San Mateo 7
7
Ka' jä mugujk xtokenpayo'oy
(Lc 6.37-38,41-42)
1Ka' mugujk xpaxi'ïk xpakets ti kyo'oy tuump ka' xtokenpayo'oy, jäts naywe'en miitsta ka' jä Kunuukxtee mtokenpayoyet. 2Pen mëjk mits jä mugujk xtoken payo'oy naywe'en miitsta nëjkx jä Kunuukxtee mtoken payoyeta. 3Tyëx jä'ä x'ixpaaty jä mugujk wyintejka jä kïp awaajks jäts mits jää mëj kip mwintejka xkajawa juu mëët jäp mwinjeetp. 4Pën wa mits mëët mëj kïp jäp mkë'ëm mwinjeetp, tsoj jun mits xnëjmat jä mugujk: Wa'n ëts tyajkpitseme jä kïp awaakts jäp mwinjeetp. 5Mits ka' winmayempaatpa yajkpitseme jäyip yë mëj kïp jäp mkë'ëm wyinjeetp jäts oy m'ixet wa'nit jä mugujk jä kïp awaakts xajkpitsemet jäp wyinjeetp.
6Ka' xmojtat jä ujkta juu jaty Kunuukxtee jya'ep amaay jää, ku jä ujk ka'oy tyakwimpitet jäts mujotmäjtet jäts mtsutsyoyet. Jats ka' xmojtat jä kääm juu miits oy tsuj mjaawep, jä kääm ka' jä tnijawa jäts oy o'k tsu jää nyäpyoyne jää mo'ts tijna tpëmet.
Amote, ixta jäts winkoxe tëjk akëë
(Lc 11.9-13; 6.31)
7Amoteta, wa'nit jä Kunuukxtee mojetat; ixteta, wa'nit xpaatat; winkoxta tëjk akëë, Wa'nit y'awatset. 8Juu t'amotep yajkmoopy jää; juu t'ixtep twaantep pyaatp jää; juu twinkoxp tyëjk akëë, akeywaatsp jä tëjk akëë.
9Jä wi'in jä unejktee ku y'unejk t'amote tsakaaky jäts tmo'et tsaa. 10O'k tmoet tsaan ku t'amotewet a'jkx. 11Oyam miits mka'oyjaywita mootyep miits jä m'unejkta juu oy, niyujk jä mteeta juu jäm tsapjootm, mojetat juu oy pen pën t'amotep.
12We'en miits nëjmeta maayeta jä muwu'kta we'en ixu'n xsojkta myajkmaayetat; we'en tyujkmujk jä pawaanen jä kutujken jäts jä kukexepa.
Muutsk tëjk akëë
(Lc 13.24)
13Tëketa juma tëjk'akëë muutsk wiin. Jä tëjk'akëë jäts jä tuu'u juuwe jä jaye tyajknëjkxp juma wintojketat mëj wiin jawe, nimay jaye tyeketa jäätso; 14Jä akëë jäts jä tuu'u juu jä jaye tyajk nëjkxp juma jä juukyen muutsk wiin jawe jäts tsu'ux, waanye jä jaye juu tpaatep.
Jä mtu'ixkapep wintsoj jyaywa
(Lc 6.43-44)
15Nay'ixiteta jä yë jayeta juu taayetep Kunuukxtee y'ayuuk nyatïje kyotstep. Miits myajknijä'yeta nyatijeta nïïjk naaxk nyapyëneta we'en ixu'n jä Borrego, Ka' wye'na jäts jäm jyotm wajts joot'an tamjää ka' jä mugujk tmeekx we'en jää ixu'n jä mëy'ujk. 16Jä miits mtu'ixkapep wintsoj jyaywa jäts jä xiiken kyotsen, ka' xa jä yotspa tyëëma uva ju'n o'k higo ju'n. 17Nijum jä oy jïjkx kïp ooyet jïjkx jä tiëëmat, jäts nijum jä ka' oy jïjkx nay ka' oy jïjkx kïp jä tiëëmat. 18Jäts nijum jä oy jïjkx kïp kä' y'oya tiëëmat jä ka' oy jïjkx, jäts nijum jä ka' oy jïjkx kïp ka' y'oya tiëëmat oy jïjkx. 19Nijum jä jïjkx kïp juu ka' tëëmep tsuj, yajkpujxejknep jää jäts yajkjëëmpëjkenet. 20We'en miits nëjmeta jää miits mtu'ixkaptap wintsoj jyaywa.
Tsoj ju'n jä jaye tyëkat jäm juma Kutujken juu jäm tsapjootm
(Lc 13.25-27)
21Ka' nijuma pen pën jä'ty ëts xtïp: Wintsën, Wintsën, jäts tyëjketat jäm juma jä kutujken juu jäm tsapjootm, jä'ye we tejketap juu tpatuuntep tsoj tsejk ëts jä nTee juu jäm tsapjootm. 22Ku wyena jä xëë tpaaty may jaye wyena ëts xnïmyetep: Wintsën, Wintsën, ëëts n'awaane mits jä mkets m'ayuuk mits mxëë këx, mits mxë këx ëëts jä jaye nyaktsë'ëk jä winëëmpa nyajkpitsem, jäts mits xëë këx ëëts ntun may jä nikäxen. 23Wa'nit ëts miits n'atsowtat: Nijunita ëts miits nka'ixte; nejkxta jëwa'akta miits ka' oy jayeta.
Jä tëjk juu oy yajk'ookep jäts juu ka' oy yajk'ookep
(Mr 1.22; Lc 6.47-49)
24Jääkëx tse pen pën jaty ëts x'amotenaxp jäts tpatun wintsoj ëts nwa'any, we'en jää ixu'n jä ya'atyëjk juu mëjëm tpayo'opy jäts jä tyëjk tyajk'oya jäts t'ooka tsajte'ek këxm. 25Wa'nit mëjk atsu'ux tuu' nyax, jäts jä mëj në'ë kyomnaxne jää mëjk poj miin jä tëjk tyajkite wa'any; ka' jä kite, paaty ku jä tyu'ooke jä mëjk tsa'te'ek. 26Pen pën ëts x'amotenaxp juu ëts nketsp, we'en jä ixu'n jä jaye juu mëjëm tka payo'opy jäts jä tyëjk tyajk'ooya jäts t'ooka në'ë apuu këxm. 27Wa'nit mëjk jä atsu'ux tuu' nyax, jäts jä mëj në'ë kyomnaxne, wa'nit jä mëjk poj min jäts jä tëjk pyajï'ït. Nijum ojts wintokekïx ni tii ojts kyo o'k taane.
28Ku jä Jesús ojts kyotskïx, ananyjuma jä jayeta atïwa tutaante tsoj yajk'ixpïjk, 29paaty ku jä yajk'ixpïjk kutujken mëët, ka' wyena ixu'n jä yajk'ixpëjkpata juu jä naaxwiinete kyutujken tnijawetep.
ទើបបានជ្រើសរើសហើយ៖
San Mateo 7: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 7
7
Ka' jä mugujk xtokenpayo'oy
(Lc 6.37-38,41-42)
1Ka' mugujk xpaxi'ïk xpakets ti kyo'oy tuump ka' xtokenpayo'oy, jäts naywe'en miitsta ka' jä Kunuukxtee mtokenpayoyet. 2Pen mëjk mits jä mugujk xtoken payo'oy naywe'en miitsta nëjkx jä Kunuukxtee mtoken payoyeta. 3Tyëx jä'ä x'ixpaaty jä mugujk wyintejka jä kïp awaajks jäts mits jää mëj kip mwintejka xkajawa juu mëët jäp mwinjeetp. 4Pën wa mits mëët mëj kïp jäp mkë'ëm mwinjeetp, tsoj jun mits xnëjmat jä mugujk: Wa'n ëts tyajkpitseme jä kïp awaakts jäp mwinjeetp. 5Mits ka' winmayempaatpa yajkpitseme jäyip yë mëj kïp jäp mkë'ëm wyinjeetp jäts oy m'ixet wa'nit jä mugujk jä kïp awaakts xajkpitsemet jäp wyinjeetp.
6Ka' xmojtat jä ujkta juu jaty Kunuukxtee jya'ep amaay jää, ku jä ujk ka'oy tyakwimpitet jäts mujotmäjtet jäts mtsutsyoyet. Jats ka' xmojtat jä kääm juu miits oy tsuj mjaawep, jä kääm ka' jä tnijawa jäts oy o'k tsu jää nyäpyoyne jää mo'ts tijna tpëmet.
Amote, ixta jäts winkoxe tëjk akëë
(Lc 11.9-13; 6.31)
7Amoteta, wa'nit jä Kunuukxtee mojetat; ixteta, wa'nit xpaatat; winkoxta tëjk akëë, Wa'nit y'awatset. 8Juu t'amotep yajkmoopy jää; juu t'ixtep twaantep pyaatp jää; juu twinkoxp tyëjk akëë, akeywaatsp jä tëjk akëë.
9Jä wi'in jä unejktee ku y'unejk t'amote tsakaaky jäts tmo'et tsaa. 10O'k tmoet tsaan ku t'amotewet a'jkx. 11Oyam miits mka'oyjaywita mootyep miits jä m'unejkta juu oy, niyujk jä mteeta juu jäm tsapjootm, mojetat juu oy pen pën t'amotep.
12We'en miits nëjmeta maayeta jä muwu'kta we'en ixu'n xsojkta myajkmaayetat; we'en tyujkmujk jä pawaanen jä kutujken jäts jä kukexepa.
Muutsk tëjk akëë
(Lc 13.24)
13Tëketa juma tëjk'akëë muutsk wiin. Jä tëjk'akëë jäts jä tuu'u juuwe jä jaye tyajknëjkxp juma wintojketat mëj wiin jawe, nimay jaye tyeketa jäätso; 14Jä akëë jäts jä tuu'u juu jä jaye tyajk nëjkxp juma jä juukyen muutsk wiin jawe jäts tsu'ux, waanye jä jaye juu tpaatep.
Jä mtu'ixkapep wintsoj jyaywa
(Lc 6.43-44)
15Nay'ixiteta jä yë jayeta juu taayetep Kunuukxtee y'ayuuk nyatïje kyotstep. Miits myajknijä'yeta nyatijeta nïïjk naaxk nyapyëneta we'en ixu'n jä Borrego, Ka' wye'na jäts jäm jyotm wajts joot'an tamjää ka' jä mugujk tmeekx we'en jää ixu'n jä mëy'ujk. 16Jä miits mtu'ixkapep wintsoj jyaywa jäts jä xiiken kyotsen, ka' xa jä yotspa tyëëma uva ju'n o'k higo ju'n. 17Nijum jä oy jïjkx kïp ooyet jïjkx jä tiëëmat, jäts nijum jä ka' oy jïjkx nay ka' oy jïjkx kïp jä tiëëmat. 18Jäts nijum jä oy jïjkx kïp kä' y'oya tiëëmat jä ka' oy jïjkx, jäts nijum jä ka' oy jïjkx kïp ka' y'oya tiëëmat oy jïjkx. 19Nijum jä jïjkx kïp juu ka' tëëmep tsuj, yajkpujxejknep jää jäts yajkjëëmpëjkenet. 20We'en miits nëjmeta jää miits mtu'ixkaptap wintsoj jyaywa.
Tsoj ju'n jä jaye tyëkat jäm juma Kutujken juu jäm tsapjootm
(Lc 13.25-27)
21Ka' nijuma pen pën jä'ty ëts xtïp: Wintsën, Wintsën, jäts tyëjketat jäm juma jä kutujken juu jäm tsapjootm, jä'ye we tejketap juu tpatuuntep tsoj tsejk ëts jä nTee juu jäm tsapjootm. 22Ku wyena jä xëë tpaaty may jaye wyena ëts xnïmyetep: Wintsën, Wintsën, ëëts n'awaane mits jä mkets m'ayuuk mits mxëë këx, mits mxë këx ëëts jä jaye nyaktsë'ëk jä winëëmpa nyajkpitsem, jäts mits xëë këx ëëts ntun may jä nikäxen. 23Wa'nit ëts miits n'atsowtat: Nijunita ëts miits nka'ixte; nejkxta jëwa'akta miits ka' oy jayeta.
Jä tëjk juu oy yajk'ookep jäts juu ka' oy yajk'ookep
(Mr 1.22; Lc 6.47-49)
24Jääkëx tse pen pën jaty ëts x'amotenaxp jäts tpatun wintsoj ëts nwa'any, we'en jää ixu'n jä ya'atyëjk juu mëjëm tpayo'opy jäts jä tyëjk tyajk'oya jäts t'ooka tsajte'ek këxm. 25Wa'nit mëjk atsu'ux tuu' nyax, jäts jä mëj në'ë kyomnaxne jää mëjk poj miin jä tëjk tyajkite wa'any; ka' jä kite, paaty ku jä tyu'ooke jä mëjk tsa'te'ek. 26Pen pën ëts x'amotenaxp juu ëts nketsp, we'en jä ixu'n jä jaye juu mëjëm tka payo'opy jäts jä tyëjk tyajk'ooya jäts t'ooka në'ë apuu këxm. 27Wa'nit mëjk jä atsu'ux tuu' nyax, jäts jä mëj në'ë kyomnaxne, wa'nit jä mëjk poj min jäts jä tëjk pyajï'ït. Nijum ojts wintokekïx ni tii ojts kyo o'k taane.
28Ku jä Jesús ojts kyotskïx, ananyjuma jä jayeta atïwa tutaante tsoj yajk'ixpïjk, 29paaty ku jä yajk'ixpïjk kutujken mëët, ka' wyena ixu'n jä yajk'ixpëjkpata juu jä naaxwiinete kyutujken tnijawetep.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល