Ŋúnuyɔ 144
144
Bàli mɛ́ Yewe yē Kulocɛliɛ wè, peli wuʔu kiī tànʔa !
1 Dawuda wuʔu gī.
Kpuʔɔrɔ 'yɛli de tari Yewe nɛ̄ wè, mi kàdɛnigbaala lè#144.1 Wéli baa 18.2.,
wire ŋáà wi 'mi kiyɛ tɛnmɛ yè kapiɛnnɛ nɛ̄ lè
nɛ́ mi kabiʔɛlɛ ní gèle kàsii kpúɔngɛnmɛ nɛ̄ bè#144.1 Wéli baa 18.35..
2Wire wī mi Kulocɛliɛ ŋáà mi nyɛ́nì dɛ́ni wè#144.2 Wéli baa 59.10,17.,
wire wī mi làridiʔɛ lìrige nɛ́ ní mi líʔirejodiʔɛ gè,
wire ŋáà wi 'mi píle nɛ̀ suɔ wè.
Wiī mi timɔzigege; wire láara mi nɛ fé nɛ làrí;
wire wi kùlogolo siɛnnɛ cɛ́rigi bèle mi mɛ́#144.2 Eburulo siɛnliɛrɛ ti ki 'juu nɛ́ jo: a wire wi 'mi siɛnnɛ tɛ́ngɛ bèle mi fànʔa laara gè. Sɛbɛcɛ́nminɛ pálì ti sɔ̀ngí nɛ́ jo dùʔɔ siɛnrɛ ti yé juu nɛ́ jo: kùlogolo siɛnnɛ, nɛ̀ ki yaʔa bàli pe 'siɛnrɛ fùgu dè nɛ̀ sɛbɛ dè, peli wáà wi 'ki sɛbɛ werige mmɛ gè, a ki 'yiʔɛ nɛ̀ kò: mi siɛnnɛ..
3Yewe yo, ŋáa wī siɛn wè, dí muɔ de wi wéli wè,
lewiile bèle, dí muɔ de sɔ̀ngí de taʔa nɛ́ pe ní#144.3 Wéli baa 8.5. ?
4Siɛn wiī bɛ̀ ŋɔ́nɔ tíɛlɛ;
wi cɛnyɛ yiī bɛ̀ nyúmɔ tíɛlɛ bàa pi tóri bè#144.4 Wéli baa 39.7; 102.12; 109.23..
5Yewe yo, ma muɔ nyìʔɛnɛ múgu lè ma tìgi#144.5 Wéli baa 18.10.,
cò ma taa nyaguruyo nɛ̄ yè, yi de wírigi#144.5 Wéli baa 104.32..
6Ma kàsakpɛnigɛ nyíʔɛnimɛ tìrige bè, ma leguulo cɛrigɛ bèle !
‑Muɔ ŋaaya ŋɔ yè ma pe cìra pe fɛ̀#144.6 Wéli baa 18.15. !
7Bè muɔ yaʔa nyìʔɛnɛ nī lè,
‑muɔ kiyɛ sáʔa yè ma tìrige ma mi suɔ,
ma mi cò ma yige lasicuuyo nī yè nɛ́ nabɔnminɔ pe kiyɛ nī yè#144.7 Wéli baa 18.17-18.,
8bàli bīɛlɛ pe nyuɔyɔ yi káfinɛrɛ nyu dè,
bàli piyē nɛ pe kàliige kiyɛ yɛ̀gí yè
lɛ̀lɛ líì nī piyē nɛ kàlí bèri siɛnnɛ fáanni bèle#144.8 Isirayɛliyé nī bèle, a siɛn wi yé je kàli wè, wi nɛ̂ kàliige kɔli yɛ̀gɛ gè. Wéli baa Fàn 32.40..
9Kulocɛliɛ yo, je m'béri ŋúnuvɔngɔ ŋú muɔ mɛ́,
béri màʔagɛlɛ kiɛ bɔ̀licɛrigɛ kpúɔn gè muɔ mɛ́#144.9 Wéli baa 33.2-3..
10Muɔ ŋáà wī kùlofɔlilɔ pe suɔfɔli wè;
muɔ ma 'muɔ baakuɔwɔ Dawuda suɔ wè
kapiɛngbuɔn ŋɔsii mɛ́ wè ŋàa wi kùu kanʔa wè.
11Ma mi suɔ, ma mi cò ma yige nabɔnminɔ pe kiyɛ nī yè,
bàli nyuɔyɔ yi káfinɛrɛ nyu dè,
bàli piyē nɛ pe kàliige kiyɛ yɛ̀gí yè
lɛ̀lɛ líì nī piyē nɛ kàlí bèri siɛnnɛ fáanni bèle#144.11 Wéli baa 144.7-8..
12Bà ki bé puu dí weli jaala bèle, pe nàgapunmɔ lɛ̀lɛ nī lè,
pe bé puu bɛ̀ tiipunyɔ tíɛlɛ nyàa yi yɛ̀gí nɛ sìɛn yè.
Weli pórilo pe bé puu bɛ̀ tiindugugolo tíɛlɛ
gàli pe 'tɛn gèle bè nàkpanʔa fèri gè.
13Weli síkaanya yi bé nyì yaliire ti mìɛni feliye nɛ̄,
weli sìnbatoyo yi bé sii bè niʔɛ, nìʔɛboyo nìʔɛboyo, bè yi nàʔadiɛyɛ nyì yè.
14Weli nìɛyɛ yi bé kpólilo bè sùnmɔ le.
Weli leguulo piyě gbɛ̀ jaa bè tuu weli nɛ̄
bè weli cò fànʔa nɛ̄ bè kɛ́ nɛ́ weli níʔ#144.14 Eburu siɛnrɛ nī dè náʔa gè, siɛnrɛ dáà tiì fíligeʔ..
Funwuɔrɔ kɔnrɔ sǐ ní wáa weli kàaya dàliyɛ nī yèʔ.
15Siɛnnɛ bálì mɛ́ ki kpínʔini mmɛ gè, peli wuʔu kiī tànʔa#144.15 Wéli baa Fàn 28.3-4; 33.29. !
Bàli mɛ́ Yewe yē pe Kulocɛliɛ wè, peli wuʔu kiī tànʔa#144.15 Wéli baa 33.12; 146.5. !
ទើបបានជ្រើសរើសហើយ៖
Ŋúnuyɔ 144: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.
Ŋúnuyɔ 144
144
Bàli mɛ́ Yewe yē Kulocɛliɛ wè, peli wuʔu kiī tànʔa !
1 Dawuda wuʔu gī.
Kpuʔɔrɔ 'yɛli de tari Yewe nɛ̄ wè, mi kàdɛnigbaala lè#144.1 Wéli baa 18.2.,
wire ŋáà wi 'mi kiyɛ tɛnmɛ yè kapiɛnnɛ nɛ̄ lè
nɛ́ mi kabiʔɛlɛ ní gèle kàsii kpúɔngɛnmɛ nɛ̄ bè#144.1 Wéli baa 18.35..
2Wire wī mi Kulocɛliɛ ŋáà mi nyɛ́nì dɛ́ni wè#144.2 Wéli baa 59.10,17.,
wire wī mi làridiʔɛ lìrige nɛ́ ní mi líʔirejodiʔɛ gè,
wire ŋáà wi 'mi píle nɛ̀ suɔ wè.
Wiī mi timɔzigege; wire láara mi nɛ fé nɛ làrí;
wire wi kùlogolo siɛnnɛ cɛ́rigi bèle mi mɛ́#144.2 Eburulo siɛnliɛrɛ ti ki 'juu nɛ́ jo: a wire wi 'mi siɛnnɛ tɛ́ngɛ bèle mi fànʔa laara gè. Sɛbɛcɛ́nminɛ pálì ti sɔ̀ngí nɛ́ jo dùʔɔ siɛnrɛ ti yé juu nɛ́ jo: kùlogolo siɛnnɛ, nɛ̀ ki yaʔa bàli pe 'siɛnrɛ fùgu dè nɛ̀ sɛbɛ dè, peli wáà wi 'ki sɛbɛ werige mmɛ gè, a ki 'yiʔɛ nɛ̀ kò: mi siɛnnɛ..
3Yewe yo, ŋáa wī siɛn wè, dí muɔ de wi wéli wè,
lewiile bèle, dí muɔ de sɔ̀ngí de taʔa nɛ́ pe ní#144.3 Wéli baa 8.5. ?
4Siɛn wiī bɛ̀ ŋɔ́nɔ tíɛlɛ;
wi cɛnyɛ yiī bɛ̀ nyúmɔ tíɛlɛ bàa pi tóri bè#144.4 Wéli baa 39.7; 102.12; 109.23..
5Yewe yo, ma muɔ nyìʔɛnɛ múgu lè ma tìgi#144.5 Wéli baa 18.10.,
cò ma taa nyaguruyo nɛ̄ yè, yi de wírigi#144.5 Wéli baa 104.32..
6Ma kàsakpɛnigɛ nyíʔɛnimɛ tìrige bè, ma leguulo cɛrigɛ bèle !
‑Muɔ ŋaaya ŋɔ yè ma pe cìra pe fɛ̀#144.6 Wéli baa 18.15. !
7Bè muɔ yaʔa nyìʔɛnɛ nī lè,
‑muɔ kiyɛ sáʔa yè ma tìrige ma mi suɔ,
ma mi cò ma yige lasicuuyo nī yè nɛ́ nabɔnminɔ pe kiyɛ nī yè#144.7 Wéli baa 18.17-18.,
8bàli bīɛlɛ pe nyuɔyɔ yi káfinɛrɛ nyu dè,
bàli piyē nɛ pe kàliige kiyɛ yɛ̀gí yè
lɛ̀lɛ líì nī piyē nɛ kàlí bèri siɛnnɛ fáanni bèle#144.8 Isirayɛliyé nī bèle, a siɛn wi yé je kàli wè, wi nɛ̂ kàliige kɔli yɛ̀gɛ gè. Wéli baa Fàn 32.40..
9Kulocɛliɛ yo, je m'béri ŋúnuvɔngɔ ŋú muɔ mɛ́,
béri màʔagɛlɛ kiɛ bɔ̀licɛrigɛ kpúɔn gè muɔ mɛ́#144.9 Wéli baa 33.2-3..
10Muɔ ŋáà wī kùlofɔlilɔ pe suɔfɔli wè;
muɔ ma 'muɔ baakuɔwɔ Dawuda suɔ wè
kapiɛngbuɔn ŋɔsii mɛ́ wè ŋàa wi kùu kanʔa wè.
11Ma mi suɔ, ma mi cò ma yige nabɔnminɔ pe kiyɛ nī yè,
bàli nyuɔyɔ yi káfinɛrɛ nyu dè,
bàli piyē nɛ pe kàliige kiyɛ yɛ̀gí yè
lɛ̀lɛ líì nī piyē nɛ kàlí bèri siɛnnɛ fáanni bèle#144.11 Wéli baa 144.7-8..
12Bà ki bé puu dí weli jaala bèle, pe nàgapunmɔ lɛ̀lɛ nī lè,
pe bé puu bɛ̀ tiipunyɔ tíɛlɛ nyàa yi yɛ̀gí nɛ sìɛn yè.
Weli pórilo pe bé puu bɛ̀ tiindugugolo tíɛlɛ
gàli pe 'tɛn gèle bè nàkpanʔa fèri gè.
13Weli síkaanya yi bé nyì yaliire ti mìɛni feliye nɛ̄,
weli sìnbatoyo yi bé sii bè niʔɛ, nìʔɛboyo nìʔɛboyo, bè yi nàʔadiɛyɛ nyì yè.
14Weli nìɛyɛ yi bé kpólilo bè sùnmɔ le.
Weli leguulo piyě gbɛ̀ jaa bè tuu weli nɛ̄
bè weli cò fànʔa nɛ̄ bè kɛ́ nɛ́ weli níʔ#144.14 Eburu siɛnrɛ nī dè náʔa gè, siɛnrɛ dáà tiì fíligeʔ..
Funwuɔrɔ kɔnrɔ sǐ ní wáa weli kàaya dàliyɛ nī yèʔ.
15Siɛnnɛ bálì mɛ́ ki kpínʔini mmɛ gè, peli wuʔu kiī tànʔa#144.15 Wéli baa Fàn 28.3-4; 33.29. !
Bàli mɛ́ Yewe yē pe Kulocɛliɛ wè, peli wuʔu kiī tànʔa#144.15 Wéli baa 33.12; 146.5. !
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.