Zakari 3
3
Nyanmiɛn nyrun jranfuɛ'm bé su kpɛn Zozie
1Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i. 2Yɛ Anannganman i anz seli Satan kɛ: «Satan, man Anannganman'n kle wɔ nun, afin i yɛ ɔ fali Zerizalɛm-ɔ. ?Kɛ Zozie o yɛ'n, ɔ ti-man kɛ yendre bɔ b'a tu i sin nun fo'n sa? »
3Kɛ ɔ ´yo sɔ'n, wuun Zozie i wun tralɛ'n ti fiɛn sa, yɛ ɔ fa jin anz'n i nyrun lɛ-ɔ. 4Yɛ anz'n seli sran nga be nin i be o lɛ'n be kɛ: «An `yi i wun tralɛ fiɛn'n.» Kɛ ɔ yoli sɔ'n, kpɛkuun ɔ seli Zozie kɛ yoo: «Nian, m'an nunnun ɔ sa tɛ'n, n su wa wla wɔ cɛn dilɛ tralɛ.»
5Ɔ seli be ekun kɛ: «An `fa tannin tanmue yɛiin kun be `blɛ i ti'n bo.»
Yɛ be ´fa tannin tanmue'n be ´cici i ti'n bo yɛ be ´wlɛ i wun tralɛ saun kun Anannganman i anz'n nyrun lɛ-ɔ. 6Kpɛkuun anz'n kan kleli Zozie kɛ 7Anannganman b'ɔ sie mɛn wunmuan'n wan yoo:
«Min atin nga n kle wɔ'n, sɛ a fa su'n,
yɛ sɛ a fa mín nuan su ndɛ'n,
a ´yo mín sua nin min awlo'n bé su kpɛn.
M ´man wɔ su, ɔ man a nin min sufuɛ
nga be o wa yɛ mun be ´sɛ.»
Anannganman ´fɛ i sufuɛ'n ´ba
8«Zozie, wɔ bɔ
a ti min nyrun jranfuɛ'm bé su kpɛn'n,
a nin ɔ wiengu nga be uka wɔ'n,
sa ng'ɔ su wa ba'n, amun yɛ
amun ti i nzɔliɛ like nin-ɔn,
n su wa fa min sufuɛ nga be flɛ i anyɛn'n m ´ba .
9M'an fa yɛbuɛ kun m'an sie Zozie nyrun lɛ,
yɛbuɛ kunngba cenje sɔ'n, nyinma nso o su.
Like nga bɔ be ko klɛ i su'n,
m bɔbɔ yɛ n ´klɛ-ɔ.
Kpɛkuun mɛn nga nun sa tɛ'n,
n ´salo i le kunngba .
10Kɛ cɛn sɔ'n ko ju'n,
amun `flɛflɛ amun wiengu
yɛ amun ´tran amun vinyi fie
nin amun figie fie'm be nun fɔuun .»
Anannganman b'ɔ sie mɛn wunmuan'n yɛ ɔ kan sɔ-ɔ.
ទើបបានជ្រើសរើសហើយ៖
Zakari 3: BB98
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.
Zakari 3
3
Nyanmiɛn nyrun jranfuɛ'm bé su kpɛn Zozie
1Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i. 2Yɛ Anannganman i anz seli Satan kɛ: «Satan, man Anannganman'n kle wɔ nun, afin i yɛ ɔ fali Zerizalɛm-ɔ. ?Kɛ Zozie o yɛ'n, ɔ ti-man kɛ yendre bɔ b'a tu i sin nun fo'n sa? »
3Kɛ ɔ ´yo sɔ'n, wuun Zozie i wun tralɛ'n ti fiɛn sa, yɛ ɔ fa jin anz'n i nyrun lɛ-ɔ. 4Yɛ anz'n seli sran nga be nin i be o lɛ'n be kɛ: «An `yi i wun tralɛ fiɛn'n.» Kɛ ɔ yoli sɔ'n, kpɛkuun ɔ seli Zozie kɛ yoo: «Nian, m'an nunnun ɔ sa tɛ'n, n su wa wla wɔ cɛn dilɛ tralɛ.»
5Ɔ seli be ekun kɛ: «An `fa tannin tanmue yɛiin kun be `blɛ i ti'n bo.»
Yɛ be ´fa tannin tanmue'n be ´cici i ti'n bo yɛ be ´wlɛ i wun tralɛ saun kun Anannganman i anz'n nyrun lɛ-ɔ. 6Kpɛkuun anz'n kan kleli Zozie kɛ 7Anannganman b'ɔ sie mɛn wunmuan'n wan yoo:
«Min atin nga n kle wɔ'n, sɛ a fa su'n,
yɛ sɛ a fa mín nuan su ndɛ'n,
a ´yo mín sua nin min awlo'n bé su kpɛn.
M ´man wɔ su, ɔ man a nin min sufuɛ
nga be o wa yɛ mun be ´sɛ.»
Anannganman ´fɛ i sufuɛ'n ´ba
8«Zozie, wɔ bɔ
a ti min nyrun jranfuɛ'm bé su kpɛn'n,
a nin ɔ wiengu nga be uka wɔ'n,
sa ng'ɔ su wa ba'n, amun yɛ
amun ti i nzɔliɛ like nin-ɔn,
n su wa fa min sufuɛ nga be flɛ i anyɛn'n m ´ba .
9M'an fa yɛbuɛ kun m'an sie Zozie nyrun lɛ,
yɛbuɛ kunngba cenje sɔ'n, nyinma nso o su.
Like nga bɔ be ko klɛ i su'n,
m bɔbɔ yɛ n ´klɛ-ɔ.
Kpɛkuun mɛn nga nun sa tɛ'n,
n ´salo i le kunngba .
10Kɛ cɛn sɔ'n ko ju'n,
amun `flɛflɛ amun wiengu
yɛ amun ´tran amun vinyi fie
nin amun figie fie'm be nun fɔuun .»
Anannganman b'ɔ sie mɛn wunmuan'n yɛ ɔ kan sɔ-ɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.