Eclesiástico 15
15
1Jiñi mu'bä ich'ujutesañ Lak Yum,
mi' cha'leñ chuki uts'at,
che' ja'el mux itaj iña'täbal
che' mi' chäñ ch'ujbiñ ixik'ojel.
2Kome jiñi ña'täbaläl
k'ax tijikña mi' ilok'el itaj tilel,
che' bajche' jiñi ña'äl yik'ot ijñamäl
che' maxto añik ija'bilel.
3Mi' yäk' ti we'el uch'el
yik'ot uts'ataxbä bälñäk'äl mu'bä iyäk' ombä ña'täbaläl.
4Che' chäñ xuk'ul ipusik'al ti' itojlel, ma'añik mi kaj iyajlel,
yik'ot mejl imel icha'añ pejtelel chuki mi' iña'tañ.
5Che' ti yorajlel tempajbä ya' ti itejklum
jiñi ña'täbaläl mi kaj iyäk'eñ tojbä it'añ
yik'ot mi kaj ichañ-esañ ti' itojlel ipi'älob,
6che' ja'el mi kaj iyäk'eñ itijikñäyel
yik'ot iñuklel ik'aba' ti' pejtelel k'iñ.
7Jiñi wiñikob cha'p'ejlo'bä ipusik'al,
ma'añik mi' imejlelob itajob,
mi jiñik xmulilob mejlik iyilañob.
8Ñajt mi' iyajñel ti' itojlel joñtolo'bä,
jiñi xlotob ma'añik mi' wis ña'tañob iliyi.
9Kojach jiñi año'bä iña'täbal mi' mejlelob ich'ujutesañ Lak Yum,
kome jiñäch Lak Yum majki tsa'bä iyäk'eyob ña'täbaläl.
10Che' ma'añik ña'täbaläl,
ma'añik ch'ujutesäñtel ja'el,
jiñ cha'añ jiñi xjoñtolob
mach mejlik ich'ujutesañ Lak Yum.
11Mach ma' wäl:
«Jiñäch Lak Ch'ujutat mu'bä iyäk'oñ kotsañ kmul»;
kome jiñi ma'añik mi' imel chuki mu'bä ibi'leñ.
12Mi yomik awäl cha'añ Lak Ch'ujutat tsi' yäk'äyet yajlel ti mulil;
kome Lak Yum ma'añik ik'äjñibal icha'añ joñtolil.
13Lak Yum mi' ts'a'leñ chuki machbä uts'atik,
yik'ot ma'añik mi' chokbeñob tilel joñtolil
ti' itojlel jiñi mu'bä ik'uxbiñob.
14Che' ti kajibal Lak Ch'ujutat tsi' imele wiñik,
tik'il tsa' ikäyä cha'añ mi' iña'tañ bajche' yom ajñel.
15Mi' awomäch, mejl ach'ujbibeñ ixik'ojel,
yik'ot mejlet ti ajñel ti xuk'ul amel mu'bä imulañ.
16Ya' ti' atojlel añ acha'añ k'ajk yik'ot ja';
yajkañ bakibä awom.
17Ya' ti' tojlel ti jujuñtikil
ya' añ kuxtälel yik'ot chämel,
ya'i ti jujuñtikil mi' kaj itaj chuki tsa' iyajka.
18Iña'täbal Lak Yum ñumeñ ñukäch;
ñumeñ p'ätäläch ja'el yik'ot mi' ilaj k'el pejtelel chuki mi' yujtel.
19Lak Ch'ujutat mi' ikäñtañ pejtelel kuxulbä tsa'bä imele,
yik'ot mi' laj k'el ti' pejtelel chuki mi' melob wiñikob x-ixikob.
20Ma'añik juñtikil wiñik tsa'bä ixik'i cha'añ mi imel mulil,
mi muk'ik ikäy cha'añ ma'añik mi' itoj imul jiñi xlotob.
ទើបបានជ្រើសរើសហើយ៖
Eclesiástico 15: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM