Ŋúnuyɔ 121
121
Yewe bé pɛn bè pa mi sáʔa
1 Fundaanra tánʔagbuɔlɔ ŋúnugo gī.
Mi 'mi nyapigele yɛ̀gɛ gèle nyaguruyo kɔli mɛ́ gè.
Sé mi sáʔafɔli wi bé kɔ́n ?
2 Yewe bé pɛn bè pa mi sáʔa,
wire ŋáà wi 'nyìʔɛnɛ nɛ́ dàala faan lè#121.2 Wéli baa 115.15; 124.8..
3Wiǐ ki yaʔa muɔ tɔliyɔ yi‑ pɔ̀liʔ#121.3 Wéli baa 66.9; Kàs 3.23,26..
Wire ŋáà wi muɔ wéli wè, wiǐ je ga ŋɔ́ni bè kpɔni púloʔ !
4Ki n'gɛ, Isirayɛliyé wélifɔli wè,
wi wè nɛ ŋɔ́ni nɛ kpɔniʔ, wi míɛni wè nɛ ŋɔ́niʔ !
5Yewe yē muɔ wélifɔli,
Yewe yē muɔ nyúmɔ, wi yē muɔ kàliige kɔli mɛ́#121.5 Peli mɛ́ bèle, kàliige kɔli mɛ́ gè, sáʔafɔli wi 'puu nɛ yèrí baa. Wéli baa 16.8; 109.31; 110.5; 142.5..
6Cɛnvugo nɛ̄ gè, cɛngɛ kiǐ jeri muɔ wáariʔ,
nɛ́ míɛni pìlige nī gè, nzùʔu kiǐ jeri kapiile kpínʔini muɔ nɛ̄ʔ !
7Yewe béri muɔ wéli kapiʔi ki mìɛni nɛ̄;
wi béri muɔ sìi wéli wè.
8Yewe wi béri muɔ wéli a muɔ nɛ waa tánʔana nɛ̄ lè,
a muɔ 'koli nɛ báan míɛni wè#121.8 Wéli baa Fàn 28.6; Tɔ́r 27.17.,
píra ŋáà nī wè nɛ́ lɛ̀lɛ ó lɛ̀lɛ nī wè.
ទើបបានជ្រើសរើសហើយ៖
Ŋúnuyɔ 121: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.