San Mateo 10
10
Jesús twinken jä nimajkmätsk ixpëjkpatëjkta
(Mr 3.13-19; Lc 6.12-16)
1Jesús tmëjweew jä nimajkmäjtsk ixpëjkpatëjkta, jäts tmooy jä kutujken jäts tyajkpitsemtat jä ka' oy poj jäts tyajktso'ktat ananijuma jä pa'am jayeta pën jaty pëjketep aanetep.
2Yïn jä xyëta jä nimajkmätsk jä Jesús ixpëjkpatejkta: Mutu'k Simón jää juu tïjtep Pedro, jä y'uts Andrés; Santiago jäts y'utsy Juan, jä Zebedeo y'unëkta; 3Felipe jäts Bartolomé; Tomás jäts Mateo, jää juu meen tyajkmujkep jä kupëëmen jä Roma jyaa; Santiago, jää y'unek Alfeo jäts Tadeo; 4Simón jä cananeo jaye, jäts jä Judas Iscariote, jää wye'ena ix'ook nëjkx tni'ëëna jä Jesús
Jesús tka'amay jäts tpakex jää y'ixpëjkpatejkta
(Mr 6.7-13; Lc 9.1-6)
5Jesús tpakex jä nimajkmätsk y'ixpëjkpatejkta jäxip tka'amay: Ka mnëjkxtat jäm kajpen këxm juma jä Kunuukxtee kyets y'ayuuk tkatsojkta ni jäma mka nëjkxtat jäm kapen këxmta Samaria ijt jootm; 6jää oy ku mnëjkxtat jäm juma jää te tyojketene jä Borregota jäm israel kyapen këxm. 7Nëjkxta jäts x'awaneta jäts teman jä kutujken juu jäm tsapjootm. 8Jäts xajktso'oktat jä pa'amjayeta, jä ookpa xajkniwijtat, xajkwa'atstat jä jayeta juu pu'tspa'am pëjketep jäts xajkpitsemtat jä ka'opyo. Wenye miits te myajkmoota ye kutujken ka' kyujuya; ka' xyajkjakyujetat juu miits mtuntap. 9Ka' xkontat jä oro nijä plata nijä cobre 10ni kaaky ni mtojkx ti mkaytap në'ë aay tu'aay. Ka mwit juu mpëmtijktsep nijä mkëëk nijä mtajk, jä tuumpa tuketaakep jä kyaky yajkmo'et.
11Ku miits mjä'yetat jäm mëjkajpen këxm ok muutsk kajpen këxm, ixteta tujk jä jaye pën mwinjawetap jäm tujk wiin mtsënetat mja'yetat mtsoontat wa'nit mtsontenet jäm tëjkjootm koonem wyena mtsontenet jäm kajpenkëxm. 12Ku mjä'yetat jäm jaye tyëjkjootm, kotspookxta ananijuma jä kutëjkta pen pën jaty jäm tsïnyetep. 13Pen mkupëjketep jä kutëjk tuketaakep jawe; jäts jä Kunuukxtee myojet jä y'oyen jäts kyutyunjet; o'k pen ka' myajkupëjkta ka'ts jawe tyukitaakye, yajkmoet jä oyen, o'k pen ka' miits jää mutantap jä Kunuukxtee y'oyen ni tii miits mka wintojkxet. 14Pen ka' myajkupëjkta ni mka' yajk'amotenaxta, tsoontene jäm jaye tyëjkjootm o'k jäm kajpen këxm jäts jä mkë'ëk xwinxitat. 15We'en ëts miits nëjmeta ku wyena jyeya jä xëë juma jä kajpen yajktoken payoyet niyujk jä tsaatsypaaten nëjkx yajkmee katii jäm Sodoma Gomorra ijt jootm.
Ku jä jayeta kyayajkmääkxtat juu jä Kunuukxtee kyets y'ayuuk t'awaanep
16M'ixtap. Ëts miits mpakäxtep we'n ixu'n jä borrego yajkex mëy ujkta akujkm. Jääkëx wij kej mnapyëmetat wen'n ixu'n jä tsaan, jäts nïïjk naaxk mnapyëmetat we'n ixu'n jä pak. 17Nay'ixiteta, nëjkx miits myajktsumta myajkmätsta myajk nëjkxetat jäm kutuunk winkujkm, jäts myajk winwoptat jäm ixpëjken tëjkm jootm may jayeta winkujkm 18jäts myajknëjkxetat jäm yajkutujkpa winkujk mëët jä mëj yajkutujkpa jääkëx ku ëts xjantsy jaweta; jäts we'n ëts xnimaatyëjktat jää winkujkta mëët jä jaye juu tka' tsojktep jä Kunuukxtee kyets y'ayuuk. 19Kuts mja'yetat jäm kutuunk winkujkm, ka' xwinmaytat tii mkotstat tso mwantat, ku wyena mtuketaketat jäts mkotstat, jä Kunuukxtee miits m'ayuuk mojetap. 20Ka' miits tsap mkotstap, jää Kunuukxtee pyoj këx miits mkotstat jää miits mputëketap.
21Jää y'atsy y'uts tkë'ëyajkep jäts y'ooket, jäts jä unejktee tniëënat jä y'unejkta; jä unejkta tniëënat jä tyee jäts tyajk'ooktat. 22Nijum jä naxwiin jayeta mu'äketat mka tsojketat ëts këx we'n mjatat; pen pën wyena tmutenyëp tujkye jä jyaantsy jawen tmu'ijt, jäätse tpaatep jä juukyen juu jä Kunuukxtee myuwaanep juu xëma këxm. 23Ku jäm kapen këxm mka' yajkmääjkxtat, käjkta nëjkxta jä tujk kajpen; tïwam ëts nwa'any jäts tsojkie jä Naaxwinete jaye Y'unejk jyayat ka'nem wyena tuwiite këxta jä nijum jä mëj kajpenta jä Israel kyajpenta.
24Ja ixpëjkpa ka' jä tnimëja ka tii jä yajk'ixpëjkpa, naywe'en jä tuumpa ka' jä tnimëja ka tii jä wintsën. 25Ja ixpëjkpa kyäjxkep jawe kujyayat juma jä yajk'ixpëjkpa, jäts jä tuumpa kyäjxkep jawe ju jyatnet wintsën. Ku jä unejktee yajkuxeat winëëmpa, tso wi'n wye'ena yajktijta jä tsyaan kyoota.
Kyotset ka' tsyëjkat
(Lc 12.2-7)
26Ka' miits, jä jaye xtsëjketat. Ni tii yu'ts kya' ijt ka yajknijawat, ni tii kya' ayu'tsa kuwana nëjkx jä ix'ook yajknijawa. 27Akoots ijt miits we'n nëjmeta, jäts xinaxy miits x'awanetat; juu miits nwanyetep ayu'ts, wa miits x'awanetat mëjk m'aya'axtat jäm tëjk ko'm. 28Ka' miits xtsejketat juu yë nijkx kopk tyajk'ookp jäts jä jawen ka' y'ooya tsoj tyajk ooktat; jää miits mtsëjketap ku yë mnijkx mkopk jäts yë mjaawen nyëjkxet jäm akoots ijtem jäm juma jä tsaatsypaaten xëma këxm.
29Yajktookp mätsk jä joon jä yajktukujuy tujk jä muutsk meen. Miits jä mteeta ka' jä tyajkjatet jäts nituka jä kya ka'et naxkïx. 30Naywe'en miitsta këmta, Jää paat matsyew tyajk'ijt tujk jä tujk jä kupajk waay. 31We'n ka' miits mtsëketat: niyujk nimëjep miits katii yë may joonta.
Xyajk nikäxet jäts Jesucristo mjaantsy jawep jäja jayeta winkujkta
(Lc 12.8-9)
32Pen pën xawe napyëëmjep ëts mëët jäja jayeta winkujkta, jää mëët ëts napyëmjetam jäm ëts jä nTee winkujkm jäm tsapjootm; 33pen pën ëts xkuëëmp jaye winkujk, naywe'n ëts nkuëënetam jäm ëts jä nTee winkujkm jäm tsapwootm.
Jesús, tyajkjäja jä nawyajxën
(Lc 12.51-53; 14.26-27)
34Ka' miits xjantsy jawetat ku ëts nmets yaja naxkïx jäts jää ëts nyajkmetsp jä oy joot; kä jääp ëts nyajkmetsp jäts nyajk jäjat jä oy joot, jää ëts nimets jäts nyajkjäjat jä atsu'x. 35Jää ëts nimets jäts jä unejktee myajk tsyuxpëjket, jäts jä myajk tye'extëjk tmenatsyuxpëjket jä xäjkix; 36mkë'ëm muwukam miits mënatsyuxpëjkjep.
37Pen pën muniyujk tsojkp jä tyee jä tyaak ka'tii ëts, ka' twinmatsye ëts mëët ijtet; Pen pën muniyujk tsojkp jä unejk mix o'k kiix ka'tii ëts, ka' twinmatsye ëts mëët ijtet; 38Pen pën tka' tpakëëpy jä cryuz jäts ëts xpayo'oyet, ka' twinmatsye ëts mëët ijtet. 39Pen pën t'ix ijtp jä jyuukyen, wintokep jää, pen wintokep jä jyuukyen ëts këx, pyatep jä juukyen juu xëma këxm.
Jä myaayen
(Mr 9.41)
40Pen pën miits mkupëjketep, ëts jawe xkupëjktep; pen pën ëts xkupëjkp, jä Kunuukxtee jawe kyupïjkp juu ëts xkex. 41Pen pën tkupëjkp jä kukexepa, yajkmoep jä juuyen naywe'n ixu'n jä kukexepa yajkmee; pen pën tkupëjkp jä oy jaye paaty ku oy jaywa, yajkmoep jä juuyen naywe'n ixu'n jä oy jaye. 42Pen pën tmoopy tujk vaso jä në'ë juu ëts xpayo'otyep, ajootan jää jäts jäman miits jä mjuuyenta.
ទើបបានជ្រើសរើសហើយ៖
San Mateo 10: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 10
10
Jesús twinken jä nimajkmätsk ixpëjkpatëjkta
(Mr 3.13-19; Lc 6.12-16)
1Jesús tmëjweew jä nimajkmäjtsk ixpëjkpatëjkta, jäts tmooy jä kutujken jäts tyajkpitsemtat jä ka' oy poj jäts tyajktso'ktat ananijuma jä pa'am jayeta pën jaty pëjketep aanetep.
2Yïn jä xyëta jä nimajkmätsk jä Jesús ixpëjkpatejkta: Mutu'k Simón jää juu tïjtep Pedro, jä y'uts Andrés; Santiago jäts y'utsy Juan, jä Zebedeo y'unëkta; 3Felipe jäts Bartolomé; Tomás jäts Mateo, jää juu meen tyajkmujkep jä kupëëmen jä Roma jyaa; Santiago, jää y'unek Alfeo jäts Tadeo; 4Simón jä cananeo jaye, jäts jä Judas Iscariote, jää wye'ena ix'ook nëjkx tni'ëëna jä Jesús
Jesús tka'amay jäts tpakex jää y'ixpëjkpatejkta
(Mr 6.7-13; Lc 9.1-6)
5Jesús tpakex jä nimajkmätsk y'ixpëjkpatejkta jäxip tka'amay: Ka mnëjkxtat jäm kajpen këxm juma jä Kunuukxtee kyets y'ayuuk tkatsojkta ni jäma mka nëjkxtat jäm kapen këxmta Samaria ijt jootm; 6jää oy ku mnëjkxtat jäm juma jää te tyojketene jä Borregota jäm israel kyapen këxm. 7Nëjkxta jäts x'awaneta jäts teman jä kutujken juu jäm tsapjootm. 8Jäts xajktso'oktat jä pa'amjayeta, jä ookpa xajkniwijtat, xajkwa'atstat jä jayeta juu pu'tspa'am pëjketep jäts xajkpitsemtat jä ka'opyo. Wenye miits te myajkmoota ye kutujken ka' kyujuya; ka' xyajkjakyujetat juu miits mtuntap. 9Ka' xkontat jä oro nijä plata nijä cobre 10ni kaaky ni mtojkx ti mkaytap në'ë aay tu'aay. Ka mwit juu mpëmtijktsep nijä mkëëk nijä mtajk, jä tuumpa tuketaakep jä kyaky yajkmo'et.
11Ku miits mjä'yetat jäm mëjkajpen këxm ok muutsk kajpen këxm, ixteta tujk jä jaye pën mwinjawetap jäm tujk wiin mtsënetat mja'yetat mtsoontat wa'nit mtsontenet jäm tëjkjootm koonem wyena mtsontenet jäm kajpenkëxm. 12Ku mjä'yetat jäm jaye tyëjkjootm, kotspookxta ananijuma jä kutëjkta pen pën jaty jäm tsïnyetep. 13Pen mkupëjketep jä kutëjk tuketaakep jawe; jäts jä Kunuukxtee myojet jä y'oyen jäts kyutyunjet; o'k pen ka' myajkupëjkta ka'ts jawe tyukitaakye, yajkmoet jä oyen, o'k pen ka' miits jää mutantap jä Kunuukxtee y'oyen ni tii miits mka wintojkxet. 14Pen ka' myajkupëjkta ni mka' yajk'amotenaxta, tsoontene jäm jaye tyëjkjootm o'k jäm kajpen këxm jäts jä mkë'ëk xwinxitat. 15We'en ëts miits nëjmeta ku wyena jyeya jä xëë juma jä kajpen yajktoken payoyet niyujk jä tsaatsypaaten nëjkx yajkmee katii jäm Sodoma Gomorra ijt jootm.
Ku jä jayeta kyayajkmääkxtat juu jä Kunuukxtee kyets y'ayuuk t'awaanep
16M'ixtap. Ëts miits mpakäxtep we'n ixu'n jä borrego yajkex mëy ujkta akujkm. Jääkëx wij kej mnapyëmetat wen'n ixu'n jä tsaan, jäts nïïjk naaxk mnapyëmetat we'n ixu'n jä pak. 17Nay'ixiteta, nëjkx miits myajktsumta myajkmätsta myajk nëjkxetat jäm kutuunk winkujkm, jäts myajk winwoptat jäm ixpëjken tëjkm jootm may jayeta winkujkm 18jäts myajknëjkxetat jäm yajkutujkpa winkujk mëët jä mëj yajkutujkpa jääkëx ku ëts xjantsy jaweta; jäts we'n ëts xnimaatyëjktat jää winkujkta mëët jä jaye juu tka' tsojktep jä Kunuukxtee kyets y'ayuuk. 19Kuts mja'yetat jäm kutuunk winkujkm, ka' xwinmaytat tii mkotstat tso mwantat, ku wyena mtuketaketat jäts mkotstat, jä Kunuukxtee miits m'ayuuk mojetap. 20Ka' miits tsap mkotstap, jää Kunuukxtee pyoj këx miits mkotstat jää miits mputëketap.
21Jää y'atsy y'uts tkë'ëyajkep jäts y'ooket, jäts jä unejktee tniëënat jä y'unejkta; jä unejkta tniëënat jä tyee jäts tyajk'ooktat. 22Nijum jä naxwiin jayeta mu'äketat mka tsojketat ëts këx we'n mjatat; pen pën wyena tmutenyëp tujkye jä jyaantsy jawen tmu'ijt, jäätse tpaatep jä juukyen juu jä Kunuukxtee myuwaanep juu xëma këxm. 23Ku jäm kapen këxm mka' yajkmääjkxtat, käjkta nëjkxta jä tujk kajpen; tïwam ëts nwa'any jäts tsojkie jä Naaxwinete jaye Y'unejk jyayat ka'nem wyena tuwiite këxta jä nijum jä mëj kajpenta jä Israel kyajpenta.
24Ja ixpëjkpa ka' jä tnimëja ka tii jä yajk'ixpëjkpa, naywe'en jä tuumpa ka' jä tnimëja ka tii jä wintsën. 25Ja ixpëjkpa kyäjxkep jawe kujyayat juma jä yajk'ixpëjkpa, jäts jä tuumpa kyäjxkep jawe ju jyatnet wintsën. Ku jä unejktee yajkuxeat winëëmpa, tso wi'n wye'ena yajktijta jä tsyaan kyoota.
Kyotset ka' tsyëjkat
(Lc 12.2-7)
26Ka' miits, jä jaye xtsëjketat. Ni tii yu'ts kya' ijt ka yajknijawat, ni tii kya' ayu'tsa kuwana nëjkx jä ix'ook yajknijawa. 27Akoots ijt miits we'n nëjmeta, jäts xinaxy miits x'awanetat; juu miits nwanyetep ayu'ts, wa miits x'awanetat mëjk m'aya'axtat jäm tëjk ko'm. 28Ka' miits xtsejketat juu yë nijkx kopk tyajk'ookp jäts jä jawen ka' y'ooya tsoj tyajk ooktat; jää miits mtsëjketap ku yë mnijkx mkopk jäts yë mjaawen nyëjkxet jäm akoots ijtem jäm juma jä tsaatsypaaten xëma këxm.
29Yajktookp mätsk jä joon jä yajktukujuy tujk jä muutsk meen. Miits jä mteeta ka' jä tyajkjatet jäts nituka jä kya ka'et naxkïx. 30Naywe'en miitsta këmta, Jää paat matsyew tyajk'ijt tujk jä tujk jä kupajk waay. 31We'n ka' miits mtsëketat: niyujk nimëjep miits katii yë may joonta.
Xyajk nikäxet jäts Jesucristo mjaantsy jawep jäja jayeta winkujkta
(Lc 12.8-9)
32Pen pën xawe napyëëmjep ëts mëët jäja jayeta winkujkta, jää mëët ëts napyëmjetam jäm ëts jä nTee winkujkm jäm tsapjootm; 33pen pën ëts xkuëëmp jaye winkujk, naywe'n ëts nkuëënetam jäm ëts jä nTee winkujkm jäm tsapwootm.
Jesús, tyajkjäja jä nawyajxën
(Lc 12.51-53; 14.26-27)
34Ka' miits xjantsy jawetat ku ëts nmets yaja naxkïx jäts jää ëts nyajkmetsp jä oy joot; kä jääp ëts nyajkmetsp jäts nyajk jäjat jä oy joot, jää ëts nimets jäts nyajkjäjat jä atsu'x. 35Jää ëts nimets jäts jä unejktee myajk tsyuxpëjket, jäts jä myajk tye'extëjk tmenatsyuxpëjket jä xäjkix; 36mkë'ëm muwukam miits mënatsyuxpëjkjep.
37Pen pën muniyujk tsojkp jä tyee jä tyaak ka'tii ëts, ka' twinmatsye ëts mëët ijtet; Pen pën muniyujk tsojkp jä unejk mix o'k kiix ka'tii ëts, ka' twinmatsye ëts mëët ijtet; 38Pen pën tka' tpakëëpy jä cryuz jäts ëts xpayo'oyet, ka' twinmatsye ëts mëët ijtet. 39Pen pën t'ix ijtp jä jyuukyen, wintokep jää, pen wintokep jä jyuukyen ëts këx, pyatep jä juukyen juu xëma këxm.
Jä myaayen
(Mr 9.41)
40Pen pën miits mkupëjketep, ëts jawe xkupëjktep; pen pën ëts xkupëjkp, jä Kunuukxtee jawe kyupïjkp juu ëts xkex. 41Pen pën tkupëjkp jä kukexepa, yajkmoep jä juuyen naywe'n ixu'n jä kukexepa yajkmee; pen pën tkupëjkp jä oy jaye paaty ku oy jaywa, yajkmoep jä juuyen naywe'n ixu'n jä oy jaye. 42Pen pën tmoopy tujk vaso jä në'ë juu ëts xpayo'otyep, ajootan jää jäts jäman miits jä mjuuyenta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល