San Mateo 9
9
Jesús tyajktse'ek jä jaye juu tekma'at jäts tokenmeekx
(Mr 2.1-12; Lc 5.17-26)
1Ku we'n jya'ty, wa'nit jä Jesús pye't jäm barco jootm jäts wimpijtne jäts nya'x jatujk në'ë atum jäts jya'y kyapen këxm. 2Ku jäm jyatyene wa'nit tuninëjkxta jä pa'amjaye juu ka'yo'py, we'n tpakëëtye muutsk maatken këxm; ku jä Jesús t'ix tso jä jyaantsy jawen, wa'nit tnïmye jä pa'amjaye:
—Mëjk mits unejk, tokenmeekx mtany. 3Winkex jä ixpïjk jayeta juu kutujken tnijawetep ojts tpayo'oyta: juu yëë te tkets Kunuukxtee winkojts naaxp. 4Jätye tnijaawe jä Jesús ti jä payo'otyep, jäts ojts tyajktïwa:
—Tyëx miits xmeteta na'ka'oy winmayen.
5Juu niyujk jätna, nwaanet: Token meekx mtany, o'k nwaanet: Pujtke jäts nëjkxne. 6Ëts miits tuuk'ixtap jäts myeet jä kutujken jäts jä mataaken jä Naaxwinete jaye Y'unejk yaja naaxkïx jäts nmoet jä jaye token määkxen.
Wa'nit tnïmye jä jaye juu ka yo'py:
—Putke, pakee yë mpijk maatken jäts nëjkxne mtëjkjootm.
7Wa'nit jä jaye juu ka' yo'py ojts tyena jäts nyëjkxne tyëjkjootm. 8Ku ojts we'n t'ixta, jäts mëjk tsyëkete jä jayeta wa'nit mëjk t'ajootete jä Kunuukxtee ku tmëë jä mëkën jä majwen jä ya'atyejk.
Jesús
9Ku jä Jesús tsyoone jäm jäts t'ixpaaty tujk jä ya'atyëjk juu txëë Mateo, jäm wyena tsyïïna juma tyajkmujkta jä meen jä kupëëmen jä Roma jyaa. Wa'nit jä Jesús tnïma:
—Payo'ok ëts.
Wa'nit jä Mateo tyenye jäts tpanïjkx.
10Wa'nit jä Jesús nyijkx kaaywa Mateo tyëjkjootm, jäm wyena jä jayeta juu jä kupëëmen tyajkmujkp mëët jä token jayeta, tmëëta jä Jesús jäts jä ixpëjkpata jää myëët kaymujkp. 11Ku we'n t'ixte, wa'nit jä Fariseo jayeta tyaktïïwete jä ixpëjkpata:
—Tyëx miits yë myajk'ixpëjkpa tmëët kay yë jayeta juu jä kupëëmen tyajkmujktep mëët yë token jayeta.
12Myote jä Jesús jäts yajknïmyete:
—Pen pën jaty tsots nayjawep ka' jä tsooypa tsejk, jä'ye tsojktep tsoypa juu pëjketep. 13Nëjkxta nëjkx tunta wintsoj jä Kunuukxtee tsejk: Jä ntsejkp ëts jäts oy mjaywetat jä mujujk xpa'ayowtat, jäts ka' ntsek jä tënejk eejk xyo'oxtat. Ka' jääp ëts nimejtsp jäts nwatsowet jä jayeta juu tyoken ka' ijtep, jää tokenjayeta ëts nimejtsp.
Tyajktïweta tyëx jä jaye nyaajk ayu'at
(Mr 2.18-22; Lc 5.33-39)
14Jä Juan yajknëpätpa pyayoywatëjkta tmuwintemete jä Jesús jäts tyajktïwete:
—Ëëts jäts yë Fariseos jayeta may ook ëëts naajk'ayuua, tyëx mits yë m'ixpëjkpata kya' naajk'ayueta.
15Wa'nit jä Jesús t'atsowempit:
—Oyp wi'n jä jayeta tsyaatsy'winmaytat juu watsew ijtep jäm napyëjkpa wintem, pen jämnem jä nyiyaay tmëëta. Jäyap jä xëë juma jä nyiyaay wyena yajkpëjkene, wa'nit wyena nyaak'ayueta juu watsew ijtep. 16Nipëna jä wit tka yajk'oya jäts jä pajkwit tu'akëyat jä namwit, jäts jä namwit akëya në'ë mujkep jää jäts tkïïts jä pajkwit, jäts jakniyujk tyum jakëëtset. 17Naywe'en jä nam në'ë' juu muukp ka' y'oya yajk'atämat jäp tujk po'oj apëjken jeetp, jä nam në'ë' juu muujkp puutsep jä'ä, jäts tyutujknet jä tuk po'oj apëjken këëtseps jä'ä, nijum wintokekïx. Jää oy ku jä nam në'ë' yajk'atämat nam po'oj apëjken jeetp, jäts we'n y'oyat jä nam në'ë juu muujkp mëët jä po'oj apëjken kïpx nyamyu'ijtetat.
Ja te'extëjk juu pëjkep jäts jä Jairo nyëëx
(Mr 5.21-43; Lc 8.40-56)
18Kotspnem wye'ena jä Jesús, ku jya'ay tujk jä jaye jä Judíos nyiwintsën wa'nit twinkuxtenye jä Jesús jäts tnïmye:
—Ëts nëëx të y'eejk; pën mtsoomp mits mëët ëts jäts xkë'ënikonet, juuky pëjkep jää.
19Wa'nit jä Jesús nyïjkx mëët jä ixpëjkpata. 20Jäm wyena tujk jä te'extëjk juu majkmätsk juuntan jä pya'am tsïïna, jä winïkxe pa'am jawe pëjkep, naateptso may jaye akujk jä kyë'ë tyajknaxy jäts jä Jesús wit tuxapet. 21Paaty ku ojts we'n tpayo'oy oyïïnema ijk ye wit ook ntonet, jäts ëts ntso'ket. 22Wa'nit jä Jesús wyajkempijt, jäts t'ixpaaty jä te'extëjk jäts tnïmye:
—Mëjk mits unejk, jä mjantsyjawen këx mits te mtse'ek.
Jää xëë ye ojts tsye'ejk.
23Ku jä Jesús jya'y jäm Judíos nyiwintsën tyëjkjootm, jäts t'ix Jäman jä xuuxpa wojpa nyaajk oyeta nyaajk paateta jäts twinxuuxtenet jä ookpa jäts tyajknaxtëjketat jäts jä jayeta mëjk yaaxta tsaatsyi winmayta, 24jäts jä Jesús tnïmye jä ma may jayeta:
—Pitsemta yaja, yëë kiix ka' yëë y'eek, maap yëë.
Jäts jä jayeta tuxiijkta jä Jesús, 25akuwana pitsemte jäp tïjkp; wa'nit tyëke jä Jesús jäp tïjkp jäts jä kyë'ë tunikeen, jätye jä kiix ojts pyutejk. 26Tukëye jäm it jootm jatye jä ayuuk yo'oy jäts tnijääwekëxte ti te tyune kyetse.
Jesús tyajktse'ek mätsk jä wiints jayeta
27Ku jä Jesús tsyoone jäm, wa'nit mätsk jä wiints jayeta pyatsoone, wa'ts mëjk kyotsta:
—Tumotk ëëts, Mits David Y'unejk.
28Ku jä Jesús tyëke tëjkjeetp, wa'nit jä wiints jayeta tmuwintemete jä Jesús, wa'nit jää yajktïïwxete:
—M'a'yxep miits jäts ëts miits nyajktsojktap.
—We'n Wintsën miits ëëts xyajktsojkep —we'n jää y'atsoote.
29Wa'nit jä Jesús ojts tnixaja jä wiints jaye wyin, jäts tnïmye:
—We'n kyutyunet wintsoj miits jä mjaantsy jaawenta xmeteta.
30Wa'nitjye ojts win'ixpëjkta. Jäts jä Jesús nyëmxete:
—Tunta maayenta ka' x'awanetat nipëna tka nijawat.
31Ku jäm tsyoontene, ka' ojts tkutyunta tso ojts jä Jesús nyë'ëmxeta, ananijuma jä jaye tumumatyëjkte tso jä Jesús ojts tyajktse'ke.
Jesús tyajktse'ek tujk jä uum jaye
32Ku jä wiints jaye tsyoontene, winkëx jä jayeta tyajkjä'tye tujk jä uum jaye naywe'en tmëëta jä winëëmpa y'am jyotm. 33Ku jä Jesús tyajkpitsem jä winëëmpa, jä uum jaye jatye ojts kyotspïjk. Atïwa ojts tyanta, jä jayeta, jäts nyawyaneta:
—Atïwa tïw nijunita we'n kyayajk'ix jäm Israel kyapen këxm.
34Jäts jä Fariseos wya'anta:
—Winëëmpa nyiwintsën yë wi'n të jä myeje jä mëjken paaty yë y'ooyxe tyajkpitsemet yë winëëmpa.
May am yë pëëmtejk
35Wa'nit jä Jesús nyïjkx jäm mëj kajpen jäts mutsk kajpen nijum t'ayo'y, jäts yajk'ixpïjk jäm ixpëjktëjkm. T'awana jä oy kets oy ayuuk jäm juma kutujken, jäts nijum tyajktsojkïx pën ti jäty pa'am jaye pëjketep. 36Ku t'ix jä jayeta wintsoj tsyaatsy paata, mëjk ojts tpa'ayew, te jä nyujkxtene, we'n ixu'n jä borrego ka' ix ijtpa pën. 37Wa'nit jä Jesús tnïmye jä ixpëjkpata:
—Tïwame may am yë pëëmtejk të y'oya, wa'ts waanye yë tuumpata. 38Paaty miits, x'amotetat jä kam nyiwintsën jäts may tkaxet jää tyuumpa jäts yajkpëjkmukëxet jä pëëmtejk.
ទើបបានជ្រើសរើសហើយ៖
San Mateo 9: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 9
9
Jesús tyajktse'ek jä jaye juu tekma'at jäts tokenmeekx
(Mr 2.1-12; Lc 5.17-26)
1Ku we'n jya'ty, wa'nit jä Jesús pye't jäm barco jootm jäts wimpijtne jäts nya'x jatujk në'ë atum jäts jya'y kyapen këxm. 2Ku jäm jyatyene wa'nit tuninëjkxta jä pa'amjaye juu ka'yo'py, we'n tpakëëtye muutsk maatken këxm; ku jä Jesús t'ix tso jä jyaantsy jawen, wa'nit tnïmye jä pa'amjaye:
—Mëjk mits unejk, tokenmeekx mtany. 3Winkex jä ixpïjk jayeta juu kutujken tnijawetep ojts tpayo'oyta: juu yëë te tkets Kunuukxtee winkojts naaxp. 4Jätye tnijaawe jä Jesús ti jä payo'otyep, jäts ojts tyajktïwa:
—Tyëx miits xmeteta na'ka'oy winmayen.
5Juu niyujk jätna, nwaanet: Token meekx mtany, o'k nwaanet: Pujtke jäts nëjkxne. 6Ëts miits tuuk'ixtap jäts myeet jä kutujken jäts jä mataaken jä Naaxwinete jaye Y'unejk yaja naaxkïx jäts nmoet jä jaye token määkxen.
Wa'nit tnïmye jä jaye juu ka yo'py:
—Putke, pakee yë mpijk maatken jäts nëjkxne mtëjkjootm.
7Wa'nit jä jaye juu ka' yo'py ojts tyena jäts nyëjkxne tyëjkjootm. 8Ku ojts we'n t'ixta, jäts mëjk tsyëkete jä jayeta wa'nit mëjk t'ajootete jä Kunuukxtee ku tmëë jä mëkën jä majwen jä ya'atyejk.
Jesús
9Ku jä Jesús tsyoone jäm jäts t'ixpaaty tujk jä ya'atyëjk juu txëë Mateo, jäm wyena tsyïïna juma tyajkmujkta jä meen jä kupëëmen jä Roma jyaa. Wa'nit jä Jesús tnïma:
—Payo'ok ëts.
Wa'nit jä Mateo tyenye jäts tpanïjkx.
10Wa'nit jä Jesús nyijkx kaaywa Mateo tyëjkjootm, jäm wyena jä jayeta juu jä kupëëmen tyajkmujkp mëët jä token jayeta, tmëëta jä Jesús jäts jä ixpëjkpata jää myëët kaymujkp. 11Ku we'n t'ixte, wa'nit jä Fariseo jayeta tyaktïïwete jä ixpëjkpata:
—Tyëx miits yë myajk'ixpëjkpa tmëët kay yë jayeta juu jä kupëëmen tyajkmujktep mëët yë token jayeta.
12Myote jä Jesús jäts yajknïmyete:
—Pen pën jaty tsots nayjawep ka' jä tsooypa tsejk, jä'ye tsojktep tsoypa juu pëjketep. 13Nëjkxta nëjkx tunta wintsoj jä Kunuukxtee tsejk: Jä ntsejkp ëts jäts oy mjaywetat jä mujujk xpa'ayowtat, jäts ka' ntsek jä tënejk eejk xyo'oxtat. Ka' jääp ëts nimejtsp jäts nwatsowet jä jayeta juu tyoken ka' ijtep, jää tokenjayeta ëts nimejtsp.
Tyajktïweta tyëx jä jaye nyaajk ayu'at
(Mr 2.18-22; Lc 5.33-39)
14Jä Juan yajknëpätpa pyayoywatëjkta tmuwintemete jä Jesús jäts tyajktïwete:
—Ëëts jäts yë Fariseos jayeta may ook ëëts naajk'ayuua, tyëx mits yë m'ixpëjkpata kya' naajk'ayueta.
15Wa'nit jä Jesús t'atsowempit:
—Oyp wi'n jä jayeta tsyaatsy'winmaytat juu watsew ijtep jäm napyëjkpa wintem, pen jämnem jä nyiyaay tmëëta. Jäyap jä xëë juma jä nyiyaay wyena yajkpëjkene, wa'nit wyena nyaak'ayueta juu watsew ijtep. 16Nipëna jä wit tka yajk'oya jäts jä pajkwit tu'akëyat jä namwit, jäts jä namwit akëya në'ë mujkep jää jäts tkïïts jä pajkwit, jäts jakniyujk tyum jakëëtset. 17Naywe'en jä nam në'ë' juu muukp ka' y'oya yajk'atämat jäp tujk po'oj apëjken jeetp, jä nam në'ë' juu muujkp puutsep jä'ä, jäts tyutujknet jä tuk po'oj apëjken këëtseps jä'ä, nijum wintokekïx. Jää oy ku jä nam në'ë' yajk'atämat nam po'oj apëjken jeetp, jäts we'n y'oyat jä nam në'ë juu muujkp mëët jä po'oj apëjken kïpx nyamyu'ijtetat.
Ja te'extëjk juu pëjkep jäts jä Jairo nyëëx
(Mr 5.21-43; Lc 8.40-56)
18Kotspnem wye'ena jä Jesús, ku jya'ay tujk jä jaye jä Judíos nyiwintsën wa'nit twinkuxtenye jä Jesús jäts tnïmye:
—Ëts nëëx të y'eejk; pën mtsoomp mits mëët ëts jäts xkë'ënikonet, juuky pëjkep jää.
19Wa'nit jä Jesús nyïjkx mëët jä ixpëjkpata. 20Jäm wyena tujk jä te'extëjk juu majkmätsk juuntan jä pya'am tsïïna, jä winïkxe pa'am jawe pëjkep, naateptso may jaye akujk jä kyë'ë tyajknaxy jäts jä Jesús wit tuxapet. 21Paaty ku ojts we'n tpayo'oy oyïïnema ijk ye wit ook ntonet, jäts ëts ntso'ket. 22Wa'nit jä Jesús wyajkempijt, jäts t'ixpaaty jä te'extëjk jäts tnïmye:
—Mëjk mits unejk, jä mjantsyjawen këx mits te mtse'ek.
Jää xëë ye ojts tsye'ejk.
23Ku jä Jesús jya'y jäm Judíos nyiwintsën tyëjkjootm, jäts t'ix Jäman jä xuuxpa wojpa nyaajk oyeta nyaajk paateta jäts twinxuuxtenet jä ookpa jäts tyajknaxtëjketat jäts jä jayeta mëjk yaaxta tsaatsyi winmayta, 24jäts jä Jesús tnïmye jä ma may jayeta:
—Pitsemta yaja, yëë kiix ka' yëë y'eek, maap yëë.
Jäts jä jayeta tuxiijkta jä Jesús, 25akuwana pitsemte jäp tïjkp; wa'nit tyëke jä Jesús jäp tïjkp jäts jä kyë'ë tunikeen, jätye jä kiix ojts pyutejk. 26Tukëye jäm it jootm jatye jä ayuuk yo'oy jäts tnijääwekëxte ti te tyune kyetse.
Jesús tyajktse'ek mätsk jä wiints jayeta
27Ku jä Jesús tsyoone jäm, wa'nit mätsk jä wiints jayeta pyatsoone, wa'ts mëjk kyotsta:
—Tumotk ëëts, Mits David Y'unejk.
28Ku jä Jesús tyëke tëjkjeetp, wa'nit jä wiints jayeta tmuwintemete jä Jesús, wa'nit jää yajktïïwxete:
—M'a'yxep miits jäts ëts miits nyajktsojktap.
—We'n Wintsën miits ëëts xyajktsojkep —we'n jää y'atsoote.
29Wa'nit jä Jesús ojts tnixaja jä wiints jaye wyin, jäts tnïmye:
—We'n kyutyunet wintsoj miits jä mjaantsy jaawenta xmeteta.
30Wa'nitjye ojts win'ixpëjkta. Jäts jä Jesús nyëmxete:
—Tunta maayenta ka' x'awanetat nipëna tka nijawat.
31Ku jäm tsyoontene, ka' ojts tkutyunta tso ojts jä Jesús nyë'ëmxeta, ananijuma jä jaye tumumatyëjkte tso jä Jesús ojts tyajktse'ke.
Jesús tyajktse'ek tujk jä uum jaye
32Ku jä wiints jaye tsyoontene, winkëx jä jayeta tyajkjä'tye tujk jä uum jaye naywe'en tmëëta jä winëëmpa y'am jyotm. 33Ku jä Jesús tyajkpitsem jä winëëmpa, jä uum jaye jatye ojts kyotspïjk. Atïwa ojts tyanta, jä jayeta, jäts nyawyaneta:
—Atïwa tïw nijunita we'n kyayajk'ix jäm Israel kyapen këxm.
34Jäts jä Fariseos wya'anta:
—Winëëmpa nyiwintsën yë wi'n të jä myeje jä mëjken paaty yë y'ooyxe tyajkpitsemet yë winëëmpa.
May am yë pëëmtejk
35Wa'nit jä Jesús nyïjkx jäm mëj kajpen jäts mutsk kajpen nijum t'ayo'y, jäts yajk'ixpïjk jäm ixpëjktëjkm. T'awana jä oy kets oy ayuuk jäm juma kutujken, jäts nijum tyajktsojkïx pën ti jäty pa'am jaye pëjketep. 36Ku t'ix jä jayeta wintsoj tsyaatsy paata, mëjk ojts tpa'ayew, te jä nyujkxtene, we'n ixu'n jä borrego ka' ix ijtpa pën. 37Wa'nit jä Jesús tnïmye jä ixpëjkpata:
—Tïwame may am yë pëëmtejk të y'oya, wa'ts waanye yë tuumpata. 38Paaty miits, x'amotetat jä kam nyiwintsën jäts may tkaxet jää tyuumpa jäts yajkpëjkmukëxet jä pëëmtejk.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល