Eclesiástico 2
2
Jiñi bij cha'añ lak ña'täbal
1Kalobil,
mi tsa' awäk'ä apusik'al cha'añ ma' amelbeñ iye'tel Lak Yum,
yom ma' chajpañ apusik'al cha'añ ti' yorajlel wokol.
2P'ätesañ apusik'al yik'ot ch'ejlesañ abä,
cha'añ ma'añik mi' toj sajtel apusik'al che' ma' ataj wokolil.
3Mach ma' ñajt-esañ abä ti' itojlel Lak Ch'ujutat,
che' jiñi, ti' wi'il ma' kaj ataj achobejtäbal.
4Mi añäch chuki mi' tilel, xuk'chokoñ apusik'al,
cha'añ ma' añusañ pejtelel wokolil.
5Kome che' bajche' jiñi k'änk'äñ tak'iñ
mi' ñumel ti k'ajk cha'añ mi' isäk'esañ
che'äch mi' lak ñumel ti wokolil
cha'añ mi lak säk'esañ lakbä ja'el.
6Xuk'chokoñ apusik'al ti' Lak Yum,
che' jiñi mi' ikaj ikäñtañet;
toj-esañ amelbal yik'ot pijtañ akoltäñtel ti Lak Yum.
7Jatetla, mu'bä ach'ujutesañla Lak Yum,
xuk'chokoñ la' apusik'al ti' ip'uñtaya;
mach ma' xoy abijlel cha'añ ma'añik mi ayajlel.
8Jatetla mu'bä la' ach'ujutesañ Lak Yum,
xuk'chokoñ la' pusik'al ti' itojlel,
cha'añ ma'añik mi' sajtel la' chobejtäbal.
9Jatetla mu'bä la' ach'ujutesañ Lak Yum,
pijtañla la' akoltäñtel, la' atijikñäyel machbä añik ijilibal
yik'ot jiñi ñukbä ik'uxbiya Lak Yum.
10K'elela bajche' tsa' ujti ti oñiyi:
Ma'añik majch machbä añik tsi' itaja ikoltäñtel
che' tsa' ixuk'choko ipusik'al ti Lak Yum.
Ma'añik majch tsa' käle ti bajñelil
che' tsa' ichäñ ñuk'esa ik'aba.
Ti' pejtelelob tsa'bä ik'ajtiyob ikoltäñtel
Lak yum tsa' iñich'ta ik'ajtiyatak.
11Kome uts ipusik'al Lak Yum yik'ot ñuk ip'uñtaya,
mi' iñusañ mulil yik'ot mi' cha'leñ koltaya ti' k'iñilel wokolil.
12-13Ixku mi cha'p'ejbä lak pusik'al,
ts'uboñla yik'ot xmuliloñla,
yik'ot ma'añik xuk'ul lak pusik'al ti' itojlel,
ma'añik mi' ikajel iyäk'eñoñla ikoltaya.
14¡P'ump'uñ jiñi machbä añik mi' ikuch ti' ipusik'al wokol!
¿Chuki mi' ikajelob imel che' jiñi Lak Yum
mi' iyäk'eñ iyilañ wokol?
15Jiñi mu'bä iñuk'esañob Lak Yum mi ch'ujbiñob it'añ,
jiñi mu'bä ik'uxbiñob Lak Yum mi' melob chuki mi' imulañ.
16Jiñi mu'bä ich'ujutesañob Lak Yum
mi chäñ ak'eñob ipusik'al cha'añ mi' cha'leñob chuki uts'at ti' itojlel;
jiñi mu'bä ik'uxbiñob tijikña mi' ich'ujbiñob ti' ipusik'al ixik'ojel.
17Jiñi mu'bä iñuk'esañob Lak Yum
chajpäbilo'bix ipusik'alob cha'añ mi' pek'esañob ibä ti' itojlel.
18La' ajñikoñla ti' ik'äb Lak Yum,
mach ya'ik ti' ik'äb wiñikob;
kome jiñi ik'uxbiya Lak Yum,
lajaläch bajche' iñuklel.
ទើបបានជ្រើសរើសហើយ៖
Eclesiástico 2: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM