Iruruputo 25
25
Paula ka zario soroilo Romu ala Matu Aikovakova kasi
1Ni zouke ṉaniu ko tova inio Fesitasi ta o baroake Jiudia rana sai vo o taniekekoi Qavuna elo, ni vota ota olake Sizaria azo Jerusalema, 2ni se raura kama siama madu ni se Jiu ama tanamu ta keta olake vokasi vai kuirikole vo Paula. Ni seta kevai matu titiake vo Fesitasi 3tu vota o vati kilo vo Paula Jerusalema tu o zolemo se, ako seta lula ke ereke ko nakatato tu ke vouvaevo vo Paula voko talio kale Jerusalema kikelake sole. 4Ni Fesitasi ta o opatake ni eri kiolake, “Paula ta kebe vati vaila Sizaria pirito pade kale, ni aṉata pui vaṉa inio sai ada vaitou. 5So sole kake meko tanamu ta ke ziovou aṉa sate Sizaria tu kepa vai kuiriko voa maba sai, vota lula o sarueka kama quli kimevou ta,” kiolake.
6Ni Fesitasi ta o evake se sate sai siotolu ma toni ṉaniu sai kazo inio vota ota olake Sizaria peuru kale. Ni koko raneo kale inio okai papuake voko titizato ko papupapu ni vota o bazuemake voko maba madu tu ke amaqivo vo Paula. 7Ni so keru Paula o baroa keru sai, nio se Jiu amu seke kuevini Jerusalema azo ta ke levoevake tava lojo voko levoano ni ke taniekake ereko ko matuma kuiripato vokasi, ko pui ke roveako kasa taka iko koko tuveano. 8Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.
9Melai Fesitasi ta oka zariake tu zolemo se Jiu ama tanamu so sole vota o kuimaevake vo Paula ni eri kiolake, “Ṉota ṉobe ka zariovou tu zio Jerusalema ni me madoekou taka vailiko komia kuiripato ko tuveano aṉako tanama kale sai kio?” kiolake.
10Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia. 11Aṉata lula a bazoka Mosese ko Bazu ni a ereka kama quli koko reketekete ta vou aqai toraeko ama tea, aṉata pui aba pasetou tu ada ka soqoilo ko. Melai se kelai kuirikako quli aṉa ta pui nio tuvevo ama ka kinola, sole puliala ta o zarizia vaelo seko ṉase topi. Aṉata ava zaria vo Romu ala Matu Aikovakova tu vota o vatoelo aṉa voko titizato kale,” kiolake.
12So sole vo Fesitasi ta o mati pesipesitake voko maba poso saita inio eri kiolake, “Ṉota ṉoqa zaria zio Matu Aikovakova kasi tu vota o vatoeṉo voko titizato kale kiṉola, sole uri tu ṉota ṉo ziovou vo Matu Aikovakova kasi,” kiolake.
Paula ko lojolo Aqiripa ni Benisi ko kuleto
13Ni kama ṉaniu poso ko tova inio Aikovakova Aqiripa ni Benisi ta qo kuevake Sizaria tu qopa zolevo vo Fesitasi nioqako soipivo kale vo kiqolake. 14Lula kubo ṉaniu qota evake nioqa sai, nio Fesitasi ta o vati pesiake vo Aikovakova Aqiripa vo Paula kale avo, ni eri kiolake, “Inevoana kala pado maba koi pirito pade kale obeta evani Filekisi o vaeveni sai. 15Ni so keru aṉa a qeve keru Jerusalema, ta se raura kama siama madu ni se Jiu ama tanamu ta ke lati kasekake koa kuiripato se kevai kuirikema vo ni seta ke paselake aṉa tu aṉata a ditizivo tu vota o vou kikelake. 16Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli. 17Ni so keru seke kue keru koi, aṉata maba pui a daruanake melai maba koko raneo kale ala ṉaniu kale inio aṉata a daniekake ko titizato ni aṉata a bazuemake aṉako maba poso tu ke amaqivo voa maba. 18Nio se kevai kuirikani melai ke lojoake, melai seta pui kevai kuirikake kama vou sama matu ruqe ama quli ko aṉa aqai kuirikevo. 19Melai koa kiadavo se kikevevo ta vati aivekinio vo ke ṉaviko lotu ko kio kale avo ni vo Jisu o ṉi sala maba kale avo, vo o vovini, melai Paula ta o kasekake ta vota mata ota saeve voukale azo kiolake sole. 20Aṉata pui a uria paqumukake tu a bitasiko koa bazu poso kale avo, nio aṉata a quimaevake vo Paula ta o zariovou ta o ziovou Jerusalema tu kepa vai kuirikou sai komi quli. 21Melai Paula ta o pasetake tu vota o kovou ko titizikinio Romu ala Matu Aikovakova kasi tu vo inio ova pitasikou koa aivekinio vo ni seko kiolake. So sole aṉata a bazuevake vo tu vota obeta elo koa vailo kale ti kobeta barolou aṉa a roveovou keru soroevo vo Romu ala Matu Aikovakova kasi,” kiolake.
22Ni Aqiripa ta eri kiolake Fesitasi kasi, “A ṉavi ada va viqou nea maba.” Nio vo Fesitasi ta eri kiolake, “Ṉota ṉoda va viqou vo leama ṉaniu kale,” kiolake. 23Nio koko raneo kale inio Aqiripa ni Benisi ta qo kuevake ni qo amaqeake matuma rauraeko kale nioqa koa taku koa titizikinio ko matu lose kale raura kama solodia poso sate ni koa peuru kale ama tanatanamu sate. Nio Fesitasi ta o bazuemake se tu seta ke amaqivo vo Paula. 24Ni Fesitasi ta eri kiolake, “Aikovakova Aqiripa ni mea kiada mela meme evani mela koi anime kasi: Meta me vea nea maba kiadama se Jiu amu kevai kideipani, komia zaekale ni so jari Jerusalema, ta lula kelai nurunurua aṉa. Seta ke matu upaupatake tu vota taukavole o vou kikelake. 25Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo. 26Melai aṉata pui aqai nianiia aṉa a rikieko ama quli koa voko tavai bazuto ko leta kale. So inio aṉata lula a vati kuela koi meko tanama kale—ni matuma quli ta ṉoa Aikovakova Aqiripa ṉa ko tanama kale! — nio so keru aṉa aqai nianiiovou keru voko vai kuiriziako quli, nio aṉata ada va rikiekou ko quli. 27Ako kota pui uri ama quli aṉa kasi tu aṉata a joroevou kala piri kale puliako uria zakaremu elo vo maba kovai kuiriziako quli,” kiolake.
ទើបបានជ្រើសរើសហើយ៖
Iruruputo 25: BLBNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.
Iruruputo 25
25
Paula ka zario soroilo Romu ala Matu Aikovakova kasi
1Ni zouke ṉaniu ko tova inio Fesitasi ta o baroake Jiudia rana sai vo o taniekekoi Qavuna elo, ni vota ota olake Sizaria azo Jerusalema, 2ni se raura kama siama madu ni se Jiu ama tanamu ta keta olake vokasi vai kuirikole vo Paula. Ni seta kevai matu titiake vo Fesitasi 3tu vota o vati kilo vo Paula Jerusalema tu o zolemo se, ako seta lula ke ereke ko nakatato tu ke vouvaevo vo Paula voko talio kale Jerusalema kikelake sole. 4Ni Fesitasi ta o opatake ni eri kiolake, “Paula ta kebe vati vaila Sizaria pirito pade kale, ni aṉata pui vaṉa inio sai ada vaitou. 5So sole kake meko tanamu ta ke ziovou aṉa sate Sizaria tu kepa vai kuiriko voa maba sai, vota lula o sarueka kama quli kimevou ta,” kiolake.
6Ni Fesitasi ta o evake se sate sai siotolu ma toni ṉaniu sai kazo inio vota ota olake Sizaria peuru kale. Ni koko raneo kale inio okai papuake voko titizato ko papupapu ni vota o bazuemake voko maba madu tu ke amaqivo vo Paula. 7Ni so keru Paula o baroa keru sai, nio se Jiu amu seke kuevini Jerusalema azo ta ke levoevake tava lojo voko levoano ni ke taniekake ereko ko matuma kuiripato vokasi, ko pui ke roveako kasa taka iko koko tuveano. 8Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.
9Melai Fesitasi ta oka zariake tu zolemo se Jiu ama tanamu so sole vota o kuimaevake vo Paula ni eri kiolake, “Ṉota ṉobe ka zariovou tu zio Jerusalema ni me madoekou taka vailiko komia kuiripato ko tuveano aṉako tanama kale sai kio?” kiolake.
10Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia. 11Aṉata lula a bazoka Mosese ko Bazu ni a ereka kama quli koko reketekete ta vou aqai toraeko ama tea, aṉata pui aba pasetou tu ada ka soqoilo ko. Melai se kelai kuirikako quli aṉa ta pui nio tuvevo ama ka kinola, sole puliala ta o zarizia vaelo seko ṉase topi. Aṉata ava zaria vo Romu ala Matu Aikovakova tu vota o vatoelo aṉa voko titizato kale,” kiolake.
12So sole vo Fesitasi ta o mati pesipesitake voko maba poso saita inio eri kiolake, “Ṉota ṉoqa zaria zio Matu Aikovakova kasi tu vota o vatoeṉo voko titizato kale kiṉola, sole uri tu ṉota ṉo ziovou vo Matu Aikovakova kasi,” kiolake.
Paula ko lojolo Aqiripa ni Benisi ko kuleto
13Ni kama ṉaniu poso ko tova inio Aikovakova Aqiripa ni Benisi ta qo kuevake Sizaria tu qopa zolevo vo Fesitasi nioqako soipivo kale vo kiqolake. 14Lula kubo ṉaniu qota evake nioqa sai, nio Fesitasi ta o vati pesiake vo Aikovakova Aqiripa vo Paula kale avo, ni eri kiolake, “Inevoana kala pado maba koi pirito pade kale obeta evani Filekisi o vaeveni sai. 15Ni so keru aṉa a qeve keru Jerusalema, ta se raura kama siama madu ni se Jiu ama tanamu ta ke lati kasekake koa kuiripato se kevai kuirikema vo ni seta ke paselake aṉa tu aṉata a ditizivo tu vota o vou kikelake. 16Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli. 17Ni so keru seke kue keru koi, aṉata maba pui a daruanake melai maba koko raneo kale ala ṉaniu kale inio aṉata a daniekake ko titizato ni aṉata a bazuemake aṉako maba poso tu ke amaqivo voa maba. 18Nio se kevai kuirikani melai ke lojoake, melai seta pui kevai kuirikake kama vou sama matu ruqe ama quli ko aṉa aqai kuirikevo. 19Melai koa kiadavo se kikevevo ta vati aivekinio vo ke ṉaviko lotu ko kio kale avo ni vo Jisu o ṉi sala maba kale avo, vo o vovini, melai Paula ta o kasekake ta vota mata ota saeve voukale azo kiolake sole. 20Aṉata pui a uria paqumukake tu a bitasiko koa bazu poso kale avo, nio aṉata a quimaevake vo Paula ta o zariovou ta o ziovou Jerusalema tu kepa vai kuirikou sai komi quli. 21Melai Paula ta o pasetake tu vota o kovou ko titizikinio Romu ala Matu Aikovakova kasi tu vo inio ova pitasikou koa aivekinio vo ni seko kiolake. So sole aṉata a bazuevake vo tu vota obeta elo koa vailo kale ti kobeta barolou aṉa a roveovou keru soroevo vo Romu ala Matu Aikovakova kasi,” kiolake.
22Ni Aqiripa ta eri kiolake Fesitasi kasi, “A ṉavi ada va viqou nea maba.” Nio vo Fesitasi ta eri kiolake, “Ṉota ṉoda va viqou vo leama ṉaniu kale,” kiolake. 23Nio koko raneo kale inio Aqiripa ni Benisi ta qo kuevake ni qo amaqeake matuma rauraeko kale nioqa koa taku koa titizikinio ko matu lose kale raura kama solodia poso sate ni koa peuru kale ama tanatanamu sate. Nio Fesitasi ta o bazuemake se tu seta ke amaqivo vo Paula. 24Ni Fesitasi ta eri kiolake, “Aikovakova Aqiripa ni mea kiada mela meme evani mela koi anime kasi: Meta me vea nea maba kiadama se Jiu amu kevai kideipani, komia zaekale ni so jari Jerusalema, ta lula kelai nurunurua aṉa. Seta ke matu upaupatake tu vota taukavole o vou kikelake. 25Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo. 26Melai aṉata pui aqai nianiia aṉa a rikieko ama quli koa voko tavai bazuto ko leta kale. So inio aṉata lula a vati kuela koi meko tanama kale—ni matuma quli ta ṉoa Aikovakova Aqiripa ṉa ko tanama kale! — nio so keru aṉa aqai nianiiovou keru voko vai kuiriziako quli, nio aṉata ada va rikiekou ko quli. 27Ako kota pui uri ama quli aṉa kasi tu aṉata a joroevou kala piri kale puliako uria zakaremu elo vo maba kovai kuiriziako quli,” kiolake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in the Bilua language, Solomon Islands © The Bible Society of the South Pacific, 1995.