale kohovenyaga, aliwa roma sakanyeda panti diwa. 8Evale anamwali ovuta ale kohowongaga na anamwali a zelru ale keraga: <Nnauvepani ira munivahemo makura enyu, mwasiwa panti dihu nnatima.> 9Mbwenye anamwali a zelru ale kohawakulaga afwiwa ale keraga: <Nari. Mwasiwa makura ninna hiyo kinakwakwana ira niwande uvahanimo, amala kahalemo ehu! So mbwenye nyo venyani mudowe wa atu anne anaguliha ira mwagule.>
10<<Evale anamwali ovuta ale kohomaruwaga ira kadowe kagule. Fwanyeya ira aliwa kagadowile gula makura, tchi tempu yafiyaga muteli. Mwa enne anamwali kali okozeyene ale kohovolowaga vamohi na muteli mpwandoni ya matelo. Evale mulango ohofungiwa! 11Noira enne, pafiyaga anamwali amohiwa atanu ale, aliwa wongaga keraga: <Nabwiya, Nabwiya, kanihuleleni mulango ira nivolowe!> 12Liye mbwenye ohawakulaga eraga: <Na ibaribari nnouwandelani ira miyo kaduiziwileni!> >>#25:12 miyo kaduiziwileni: Mazwala anatapulela ira kahi atene anawenda vamohi na atu omuroromela Yesu anafwanyeya kagali atu oiziweya na Mulugu. Kohokalawo anawenda mowareyani eto kahannave makura. Ku wonga anawenda na mazu a Mulugu mbwenye mmirimani mwiwa aliwa kinna Munemba Otchena. Agali atene kawendetcha vamohi, Mulugu ohowanda axefwa ale kafwanyeya kagali a ibaribari na aliba saziha. Zela ibaribari ira atu omuroromela Yesu a ibaribari anokala oimelene fiyeda magomelo, nione eto Eberewu 3:6,14.
13Yesu agamanle wonga enne ohomarihaga eraga: <<Na nyenne inafwanela muing'anelege mwasiwa kamuiziwile oriwa, nne siku nnafuna za Mwana wa Mutu.
Yofwalrafwaniha ya anamalaba araru
Lukaji 19:11-27
14<<Mwasiwa jinaza jiireye nnga mundimuwa mmohi anna ulrendo odowa ilambo imohiwa. Liye ahanamaruwe ohaitaniha anamalabaye, liye ahiyeda jorayela jaye. 15Mutu mmohi anvahile kobiri tanu da talentu.#25:15 talentu: Talentu tchi kobiri yalabetchana atu tempu yenno. Talentu imohi bahi tchi kobiri yafuna mutu vahiwa agamanle laba mmindani mwa nfwaye yaka 15. Ku wonga masiki wenno avahiwe talentu imohi bahi, kobiri yavahiwe liye yali kobiri ilukulu yohokala ya masika. Mmohiwa anvahile talentu mbinli, mmohiwa anvahile talentu imohi. Anvahile kada mutu zela makalelo anna liye owendiha kobiri. Agamanle avaheda kobiri dile, ohovenyavo. 16Namalaba wenno avahiwe kobiri tanu ule, ohotukulaga kobiri dile, liye roma sakanyana malronda. Mwa enne ohopamo kobiri dimohi diwa tanu. 17Eto nfwaye mmohiwa avahiwile kobiri mbinli ule, ohoroma sakanyana malronda, liye patamo kobiri dimohi diwa mbinli. 18Mbwenye ule avahiwile kobiri imohi, ohotimbela vati kobiri yavahiwe liye ile.
19<<Mwa enne vagamanle tempu ilukulu, patarawu wa anamalaba ale ohozaga ira amuone kada mutu makalelo alabile liye na kobiri daye. 20Mwa enne aromilege ali wenne avahiwe kobiri tanu, liye zana kobiri dimohi diwa tanu, hiya dedile damuhiyedile atu. Liye kwi: <Patarawu, miyo dagahanle na kobiri tanu mwadivahile nyo dile, dihiwanda patamo kobiri dimohi diwa tanu. Ti di!> 21Evale patarawu ule ohowakula eraga: <Uhusakanya pama. Weyo uli namalaba wapama eto ororomeleya. Na mwasa okala ororomeleya mwa jengo ja vang'ono dauhiyedile miyo, nnouhela weyo ira uwendihe malronda malukulu. Kaza uvolowe mmba muno, udje pwando vamohi na miyo mbwiyawo!>
22<<Evale namalaba wenno avahiwe kobiri mbinli ule, na liyene ohozagana kobiri dimohi diwa mbinli, liye wonga eraga: <Patarawu, miyo dagahanle na kobiri mbinli mwadivahile nyo dile, dihiwanda patamo kobiri dimohi diwa mbinli. Ti di!> 23Evale patarawu ule ohowakula eraga: <Uhusakanya pama. Weyo uli namalaba wapama eto ororomeleya. Na mwasa okala ororomeleya mwa jengo ja vang'ono dauhiyedile miyo, nnouhela ira uwendihe malronda malukulu. Kaza uvolowe mmba muno, udje pwando vamohi na miyo mbwiyawo!>
24<<Vogomiheda azilege ali wenne atambilrile kobiri imohi. Liye agazile ohowongaga eraga: <Mbwiyeni, miyo dere vayela uiziwani ira muli mutu orutcha, nyo munohanda vahazanle nyo eto munodula vevo vahaokile nyo mbewu. 25Mwa eno, na mwasa ouovani, kobiri imohi mwadivahile nyo ile miyo dere tukula, dowa timbela vati. Kobirinyu ila.> 26Evale patarawaye ule ohomuwakulaga eraga: <We namalaba wabure eto olramwisa we. Akala weyo wohomala iziwa ira miyo nnohanda munda wenno wahazanle miyo eto nnodula vevo vahaokile miyo mbewu, 27weyo wogotukula kobiraga udowe wahele banko ira miyo dazaga, diwatchele mowendjededeya na juru!>#25:27 juru ku wonga akala wabolihile 50, unamuweliheda mowendjededeya, akala 70, nari 80, malringana na makalelo munafuna nyo vwanana, no indjiva wa malambwiwa. 28Evale ndimuwole ohawongana anamalabaye amohiwa ira: <Kamuwakeni kobiri imohi inafwanyeyana liye iyo, mudowe mwanvahe mulombwana wenne unafwanyeyana kobiri kumi. 29Tchoira mutu wenne unna, gunafuna vahiwave, liye wendjedeyagave. Mbwenye ule ahanna, eto mwa yengo ya vang'ono yenno inna liye unoza awakiwe. 30Mmutukule namalaba ohokana mabasa ula, munvokede unde isini, wewo unakala nla no takuna meno.>#25:29-30 ule ahanna, eto mwa yengo ya vang'ono yenno inna liye unoza awakiwe: Mazwala anawonga yengo imohive na ja anamwali kumi. Tapulela ira kohokalawo anaoneya nnga ba ibaribari mbwenye kahali. Kohokalawo analaba ja patarawu eto kohokalawo kahanalaba mbwenye eto kawendaga na afwiwa olaba. Aliwa mbwenye anaza katatileliwe unde mwasiwa kinna pandi na patarawu.
Matongelo ogomiheda
31<<Eto Mwana wa Mutu azaga na undimuwa waye, vamohi na angelro atene, liye unoza agarati mpando waye mundimuwa wa umwene. 32Eto atu a malogo matene anoza kagumanihiwe vamentoni vaye. Mwa enne liye unoza ammwalanihege mutu mmohi na mutu mmohiwa, nnga jinaira namakumbuza amwalanihaga mabila na mbuzi. 33Unoza atukule mabila ahele muwononi waye odjana, mbwenye mbuzi unoza ahele muwononi waye oromana. 34Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo. 35Mwasiwa miyo dohokana ndala eto nyo mohodivaha yodja, dohokana ntona eto nyo mohodivaha yong'wa. Miyo dali mulendo mbwenye nyo mohodiwatchela mmavande mwenyu. 36Miyo dali mandave eto nyo mohodiwariha, dali murenda eto nyo mohoza dipanda. Miyo dali mukadeya, mbwenye nyo mohoza diona!> 37Evale atu apama ale anoza kanfukege keraga: <Nabwiya, kodi siku tivi nauonnegeni hiyo mwaganna ndala niza nuvahani yodja? Nari siku tivi mwannaga nyo ntona, hiyo nuvahani mahindje mung'wa? 38Nnga siku tivi mwali nyo mulendo, hiyo nuwatchelani mudowa vande vihu, nari siku tivi mwaligi nyo mandave hiyo nuwarihani? 39Nari siku tivi mwaligi nyo murenda nari mukadeya hiyo niza nupandani?> 40Evale Mwene ule unoza awakulege eraga: <Na ibaribari nnouwandelani ira jengo jatene jaaireletcha nyo abalaga ang'onong'ono, jejile mwadiireletcha miyo!>#25:40 jengo jatene jaaireletcha nyo abalaga ang'onong'ono… jejile mwadiireletcha miyo: Mazwala ananiwandela ira upama watene unafuna hiyo muirela nfwihu omuroromela Yesu, vamentoni va Yesu, liye unaona ira nnamuirela liye. Nona inafwanela mutu amuirelege nfwaye molingana na makalelo afuna liye muirela Yesu.
41<<Era eno unoza awongege na atu anne anaze kakale ikukuru ya muwononi waye oromana, ira: <Kakumanivo vali miyo va, nyo atu otembelrelreya nyo, mudowege munloni ohokana goma uwa, wenno asakanyediwe para Diyabo vamohi na angelro aye. 42Mwasiwa miyo dohokana ndala, nyo kamwadivahile yodja, dohokana ntona, nyo kamwadivahile mahindje ding'wa. 43Miyo dali mulendo, kamwazile diwatchela. Dali mandave, kamwadiwarihile. Dali murenda nari dali mukadeya nyo kamwazile dipanda.> 44Evale aliwa anoza kanfukege keraga: <Nabwiya, kodi siku tivi nauonnegeni hiyo nyo mwaganna ndala, nari ntona, nari mwagali mulendo, nari mwagali mandave, nari mwagali murenda, nari mwagali mukadeya eto hiyo nahaukamihedani?> 45Evale liye unoza awakule eraga: <Na ibaribari nnouwandelani ira tempu yenne mwaalramwisetcha nyo atu amohiwa muwari mwa abalaga ang'onong'ono ala, mwadilramwisetcha miyo!>#25:45 mwadilramwisetcha miyo: Mazwala ananiwandela ira akala uhukalawo mutu unamuroromela Yesu, aroma alramwisa abalaye omuroromela Yesu, inafwanela aiziwe ira unamulramwisa mwinnyiwene Yesu. 46Jaireya enne, aliwa anoza kadowe matongiwelo, wewo unafwanyeya goyi yohomala.#25:46 aliwa anoza kadowe matongiwelo, wewo unafwanyeya goyi yohomala: Fwanyeya ira nafundja mazu a Mulugu, mazu kinanifundjiha ira mutu ohomuroromela Mulugu atongiwa tongiwa ogomiheda unoza atumeyiwe, amala agome eno, nari. Mazu ananiwandela ira goyi da atu atene ohomuroromela Yesu nnoza dikale goyi dohomala. Nione Matewuji 25:46; Juwawu 5:29; 2 Tesalonika 1:9; Juda 1:7; Jowandeliwa 14:11. Mbwenye atu apama anoza kadowege ingumini yohomala.>>
ទើបបានជ្រើសរើសហើយ៖
Matewuji 25: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 25
25
Yofwalrafwaniha ya anamwali kumi
1Evale Yesu ohowongaga eraga: <<Umwene wa zulu unaza ulingane na anamwali kumi kali kahanaagonena alombwana, anno katukunlege panti diwa kadowaga ira kagumane na muteli wa mulombwana, kamuwatchele vamateloni.#25:1 kadowaga ira kagumane na muteli: Muwari mwa yofwalrafwaniha ila, anamwali ale mabasiwa ali ira kadowe kangumanena muteli wa mulombwana mundila, kanvelele na panti diwa ante wafuna atu dja pwando ya matelo, kavolowe vamohi na liye. 2Muwari mwa anamwali kumi ale, atanu kali ovuta, amohiwa atanu kali okana zelru. 3Aliwa kamaruwaga, kohotukula panti diwa. Anamwali atanu ovuta ale tchatukunle makura amohiwa okoyela. 4Mbwenye anamwali atanu a zelru ale, kadowaga kohotukulaga panti diwa eto kohotukulaga magarafwa a makura okoyela. 5Evale aliwa kagadowile muing'anela muteli, liye ododomaga, kawandaga zawo. Mwa enne atene kohokagana kove, aliwa roma gona. 6Kagonaga, vari va mahiyu kohovwaga kuwa ira: <Muteli unaza! Venyani mudowe mwagumane na liye!> 7Mwa enne anamwali kumi ale kohovenyaga, aliwa roma sakanyeda panti diwa. 8Evale anamwali ovuta ale kohowongaga na anamwali a zelru ale keraga: <Nnauvepani ira munivahemo makura enyu, mwasiwa panti dihu nnatima.> 9Mbwenye anamwali a zelru ale kohawakulaga afwiwa ale keraga: <Nari. Mwasiwa makura ninna hiyo kinakwakwana ira niwande uvahanimo, amala kahalemo ehu! So mbwenye nyo venyani mudowe wa atu anne anaguliha ira mwagule.>
10<<Evale anamwali ovuta ale kohomaruwaga ira kadowe kagule. Fwanyeya ira aliwa kagadowile gula makura, tchi tempu yafiyaga muteli. Mwa enne anamwali kali okozeyene ale kohovolowaga vamohi na muteli mpwandoni ya matelo. Evale mulango ohofungiwa! 11Noira enne, pafiyaga anamwali amohiwa atanu ale, aliwa wongaga keraga: <Nabwiya, Nabwiya, kanihuleleni mulango ira nivolowe!> 12Liye mbwenye ohawakulaga eraga: <Na ibaribari nnouwandelani ira miyo kaduiziwileni!> >>#25:12 miyo kaduiziwileni: Mazwala anatapulela ira kahi atene anawenda vamohi na atu omuroromela Yesu anafwanyeya kagali atu oiziweya na Mulugu. Kohokalawo anawenda mowareyani eto kahannave makura. Ku wonga anawenda na mazu a Mulugu mbwenye mmirimani mwiwa aliwa kinna Munemba Otchena. Agali atene kawendetcha vamohi, Mulugu ohowanda axefwa ale kafwanyeya kagali a ibaribari na aliba saziha. Zela ibaribari ira atu omuroromela Yesu a ibaribari anokala oimelene fiyeda magomelo, nione eto Eberewu 3:6,14.
13Yesu agamanle wonga enne ohomarihaga eraga: <<Na nyenne inafwanela muing'anelege mwasiwa kamuiziwile oriwa, nne siku nnafuna za Mwana wa Mutu.
Yofwalrafwaniha ya anamalaba araru
Lukaji 19:11-27
14<<Mwasiwa jinaza jiireye nnga mundimuwa mmohi anna ulrendo odowa ilambo imohiwa. Liye ahanamaruwe ohaitaniha anamalabaye, liye ahiyeda jorayela jaye. 15Mutu mmohi anvahile kobiri tanu da talentu.#25:15 talentu: Talentu tchi kobiri yalabetchana atu tempu yenno. Talentu imohi bahi tchi kobiri yafuna mutu vahiwa agamanle laba mmindani mwa nfwaye yaka 15. Ku wonga masiki wenno avahiwe talentu imohi bahi, kobiri yavahiwe liye yali kobiri ilukulu yohokala ya masika. Mmohiwa anvahile talentu mbinli, mmohiwa anvahile talentu imohi. Anvahile kada mutu zela makalelo anna liye owendiha kobiri. Agamanle avaheda kobiri dile, ohovenyavo. 16Namalaba wenno avahiwe kobiri tanu ule, ohotukulaga kobiri dile, liye roma sakanyana malronda. Mwa enne ohopamo kobiri dimohi diwa tanu. 17Eto nfwaye mmohiwa avahiwile kobiri mbinli ule, ohoroma sakanyana malronda, liye patamo kobiri dimohi diwa mbinli. 18Mbwenye ule avahiwile kobiri imohi, ohotimbela vati kobiri yavahiwe liye ile.
19<<Mwa enne vagamanle tempu ilukulu, patarawu wa anamalaba ale ohozaga ira amuone kada mutu makalelo alabile liye na kobiri daye. 20Mwa enne aromilege ali wenne avahiwe kobiri tanu, liye zana kobiri dimohi diwa tanu, hiya dedile damuhiyedile atu. Liye kwi: <Patarawu, miyo dagahanle na kobiri tanu mwadivahile nyo dile, dihiwanda patamo kobiri dimohi diwa tanu. Ti di!> 21Evale patarawu ule ohowakula eraga: <Uhusakanya pama. Weyo uli namalaba wapama eto ororomeleya. Na mwasa okala ororomeleya mwa jengo ja vang'ono dauhiyedile miyo, nnouhela weyo ira uwendihe malronda malukulu. Kaza uvolowe mmba muno, udje pwando vamohi na miyo mbwiyawo!>
22<<Evale namalaba wenno avahiwe kobiri mbinli ule, na liyene ohozagana kobiri dimohi diwa mbinli, liye wonga eraga: <Patarawu, miyo dagahanle na kobiri mbinli mwadivahile nyo dile, dihiwanda patamo kobiri dimohi diwa mbinli. Ti di!> 23Evale patarawu ule ohowakula eraga: <Uhusakanya pama. Weyo uli namalaba wapama eto ororomeleya. Na mwasa okala ororomeleya mwa jengo ja vang'ono dauhiyedile miyo, nnouhela ira uwendihe malronda malukulu. Kaza uvolowe mmba muno, udje pwando vamohi na miyo mbwiyawo!>
24<<Vogomiheda azilege ali wenne atambilrile kobiri imohi. Liye agazile ohowongaga eraga: <Mbwiyeni, miyo dere vayela uiziwani ira muli mutu orutcha, nyo munohanda vahazanle nyo eto munodula vevo vahaokile nyo mbewu. 25Mwa eno, na mwasa ouovani, kobiri imohi mwadivahile nyo ile miyo dere tukula, dowa timbela vati. Kobirinyu ila.> 26Evale patarawaye ule ohomuwakulaga eraga: <We namalaba wabure eto olramwisa we. Akala weyo wohomala iziwa ira miyo nnohanda munda wenno wahazanle miyo eto nnodula vevo vahaokile miyo mbewu, 27weyo wogotukula kobiraga udowe wahele banko ira miyo dazaga, diwatchele mowendjededeya na juru!>#25:27 juru ku wonga akala wabolihile 50, unamuweliheda mowendjededeya, akala 70, nari 80, malringana na makalelo munafuna nyo vwanana, no indjiva wa malambwiwa. 28Evale ndimuwole ohawongana anamalabaye amohiwa ira: <Kamuwakeni kobiri imohi inafwanyeyana liye iyo, mudowe mwanvahe mulombwana wenne unafwanyeyana kobiri kumi. 29Tchoira mutu wenne unna, gunafuna vahiwave, liye wendjedeyagave. Mbwenye ule ahanna, eto mwa yengo ya vang'ono yenno inna liye unoza awakiwe. 30Mmutukule namalaba ohokana mabasa ula, munvokede unde isini, wewo unakala nla no takuna meno.>#25:29-30 ule ahanna, eto mwa yengo ya vang'ono yenno inna liye unoza awakiwe: Mazwala anawonga yengo imohive na ja anamwali kumi. Tapulela ira kohokalawo anaoneya nnga ba ibaribari mbwenye kahali. Kohokalawo analaba ja patarawu eto kohokalawo kahanalaba mbwenye eto kawendaga na afwiwa olaba. Aliwa mbwenye anaza katatileliwe unde mwasiwa kinna pandi na patarawu.
Matongelo ogomiheda
31<<Eto Mwana wa Mutu azaga na undimuwa waye, vamohi na angelro atene, liye unoza agarati mpando waye mundimuwa wa umwene. 32Eto atu a malogo matene anoza kagumanihiwe vamentoni vaye. Mwa enne liye unoza ammwalanihege mutu mmohi na mutu mmohiwa, nnga jinaira namakumbuza amwalanihaga mabila na mbuzi. 33Unoza atukule mabila ahele muwononi waye odjana, mbwenye mbuzi unoza ahele muwononi waye oromana. 34Mwa enne mwenole unoza awongege na atu anne anaze kafwanyeyege muwononi waye odjana erege: <Zani, nyo atu orelihiwa na Baba. Zani muwatchele umwene wenno usakanyediwe para nyo roma mapanduwelo a ilambo. 35Mwasiwa miyo dohokana ndala eto nyo mohodivaha yodja, dohokana ntona eto nyo mohodivaha yong'wa. Miyo dali mulendo mbwenye nyo mohodiwatchela mmavande mwenyu. 36Miyo dali mandave eto nyo mohodiwariha, dali murenda eto nyo mohoza dipanda. Miyo dali mukadeya, mbwenye nyo mohoza diona!> 37Evale atu apama ale anoza kanfukege keraga: <Nabwiya, kodi siku tivi nauonnegeni hiyo mwaganna ndala niza nuvahani yodja? Nari siku tivi mwannaga nyo ntona, hiyo nuvahani mahindje mung'wa? 38Nnga siku tivi mwali nyo mulendo, hiyo nuwatchelani mudowa vande vihu, nari siku tivi mwaligi nyo mandave hiyo nuwarihani? 39Nari siku tivi mwaligi nyo murenda nari mukadeya hiyo niza nupandani?> 40Evale Mwene ule unoza awakulege eraga: <Na ibaribari nnouwandelani ira jengo jatene jaaireletcha nyo abalaga ang'onong'ono, jejile mwadiireletcha miyo!>#25:40 jengo jatene jaaireletcha nyo abalaga ang'onong'ono… jejile mwadiireletcha miyo: Mazwala ananiwandela ira upama watene unafuna hiyo muirela nfwihu omuroromela Yesu, vamentoni va Yesu, liye unaona ira nnamuirela liye. Nona inafwanela mutu amuirelege nfwaye molingana na makalelo afuna liye muirela Yesu.
41<<Era eno unoza awongege na atu anne anaze kakale ikukuru ya muwononi waye oromana, ira: <Kakumanivo vali miyo va, nyo atu otembelrelreya nyo, mudowege munloni ohokana goma uwa, wenno asakanyediwe para Diyabo vamohi na angelro aye. 42Mwasiwa miyo dohokana ndala, nyo kamwadivahile yodja, dohokana ntona, nyo kamwadivahile mahindje ding'wa. 43Miyo dali mulendo, kamwazile diwatchela. Dali mandave, kamwadiwarihile. Dali murenda nari dali mukadeya nyo kamwazile dipanda.> 44Evale aliwa anoza kanfukege keraga: <Nabwiya, kodi siku tivi nauonnegeni hiyo nyo mwaganna ndala, nari ntona, nari mwagali mulendo, nari mwagali mandave, nari mwagali murenda, nari mwagali mukadeya eto hiyo nahaukamihedani?> 45Evale liye unoza awakule eraga: <Na ibaribari nnouwandelani ira tempu yenne mwaalramwisetcha nyo atu amohiwa muwari mwa abalaga ang'onong'ono ala, mwadilramwisetcha miyo!>#25:45 mwadilramwisetcha miyo: Mazwala ananiwandela ira akala uhukalawo mutu unamuroromela Yesu, aroma alramwisa abalaye omuroromela Yesu, inafwanela aiziwe ira unamulramwisa mwinnyiwene Yesu. 46Jaireya enne, aliwa anoza kadowe matongiwelo, wewo unafwanyeya goyi yohomala.#25:46 aliwa anoza kadowe matongiwelo, wewo unafwanyeya goyi yohomala: Fwanyeya ira nafundja mazu a Mulugu, mazu kinanifundjiha ira mutu ohomuroromela Mulugu atongiwa tongiwa ogomiheda unoza atumeyiwe, amala agome eno, nari. Mazu ananiwandela ira goyi da atu atene ohomuroromela Yesu nnoza dikale goyi dohomala. Nione Matewuji 25:46; Juwawu 5:29; 2 Tesalonika 1:9; Juda 1:7; Jowandeliwa 14:11. Mbwenye atu apama anoza kadowege ingumini yohomala.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral