Fuɗɗoode 37
37
1Yaakuubu jooɗake der leydi Kanaana to baaba mum hoɗunoo.
Koyɗaaji Yusufu
2Nani ɗo habaru ɓiɓɓe Yaakuubu. No Yusufu waɗi duuɓi sappo e jeeɗiɗi (17), oo dura baali e be'i, kanko e hawra baabaaɓe makko, sukaaɓe Biliha e Jilipa, rewɓe baaba makko. Yusufu e bata baaba mum haala bonka ka mawniraaɓe mum bati. 3Yaakuubu, noddeteeɗo kade Isira'iila yiɗii Yusufu ɓuri sukaaɓe mum horiiɓe. Gam kanko nun o rimanaa e dottinnaaku makko. O sannyani mo toggoore ne ceede, ne noone feere feere. 4No mawniraaɓe makko yi'i no baaba maɓɓe e yiɗi mo ɓuri ɓe ɓe fu, ɓe banyi mo, ɓe baawataa kade baddugo mo e yidde.
5Nyalaane gom Yusufu hoyɗi go o bati mawniraaɓe makko koyɗool makko o wi'i: 6Kettinee mi bata on koyɗool am ŋol koyɗumi. 7Min e mon, en kaɓɓii kaɓɓe alkamaari deme. Ɗon nun haɓɓere am ummii darii. Go kaɓɓe mon wari filfitii ne e jiccanoo ne. No ɓe nani ka, ɓe banyi mo ɓe ɓeydi. 8Mawniraaɓe makko ƴami mo: A miilu nun hinaa laamanoɗaa men, dawranaa men? Ɓe banyi mo ɓe ɓeydi gam sabbu koyɗaaji makko e boliiɗe makko.
9Ɓaawo mum o hoyɗi kade koyɗool gonŋol. O bati ŋol mawniraaɓe makko o wi'i: Mi hoyɗii kade ji'umi naaŋe e lewru e koode sappo e ɗiɗi wari e jiccanoo am. 10O bati ŋol baaba makko e mawniraaɓe makko. Baabiiko woolani mo wi'i: Ume nun koyɗool maa ŋol ɗon fillitii? Min e inna maa e mawniraaɓe maa, men garan nun men jiccanee? 11Mawniraaɓe makko waɗiri mo nawniraagu, amma baaba makko e jogoo ka ka fu der ɓerne mum.
Yusufu sippaama, yaaraa faa Misira
12Nyalaane gom, mawniraaɓe Yusufu ɓartii mareefuuji baaba mum, yawtiri faa Sikemu. 13Ɗon nun Isira'iila wi'i Yusufu: Hinaa far to Sikemu nun mawniraaɓe maa ɓartiri? War mi lile to maɓɓe. Yusufu wi'i: Too, mi nanii. 14Isira'iila wi'i mo: Yahu daaraa naa ɓee janɗi, naa bo mareefuuji maɓɓe e yanɗi. Den mum bittaa bataa am. Non non Yusufu liliraa diga Heburoni, yahi faa Sikemu.
15Ɗon nun gorko gom fotti mo oo yiiloo der ladde, go ƴami mo wi'i: Ume nun dartataa? 16Yusufu toontii mo wi'i: Mawniraaɓe am nun dartanmi. Sawra batam to ɓe gonii ɓee dura mareefuuji maɓɓe. 17Gorko on wi'i mo: Ɓe eggii diga ɗoo. Gam mi nanii ɓee bi'a, ɓe jawtiran faa Dotani. Yusufu tokki laawol mawniraaɓe mum, tawi ɓe faa Dotani.
18No ɓe kolliri mo diga woɗɗi, diga o yottaaki ɓe taw, ɓe baddi ɓe bara mo. 19Ɓe bi'i hakkune maɓɓe: Mo koyɗaaji men e wara. 20Garee, hanne kan, baren mo, paɗɗen mo e lokooji jorɗi ɗii ɗo gootol mum, bi'en rawaanu ladde nun nyaami mo. Den mum en ji'an no koyɗaaji makko ɗin laatortoo. 21No Rubeni nani ka, darti laawol ŋol daɗinirta Yusufu, wi'i ɓe: To en baree mo. 22Rubeni wi'i ɓe: To on reƴƴitee ƴiiƴam, paɗɗee mo der lokooru jorŋol gonuŋol der ladde yorne ɗoo, to on meemee mo. Gam o yiɗuno nun daɗingo mo diga e juuɗe maɓɓe, den o hoora mo to baabiiko.
23No Yusufu yottii to mawniraaɓe mum, ɓe ɓorti toggoore makko ne ceede, ne noone feere feere ne o ɓornii nen. 24Ɓe etti mo ɓe paɗɗi der lokooru ŋol walaa diyam ŋol.
25Ɓaawo mum ɓe jooɗii ɓee nyaama. No ɓe ɓanti gite maɓɓe, ɓe ji'i jama'aare filooɓe, noddeteeɓe Isuma'iilankeeɓe e tokkontiri, e ƴiwoy Galaadi, e yaha Misira, e roonini jeeloobi mum wardiiji e ɗacce luttooje feere feere, e nebbam luttoojam. 26Ɗon nun Yahuuda wi'i mawniraaɓe mum e miiraaɓe mum: Ume ɗum nafata en to en barii miiraawo men go cuuɗuɗen ka? 27Garee cippiren mo Isuma'iilankeeɓe ɓee ɗoo, to en meemu mo, gam o laati nun miiraawo men, en fu ƴiiƴam gootam nun laatiɗen. Banniraaɓe makko jaɓi ka o bati. 28No Isuma'iilankeeɓe laatiiɓe himɓe leydi Madiyan ɓen yottii, mawniraaɓe Yusufu wurtini mo diga e lokooru jorŋol ŋol, sippiri mo Isuma'iilankeeɓe ɓen ceede cardi laso (20). Go ɓee ɗon yaari mo faa leydi Misira.
29No Rubeni wittoy e lokooru jorŋol ŋol, tawi Yusufu walaa ɗon, serekiti kolte mum gam sabbu biisere ɓerne, 30witti to miiraaɓe mum, wi'i ɓe: Suka on walaa ɗon bo naa! Toy naatanmi jooni? 31Ɗon nun ɓe kiisi ginniiri ɓe etti toggoore Yusufu ɓe moomi ƴiiƴam mayri. 32Ɓaawo mum, ɓe lildi toggoore ne noone feere feere nen to baaba maɓɓe. Ɓe bi'i: A yi'ii ɗoo toggoore ne men tawi e ladde. Daaru naa toggoore suka maa nun ɗon, naa bo to kayre bane. 33No Yaakuubu daari ne, anniti ne, wi'i: Toggoore suka am nun ɗon. Daaru rawaanu ladde nun nyaami mo ɗon. 34O serekiti kolte makko, o taadii saakiya gam sabbu biisere ɓerne. O jooɗii balɗe ɗuuɗɗe, oo wulla maayde ɓiyiiko. 35Sukaaɓe makko worɓe e rewɓe fu warii eytugo mo, amma o salii jeeɗaago. O wi'i o wullan nun maayde suka makko faa nyanne o tawoy mo e jonne maayɓe. O wulli maayde ɓiyiiko faa balɗe ɗuuɗɗe.
36Madiyankeeɓe ɓen yaari Yusufu faa Misira, sippiri mo Potifaa, laatiiɗo mawɗo reenooɓe wuro Firawna, laamiiɗo Misira.
ទើបបានជ្រើសរើសហើយ៖
Fuɗɗoode 37: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Fuɗɗoode 37
37
1Yaakuubu jooɗake der leydi Kanaana to baaba mum hoɗunoo.
Koyɗaaji Yusufu
2Nani ɗo habaru ɓiɓɓe Yaakuubu. No Yusufu waɗi duuɓi sappo e jeeɗiɗi (17), oo dura baali e be'i, kanko e hawra baabaaɓe makko, sukaaɓe Biliha e Jilipa, rewɓe baaba makko. Yusufu e bata baaba mum haala bonka ka mawniraaɓe mum bati. 3Yaakuubu, noddeteeɗo kade Isira'iila yiɗii Yusufu ɓuri sukaaɓe mum horiiɓe. Gam kanko nun o rimanaa e dottinnaaku makko. O sannyani mo toggoore ne ceede, ne noone feere feere. 4No mawniraaɓe makko yi'i no baaba maɓɓe e yiɗi mo ɓuri ɓe ɓe fu, ɓe banyi mo, ɓe baawataa kade baddugo mo e yidde.
5Nyalaane gom Yusufu hoyɗi go o bati mawniraaɓe makko koyɗool makko o wi'i: 6Kettinee mi bata on koyɗool am ŋol koyɗumi. 7Min e mon, en kaɓɓii kaɓɓe alkamaari deme. Ɗon nun haɓɓere am ummii darii. Go kaɓɓe mon wari filfitii ne e jiccanoo ne. No ɓe nani ka, ɓe banyi mo ɓe ɓeydi. 8Mawniraaɓe makko ƴami mo: A miilu nun hinaa laamanoɗaa men, dawranaa men? Ɓe banyi mo ɓe ɓeydi gam sabbu koyɗaaji makko e boliiɗe makko.
9Ɓaawo mum o hoyɗi kade koyɗool gonŋol. O bati ŋol mawniraaɓe makko o wi'i: Mi hoyɗii kade ji'umi naaŋe e lewru e koode sappo e ɗiɗi wari e jiccanoo am. 10O bati ŋol baaba makko e mawniraaɓe makko. Baabiiko woolani mo wi'i: Ume nun koyɗool maa ŋol ɗon fillitii? Min e inna maa e mawniraaɓe maa, men garan nun men jiccanee? 11Mawniraaɓe makko waɗiri mo nawniraagu, amma baaba makko e jogoo ka ka fu der ɓerne mum.
Yusufu sippaama, yaaraa faa Misira
12Nyalaane gom, mawniraaɓe Yusufu ɓartii mareefuuji baaba mum, yawtiri faa Sikemu. 13Ɗon nun Isira'iila wi'i Yusufu: Hinaa far to Sikemu nun mawniraaɓe maa ɓartiri? War mi lile to maɓɓe. Yusufu wi'i: Too, mi nanii. 14Isira'iila wi'i mo: Yahu daaraa naa ɓee janɗi, naa bo mareefuuji maɓɓe e yanɗi. Den mum bittaa bataa am. Non non Yusufu liliraa diga Heburoni, yahi faa Sikemu.
15Ɗon nun gorko gom fotti mo oo yiiloo der ladde, go ƴami mo wi'i: Ume nun dartataa? 16Yusufu toontii mo wi'i: Mawniraaɓe am nun dartanmi. Sawra batam to ɓe gonii ɓee dura mareefuuji maɓɓe. 17Gorko on wi'i mo: Ɓe eggii diga ɗoo. Gam mi nanii ɓee bi'a, ɓe jawtiran faa Dotani. Yusufu tokki laawol mawniraaɓe mum, tawi ɓe faa Dotani.
18No ɓe kolliri mo diga woɗɗi, diga o yottaaki ɓe taw, ɓe baddi ɓe bara mo. 19Ɓe bi'i hakkune maɓɓe: Mo koyɗaaji men e wara. 20Garee, hanne kan, baren mo, paɗɗen mo e lokooji jorɗi ɗii ɗo gootol mum, bi'en rawaanu ladde nun nyaami mo. Den mum en ji'an no koyɗaaji makko ɗin laatortoo. 21No Rubeni nani ka, darti laawol ŋol daɗinirta Yusufu, wi'i ɓe: To en baree mo. 22Rubeni wi'i ɓe: To on reƴƴitee ƴiiƴam, paɗɗee mo der lokooru jorŋol gonuŋol der ladde yorne ɗoo, to on meemee mo. Gam o yiɗuno nun daɗingo mo diga e juuɗe maɓɓe, den o hoora mo to baabiiko.
23No Yusufu yottii to mawniraaɓe mum, ɓe ɓorti toggoore makko ne ceede, ne noone feere feere ne o ɓornii nen. 24Ɓe etti mo ɓe paɗɗi der lokooru ŋol walaa diyam ŋol.
25Ɓaawo mum ɓe jooɗii ɓee nyaama. No ɓe ɓanti gite maɓɓe, ɓe ji'i jama'aare filooɓe, noddeteeɓe Isuma'iilankeeɓe e tokkontiri, e ƴiwoy Galaadi, e yaha Misira, e roonini jeeloobi mum wardiiji e ɗacce luttooje feere feere, e nebbam luttoojam. 26Ɗon nun Yahuuda wi'i mawniraaɓe mum e miiraaɓe mum: Ume ɗum nafata en to en barii miiraawo men go cuuɗuɗen ka? 27Garee cippiren mo Isuma'iilankeeɓe ɓee ɗoo, to en meemu mo, gam o laati nun miiraawo men, en fu ƴiiƴam gootam nun laatiɗen. Banniraaɓe makko jaɓi ka o bati. 28No Isuma'iilankeeɓe laatiiɓe himɓe leydi Madiyan ɓen yottii, mawniraaɓe Yusufu wurtini mo diga e lokooru jorŋol ŋol, sippiri mo Isuma'iilankeeɓe ɓen ceede cardi laso (20). Go ɓee ɗon yaari mo faa leydi Misira.
29No Rubeni wittoy e lokooru jorŋol ŋol, tawi Yusufu walaa ɗon, serekiti kolte mum gam sabbu biisere ɓerne, 30witti to miiraaɓe mum, wi'i ɓe: Suka on walaa ɗon bo naa! Toy naatanmi jooni? 31Ɗon nun ɓe kiisi ginniiri ɓe etti toggoore Yusufu ɓe moomi ƴiiƴam mayri. 32Ɓaawo mum, ɓe lildi toggoore ne noone feere feere nen to baaba maɓɓe. Ɓe bi'i: A yi'ii ɗoo toggoore ne men tawi e ladde. Daaru naa toggoore suka maa nun ɗon, naa bo to kayre bane. 33No Yaakuubu daari ne, anniti ne, wi'i: Toggoore suka am nun ɗon. Daaru rawaanu ladde nun nyaami mo ɗon. 34O serekiti kolte makko, o taadii saakiya gam sabbu biisere ɓerne. O jooɗii balɗe ɗuuɗɗe, oo wulla maayde ɓiyiiko. 35Sukaaɓe makko worɓe e rewɓe fu warii eytugo mo, amma o salii jeeɗaago. O wi'i o wullan nun maayde suka makko faa nyanne o tawoy mo e jonne maayɓe. O wulli maayde ɓiyiiko faa balɗe ɗuuɗɗe.
36Madiyankeeɓe ɓen yaari Yusufu faa Misira, sippiri mo Potifaa, laatiiɗo mawɗo reenooɓe wuro Firawna, laamiiɗo Misira.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.