San Mateo 22
22
Tsoj tumu'ixa jä xëë ku ya'atyëjk mëët ja te'extëjk nyapyëjketa
(Lc 14.15-24)
1Jäts jä Jesús jatujk ook ojts tmukojtsuk'wa'any jä tumu'ixen mëët. Jäts yajknïmyete:
2We'n jä kutujken juu jäm tsapjootm ixu'n tujk jä mëj yajkutujkpa xyëëtun ku jä myajk tye'expïjk. 3Jäts tpakex jä tyuumpata jäts nëjkx wew jä jaye juu watsew ijtep, jäts yëëta ka' ojts jya'yeta. 4Jäts jatujk ook wiink tuumpa tjä tpakäxkome jäts tpawa'any tsoj tnëmat: Nëjmeta jä juu watsew ijtep jäts jäman awaatan jä kaaky. Të ëts npawa'any jäts tyajk'ooktat ëts jä nkaa'ta jäts ëts jä ntënejk juu yeekta, tukëye awaatan jää; jäts mintat xëëjepa. 5Jäts jaye juu watsew ijtep ka' tmëpëëmte. Nitujk jääta nyijkx nëjkx t'ix jä nyaax, jäts jatujk nyijkx nëjkx t'ix jä yajky tyeek, 6jäts winkexta tmatste jä mëj yajkutujkpa tyuumpa tsiijkte twopte konem tyajk'ookte. 7Wa'nit jä mëj yajkutujkpa mëjk ojts jyotmaty, jäts ojts tpakex jä tyujpata jäts yajk'ooktat jää yajkjaye'ookpata jäts tyajktoytat jä kyapen. 8Wa'nit tnïmye jä tyuumpata: Jää xëë apëëmkan jää, juu watsew ijtep ka' tyuketaketa jya'yetat. 9Nëjkxta, miits jäm mëj tu'am, wowta miits tukëye pën jaty mpaatep jäts mintat jyayetat. 10Jä tuumpa tsyoonte nyëjkxte në'ë aay tu'aay jäts tyajknamyukete tukëye jä jayeta pën jaty pyaate, jä oy jaye jäts ko'oy jaye; jäts may jaye jä'tye ojts jä tëjk joot tyajk'utsta.
11Ku jä mëj yajkutujkpa tyëjke jäts t'ix juu watsew ijtep, jäts t'ix tujk jä ya'atyëjk ka' jä wit tmëëta juu yajktuuntep ku nyapyëketa. 12Jäts tnïmye: Muwu'k, tsoj mits të mtëjka yaja, pën ka' mits xjakyep jä wit juu nyapyëkepa jyakyep. Jäts jatuk amon ojts tyan. 13Wa'nit jä mëj yajkutujkpa tnimye jä jaye juu kaaky tojkx tyajknaxp kapyatken winm: Matsta yë jaye këtsumta tejktsumta majktsojkta tajep akoots ijtep. Wa'nit jä jayeta ya'axta jyoktat tsyaatsy paatat. 14May jää jaye juu yaxmin ijtep, ix'ook waanye jä nëjkx yajkwiinkoontene.
Jä tyajktïweta tsoj jä kupëëmen
(Mr 12.13-17; Lc 20.20-26)
15Ku xya nya'x, wa'nit nyamyukete jä Fariseos jäts tkotsmujkta tsoj ju'n tnëjmetat jä Jesús tuunam t'ixmatswa'anta tsoj y'atsowet, jää tsyojktep wintsoj i'k wään kyotstojkewet jäts jatye tni'ëënetat. 16Jäts jä Fariseos pyayoywa'tëjkta tpakäxte, mëët Herodes pyayoywa tëjkta tujkmujk nyëjkxte, jäts tnëjmetat:
—Yajk'ixpëjkpa, nijaawep ëëts jäts tïwa mits mketsp, jäts jä Kunuukxtee y'ayuuk mits myajkjay'ixep wintsoj jää yajk'mumojtet, ka' mits xmëjpïm pen tsoj jaty jä jaye wya'anta, kä' jää'ap mits mkets jäts jä jaye t'oyjawat. 17Waana ëëts, tsoj mits m'okwa'any: Ooyep ëëts wi'n nkujuyet jä kupëëmen jäts nmoet ëëts jä mëj yajkutujkpa jä roma jyaa, we'n o'k ka'.
18Jesús wa'ts jä tpayo'oy jäts kya oy yajktïwetep jääta, jäts tnïmye:
—Miits ka' winmaayen paatpa, tyëx ëts xkets'wëënta 19Tuuk'ixta ëts jä meen juu ntukujuutyep jä kupëëmen.
Wa'nit tuuk'ixte jä puxen meen, 20jäts jä Jesús tnïmye:
—Pën yë wyin y'aa myëët jäts pën xyëë jäm japyet.
21Wa'nit y'atsoote:
—Jä mëj yajkutujkpa.
Wa'nit jä Jesús nyë'ëmxete:
—Moojta jä mëj yajkutujkpa juu jää mëj yajkutujkpa jya'ep, moojta jä Kunuukxtee juu jä Kunuukxtee jya'ep. 22Ku we'n tmotete, mëjk ojts tu'atiweta; jäts tmajktsooktene, wa'nit nyëjkxtene.
Tyajktïweta tso jä jaye jyuukpëjket jä tujk ook.
(Mr 12.18-27; Lc 20.27-40)
23Nay jää xëë, winkex jä saduceos nyëjkxta nëjkx t'ixta jä Jesús. Jä saduceos kya' jä tjaantsy jawetep ku jä jaye y'ooket jäts jatujk ook jyuukypëjket, jää ayuuk yajk'tïwa waantep:
24—Yajk'ixpëjkpa, we'n jä Moisés wyaany ku jä ya'atyëjk tku'ooket jä tye'extëjk pën ka' y'unejk pënta, jä y'uts twinmajtsep tmëët tseenat jä ku'eekte'ex, jäts t'unejk mo'et jä y'atsy juu t'ookne. 25Tujk ïïmye nawyaaneme, jäm it wyena tujk ook jä jayeta niwuxtujtëjk tujk'kä'äxta. Jä mutujk tye'expïjk, jäts ook jää. Ku mka'ts y'unejke, jäts jä mumätsk tpëjkome. 26Naywe'n jää jya'ty jä mumätsk, jäts wa'nit jä mutuuk, jäts we'n konem jya'y muwuxtutejk. 27Ku we'n jya'ty wa'nit jä te'extëjk y'ookne. 28Ku wyena, jyuuky'pëjktenet, pën jawe juu niwuxtujtëjk tujk atsy tujk uts te'extëkap jä te'extëjk, pen tukëye jää tmënapyëjke.
29Jesús y'atsowete:
—Mtutojkep miitsta; ka' miits x'ixa tsoj japyet wya'any ni xka'ixeta jä Kunuukxtee nyimëjen. 30Ku wyena jä ookpa jyuukypëjktat, jä te'extëjkta mëët jä ya'atyëjkta ka' jää y'ok napyëjketenet, we'n jää ijtenet ixu'n jä ángelesta juu jäm tsapjootm. 31Kuts jä ookpa jyuukypëjktat, ka'nem miits xkotsta tsoj jä Kunuukxtee kë'ëm wyaany: 32Ëts jääwe jä Abraham Kyunuukxtee, mëët Isaac mëët Jacob. Jää ookpata ka' jä Kunuukxtee tjää'a, jä Kunuukxtee jää jyaa'ep jä juuky jaye.
33Ku t'amotenaxte, jä jayeta atïwa tyaante tsoj jä Jesús yajk'ixpïjk.
Jä pawaanen juu niyujk tnimëjep
(Mr 12.28-34)
34Wa'nit jä Fariseos nyamyujkete ku tnijaawete jäts te jää Jesús jä saduceos tyajk'amen, 35jäts tujk jä yajk'ixpëjkpa juu jä kutujken tnijaawep, tuuna kyetswïïn, jäts tyajktïïwe:
36—Yajk'ixpëjkpa, juu pawaanen niyujk tnimëjep mëët tukëye jä kyutujken.
37Jesús nyë'ëmxe:
—Tsojke jä mWintsën Kunuukxtee tukëye mëët m'aa mjoot, tukëye mëët jä mjaawen jäts tukëye mëët jä mwinmaayen. 38Mutujk jä pawaanen juu niyujk tnimëjep. 39Jäts mumätsk, nawyen jäjtpa jää; yïn tsa wya'any: tsojke mugujk we'n ixu'n mits mnatsyeke. 40Yëë mäjtsk jëp pawaanen jäptse pitsem winjun jä kutujken jäp myets jäts tukëye juu jyaatye jä kukexepa.
Juma tsyeen yë Mesías.
(Mr 12.35-37; Lc 20.41-44)
41Jäpnem wyena tujk mujknem jä fariseosta, 42jäts jää Jesús tyajktiwe:
—Tso miits xpayoyta pën jää Mesías. Pën këx jawe myets.
Jäts jää y'atsoote:
—Jäm jää tsyeen juma David.
43Wa'nit jä Jesús nyë'ëmxete:
—Tsots ku jä David, jä Kunuukx poj yajk'kotse, jäts tnïma jää Wintsën. Jäts wyaany:
44Jä Wintsën tnïmye ëts jä nwintsën:
Tsëëna ëts n'akayen ntsoj,
Konem ëts npëmkëxet juu mka' määkxetep
Jäp mtejk patkep.
45Tsoj ju'n jä Mesías tsyonet jäm David winkujkm, pën jä David këëm tnïmyep mits Wintsën.
46Nipëna kya' atsowenpijt nitujk aaja, jää xëë nipëna ojts kya' o'k yajktïïwxene,
ទើបបានជ្រើសរើសហើយ៖
San Mateo 22: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 22
22
Tsoj tumu'ixa jä xëë ku ya'atyëjk mëët ja te'extëjk nyapyëjketa
(Lc 14.15-24)
1Jäts jä Jesús jatujk ook ojts tmukojtsuk'wa'any jä tumu'ixen mëët. Jäts yajknïmyete:
2We'n jä kutujken juu jäm tsapjootm ixu'n tujk jä mëj yajkutujkpa xyëëtun ku jä myajk tye'expïjk. 3Jäts tpakex jä tyuumpata jäts nëjkx wew jä jaye juu watsew ijtep, jäts yëëta ka' ojts jya'yeta. 4Jäts jatujk ook wiink tuumpa tjä tpakäxkome jäts tpawa'any tsoj tnëmat: Nëjmeta jä juu watsew ijtep jäts jäman awaatan jä kaaky. Të ëts npawa'any jäts tyajk'ooktat ëts jä nkaa'ta jäts ëts jä ntënejk juu yeekta, tukëye awaatan jää; jäts mintat xëëjepa. 5Jäts jaye juu watsew ijtep ka' tmëpëëmte. Nitujk jääta nyijkx nëjkx t'ix jä nyaax, jäts jatujk nyijkx nëjkx t'ix jä yajky tyeek, 6jäts winkexta tmatste jä mëj yajkutujkpa tyuumpa tsiijkte twopte konem tyajk'ookte. 7Wa'nit jä mëj yajkutujkpa mëjk ojts jyotmaty, jäts ojts tpakex jä tyujpata jäts yajk'ooktat jää yajkjaye'ookpata jäts tyajktoytat jä kyapen. 8Wa'nit tnïmye jä tyuumpata: Jää xëë apëëmkan jää, juu watsew ijtep ka' tyuketaketa jya'yetat. 9Nëjkxta, miits jäm mëj tu'am, wowta miits tukëye pën jaty mpaatep jäts mintat jyayetat. 10Jä tuumpa tsyoonte nyëjkxte në'ë aay tu'aay jäts tyajknamyukete tukëye jä jayeta pën jaty pyaate, jä oy jaye jäts ko'oy jaye; jäts may jaye jä'tye ojts jä tëjk joot tyajk'utsta.
11Ku jä mëj yajkutujkpa tyëjke jäts t'ix juu watsew ijtep, jäts t'ix tujk jä ya'atyëjk ka' jä wit tmëëta juu yajktuuntep ku nyapyëketa. 12Jäts tnïmye: Muwu'k, tsoj mits të mtëjka yaja, pën ka' mits xjakyep jä wit juu nyapyëkepa jyakyep. Jäts jatuk amon ojts tyan. 13Wa'nit jä mëj yajkutujkpa tnimye jä jaye juu kaaky tojkx tyajknaxp kapyatken winm: Matsta yë jaye këtsumta tejktsumta majktsojkta tajep akoots ijtep. Wa'nit jä jayeta ya'axta jyoktat tsyaatsy paatat. 14May jää jaye juu yaxmin ijtep, ix'ook waanye jä nëjkx yajkwiinkoontene.
Jä tyajktïweta tsoj jä kupëëmen
(Mr 12.13-17; Lc 20.20-26)
15Ku xya nya'x, wa'nit nyamyukete jä Fariseos jäts tkotsmujkta tsoj ju'n tnëjmetat jä Jesús tuunam t'ixmatswa'anta tsoj y'atsowet, jää tsyojktep wintsoj i'k wään kyotstojkewet jäts jatye tni'ëënetat. 16Jäts jä Fariseos pyayoywa'tëjkta tpakäxte, mëët Herodes pyayoywa tëjkta tujkmujk nyëjkxte, jäts tnëjmetat:
—Yajk'ixpëjkpa, nijaawep ëëts jäts tïwa mits mketsp, jäts jä Kunuukxtee y'ayuuk mits myajkjay'ixep wintsoj jää yajk'mumojtet, ka' mits xmëjpïm pen tsoj jaty jä jaye wya'anta, kä' jää'ap mits mkets jäts jä jaye t'oyjawat. 17Waana ëëts, tsoj mits m'okwa'any: Ooyep ëëts wi'n nkujuyet jä kupëëmen jäts nmoet ëëts jä mëj yajkutujkpa jä roma jyaa, we'n o'k ka'.
18Jesús wa'ts jä tpayo'oy jäts kya oy yajktïwetep jääta, jäts tnïmye:
—Miits ka' winmaayen paatpa, tyëx ëts xkets'wëënta 19Tuuk'ixta ëts jä meen juu ntukujuutyep jä kupëëmen.
Wa'nit tuuk'ixte jä puxen meen, 20jäts jä Jesús tnïmye:
—Pën yë wyin y'aa myëët jäts pën xyëë jäm japyet.
21Wa'nit y'atsoote:
—Jä mëj yajkutujkpa.
Wa'nit jä Jesús nyë'ëmxete:
—Moojta jä mëj yajkutujkpa juu jää mëj yajkutujkpa jya'ep, moojta jä Kunuukxtee juu jä Kunuukxtee jya'ep. 22Ku we'n tmotete, mëjk ojts tu'atiweta; jäts tmajktsooktene, wa'nit nyëjkxtene.
Tyajktïweta tso jä jaye jyuukpëjket jä tujk ook.
(Mr 12.18-27; Lc 20.27-40)
23Nay jää xëë, winkex jä saduceos nyëjkxta nëjkx t'ixta jä Jesús. Jä saduceos kya' jä tjaantsy jawetep ku jä jaye y'ooket jäts jatujk ook jyuukypëjket, jää ayuuk yajk'tïwa waantep:
24—Yajk'ixpëjkpa, we'n jä Moisés wyaany ku jä ya'atyëjk tku'ooket jä tye'extëjk pën ka' y'unejk pënta, jä y'uts twinmajtsep tmëët tseenat jä ku'eekte'ex, jäts t'unejk mo'et jä y'atsy juu t'ookne. 25Tujk ïïmye nawyaaneme, jäm it wyena tujk ook jä jayeta niwuxtujtëjk tujk'kä'äxta. Jä mutujk tye'expïjk, jäts ook jää. Ku mka'ts y'unejke, jäts jä mumätsk tpëjkome. 26Naywe'n jää jya'ty jä mumätsk, jäts wa'nit jä mutuuk, jäts we'n konem jya'y muwuxtutejk. 27Ku we'n jya'ty wa'nit jä te'extëjk y'ookne. 28Ku wyena, jyuuky'pëjktenet, pën jawe juu niwuxtujtëjk tujk atsy tujk uts te'extëkap jä te'extëjk, pen tukëye jää tmënapyëjke.
29Jesús y'atsowete:
—Mtutojkep miitsta; ka' miits x'ixa tsoj japyet wya'any ni xka'ixeta jä Kunuukxtee nyimëjen. 30Ku wyena jä ookpa jyuukypëjktat, jä te'extëjkta mëët jä ya'atyëjkta ka' jää y'ok napyëjketenet, we'n jää ijtenet ixu'n jä ángelesta juu jäm tsapjootm. 31Kuts jä ookpa jyuukypëjktat, ka'nem miits xkotsta tsoj jä Kunuukxtee kë'ëm wyaany: 32Ëts jääwe jä Abraham Kyunuukxtee, mëët Isaac mëët Jacob. Jää ookpata ka' jä Kunuukxtee tjää'a, jä Kunuukxtee jää jyaa'ep jä juuky jaye.
33Ku t'amotenaxte, jä jayeta atïwa tyaante tsoj jä Jesús yajk'ixpïjk.
Jä pawaanen juu niyujk tnimëjep
(Mr 12.28-34)
34Wa'nit jä Fariseos nyamyujkete ku tnijaawete jäts te jää Jesús jä saduceos tyajk'amen, 35jäts tujk jä yajk'ixpëjkpa juu jä kutujken tnijaawep, tuuna kyetswïïn, jäts tyajktïïwe:
36—Yajk'ixpëjkpa, juu pawaanen niyujk tnimëjep mëët tukëye jä kyutujken.
37Jesús nyë'ëmxe:
—Tsojke jä mWintsën Kunuukxtee tukëye mëët m'aa mjoot, tukëye mëët jä mjaawen jäts tukëye mëët jä mwinmaayen. 38Mutujk jä pawaanen juu niyujk tnimëjep. 39Jäts mumätsk, nawyen jäjtpa jää; yïn tsa wya'any: tsojke mugujk we'n ixu'n mits mnatsyeke. 40Yëë mäjtsk jëp pawaanen jäptse pitsem winjun jä kutujken jäp myets jäts tukëye juu jyaatye jä kukexepa.
Juma tsyeen yë Mesías.
(Mr 12.35-37; Lc 20.41-44)
41Jäpnem wyena tujk mujknem jä fariseosta, 42jäts jää Jesús tyajktiwe:
—Tso miits xpayoyta pën jää Mesías. Pën këx jawe myets.
Jäts jää y'atsoote:
—Jäm jää tsyeen juma David.
43Wa'nit jä Jesús nyë'ëmxete:
—Tsots ku jä David, jä Kunuukx poj yajk'kotse, jäts tnïma jää Wintsën. Jäts wyaany:
44Jä Wintsën tnïmye ëts jä nwintsën:
Tsëëna ëts n'akayen ntsoj,
Konem ëts npëmkëxet juu mka' määkxetep
Jäp mtejk patkep.
45Tsoj ju'n jä Mesías tsyonet jäm David winkujkm, pën jä David këëm tnïmyep mits Wintsën.
46Nipëna kya' atsowenpijt nitujk aaja, jää xëë nipëna ojts kya' o'k yajktïïwxene,
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល