Eclesiástico 12
12
Lak weñlel mu'bä lak taj ti' tojlel weño'bä lak pi'äl
1Che' mi' amel chuki uts'at ti' tijlel api'älob,
käñä majki mi' amelbeñ,
che' jiñi mi' mejlel apijtañ ik'extäñtel akoltayaj.
2Mele chuki uts'at ti' itojlel tojo'bä ipusik'al,
che' jiñi mi' kaj ataj achobejtäbal,
Mi ma'añik ma' ataj achobejtäbal
ti itojlel majki tsa'bä akolta,
Lak Yum mi' kaj itojbeñet ti wi'il.
3Che' mi' akoltañ jiñi joñtolbä
ma'añik chuki weñbä mi' achobejtañ,
mi añik ik'äjñibal jiñi akoltaya.
4-5Yom akoltañ jiñi mu'bä ich'ujbiñ it'añ Lak Yum,
ixku jiñi mu'bä icha'leñ chuki joñtol mach akoltañ,
kome ti wi'il mi kaj itik'lañet.
Ti' kaj weñlel tsa'bä amele ti' itojlel,
mi kaj iyäk'et ti joñtolbä wokolil.
6Che' ja'el Lak Ch'ujutat ts'a' mi' k'el xjoñtolob,
yik'ot mi kaj iyäk'beñtelob itoj imul.
7Jiñ cha'añ, yom mi' akoltañ jiñi utsbä ipusik'al,
ixku mach amel koltaya ti' tojlel joñtolo'bä;
koltañ ti wokol jiñi p'ump'umbä,
ixku mach awis ak'eñ jiñi chañbä mi' imel ipusik'al.
Lak pi'äl cha'p'ejbä ipusik'al
8Che' tijikña woliyoñla ti chumtäl,
mach lak ña'ta majki isujm jiñäch lak pi'äl;
ixku che' ma'añik lak tijikñäyel ti wokol,
mi lak ña'tañ majki mi' ts'a'leñoñla.
9Che'bä añ tijikñäyel che' añ lak chu'bä añ,
jiñi xts'a'leyaj mi' isujtel bajche' xuk'ulbä api'äl;
ixku che' mi' itilel wokolil,
jiñto lak käñäbä lak pi'äl mi bajñel käyoñla.
10Mach axuk'chokoñ apusik'al ti' itojlel ts'a'bä mi' k'elet,
awilañ jiñi ijoñtolel lajal bajche' kuxixbä tsuku tak'iñ.
11Mach yälä mi' ipoj u'biñ at'añ yik'ot uts mi' iloñ mel ibä,
yom tsajilet yik'ot mach yom ñuk apusik'al ti' itojlel.
Mele ti' itojlel bajche' mu'bä iju'k'e k'elob wutäl melbilbä ti tsuku tak'iñ,
che'äch bajche' jiñi mi' ikajel ajisabeñ ikuxil.
12Mach awäk' k'otel iläk'et,
cha'añ ma'añik mi xit'choket yik'ot mi' chilbeñet awe'tel.
Mach mejl awäk' ti buchtäl ti añoj,
cha'añ ma'añik mi' chilbeñet awe'tel.
Mi ma'añik che' tsa' amele,
ti wi'ilbä k'iñ mi kaj aña'tañ isujmlel pejtelel kt'añ,
yik'ot mi' kaj ataj ach'ijiyemal che' ma' ña'tañ jiñi tsa'bä ksu'beyet.
13Ma'añik majch mi' ipäs ip'uñtaya
mi ti' tojlel mu'bä iyälak'iñ lukum che' mi' ik'uxtäl,
mi ti' tojlel majki mu'bä iläk'tesañ ibä ti joñtolbä bälte'el.
14Che'äch mi' yujtel jiñi mu'bä iyajñel ti' itojlel xjoñtolil,
yik'ot muk'ix ibi'besañ ibä ti' joñtolil.
15Che' tijikña añet ma'añik mi' iyäk' ibä ti käjñel,
ixku che'bä ma' ayajlel ti wokol,
ma'añik mi ikaj ikoltañet.
16Jiñi xts'a'leya uts'atax it'añ che' mi' pejkañonla,
ixku ya' ti' pusik'al woli iña'tañ bajche' mi' kaj itik'lañet.
Loñ ka'bäläch iya'lel iwut mi' ilok'el ti uk'el,
che' bakibä k'iñ mi' itajbeñ iyorajlel
ma'añik mi' ikaj ilujb-añ imel chuki joñtol.
17Che' bakibä k'iñ ma' taj wokol,
tajol ya'äch añ ti' atojlel cha'añ mi' ikoltañet;
ixku cha'p'ejl jach ipusik'al woli' imel,
kome kojach woli ik'el bajche' mi' mejlel itik'lañet.
18Che' jiñi, tijikña mi' kaj ipäs iwut,
yik'ot ti ibajñel wulwult'añ mi kaj ik'extañ ipusik'al.
ទើបបានជ្រើសរើសហើយ៖
Eclesiástico 12: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM