San Mateo 6
6
Jesús yajk'ixpïjk tnikets tnimaatyëjk jäts tuuk jëp yë oyen tso mugujk xpa'ayowet
1Ka' xtunet juu oy jäja mugujk wyinkujk ja'ye xtuuk ixtat jä mugujk. Pen we'en mjatketa, ja' mteeta juu jäm tsapjootm ni ti juuyena mka' mojetat.
2Paaty tse, ku x mo'et jä ayoow jaye juu tijaty ka' ijtxep, ka' x'awaanewäjkxet, we'en ixu'n jyatketa jä jayeta juu jä Kunuukxtee kyëts y'ayuuk tkanijawetep jäm ixpëjkentëjkm jäts në'ë aay tuu aay jä jaye winkujk tunta jäts jä jayeta wya'antat oy jaye yëëta. Tïwame jäts jäman miits jä mjuuyenta ku we'en xtuntat. 3Ku mits xputëjketat jä muwu'kta juu tijaty ka'itxetep, nipëna xkawaanat nijää'a juu mëëtnamyayep; 4ayu'ts xtunet, ku jä Kunuukxtee t'ixet jäts ayu'ts tijaty xtun, jää mojep jää mjuuyenta.
Jesús tuuk'ix jä tsajpkotsk jä ixpëjkpatëjkta
(Lc 11.2-4)
5Ku miits mtsapkotstat, ka' we'en mtsapkotstat ixu'n jääta pen pën jaty mäts aata mäts joota tenyep tsyapkotsta jäm ixpëjkentëjkm në'ë aay tuu aay jäts maay jootm jääkëx we'en jyatketa jäts jä jaye ixetat. We'en ëts miits nëjmeta jäman jä jyuuyen y'aaxne. 6Jäts mits ku mtsajpkotset, akëë mtëk wa'nit xmukotset ayu'ts jä mtee juu jäm tsapjootm. Jäts jä Kunuukxtee ixp jää juu mtuump yu'ts, jää mojep jä mjuuyen. 7Ku mtsapkotstat ka' xkotsempijtat xkotsatetat we'en ixu'n jyaketa pen pën jä Kunuukxtee kyets y'ayuuk tkanijawetep, we'en twinmayta jäts y'amotenaxetap jä Kunuukxtee ku muniyujk kyotsta. 8Ka' miits we'en mjätketat ixu'n jääta, Nam ka'nem miits tii x'amoteta nyijaawenep jä mTeeta juu tsapjootm tii miits mka' itxetep. 9Yïn miits mtsapkotstat:
Ïïm jä nTee jäm mits tsapjootm,
wa'ts mits jäm xëë.
10Yajkmine yaja jä mkutujken.
Jäts tyunjet yaj naxwiin tso mits xtsejk,
we'en ixu'n tyune jäm tsapjootm.
11Mooky ëëts xyam jä nkaaky jä ntojkx juu ëëts ntsejkp.
12Token määkxe ëëts juma ëëts nka'oyjaywa,
We'en ixu'n ëëts ntoken meejkx
juu ëëts xtuunxep juu ka' oyap.
13Ka' mits xyajkjaty jäts ëëts ntoken paatet,
kuwajne ëëts yajkäjke jä ka' oyap.
14Pen mtoken määkxtep miits jä muwu'kta juu mutoken tunetep, naywe'en jä mtee juu jam tsapjootm mtoken määkxetat; 15pen ka' miits xtoken määkxta jä muwu'kta, nay ka' miits jäm tee juu jäm tsapjootm mtoken määkxetat.
Jesús t'awana ku jaye nyajk'ayu'eta
16Ku miits mnaajk'ayu'etat, ka' miits mwiin m'aa yajk'ayoow xpëmtat, we'en ixu'n jä jaye pen pën mäts aa mäts joot tmëëta, nyapyëmeta jäts tsaatsyi winmaaytep jawe jäts jä jaye t'ixtat jäts nyak'ayu'etep ej. Tïwame jäts ni tii juuyen kya yajkmojtat. 17Ku mits mnaajk'ayu'at, nawimpuje jäts oy tsuj napyëme, 18katii jä jaye t'ixta jäts m'ayuep mits. Tujkye jä mtee tnijawat, juu yu'ts ijtp, jäts mits jä mTee juu y'ixp ayu'ts yajkmoep jä jyuuyen.
Jä jotkujken jäm tsapjootm
(Lc 12.33-34)
19Ka' xnipëjkpätat jä mjotkujkenta yaja naxkïx, juma jä tënejk waaywa jä pëëmtejk tyajkwintoke, juma jä määtspa tyëkat tëjk jeetp jäts nijum tmäätskëxet. 20Jää oy ku miits jä mjotkujkenta xajknipätat jäm tsapjootm juma jä tënejk waaywa tka'tyajkwintoket ni jä pëëmtejk kya wintojket ni jä määtspa kya it. 21Jäm juma jä mjotkuken, nay jäj jä mjaawen.
Jä kunojken jäm mnijkx mko'm
(Lc 11.34-36)
22Jä wiin tkunojkp jä nijkx jä kopk; pën we'en, oy mits mwiin ix tukëye mits jä mnijkx jä mkopk yajk kunojket; 23pen ka' mits oy mwiin ix, nijum jä mnijkx mkopk akoots itet. Jää ajaj juu jä mnijkx mko'm akoots tam jää, wa'ts yëk jä koots it.
Jä Kunuukxtee jäts jä jotkujken
(Lc 16.13)
24Nipëna tka tuunat mätsk jä wintsën, paaty ku tujk tsojket jäts jä tujk ka'tsojket, tujk tmumotet jäts jä tujk tka'mumojtet. Ka y'oya xmutujnet jä Kunuukxtee mëët jä jotkujken,
Kunuukxtee ix ijtp jä y'unejkta
(Lc 12.22-31)
25Jääkëx miits nëjmeta: Ka' miits xwinmaytat tso mjuukyetat tii mkaytap m'uuktap, nay ka' xwinmaytat tii wit tixox juu we mjakyäptap. Niyujk nimëjep jäwe ku jä jaye jyuukya jäts ka' jä në'ë jä kaaky niyujk nyimëjep yë nijkx kopk jäts ka'tii yëë wit xo'ox. 26Aaxejkta yë joonta juu tsajpwinjaaytep: ka' yujta ka' nyijpta ka' tsyijkta ka' jä pyëëntejk nipejkpäjta apëjken jeetp; jäts miitsta jäm jä mTeeta jäm tsapjootm jää miits myajkayetep. Niyujk mnimëjetep miitsta katii yë joonta. 27We'en miits xpayo'oyta ku mayta mtajta, Jäts jäjk niyujkap jä tujk xëë jä mjuukyenta.
28Tyëx miits xwinmayta ti wit ti xox mjakyäptap. Aaxejkta yë pïjta jäm ayjootm u'utsjootm o'k jäm kamjootm: ka' tyunta ka' kyojta. 29We'en ëts miits nëjmeta ni jää yajkutujkpa Salomón we'en ojts kya nyaxëxë wa'ts tsuj, we'en ixu'n jä pïjta. 30Pen xyëxp jä Kunuukxtee jä aayta jä utsta, juu xyam jäm kamjootm jäts kyep tyajktoynet, jäjk niyujk miitsta myajkxoxtat, miits jayeta jä mjaantsy jawenta miits mka'itxetep. 31Ka miits xwinmaytat, ka' xmumayta xmutajta: Tii nkaymep. O'k tii n'uukmep. O'k Ti wit ti xox npëëmemep. 32Jä'ye myaatyep tyajtep tso kyaaytat y'uuktat juu jä Kunuukxtee tka' jaantsy jawetep, jäts miitsta jäm miits jä mteeta tsapjootm juu tnijawekexp tii miits mkaijtxetep. 33Paaty, miits xmëpëmtat jä kutujken juu jäm tsapjootm jä kyets y'ayuuk jäts xpatuntat tso tsejk jä Kunuukxtee juu tni'oyep, wa'nit myajkmootat ti mka itxetep. 34Ka' xwinmayta wintsoj kyep, kyepnem xwinmayet xpayoyet. Tu'k xëë jä tujk xëë jäj jä maayen tajen juu ka' ni'ooyep.
ទើបបានជ្រើសរើសហើយ៖
San Mateo 6: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 6
6
Jesús yajk'ixpïjk tnikets tnimaatyëjk jäts tuuk jëp yë oyen tso mugujk xpa'ayowet
1Ka' xtunet juu oy jäja mugujk wyinkujk ja'ye xtuuk ixtat jä mugujk. Pen we'en mjatketa, ja' mteeta juu jäm tsapjootm ni ti juuyena mka' mojetat.
2Paaty tse, ku x mo'et jä ayoow jaye juu tijaty ka' ijtxep, ka' x'awaanewäjkxet, we'en ixu'n jyatketa jä jayeta juu jä Kunuukxtee kyëts y'ayuuk tkanijawetep jäm ixpëjkentëjkm jäts në'ë aay tuu aay jä jaye winkujk tunta jäts jä jayeta wya'antat oy jaye yëëta. Tïwame jäts jäman miits jä mjuuyenta ku we'en xtuntat. 3Ku mits xputëjketat jä muwu'kta juu tijaty ka'itxetep, nipëna xkawaanat nijää'a juu mëëtnamyayep; 4ayu'ts xtunet, ku jä Kunuukxtee t'ixet jäts ayu'ts tijaty xtun, jää mojep jää mjuuyenta.
Jesús tuuk'ix jä tsajpkotsk jä ixpëjkpatëjkta
(Lc 11.2-4)
5Ku miits mtsapkotstat, ka' we'en mtsapkotstat ixu'n jääta pen pën jaty mäts aata mäts joota tenyep tsyapkotsta jäm ixpëjkentëjkm në'ë aay tuu aay jäts maay jootm jääkëx we'en jyatketa jäts jä jaye ixetat. We'en ëts miits nëjmeta jäman jä jyuuyen y'aaxne. 6Jäts mits ku mtsajpkotset, akëë mtëk wa'nit xmukotset ayu'ts jä mtee juu jäm tsapjootm. Jäts jä Kunuukxtee ixp jää juu mtuump yu'ts, jää mojep jä mjuuyen. 7Ku mtsapkotstat ka' xkotsempijtat xkotsatetat we'en ixu'n jyaketa pen pën jä Kunuukxtee kyets y'ayuuk tkanijawetep, we'en twinmayta jäts y'amotenaxetap jä Kunuukxtee ku muniyujk kyotsta. 8Ka' miits we'en mjätketat ixu'n jääta, Nam ka'nem miits tii x'amoteta nyijaawenep jä mTeeta juu tsapjootm tii miits mka' itxetep. 9Yïn miits mtsapkotstat:
Ïïm jä nTee jäm mits tsapjootm,
wa'ts mits jäm xëë.
10Yajkmine yaja jä mkutujken.
Jäts tyunjet yaj naxwiin tso mits xtsejk,
we'en ixu'n tyune jäm tsapjootm.
11Mooky ëëts xyam jä nkaaky jä ntojkx juu ëëts ntsejkp.
12Token määkxe ëëts juma ëëts nka'oyjaywa,
We'en ixu'n ëëts ntoken meejkx
juu ëëts xtuunxep juu ka' oyap.
13Ka' mits xyajkjaty jäts ëëts ntoken paatet,
kuwajne ëëts yajkäjke jä ka' oyap.
14Pen mtoken määkxtep miits jä muwu'kta juu mutoken tunetep, naywe'en jä mtee juu jam tsapjootm mtoken määkxetat; 15pen ka' miits xtoken määkxta jä muwu'kta, nay ka' miits jäm tee juu jäm tsapjootm mtoken määkxetat.
Jesús t'awana ku jaye nyajk'ayu'eta
16Ku miits mnaajk'ayu'etat, ka' miits mwiin m'aa yajk'ayoow xpëmtat, we'en ixu'n jä jaye pen pën mäts aa mäts joot tmëëta, nyapyëmeta jäts tsaatsyi winmaaytep jawe jäts jä jaye t'ixtat jäts nyak'ayu'etep ej. Tïwame jäts ni tii juuyen kya yajkmojtat. 17Ku mits mnaajk'ayu'at, nawimpuje jäts oy tsuj napyëme, 18katii jä jaye t'ixta jäts m'ayuep mits. Tujkye jä mtee tnijawat, juu yu'ts ijtp, jäts mits jä mTee juu y'ixp ayu'ts yajkmoep jä jyuuyen.
Jä jotkujken jäm tsapjootm
(Lc 12.33-34)
19Ka' xnipëjkpätat jä mjotkujkenta yaja naxkïx, juma jä tënejk waaywa jä pëëmtejk tyajkwintoke, juma jä määtspa tyëkat tëjk jeetp jäts nijum tmäätskëxet. 20Jää oy ku miits jä mjotkujkenta xajknipätat jäm tsapjootm juma jä tënejk waaywa tka'tyajkwintoket ni jä pëëmtejk kya wintojket ni jä määtspa kya it. 21Jäm juma jä mjotkuken, nay jäj jä mjaawen.
Jä kunojken jäm mnijkx mko'm
(Lc 11.34-36)
22Jä wiin tkunojkp jä nijkx jä kopk; pën we'en, oy mits mwiin ix tukëye mits jä mnijkx jä mkopk yajk kunojket; 23pen ka' mits oy mwiin ix, nijum jä mnijkx mkopk akoots itet. Jää ajaj juu jä mnijkx mko'm akoots tam jää, wa'ts yëk jä koots it.
Jä Kunuukxtee jäts jä jotkujken
(Lc 16.13)
24Nipëna tka tuunat mätsk jä wintsën, paaty ku tujk tsojket jäts jä tujk ka'tsojket, tujk tmumotet jäts jä tujk tka'mumojtet. Ka y'oya xmutujnet jä Kunuukxtee mëët jä jotkujken,
Kunuukxtee ix ijtp jä y'unejkta
(Lc 12.22-31)
25Jääkëx miits nëjmeta: Ka' miits xwinmaytat tso mjuukyetat tii mkaytap m'uuktap, nay ka' xwinmaytat tii wit tixox juu we mjakyäptap. Niyujk nimëjep jäwe ku jä jaye jyuukya jäts ka' jä në'ë jä kaaky niyujk nyimëjep yë nijkx kopk jäts ka'tii yëë wit xo'ox. 26Aaxejkta yë joonta juu tsajpwinjaaytep: ka' yujta ka' nyijpta ka' tsyijkta ka' jä pyëëntejk nipejkpäjta apëjken jeetp; jäts miitsta jäm jä mTeeta jäm tsapjootm jää miits myajkayetep. Niyujk mnimëjetep miitsta katii yë joonta. 27We'en miits xpayo'oyta ku mayta mtajta, Jäts jäjk niyujkap jä tujk xëë jä mjuukyenta.
28Tyëx miits xwinmayta ti wit ti xox mjakyäptap. Aaxejkta yë pïjta jäm ayjootm u'utsjootm o'k jäm kamjootm: ka' tyunta ka' kyojta. 29We'en ëts miits nëjmeta ni jää yajkutujkpa Salomón we'en ojts kya nyaxëxë wa'ts tsuj, we'en ixu'n jä pïjta. 30Pen xyëxp jä Kunuukxtee jä aayta jä utsta, juu xyam jäm kamjootm jäts kyep tyajktoynet, jäjk niyujk miitsta myajkxoxtat, miits jayeta jä mjaantsy jawenta miits mka'itxetep. 31Ka miits xwinmaytat, ka' xmumayta xmutajta: Tii nkaymep. O'k tii n'uukmep. O'k Ti wit ti xox npëëmemep. 32Jä'ye myaatyep tyajtep tso kyaaytat y'uuktat juu jä Kunuukxtee tka' jaantsy jawetep, jäts miitsta jäm miits jä mteeta tsapjootm juu tnijawekexp tii miits mkaijtxetep. 33Paaty, miits xmëpëmtat jä kutujken juu jäm tsapjootm jä kyets y'ayuuk jäts xpatuntat tso tsejk jä Kunuukxtee juu tni'oyep, wa'nit myajkmootat ti mka itxetep. 34Ka' xwinmayta wintsoj kyep, kyepnem xwinmayet xpayoyet. Tu'k xëë jä tujk xëë jäj jä maayen tajen juu ka' ni'ooyep.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល