Ŋúnuyɔ 113
113
Yewe wiī duniya wi mìɛni naamɛ
1 Ye- Yewe gbùʔɔrɔ wè !
Yeli bálì bīɛlɛ Yewe baakuɔlɔ bèle, yeri Yewe míʔɛ gbùʔɔrɔ́ gè#113.1 Gbùʔɔrilɔ náà wuʔu ki nyu náʔa gè, fundaanra ŋúnuyɔ gboli niī nɛ séligi (113-118), nyàa pe 'puu nɛ ŋú fundaangbuɔrɔ lɛ̀gɛlɛ nī gèle Isirayɛli kùlo nī lè (wéli baa Tɔ́r 10.10; Zan 10.22). Torimakiyaʔa Fundaanra nī dè, pe nɛ̂ 113 nɛ́ 114 ŋú yè sɛ́ni pe 'lìi wè. !
2 Kpuʔɔrɔ 'yɛli ti de tari Yewe míʔɛ nɛ̄ gè,
bè ki séli ŋɔ̀ wè fúɔ lɛ̀lɛ ó lɛ̀lɛ !
3Cɛngɛnyɛnifoligɔli mɛ́ gè bè sa nɔ̀ cɛngɛnyɛnijiingɔli mɛ́ gè,
siɛnnɛ peri Yewe míʔɛ kpóri gè !
4Yewe wiī kùlogolo ke mìɛni naamɛ;
wi kpuɔmɔ piī nyìʔɛnɛ naamɛ wómiwomi !
5Ŋáa wī bɛ̀ Yewe weli Kulocɛliɛ tíɛlɛ wè ?
Wiī baa tɛ́niwɛ wi kùlofɔlilɔ kácunʔɔ nɛ̄ gè
nyìʔɛnɛ tiɛliiliye nī yè,
6níɛ̀ nyùgo cùungu gè nɛ̀ nyìʔɛnɛ nɛ́ dàala wéli lè.
7Wire wiī nɛ fɔ̀ngɔfɔlilɔ yigi bèle fuɔnrɔ nī dè,
níɛ fuunmɔfɔlilɔ yigi bèle káfugo nī gè,
8bè pe kpíʔile pe‑ tɛ́ni nɛ́ siɛnkpolilo ní bèle,
wi kùlo siɛnnɛ siɛnkpolilo bèle#113.8 Wéli baa Sam1 2.8; Luk 1.52-53..
9Wiī nɛ ki kpínʔini cɛliwɛ ŋáà wī sìndigicuɔ wè,
wire nɛ̂ kò pìile nuu nɛ̀ fundaanra taa#113.9 Wéli baa Sam1 1.6-7,10..
Ye- Yewe gbùʔɔrɔ wè !
ទើបបានជ្រើសរើសហើយ៖
Ŋúnuyɔ 113: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.