Fuɗɗoode 38
38
Habaru Yahuuda e Tamaa
1Wakkati majjum, Yahuuda seenni e mawniraaɓe mum e miiraaɓe mum bo, yahi jooɗoy faa Adullami to gorko gom noddeteeɗo Hira. 2Ton nun Yahuuda yi'i suka debbo Kanaaninkeejo gom, mo baaba mum noddetee Suwa. O ɓaŋi mo, o hawti e makko. 3Debbo on saawi, rimi suka gorko, o noddi mo Eri. 4O saawi kade, o rimi suka gorko, o noddi mo Onan. 5O rimi kade suka gorko, o hokki mo inne Sela. Go debbo on rima Sela, foti Yahuuda na'on faa Kesibu.
6Eri, suka Yahuuda yerimaajo mawnii, Yahuuda ɓaŋani mo debbo noddeteeɗo Tamaa. 7Eri, suka Yahuuda yerimaajo laatake kalluɗo yeeso Joomiraawo, kan acci Joomiraawo wari mo. No Eri maayi, 8Yahuuda wi'i Onan minnyiiko: Nattu e debbo mawniraawo maa, gam keɓanaa mo lenyol hande no sariya yesiri. 9Onan e anni to debbo on rimii fu, suka on laatantaako mo, gam majjum, to oo waalda e debbo on fu, o reƴƴitan nun mani makko e leydi, gam to o heɓan mawniiko lenyol. 10Ko o waɗata on welay Joomiraawo, kan acci kanko bo, Joomiraawo wari mo. 11Yahuuda wi'i esiraawo mum Tamaa: No a laati nun gowniijo, hootu, jooɗoɗaa e wuro baaba maa, faa to suka am Sela mawnii. Gam oo miili der ɓerne makko, to Sela ɓaŋii debbo on, kanko bo o maayan hande no mawniraaɓe makko maayiri. Tamaa hooti wuro baaba mum jooɗoy.
12Waala fina, debbo Yahuuda, laatiiɗo suka Suwa maayii. No Yahuuda jooɗodii gownaaku, hakkillo makko wittoy. Kanko e igo makko Hira, Adullaminkeejo, ɓe jahi Timuna to leeɓi baali makko taƴetee. 13Tamaa bataama no esiiko yahan Timuna gam taƴoygo leeɓi baali mum. 14 Ɗon nun o ɓorti kolte gownaaku, go o etti suddaare#38:14 woɓɓe e wi'a hoomaare o hoomii, o nanditini hoore makko hande kaaruwaajo. O yahi o jooɗii e dammugal Enayimu sera laawol Timuna. Gam o yi'i no Sela mawnii, o hokkaaka mo bo o ɓaŋa mo.
15No Yahuuda yawtata, yi'i mo, miili naa o laati nun kaaruwaajo, gam emo hoomi yeeso makko. 16O ɓattii, o baddi mo o wi'i: Accu mi fukkodoo e maa. Gam o annitay no esiiko nun ɗon. Tamaa ƴami mo wi'i: Ume nun joɓataa am? 17O toontii mo o wi'i: Mi lildoyte bortol be'a diga e hoggo am. Tamaa wi'i: Hokkam taw goɗɗum, mi jogoo, ko tabbitinta a wittaan. 18Yahuuda ƴami mo: Ume jiɗuɗaa mi hokke, ko tabbitinta alkawal men? O toontii mo o wi'i: Hokkam hootande maa, ne inne maa winnaa e mum, e ɓoggol maa, e sawru ŋol jogiɗaa ɗon. O hokki mo ɗum, ɗum fu, go o yahi o fukkodii e makko. Ɗon nun debbo on saawi. 19Tamaa ummii hooti, ɓorti suddaare mum, ɓornii kolte gownaaku.
20Yahuuda lili igo mum Hira Adullaminkeejo yaarana Tamaa bortol be'a ŋol, den o jaɓa gineeji ɗi o ɗalunoo gam tabbitingo o wittaan ɗin. Amma o darti mo o yiitay. 21O ƴami himɓe genni nin, o wi'i: Toy nun debbo kaaruwaajo, gonnooɗo Enayimu ɗoo, jooɗinooɗo e sera laawol ɗoo woni? Ɓe toontii mo ɓe bi'i: Debbo kaaruwaajo walaa e genni ɗoo. 22O witti to Yahuuda o wi'i mo: Mi yiitay mo, himɓe genni nin bo wi'i, debbo kaaruwaajo walaa e genni nin. 23Yahuuda wi'i mo: Accu mo o jogoo ko ɗalan moo mi tan, gam mi lilirii maa bortol be'a ŋol, amma a yiitay mo.
24No waɗi jaka lebbi tati, Yahuuda bataa wi'aa: Tamaa, esiraawo maa waɗii jeenu, faa saawi jaaluuru. O wi'i: Burtinee mo genni, buuɗon mo. 25No o wurtintee genni, o lildi gineeji ɗin to Yahuuda o wi'i: Gooduɗo gineeji ɗii ɗoo nun sawnimmi, daaree, anniton gooduɗo hootande nee ɗoo, e ɓoggol ŋol ɗoo, e sawru ŋol ɗoo. 26No Yahuuda daari ɗi, anniti ɗi, wi'i: Debbo on ɓurii am gooŋa, gam mi ɓaŋanay mo suka am Sela. Ɓaawo mum, Yahuuda meeɗay kade fukkodaago mo.
27No dingol debbo on yottii, ɗum tawi siwtuɓe nun woni e reedu makko. 28Wakkati debbo on jiccii, suka gooto wurtini juunŋo mum. Debbo diminoowo on haɓɓani ŋo gaarawol boɗewol wi'i: Oo ɗoo nun arti wurtii. 29Amma suka on wittini juunŋo mum, go ɗiɗaɓo mum arti wurtii. Ɗon nun debbo diminoowo on wi'i: Noy nun maɓɓitiranɗaa hoore maa laawol hande ninnii? Gam majjum nun o noddaa Peresi. Inne nen filliti nun, maɓɓitingo laawol. 30Ɓaawo mum, ɗiɗaɓo makko, mo juunŋo mum haɓɓanaa gaarawol boɗewol wurtii, go o noddaa Jeera.
ទើបបានជ្រើសរើសហើយ៖
Fuɗɗoode 38: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Fuɗɗoode 38
38
Habaru Yahuuda e Tamaa
1Wakkati majjum, Yahuuda seenni e mawniraaɓe mum e miiraaɓe mum bo, yahi jooɗoy faa Adullami to gorko gom noddeteeɗo Hira. 2Ton nun Yahuuda yi'i suka debbo Kanaaninkeejo gom, mo baaba mum noddetee Suwa. O ɓaŋi mo, o hawti e makko. 3Debbo on saawi, rimi suka gorko, o noddi mo Eri. 4O saawi kade, o rimi suka gorko, o noddi mo Onan. 5O rimi kade suka gorko, o hokki mo inne Sela. Go debbo on rima Sela, foti Yahuuda na'on faa Kesibu.
6Eri, suka Yahuuda yerimaajo mawnii, Yahuuda ɓaŋani mo debbo noddeteeɗo Tamaa. 7Eri, suka Yahuuda yerimaajo laatake kalluɗo yeeso Joomiraawo, kan acci Joomiraawo wari mo. No Eri maayi, 8Yahuuda wi'i Onan minnyiiko: Nattu e debbo mawniraawo maa, gam keɓanaa mo lenyol hande no sariya yesiri. 9Onan e anni to debbo on rimii fu, suka on laatantaako mo, gam majjum, to oo waalda e debbo on fu, o reƴƴitan nun mani makko e leydi, gam to o heɓan mawniiko lenyol. 10Ko o waɗata on welay Joomiraawo, kan acci kanko bo, Joomiraawo wari mo. 11Yahuuda wi'i esiraawo mum Tamaa: No a laati nun gowniijo, hootu, jooɗoɗaa e wuro baaba maa, faa to suka am Sela mawnii. Gam oo miili der ɓerne makko, to Sela ɓaŋii debbo on, kanko bo o maayan hande no mawniraaɓe makko maayiri. Tamaa hooti wuro baaba mum jooɗoy.
12Waala fina, debbo Yahuuda, laatiiɗo suka Suwa maayii. No Yahuuda jooɗodii gownaaku, hakkillo makko wittoy. Kanko e igo makko Hira, Adullaminkeejo, ɓe jahi Timuna to leeɓi baali makko taƴetee. 13Tamaa bataama no esiiko yahan Timuna gam taƴoygo leeɓi baali mum. 14 Ɗon nun o ɓorti kolte gownaaku, go o etti suddaare#38:14 woɓɓe e wi'a hoomaare o hoomii, o nanditini hoore makko hande kaaruwaajo. O yahi o jooɗii e dammugal Enayimu sera laawol Timuna. Gam o yi'i no Sela mawnii, o hokkaaka mo bo o ɓaŋa mo.
15No Yahuuda yawtata, yi'i mo, miili naa o laati nun kaaruwaajo, gam emo hoomi yeeso makko. 16O ɓattii, o baddi mo o wi'i: Accu mi fukkodoo e maa. Gam o annitay no esiiko nun ɗon. Tamaa ƴami mo wi'i: Ume nun joɓataa am? 17O toontii mo o wi'i: Mi lildoyte bortol be'a diga e hoggo am. Tamaa wi'i: Hokkam taw goɗɗum, mi jogoo, ko tabbitinta a wittaan. 18Yahuuda ƴami mo: Ume jiɗuɗaa mi hokke, ko tabbitinta alkawal men? O toontii mo o wi'i: Hokkam hootande maa, ne inne maa winnaa e mum, e ɓoggol maa, e sawru ŋol jogiɗaa ɗon. O hokki mo ɗum, ɗum fu, go o yahi o fukkodii e makko. Ɗon nun debbo on saawi. 19Tamaa ummii hooti, ɓorti suddaare mum, ɓornii kolte gownaaku.
20Yahuuda lili igo mum Hira Adullaminkeejo yaarana Tamaa bortol be'a ŋol, den o jaɓa gineeji ɗi o ɗalunoo gam tabbitingo o wittaan ɗin. Amma o darti mo o yiitay. 21O ƴami himɓe genni nin, o wi'i: Toy nun debbo kaaruwaajo, gonnooɗo Enayimu ɗoo, jooɗinooɗo e sera laawol ɗoo woni? Ɓe toontii mo ɓe bi'i: Debbo kaaruwaajo walaa e genni ɗoo. 22O witti to Yahuuda o wi'i mo: Mi yiitay mo, himɓe genni nin bo wi'i, debbo kaaruwaajo walaa e genni nin. 23Yahuuda wi'i mo: Accu mo o jogoo ko ɗalan moo mi tan, gam mi lilirii maa bortol be'a ŋol, amma a yiitay mo.
24No waɗi jaka lebbi tati, Yahuuda bataa wi'aa: Tamaa, esiraawo maa waɗii jeenu, faa saawi jaaluuru. O wi'i: Burtinee mo genni, buuɗon mo. 25No o wurtintee genni, o lildi gineeji ɗin to Yahuuda o wi'i: Gooduɗo gineeji ɗii ɗoo nun sawnimmi, daaree, anniton gooduɗo hootande nee ɗoo, e ɓoggol ŋol ɗoo, e sawru ŋol ɗoo. 26No Yahuuda daari ɗi, anniti ɗi, wi'i: Debbo on ɓurii am gooŋa, gam mi ɓaŋanay mo suka am Sela. Ɓaawo mum, Yahuuda meeɗay kade fukkodaago mo.
27No dingol debbo on yottii, ɗum tawi siwtuɓe nun woni e reedu makko. 28Wakkati debbo on jiccii, suka gooto wurtini juunŋo mum. Debbo diminoowo on haɓɓani ŋo gaarawol boɗewol wi'i: Oo ɗoo nun arti wurtii. 29Amma suka on wittini juunŋo mum, go ɗiɗaɓo mum arti wurtii. Ɗon nun debbo diminoowo on wi'i: Noy nun maɓɓitiranɗaa hoore maa laawol hande ninnii? Gam majjum nun o noddaa Peresi. Inne nen filliti nun, maɓɓitingo laawol. 30Ɓaawo mum, ɗiɗaɓo makko, mo juunŋo mum haɓɓanaa gaarawol boɗewol wurtii, go o noddaa Jeera.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.